ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 2 (https://vb.ckfu.org/forumdisplay.php?f=306)
-   -   الله يخليكم اللي فاهم المحاضره الاولى للمحاسبه يجي يفهمني . (https://vb.ckfu.org/showthread.php?t=234990)

AრooََL 2011- 10- 14 01:02 AM

الله يخليكم اللي فاهم المحاضره الاولى للمحاسبه يجي يفهمني .
 
السلآآم عليكم

كيفكم هل بدآتو تذآآكرون يالله شدو حيلكم

انا الحين بديت بالمحآآاسبه صحيح هي مراجعه للمحاآسبه 1 بس ماآآفهمت وش المطلوب منها بالضبط وش نركز عليه فيهاآآ

احسه يشرح ومو فآآهمه شي :mad:

انتظر احد يشرح بالتفصيل او رابط يسهل علي الفهم الله يخليكم :love080:

تشتيتي مركز 2011- 10- 14 01:59 AM

رد: الله يخليكم اللي فاهم المحاضره الاولى للمحاسبه يجي يفهمني .
 
اهلين ..

بصراحه ما بعد بديت اذاكر .. بس حبين اقول فيه موضوه للاخت ابوي نبض قلبي حاطع فيه ملخص حلو للاخ انور جنبي .. تقول انه في توضيحات وشروح اطلعي عليه انشاءالله يفيدك ...

AრooََL 2011- 10- 15 12:43 AM

رد: الله يخليكم اللي فاهم المحاضره الاولى للمحاسبه يجي يفهمني .
 
تشتيتي

مشكوره قلبي

AრooََL 2011- 10- 15 12:44 AM

رد: الله يخليكم اللي فاهم المحاضره الاولى للمحاسبه يجي يفهمني .
 
انا ابي بس موجز او الخلآآآصه من المحآآضره الاولى

:icon9:

.. No1 .. 2011- 10- 15 01:40 AM

رد: الله يخليكم اللي فاهم المحاضره الاولى للمحاسبه يجي يفهمني .
 
انا مثلك فتحت المحاضرة الاولى بس مافهمت شي

بنت الموج 2011- 10- 15 07:03 AM

رد: الله يخليكم اللي فاهم المحاضره الاولى للمحاسبه يجي يفهمني .
 
اسهل شيء المحاضره الاولي لانها تاخذ من المحاسبه 1 كثير

BoRakan 2011- 10- 15 07:08 AM

رد: الله يخليكم اللي فاهم المحاضره الاولى للمحاسبه يجي يفهمني .
 
أول محاضرة سهلة جداً مافيها شي
معظمها تكرار لجداول أخذناها بمحاسبة 1
فقط راح أتكلم عن قيوود الإقفال لأنها الشيء الجديد تقريبا

إقفال الحسابات:

أولاً: ايش يعني اقفال حسابات؟

باختصار تقفل حساب يعني تحط المدين مكان الدائن والدائن مكان المدين >> طبعا هذا ليس تعريفه لكن للتوضيح فقط

-عند إقفال الحسابات المدينة:

-نجمع كل الحسابات المدينة المذكوورة في ميزان المراجعة ونضعها في الطرف الدائن ( المعاكس للمدين ) من قيد الإقفال على النحو التالي..

-
....... من حـ/ ملخص الدخل
...... إلى حـ/ الحسابات ذات الأرصدة المدينة


لكن طبعا لو جينا لحل سؤال بهالطريقة ماراح نكتب قيد الاقفال كذا.. راح نحط من مذكوورين لأنهم أكثر من حساب وراح نذكر كل الحسابات المدينة كل حساب باسمه

مثل كذا:

من حـ / ملخص الدخل

...... إلى مذكوورين

حـ/ المشتريات
حـ/ مسموحات المبيعات
حـ / مردودات المبيعات

طبعا هذا مثال فقط


بالنسبة لإقفال الحسابات الدائنة..العكس تماما

نفس الكلام السابق لكن لأنه حساب دائن في قيد الإقفال أكيد راح نحطه في الطرف المعاكس اللي عو المدين على النحو التالي..

من حـ / الحسابات ذات الأرصدة الدائنة
إلى حـ / ملخص الدخل

وينطبق عليه نفس الكلام اللي قلناه عن الحسابات المدينة

قيد إثبات مخزوون آخر الفترة

مثل ماقلنا أي شي أصله دائن مع حساب ملخص الدخل يصير مدين والعكس صحيح
وهنا مخزون اخر الفترة دائن بطبيعته لذلك راح يصير بالطرف المدين مع حساب ملخص الدخل

من ح/ مخزون اخر الفترة
إلى حـ / ملخص الدخل

آخر شي إقفال رصيد حـ / ملخص الدخل

إذا كان الرصيد يمثل أرباح نحطه باسم رأس مال في الطرف الدائن كالتالي..

من حـ / ملخص الدخل
إلى حـ / رأس المال

أما إذا كان يمثل خسائر فنخفض من حساب رأس المال بوضعه في الطرف المدين

من حـ / رأس المال
إلى حـ / ملخص الدخل

ملاحظة : أي رصيد ينقص يروح للجهة المعاكسة لطبيعته يعني اذا كان مدين يصير دائن والعكس

هذي زبدة المحاضرة الأولى صح في اشياء كثيرة ماذكرتها لكن هذي اللي أحسها أهم شي

في نقطة أخيييييرة بحطها هنا لأن الدكتور مليووووووووون بالمية بيجيب سؤال عليها حدسي اللي ماقد خيبني يقوول لي كذا :cool:

مجمل الربح = صافي المبيعات – تكلفة المبيعات

صافي الربح = صافي المبيعات – تكلفة المبيعات + المبيعات الأخرى – المصروفات الأخرى

هذي النقطتين أكيد بيجيب عليها سؤال والله أعلم فاحفظوها مثل أسماءكم




:hhheeeart4:

سفير الخير 2011- 10- 15 10:06 AM

رد: الله يخليكم اللي فاهم المحاضره الاولى للمحاسبه يجي يفهمني .
 
قلنا اول نحتاجك تشرحين لنا حصلناك تبحثين عن الشرح :mh35:

عسى هالرابط يفيدك

http://www. entsab. com /vb/showthread.php?t=23164 >>>>>:mh12:

لو لم يظهر الرابط فجميع ماتحتاجين موجود على منتديات انتساب وكل مادة مخصصين لها حقيبه كاملة ( شرح . تحليل ...... )

دعواتنا للجميع بالتوفيق


غربة نفس 2011- 10- 15 10:35 AM

رد: الله يخليكم اللي فاهم المحاضره الاولى للمحاسبه يجي يفهمني .
 
المحاضرة الأولى هي مراااجعه عامه على محاسبة 1

AრooََL 2011- 10- 15 05:11 PM

رد: الله يخليكم اللي فاهم المحاضره الاولى للمحاسبه يجي يفهمني .
 
انآآآ نسيت المحاسبه 1 لا تذكروني فيهاا :bawling:


بو راكان

يعطيك الف عافيه مآآقصرت ..




مين يشرح ويوضح لي الجداول باختصار :mh12:


All times are GMT +3. الوقت الآن حسب توقيت السعودية: 06:20 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه