|
وقت الاختبار سبب لي مشكله
اليوم في اختبار الاقتصاد الكلي
صارت لي مشكله مع المراقب بغت توصل للبقسات:41jg: والسبب مو منه ولا مني . من التوقيت الغير مناسب اولاً مادخلنا القاعه الى الساعه سبع بعد ما صلينا المغرب ثانياً النصف ساعه الاولى راحت تعبئة بيانات (صرت قلم رصاص من كثر التلوين) ثالث بعد ماخلصت البيانات على طول قال المراقب باقي نصف ساعه(من وجهت نضر محايده المراقب معذور يوم خميس يمكن معزوم اوبيطلع مع عياله من حقه لان الناس اجازه) ماوصلت للسوال رقم 20 قال سلم ورقتك طبعا الساعه ثمان تكلمت معاه بادب وقلت له ابشر شوي واخلص راح خمس دقايق وجواله شغال اتصالات شكله مرتبط بعزيمه لاكن موب ذنبي ورجع وقالي سلم ورقتك ماصارت . الحين في هذي الحضه حضر ابليس كلمه من كلمه منه حلفت بالله ماياخذ ورقتي الى لين اخلص المشكله في خضم هذه المعركه المخ جييم يعني النتيجه (EROR) المهم الزبده نبي كل واحد يقترح وقت مناسب للاختبارات القادمه ولا احد يختار الخميس بليز وانا اقترح ان الاختبارات تكون الصباح افضل بكثير من المساء واسف على التطويل لاكن انتم اتوقع تشاركوني ولو بعض الصعوبه في وقت الاختبار؟ ملاحضه:يرفع ضغطي الي يخلص اول عشر دقايق مامداني الون الاسم الاول اما انه الي يسمونه دافور اوالي يسمونه سبيكه شكرا :hhheeeart4: |
رد: وقت الاختبار سبب لي مشكله
لا ياعمي وش الصباح اجل وش فايدة الاجازه من العمل
الوقت ساعتين من دخولك القااعه ماله حق يسحبها قبل تسع لان ندخل بعد صلاة المغرب سبع اذا في تصويت يلغون الخميس وبس اما المواعيد اشوفها مناسبه وهذا راي الشخصي طبعا |
رد: وقت الاختبار سبب لي مشكله
يالغالي أول ماتستلم نمودج الإجابات ونموذج الأسئله أحسب ساعتين كامله (120 دقيقه ) وماعليك من المراقب ولا تلقّي له بال لأن إنت إلي معه الحق .. ماقهرني إلا شي واحد بس إللي هو * * * أنا أختبر بثانوية بنات :bawling: |
رد: وقت الاختبار سبب لي مشكله
والله عندنا في مركز 9 الرياض
اذن العشاء وخفت احد يتكلم يقول سلمو الاوراق لكن الحمدلله ماطلعت الا والناس يصلون بصراحه مامعاه حق الاختبار ساعتين |
رد: وقت الاختبار سبب لي مشكله
اقتباس:
والله غريبه من الجامعه قلت مدارس العيال ؟؟!! البنات في مدارس البنات , والعيال في مدارسهم وانتهينا :(269): |
رد: وقت الاختبار سبب لي مشكله
ملاحضه:يرفع ضغطي الي يخلص اول عشر دقايق مامداني الون الاسم الاول
اما انه الي يسمونه دافور اوالي يسمونه سبيكه شكرا :hhheeeart4:[/QUOTE] :hahahahahah::hahahahahah::hahahahahah: :cheese: |
رد: وقت الاختبار سبب لي مشكله
ألغاااااء يوم الخميس ..
بعدين الخطأ منهم 100 % أولا :الأختبار يبدأ 6 ونص .. في وقت أذان المغرب !! بالشرقيه طبعا المفروض يأخرونه أو يكلمون المراقبين يكونون مرنين شوي .. هذه صلاه مو لعب والا اهمال منا !! ثانيا : ماحد أجبر المراقب يوافق أنه يراقب .. وهو مرتبط بعزايم وطلعات .. المراقبين لما يستلمون هالشغله يعرفون متى راح يداومون ومتى معطلين مو غلطتك أن الجامعه حطته يوم خميس ولاأنه مرتبط .. ارتباطه هذا ماراح يضره نص ساعه تأخير .. لكن أنت راح يخسرك فلوس الماده + احتمال تحملها الله لايحطني في هالموقف .. طيب الزبده ماقلت لنا .؟ كملت أختبارك والا سحبوا الورقه ؟؟ :mh12: أنا معك .. الخميس المفروض مو من الأيام أذا المراقبين ماراح يفرغون نفوسهم لنا 100% |
رد: وقت الاختبار سبب لي مشكله
اقتباس:
|
رد: وقت الاختبار سبب لي مشكله
ما له حق انه يسحب الورقه قبل ما تمر ساعتين
طيب ما فيه طلاب معك بالقاعه وش صار معهم يعني وقفت عليك انت الحمدلله اني موو مكانك والا كان صار شي ما اتمناه ....... موووو بكيفه يسحبها خلال ساعه او ساعه ونص يا شيخ حتى لوو باقي 5 دقايق على نهايه الساعتين ماله حق يفتح فمه ......... بس المشكله ان الاشكال هذي ما عليها مراقبه |
رد: وقت الاختبار سبب لي مشكله
اقتباس:
مافيها مشكله طيب ؟؟ أهم شي طاوله وكرسي وورقة الأختبار .. لاتصيرون عنصريين ..:biggrin: |
رد: وقت الاختبار سبب لي مشكله
اقتباس:
يالغالي يمكن معروضه عليهم بمبلغ قليل وإنت تعرف الجامعه عندهم بلغرسه يعني أكيد شارح لهم كيف تطلع المنفعه الكليه ., :hahahahahah: |
رد: وقت الاختبار سبب لي مشكله
اقتباس:
يعني مش ولا بد .. ذكريات وبعض المشاعر وأحاسيس بإختصار إظطرابات نفسيه على الطاولات :cheese: ., |
رد: وقت الاختبار سبب لي مشكله
اقتباس:
..:hahahahahah: شكل أحنا اللي تأثرنا بالأقتصاد |
رد: وقت الاختبار سبب لي مشكله
اقتباس:
لا بالعكس مافكرّت في هالماده والدليل * * * الميل الحدي للإستهلاك mpc http://www.ckfu.org/vb/data:image/pn...AAAElFTkSuQmCC :tongue: الله لايعيدها من ماده ., |
رد: وقت الاختبار سبب لي مشكله
الزبدة كملت الاختبار لاكن الاجابات مش حالك اهم شي ماياخذ ورقتي وانا حي
وبعدين الموضوع جدا جدا جدا قاهرني يعني مالها داعي بعض التعليقات(طاولات بنات......؟؟؟؟) الحين نبي تفاعل جدي للموضوع علشان نحدد مواعيد الاختبارات القادمه :mad: |
رد: وقت الاختبار سبب لي مشكله
اقتباس:
والله رحمتك :mh12::mh12: كان انهبل لو ياخذون ورقتي وانا توني بال20 سؤال .. عموما انا معك وودي بعد الاختبارات تكون الصبح افضل شي صراحه نحس اننا نطلع بوقت الكل يطلع فيه .. مو اروح اختبر واهلي رايحين السوق :Cry111::Cry111: وشئ ثاني ودي اعرفه امووووووووووت واعرفه الي يصورون اسألة الامتحان اشلون يصورونها :000::000::000: اموت واعرف هالشي .. لو تشوفون اشلون حاكرينا احنا بالمراقبه مايمديني عيني تطير الا والمراقبه فوق راسي :biggrin::biggrin: شكرا لك والله يعينك :106: |
رد: وقت الاختبار سبب لي مشكله
أأأه يالقهر
بالله لا تذكرني اليوم نفس الشي استقعدت لنا المراقبه طبعاً كل دقيقه وهي تحن على راسنا باقي ساعه باقي نص ساعه باقي ربع ساعه وربي كل ماتمر 5 دقايق ذكرتنا بالوقت << لحد هنا اوكي ماقلنا شي بس المصيبه انتبهت انو ناسيه حاسبتي بالشنطه وماتذكرت اني ناسيتها الا يوم جيت عالمسائل طبعاً قلت لها انو انا نسيتها بالشنطه وهي راحت جابتها و اللي اذكره انو شنطتي كنت مخليتها على كرسي جنب القاعه قامت الأخت خلتها عالأرض والمشكله فيها مصحف صغير وهي اكيد شافته بس حبت تستهبل |
رد: وقت الاختبار سبب لي مشكله
شكل السمستر الجاي بحدد منطقه جديدة غير الشرقيه يقولون فللللللله قهوه وشاي والمراقبين احسن ناس يفكرون معك في الحل ويروح المراقب يخلص اشغاله لين تخلص وتدق عليه جوال يجي ياخذ النموذج |
رد: وقت الاختبار سبب لي مشكله
حسبت المشكله على انا لاكن الظاهر كلنا بنفس المشكله
يالله رحمتك حشر مع التاس عيد |
رد: وقت الاختبار سبب لي مشكله
انا احسبها من يسلمني ورقة الاسئلة 120 +3 دقايق بدل ضايع
ووقتها وانا وكيفي اذا خلصت بدري اقصر الشر واذا ما خلصت لو يطامر المراقب ما له شي عندي الا بعد 123 دقيقة احسب عليهم الوقت الضايع اللي يجي فيه العامل يوزع الماء او اذا المراقب قام يسولف مع مراقب ثاني اوقف الساعة واذا سولف زود وادوشني اعطيه كرت اصفر ما له حق ابد قبل 123 دقيقة وتعوذ من الشيطان وين تبينا نختبر الصبح في ذا الحر المعلومات تتبخر يا زين وقت اختبارات جامعة الامام بعد صلاة العشاء بربع ساعة بعني ذاكر لين ما تدوخ ذاك اليوم وصل العشا عند مركز الاختبارات واختبر ثم اطلع تعشى وحط راسك وقم من الفجر ذاكر للماده الثانيه نظام شيبان بس كان روعة كني طولت عليكم ؟ :24_asmilies-com: |
رد: وقت الاختبار سبب لي مشكله
اقتباس:
اتحداك اذا انك ماركتبت رقم الـ BB :33_asmilies-com: |
رد: وقت الاختبار سبب لي مشكله
بالنسبة لوقت الاختبار بالمرة مو مضبوط خيييير ان شاء الله بوقت الصلاه
ثانيا المراقب غلطان لانو تعبئة البيانات ماهيا من وقت الاختبار والمفروض تشكي عليه لانه جواله معه وكل شوي يدق ويسبب ربكة للطلاب ثالثا بالنسبة الى انو الاختبارات تكون في الصباح من فين حيجيبوا لنا مراكز للاختبار مثلك عارف يا مدارس ياجامعات والصباح دوامات |
رد: وقت الاختبار سبب لي مشكله
اقتباس:
اي منطقة ذي اصرف لنا من اللي حنا فيه اليوم جانا مراقب شكله سوري معبس بوجهه ومعقد حجانه ومبرطم ولا ادري هو له ضروس او لا مقفل مزاجه مره يوم جا سؤال سوريا والعراق بغيت انشده عن الجواب تكفى شف لنا مركز اختبارات سعة صدر |
رد: وقت الاختبار سبب لي مشكله
اقتباس:
لا وربي ماطرى على بالي حتى ., :cool: |
رد: وقت الاختبار سبب لي مشكله
سلامات والله لو اني منك فقعت وجهه :017:
مو ع كيفه هذا يسمونه ازعاج سلطات طلابي < :biggrin: يااااازين مركزنا انواع الفله والدلع شاي وفطاير ونجلس زياده ع الوقت نص ساعه معطينا وجه بقوه :hahahahahah: |
رد: وقت الاختبار سبب لي مشكله
اقتباس:
:biggrin: ودي اصدق بس قووووووووية |
| All times are GMT +3. الوقت الآن حسب توقيت السعودية: 07:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام