|
وجهة نظر بالنسبة لتسجيل المواد
السلام عليكم لاحظت الإختلاف بالأراء بالنسبه لتسجيل المواد واللي وده بساعات اكثر واللي وده بساعات أقل واللي واللي بالنسبة لجدولي 1- العقيدة الاسلامية 2- مبادى المحاسبة 2 3- تقنية المعلومات 1 4- مبادىء الإقتصاد الكلي 5- مبادىء الرياضيات 2 المجموع = 14 ساعة أسباب اختياري للمواد :- * اكمل الجزء الثاني للمواد عشان مااطلع من المود اضافة الى مادتين جديدة عوضا عن مبادىء الاداراة والقانون اللي كنت ادرسهم وعديتهم يعني الجو ماتغير علي كثير * مراعاة لجدول الإختبار وتجنب الدخول في متاهة الفترتين بنفس اليوم وانا جربت الاختبار بالمستوى الأول اللي راح فتره وحده وعذاب فمابالك بفترتين وكل انسان له قدرات واللي يحس انه يقدر على فترتين الله يوفقه * المعدل يتأثر اذا زادت المواد فخليت نسبة المخاطره اقل بأختياري ساعات اقل * المواد اللي مااخذتها بالترم هذا مثل الانقلش والصحة وأجلتها ( لو بتأخر ترم بالتخرج عشان المواد المؤجلة ) ايهما افضل اضغط على نفسي بكثرة المواد واتعثر وانجح بمعدل منخفض او عادي ؟ أو اتأخر ترم واحافظ على معدل حلو ؟ الاجابه تختلف على حسب رغبة الطالب وإن شاءالله مانضطر نتأخر * من ناحيه ماديه بيصير مقارب للترم الأول أتمنى للجميع التوفيق ولاتنسون الموضوع تراه وجهة نظر |
رد: وجهة نظر بالنسبة لتسجيل المواد
وعليكم السلام
وجهة نظر سليمة ومفيدة جداً فعلاً لا داعي لأن نضغط على انفسنا بمواد اكثر وينزل المعدل بشكل كبير.. الله يوفقك ويوفق الجميع.. |
رد: وجهة نظر بالنسبة لتسجيل المواد
اقتباس:
دايما اسمع هالعبارة بس ماعرفت الرابط بين كثرة المواد ونقصان المعدل :(107): اذا تقصد ان المعدل بيقل نتيجة لزيادة المواد الذي يؤدي إلى زيادة الضغط فيترتب عليه درجات ناقصة هذا أعرفه فيه سبب ثاني ينقص المعدل إذا زادت المواد ؟؟ والله جد نفسي أعرف ماأستهبل ..! |
رد: وجهة نظر بالنسبة لتسجيل المواد
أنا أخترت نفس موادك
ولكن بما أنه مسموح إنزال مواد من المستوى الثالث بحسب إفادة عميد المنتدى ( ميسي ) نزلت نظم معلومات وصار عندي 17 ساعة ..! أنا ما عندي مشكلة في التخرج ... ولكن قضية المعدل لم أفهمها بعد ؟ كيف يتأثر المعدل ؟ |
رد: وجهة نظر بالنسبة لتسجيل المواد
طيب الحين المستوى الثالث ايضا 7مواد وراح تضطر تحذف مواد عشان برضو معدلك والضغط وراح تتراكم عليكم المواد الي بتاجلها من مستوى ثالث مع المواد المؤجله من مستوى ثاني
وراح تسوي في كل ترم كذا شوف متى راح تتخرج يمكن بعد 6سنوات كنك دارس طب ملل انا اشوف الواحد يشد حيله ويحاول ما يترك ساعات متراكمه عليه |
رد: وجهة نظر بالنسبة لتسجيل المواد
انا جدولي 5 مواد يعني 15 ساعة واشوفه كفاية بس لما شفت الكل 17 و18 ساعة بديت :mh12: اشك في نفسي مدري انا صح:(204): أو خطا:(177): ياليت احد ينورنا :106:
|
رد: وجهة نظر بالنسبة لتسجيل المواد
والله لكل شخصه وجهه نظر ... انا اخذت 18 ساعه ..اي 7 مواد ..والله المواد فينا فينا ..يعني لابد ندرسه ..وان شاء الله تكون سهله ..والله يسهل على الجميع :106:
|
رد: وجهة نظر بالنسبة لتسجيل المواد
اقتباس:
كثير يقول ان المعدل مهم عند التخرج والموجودين طبعا يعتقدون ان زيادة المواد راح تخلي الواحد يتشتت وما يذاكر زين وبالتالي تنزل درجاته ويقل المعدل وهالشيء ما يبونه.. فهمتي اللحين:biggrin: |
رد: وجهة نظر بالنسبة لتسجيل المواد
أنا نزلت 6 مواد وأجلت الصحة وماخذت شي من مستوى ثالث
ولو النظام يسمح ب19 ساعة كان نزلت الصحة بعد :biggrin: |
رد: وجهة نظر بالنسبة لتسجيل المواد
انا نززلت 16 ساعه
رياضيات2 محاسبه2 انجليزي صحه وللياقه ثقافه اقتصاد كلي ياارب يووفقننااا |
| All times are GMT +3. الوقت الآن حسب توقيت السعودية: 07:15 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه