ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 2 (https://vb.ckfu.org/f306)
-   -   تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم (https://vb.ckfu.org/t186112.html)

حلمي الامل 2011- 5- 30 09:24 AM
تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
السلام عليكم
صبحكم الله بكل خير


طبعاً واضح من العنوان
واتمنى انكم تتحملون كلامي وتسمعونه بصدر رحب

كلمت الاستاذ أحمد عشان سالفه المشاركات والبلاك بورد

قالي انه لازم من اول السنه تشاركون لو بالاسبوع مشاركه
عندكم بالترم 14 محاضره
كل ماجيتو تنزلون محاضره شاركوا بمشاركه وحده

طبعاً انا قلت له يااستاذ اني انا مشاركه من اول الترم والشهر هذا ماسويت شي
قالي ماعليك لانها متثبته بس المهم ماتكون مشاركات عاديه لازم شي تخص الماده
الشي الثاني
الي قالي عليه وفعلاً اعجبني كلامه
انك انتي او انت يالي داخلين الجامعه وتبون كل شي جاهز لكم حتى الدرجات تبونها كامله
انا ارد عليكم واقول وانا من ضمنكم
وشوله داخلين الجامعه ونبي كل شي كامل مكمل
ليش مانتعب شوي
معليش بتقولون داخلين بفلوسنا
طيب هذولا الي داخلين بفلوسهم امثال جامعه الملك عبدالعزيز وجامعه سلطان ودار العلوم والجامعه المفتوحه وغيرها وغيرها
هذاهم يدفعون ويتعبون والدرجه يشترونها شرى والدرجه من عيونهم تطلع وفوق كل هذا بالترم يدفعون اقل شي 4 الالاف ريال الى 6 الاالاف
و
اقرب شي لنا جامعه الامام
25 سؤال على 100 درجه يمديكم كذا؟؟
والله ثم والله ياجماعه الخير اننا بنعمه
وماتوقع ان عقلاياتكم لازالت غير مدركه للي اقوله

الزبده من كلامي طالت اعماركم

من اليوم وانا معكم <<<< لاحظوا اني حاطه نفسي معكم لاني مثلي مثلكم وبالهوى سوا

ان الي ناقصه شي سواء مشاركه او غيره يسويها بشي فيه منفعه
شكرا يعطيك العافيه خرابيط لا مايبونها

مافيه شي بدون تعب
مافيه شي بدون جد
اول مره بحياتي اسمع ان الذهب يجيك لحد بابك
لازم نتعب عشان نشتري هالذهب

الا اذا عاد مسوين سحر فاانا والله اعفي نفسي من الكلام ومن التدخل في ما لايلزمني


اتمنى ان كلامي وصل لاصحاب العقول النيره
وانا والله ماانا الا في ضيق من امري للي حصل
بس تدلعنا الترم الي راح
والترم هذا لازم نشد حيلنا

مو حياه بتأثر علينا والا جامعه
صدقوني
اذا شي بيأثر عليك تقدرون تتركونه بقناعه تامه
رغم اني الالحاح والطموح بيرفعك عن الي حولك ولا يخليك تحتاج لاحد

طموحي انقلع برى واكمل الحياه هناك

وصل كلامي ؟؟؟



فمان الله

ولد حبيل 2011- 5- 30 09:55 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
مشكورة علي الطرح والقاء الواقي

مخربها 2011- 5- 30 10:07 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اختصار لازم تشاركوووون مشاركات فعااالة >>>يعني يبي يقنعني انه يبي يراجع المشاركات كلها ههههههههههههه

الطالبة المعذبة 2011- 5- 30 10:11 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
طيب حنا غلطانين ونبي نصلح الغلط وربي ما شاركت ابي اشارك والبلاك مايفتح معايا

ما ابي الدرجة تروح عليا :Cry111: السنة الجايه يسير خير بشارك من اولها

سيدة الأسئلهـ 2011- 5- 30 10:14 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة حلمي الامل (المشاركة 3633213)
كلمت الاستاذ أحمد عشان سالفه المشاركات والبلاك بورد

قالي انه لازم من اول السنه تشاركون لو بالاسبوع مشاركه
عندكم بالترم 14 محاضره
كل ماجيتو تنزلون محاضره شاركوا بمشاركه وحده


أقوول حلمي اصدميني اصدميني قولي ان درجات الأسابيع اللي ماشاركنا فيها راحت

عادي عادي ترى شبعنا صدمات صدمة جديدة مابتأثر :biggrin:

انا سمعت الكلام هذا من قبل بس ماتوقعت يطبقونه

عالعموم كلامك سليم والله يعين








.

яαησσѕнα 2011- 5- 30 10:17 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
نبيهم بس يضبطون لنآ البلآك بسسس

واحنا نشآرك بعديين


يسلمووو حلمي ع التغطيه :106:

(» мs Ёℓǻƒ .. ♥) 2011- 5- 30 10:21 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
:cool:

حلمي يعطيك الف عافيه

جد حنا قصرنا
في المشاركه
بس ترا موقعهم مشاكل
يعني مثل امس المحاسبه ابي كم محاضره اشوفها مايفتح معي
:017:

طموح لا ينكسر 2011- 5- 30 10:30 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
الاخوة الكرام

انا بنفسي قابلت احد المسؤوليين عن البلاك بورد واخبرني ان كل شيء مُسجل !!

شيء طبيعي المسؤولين في الجامعة يشجعوا على المشاركات الفعالة ..ولكن السيستم في الحقيقة يحسب كل شيء !!

ولذى جرى التنويه ....ولا امتلك اليقين لكن يعلم الله انقل لكم ما حدث !!!

وفقكم الله لكل خير و حفظكم من كل سوء

طموح لا ينكسر

ibrss1399 2011- 5- 30 10:31 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
كل يوم قرار جديد ... الى متى

ياربي من هذا النظااااااااااااااااام :mh12:

حلمي الامل 2011- 5- 30 10:32 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة سيدة الأسئلهـ (المشاركة 3633622)

أقوول حلمي اصدميني اصدميني قولي ان درجات الأسابيع اللي ماشاركنا فيها راحت

عادي عادي ترى شبعنا صدمات صدمة جديدة مابتأثر :biggrin:

انا سمعت الكلام هذا من قبل بس ماتوقعت يطبقونه

عالعموم كلامك سليم والله يعين



.

ههههههههه:hahahahahah: حسيت وانتي تقولينها انك تتطنزين لبى قلبك

تعالي تعالي يالماصله انتي وينك امس قاعدين ندورك نعزمك على القهوه معنا

بعدين شوفي ترى المشاركات الي من اول يقول متثبه يعني ان شاءالله مانمسحت

شوفي عدد مشاركات بطريقه البحث ووقتها تعرفين كم انتي مشاركه
هو الضعيف الاستاذ احمد يقولي والله مانبي الا 14 بس ماقال 140 ؟؟:53:

الشعباوي 2011- 5- 30 10:33 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
مشكور

بس واجب المحاسبة الثالث وينه لم تنزلة درجته لنا احنا الطلاب يعني مازالت دراجات الواجب 6 واحنا حالين في أول دقيقه نزل الواجب فيها ليش محد كلم الجامعه عن هذا الخلل كيف تضيع علينا 4 درجات والسبب الجامعه ثم يجون ويقولون انتم متأخرين هذا الكلام شبعنا منه واجب كامل لم نعطى درجته طيب منهو المتسبب نبي حل الآن :41jg::41jg::41jg:

حلمي الامل 2011- 5- 30 10:33 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة *فيونه* (المشاركة 3633654)
نبيهم بس يضبطون لنآ البلآك بسسس

واحنا نشآرك بعديين


يسلمووو حلمي ع التغطيه :106:

ايه بيتضبط ياقمر بس انتي هدي امورك واحسن شي ادخلي البلاك بورد من متصفح ثاني ووقت الفجر بيصير طيراااااااااان

حلمي الامل 2011- 5- 30 10:34 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة همس الحرياير (المشاركة 3633695)
:cool:

حلمي يعطيك الف عافيه

جد حنا قصرنا
في المشاركه
بس ترا موقعهم مشاكل
يعني مثل امس المحاسبه ابي كم محاضره اشوفها مايفتح معي
:017:

صادقه بس وشوله ذا العصبيه :biggrin:

حلمي الامل 2011- 5- 30 10:35 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة طموح لا ينكسر (المشاركة 3633777)
الاخوة الكرام

انا بنفسي قابلت احد المسؤوليين عن البلاك بورد واخبرني ان كل شيء مُسجل !!

شيء طبيعي المسؤولين في الجامعة يشجعوا على المشاركات الفعالة ..ولكن السيستم في الحقيقة يحسب كل شيء !!

ولذى جرى التنويه ....ولا امتلك اليقين لكن يعلم الله انقل لكم ما حدث !!!

وفقكم الله لكل خير و حفظكم من كل سوء

طموح لا ينكسر
جزاك الله كل خير

والله يوفق الجميع

حلمي الامل 2011- 5- 30 10:36 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة ibrss1399 (المشاركة 3633785)
كل يوم قرار جديد ... الى متى

ياربي من هذا النظااااااااااااااااام :mh12:

مو قرار جديد
هذا من زمان بس حنا مانفهم الا بالاخير

الله يعين

حلمي الامل 2011- 5- 30 10:38 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة الشعباوي (المشاركة 3633811)
مشكور



بس واجب المحاسبة الثالث وينه لم تنزلة درجته لنا احنا الطلاب يعني مازالت دراجات الواجب 6 واحنا حالين في أول دقيقه نزل الواجب فيها ليش محد كلم الجامعه عن هذا الخلل كيف تضيع علينا 4 درجات والسبب الجامعه ثم يجون ويقولون انتم متأخرين هذا الكلام شبعنا منه واجب كامل لم نعطى درجته طيب منهو المتسبب نبي حل الآن :41jg::41jg::41jg:


طيب جزاك الله خير ورى ماتكلم الجامعه انت بنفسك وبالتحديد الاستاذ احمد الشعيبي تراه مررره متساهل ومتساعد معنا
خذ الخبر من راسه احسن
الى متى الاعتماد على الغير


اعتمدوا على الله ثم على انفسكم

سيدة الأسئلهـ 2011- 5- 30 10:44 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة حلمي الامل (المشاركة 3633802)
ههههههههه:hahahahahah: حسيت وانتي تقولينها انك تتطنزين لبى قلبك

تعالي تعالي يالماصله انتي وينك امس قاعدين ندورك نعزمك على القهوه معنا

بعدين شوفي ترى المشاركات الي من اول يقول متثبه يعني ان شاءالله مانمسحت

شوفي عدد مشاركات بطريقه البحث ووقتها تعرفين كم انتي مشاركه
هو الضعيف الاستاذ احمد يقولي والله مانبي الا 14 بس ماقال 140 ؟؟:53:


ههههههههههههههههههه لا ماتطنزت يمكن بس شوي :mh318:

لا انا قصدي يعني لازم نشارك كل أسبووع؟؟

طيب واللي شاركت الـ 14 مشاركة مرة وحدة وش وضعها ؟؟ :biggrin:





.

حلمي الامل 2011- 5- 30 10:46 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة سيدة الأسئلهـ (المشاركة 3633907)

ههههههههههههههههههه لا ماتطنزت يمكن بس شوي :mh318:

لا انا قصدي يعني لازم نشارك كل أسبووع؟؟

طيب واللي شاركت الـ 14 مشاركة مرة وحدة وش وضعها ؟؟ :biggrin:





.

ايه انا اردى منك من سنه جدي الله يرحمه مشاركه وقالي تتثبت وتنحسب

عاد حنا مالنا الا الصبر ونشوف
شدي حيلك بالاختبار وبس

الله يوفقنا يارب

الشعباوي 2011- 5- 30 10:50 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
ابي رقم الاستاذ احمد الشيعبي بكلمه بس الطلاب كلهم عندهم نفس المشكله

حلمي الامل 2011- 5- 30 10:53 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة الشعباوي (المشاركة 3633970)
ابي رقم الاستاذ احمد الشيعبي بكلمه بس الطلاب كلهم عندهم نفس المشكله

تفضل هذا الرابط

http://www.kfu.edu.sa/ar/Deans/elearning/Pages/contacts.aspx

وفيه ارقام المسئولين المعتمدين والله يوفق الجميع

الشعباوي 2011- 5- 30 11:02 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة حلمي الامل (المشاركة 3634001)
تفضل هذا الرابط

http://www.kfu.edu.sa/ar/deans/elearning/pages/contacts.aspx

وفيه ارقام المسئولين المعتمدين والله يوفق الجميع


شكراً جزاك الله خيراً وفالك الفل مارك

dloo 2011- 5- 30 11:11 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
..

المشكله محد يرد :017:
من الصباح ادق على احمد الشعيبي و عبدالعزيز الشيخ
ومحد يرد !
نبي نستفسر عن اشياء طيب وش نسوي .. !

..

..

99% 2011- 5- 30 11:42 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
صباحكم خير

اذا تبي احد يرد عليك من مسؤلي الجامعة ... اتصل من تلفون ثابت

أنا اتصلت من تلفون المكتب .. و رد علي الشعيبي

تحياتي

وردة الجوووري 2011- 5- 30 11:48 AM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
كلااامك سليم مية المية .. لآآزم نتعب عشان نحصل اللي نبيه ..
يسلمووو يالغلا ..
عليك أسلووب بالكلام كذا :(204): أحب اقرا ردودك وومواضيعك يعجبني اسلووبك :biggrin:

حلمي الامل 2011- 5- 30 01:00 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة وردة الجوووري (المشاركة 3634538)
كلااامك سليم مية المية .. لآآزم نتعب عشان نحصل اللي نبيه ..
يسلمووو يالغلا ..
عليك أسلووب بالكلام كذا :(204): أحب اقرا ردودك وومواضيعك يعجبني اسلووبك :biggrin:


لبى قلبك
تسلمين ياقمر

ناسي اسمي 2011- 5- 30 01:02 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
طيب انا شاركت من بداية الترم لكن مدري كم مشاركه

على الاقل يضبطون البحث بالبلاك بورد عشان اعرف كم شاركت :mad:

alqadi2002 2011- 5- 30 01:06 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
يعطيك الف عافيه البلاكبورد مفتوح وكملت
اليوم أغلب المواد ولله الحمد وكل شيئ 100% :(204):

نسأل الله التوفيق والناجح لنا جميعاً ,,

حلمي الامل 2011- 5- 30 01:08 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
يارب الله يوفقنا وياكم ان شاءالله


مشكله البحث عند البعض
غير المتصفح معك
او عاود الاتصال فيما بعد

وشكراً

حلمي الامل ... حياه اسهل :cool:

صريح وجريء 2011- 5- 30 01:26 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
مشكورة اختي صاحبة الموضوع ثانيا اذا كان الهدف انه الواحد يتعب من شان يشوف ثمرة التعب انا معاك والمشاركات تعتبر تقصير
طيب انا مابي اشارك ابي ادخل على المحاضرات واذاكر من البلاك بورد في اي وقت,هذا موقع رسمي للجامعة مو بقالة او مطعم زحمة هذا تعلم عن بعد انتساب مطور تقني اذا كان غير نافع تقفلة الجامعة ونرجع انتساب تقليدي السبب مو من الطلبة السبب الجامعة مو عارفة تطبق نظام الانتساب اتوقع انه باقي جديد عليهم مع احترامي لجامعتنا العزيزة

صمت أنسان 2011- 5- 30 01:41 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
كلامك صحيح 100%

مع أحترامي البعض يبي ينجح بدون جهود

خالد ال هادي 2011- 5- 30 02:02 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
طيب نبي نشوف المحاضرات
نبي نكمل مشاركاتنا الحين
والترم الجاي يحلها حلال
مهم يقولوا معاكم وقت
وراح يكون البلاك مفتوح لاخر يوم بالاختبارات
ومن قبل الاختبارات باسبوعين
وانا قالط بوجهي قدام هالبلاك
ولاحيآة لمن تنادي
اقول الزبدهـ
والله ياهالجامعه ان كل يوم لهم كلمه
بس مانقول الا الشكوى لله سبحانه
يطيح المعدل عشان شىء ماستاهل
:017::017::017::017:

احسن واحد 2011- 5- 30 02:15 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
السلام عليكم ورحمة الله وبركاته

مع احترامي الشديد لجميع ارائكم .. هناك نقاط لايعيها الكثير .. منها لماذا اوجد نظام الانتساب او التعليم عن بعد ؟؟؟؟

الجواب هو لمن فاتهم قطار التعليم او ابعدتهم ظروف الحياة عن الالتحاق بالجامعات ومواصلة التعليم ..

فالعديد من المنتسبين هم من الموظفين وفئات متقدمه بالسن ومسؤوله .. اي انه يمضي غالبيه وقته
بادارة احواله او منزله او ابناءه او عمله او او او ... الخ

مالفرق بين الانتساب والانتظام ؟؟؟
الانتساب هو اسلوب تعليمي يعتمد على رغبة المتلقي .. فاإذا اهتم بحث عن المقررات ودرسها وفهمها
فهو مطالب فقط في الاختبار ..

اما الانتظام فهو مجهود طالب ومعلم لتوصيل المعلومات في افضل احوالها والاستنتاجات واكتشاف مهارات النشأ والجيل التعليمي وابراز اختراعاتهم وتطويرهم للمستقبل .. فيستلزم ذلك وضع واجبات للاطلاع على
مدى استيعاب الطالب والتركيز على مكامن الضعف ومشاركته داخل القاعه كي توضح الامور وتشرح كما
ينبغي والتاكد من وصول المعلومه بشكلها الصحيح وكامل محتواها تجاه الطالب ..

اذا :

بالعاميه .. لو عندنا وقت فراغ كما يضنون وليس لدينا اي اعمال سوى متابعة مناقشاتهم ومحاضراتهم المباشره
وحل واجباتهم .. كان التحقنا بالانتظام افضل شهادة واحسن تعليم

اما هنا فتعليم عن بعد وربطه قدام الكمبيوتر 24 ساعه ماصارت مع احترامي الشديد في اي انتساب بالعالم

اللي يقولي جامعة الملك عبدالعزيز فهي انتساب عادي جدا تاخذ مقررك والوعد الاختبار
مافيه لا واجبات ولا محاضرات مباشره ولامشاركات ولا شي من هذا القبيل وبالنهايه شهادتنا وشهادتهم انتساب ..

فلا يجيني احد ويقول احمدو ربكم ولا تراهم متفضلين علينا
هم يحمدون ربهم اننا اصبحنا فأران تجارب لهم ولوزارة التعليم العالي من تطبيق ارائهم ومقترحاتهم علينا
ونحن متحملينهم و نصرف عليهم من الاموال كي يثبتون مقترحاتهم وارائهم علينا ..

شكرا لكل من مر على هذا الرد

Ranoooosh 2011- 5- 30 03:02 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
طيب انا شاركت وخلصت كل شي وش يضمن البلاك انه رصد لي كل شي الترم الي فات طير اغلب المشاركات والمحاضرات والواجبات :smile:

ماوفيتكـ يـايمـه 2011- 5- 30 03:06 PM
رد: تغطيه أ/ أحمد الشعيبي والدكتور بلاك بورد- ومشاركاتنا مع حلمي الامل ..لايفوتكم
 
اقتباس:
المشاركة الأصلية كتبت بواسطة Ranoooosh (المشاركة 3636570)
طيب انا شاركت وخلصت كل شي وش يضمن البلاك انه رصد لي كل شي الترم الي فات طير اغلب المشاركات والمحاضرات والواجبات :smile:

:41jg:


:017::017::017:

(((((((((((((((((((((((((((((((( الوجـــــــه *الصورة * تتـــــــــــــكلم :cheese:


All times are GMT +3. الوقت الآن حسب توقيت السعودية: 12:01 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه