ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 2 (https://vb.ckfu.org/forumdisplay.php?f=306)
-   -   إلى الدكتور . النجار مع التحية .. البلآك بورد .. (https://vb.ckfu.org/showthread.php?t=242280)

سلطان الصقر 2011- 10- 30 03:26 PM
إلى الدكتور . النجار مع التحية .. البلآك بورد ..
 
بسم الله الرحمن الرحيم
أ.د/ عبدالله النجار عميد التعليم الإلكتروني والتعلم عن بعد
السلآم عليكم ورحمة الله وبركاته...

يعلم سعادتكم بأن طلابكم طلآب الإنتساب المطور يدفعون مبالغ ليست سهله
لإتمام تعليمهم وهذا إن دل فيدل على حرص أبناء (أبومتعب) على التطور العلمي
والعملي لخدمة دينهم ثم مليكم ثم وطنهم ..
ومن الملآحظ في الفتره الأخيره تدهور نظام التعليم المطور بجامعتنا والمتمثل في
نظام البلآك بورد وأنتم ياسعادة العميد لايرضيكم هذا الوضع الذي حتماً سيؤثر على
مواصلة الطلبه في هذه الجامعه إذا أستمر الوضع كما هو حاصل الآن ..
ومن المعلوم لديكم ياسعادة العميد قرب موعد الإختبارات وأكثر الطلبه والطالبات لم
يكملوا تحميل أو متابعة المحاضرات أو حتى المشاركه في منتدى الحوار ولآ حل الواجبات
والسبب في ذلك تقصير الجامعه والمتمثل في نظامها البدائي البلآك بورد ..
أننا نخاف ياسعادة العميد من ضياع حقوق الطلبه المادي والمعنوي والمتمثل في تراكم
الواجبات وتنزيل المحاضرات والمشاركه في منتدى الحوار ونتفاجأ مستقبلاً بعدم إهتمام
الجامعه بالوقت مما يضطر الطلبه إلى حمل مواد معهم للترم القادم كما حصل معنا الترم
الماضي حيث أننا ظلمنا على درجه ودرجتين .. والجامعه تنتظر منا تسديد الرسوم فقط..
هذا صوت طلآبكم ياسعادة العميد يصلكم عبر هذه الرساله...
فأرجوا تدارك الوضع والجد والإجتهاد لكسب طموح ورغبة أبناء أبومتعب لإكمال
مرحلتهم الجامعيه من خلآل جامعتنا هذي .. والآ فجامعات أبومتعب أطال الله في عمره
كفيله بتبني هذه الطاقات الشابه العلميه ..
فأعطونا حقوقنا كما أعطيناكم حقوقكم ..
والسلآم عليكم ورحمة الله وبركاته ..
طلآب و طالبات
كلية إدارة الأعمال
عنهم الطالب /
سلطان بن صقر العنـزي

jnoon 2011- 10- 30 04:13 PM
رد: إلى الدكتور . النجار مع التحية .. البلآك بورد ..
 
وفيت وكفيت يابوووصقر

والله ماحملت انا ولا محاااااضرة ماقدرت افتح الززززززززززززززفت هاااذا البلاك بورد

عالم الادارة 2011- 10- 30 05:28 PM
رد: إلى الدكتور . النجار مع التحية .. البلآك بورد ..
 
مساء الخير للجميع

كفيت وفيت اخوي سلطان بصراحة الوضع صار لا يطااق البلاك بورد غريب وعجيب هالترم
والوقت يمضي والاختبارات على الابواب ..

سوال اطرحة من خلال مشاركتي بالرد هذا هل ستأخذ عثرات البلاك بورد هذة المتكررة بالحسبان لهولاء الذين يطلبون العلم من خلال بوابة التعليم عن بعد ....اتمنى ذلك وكلي ثقة بعمادتنا الموقرة .

ريما محمد 2011- 10- 30 06:50 PM
رد: إلى الدكتور . النجار مع التحية .. البلآك بورد ..
 
الصراحه ماقصرت كفيت ووفيت وكلام جميل ويعبر عننا بصدق
ياليت يوصل للدكتور عبدالله النجار
بس ابقول حاجه عشان تتداركون الوقت انا بالنسبه لي موقادرة احل ولا واجب لانه مايفتح ولا اناقش
بس اخذت طريقة شفتها بالمنتداء وضبطت معاي للتحميل من موقع الجامعه (التحميل السريع ) وفتح معاي بس ايقونة الواجبات مافتحت... جربوا انتو على الاقل ترتاحون من تحميل المحاضرات
بس الواجبات والمناقشاااات ضروري يدورون لنا حل في السيرفر تبعهم

ابوندى 2011- 10- 30 06:54 PM
رد: إلى الدكتور . النجار مع التحية .. البلآك بورد ..
 
السلام عليكم :smile:
مساء الخير جميعاً اخواني واخواتي الطلاب والطالبات
فعلاً اخي ابوصقر كلام في الصميم ويحكي المعاناة الحقيقية مع البلاك بورد وحنا ندفع رسوم ما ندرس بلاش وبالتالي يجب ان ينعكس الشي ذا على جودة الخدمة نبي الجامعة تاخذ اجود وسائل التقنية
للرقي بلبلاك بورد نرجو من الاستا ذ الموقر الدكتور عبدالله النجار الاطلاع على هذ ا الكلام لانه مهم جداً وهو
يمثل رسالة موجهه من كل الطلاب كذ لك اقول للقائمين على البلاك بورد اتقو الله في الطلاب وادو عملكم على اكمل وجه وحدثو هذ ا النظام او شوفو غيره وتقبلو فائق احترامي وتقديري:love080:

احمد السّيار 2011- 10- 30 07:06 PM
رد: إلى الدكتور . النجار مع التحية .. البلآك بورد ..
 
شكرا لك اخي سلطان على الكلام الرائع
وعسى ان يصل صوتك الا ادارة الجامعة
ولاكن يا اخي اود ان احيطك علم
سوف ياتيك الرد من ادارة الجامعة الموقره بان السبب هو
1- نحن الطلاب وليس من السيد البلاك بورد فنحن جهلاء لا نعرف كيف نتعامل مع التقنية الالكترونية
في التعليم عن بعد ( بدو )
2- يوجد هناك تحميل سريع دبر عمرك اركض وسنع نفسك ونحن سوف نلعب معك لعبت ( الغميضه ) اللبيده
نخفي عنك عدد تحميل واستماع المحاضرات واذا انتهت المده طلعت انت قيم اوفر واحنا كسبنا درجاتك
3- الجامعة ماعليها قصور وسال المطبلون والمنافقين ياكثرهم هنا وفي النقاش
دعواتي لك بالتوفيق

nErMeEn 2011- 10- 31 12:42 AM
رد: إلى الدكتور . النجار مع التحية .. البلآك بورد ..
 
بتمنى الاداره ترفعو ليشوفو الدكتور


شكر اخي

أبوعبدالرحمن؟ 2011- 10- 31 12:51 AM
رد: إلى الدكتور . النجار مع التحية .. البلآك بورد ..
 
بارك الله فيك وماقصرت

بصراحه انا اشوف افضل حل لو ينكتب مقال في احدى الجرايد المحليه عن الوضع المزري والسيئ عن جامعه الملك فيصل للتعليم عن بعد

ياميه وافتخر 2011- 10- 31 12:52 AM
رد: إلى الدكتور . النجار مع التحية .. البلآك بورد ..
 
كفوووو كفووو والله الله يبيض وجهك يااصقر


:d5::d5::d5:<<وهذااا احلى تصفيق مني ومن اخوانك وخوااتك

وصراااحه كلااام يجمد ع الشاارب ع قولتكم <<:biggrin:

بس ياااخوي ياااليت حد يفهم ولا يعبرنا ولا يعطينا وجه لا حيااااتن لمن تنااادي اسمع منا وطلع منا :017:


بس نصبررر وادري بتقوولون صبرنا وصبرنا الى متى وانا اقول نصبر نصبر لين ربي يحلهااا :wink:

ع العموووم مشكور وربي يعطيك العاافيه

shmo5ee 2011- 10- 31 02:02 AM
رد: إلى الدكتور . النجار مع التحية .. البلآك بورد ..
 
كفوو والله بيض الله وجهك

ميرامار 2011- 10- 31 02:35 AM
رد: إلى الدكتور . النجار مع التحية .. البلآك بورد ..
 
كلام جدا معقول واضم صوتي
لي ابوعبدالرحمن لازم يكون اكثر من وسيله نطالب
فيها تعديل الوضع مابقى شي ع الاختبارات ولحد الحين مابلشنا مضبوط :icon9:
لدرجة كرهوني في هالسمستر

عوافي اخوي لاخلاولاعدم ان شاء الله

فاصوليا خضراء 2011- 10- 31 02:36 AM
رد: إلى الدكتور . النجار مع التحية .. البلآك بورد ..
 
كلام جميل
بيض الله وجهك
سديد يا ابو صقر

t.s.b 2011- 10- 31 02:40 AM
رد: إلى الدكتور . النجار مع التحية .. البلآك بورد ..
 
الله يجزاك خير ياخوي

قلت الي في خواطرناا

عسى بس احد يسمع لنا :Cry111:

حيرهم شموخي 2011- 10- 31 04:29 AM
رد: إلى الدكتور . النجار مع التحية .. البلآك بورد ..
 
ونعم الشاااااااارب
بيض الله وجهك يابو صقر
وربــــــــــكـ يعـــين ,,
هـــــــــــذي حالــه بذمتــــكـ:(177):

مثابرة 2011- 10- 31 08:32 AM
رد: إلى الدكتور . النجار مع التحية .. البلآك بورد ..
 
كفيت ووفيت
بس فيه احد بيقراه ويتعب نفسه ويرد:(177):

تركي الماطر 2011- 10- 31 09:37 AM
رد: إلى الدكتور . النجار مع التحية .. البلآك بورد ..
 
جزاك الله خير

LTOOF 2011- 10- 31 03:27 PM
رد: إلى الدكتور . النجار مع التحية .. البلآك بورد ..
 
يعطيك العافيه خيو ’’

بس اذا عطووووك وجه هذا وجهي ’’

لو تتكلم من اليوم لين بكره ,,

مايجي معااهم الادب ولا الاحترام ذوله

سلطان الصقر 2011- 10- 31 04:28 PM
رد: إلى الدكتور . النجار مع التحية .. البلآك بورد ..
 
اقتباس:
المشاركة الأصلية كتبت بواسطة أبوعبدالرحمن؟ (المشاركة 4781744)
بارك الله فيك وماقصرت

بصراحه انا اشوف افضل حل لو ينكتب مقال في احدى الجرايد المحليه عن الوضع المزري والسيئ عن جامعه الملك فيصل للتعليم عن بعد

مقال سابق عن نفس المشكله بجريدة الرياض:hhheeeart4:

http://www.alriyadh.com/2011/06/01/article637490.html

Mo0oly.B 2011- 10- 31 04:39 PM
رد: إلى الدكتور . النجار مع التحية .. البلآك بورد ..
 
الله كلام في الصميييييييييييييييييم ياسلطان ,, وبارك الله فيكـ ,,

قله بعد دام بلاككم خربان ورا ماتاخرون الاختبارات ولا تردون فلوسنا لحد مايضبط نظامكم ,,

مايصح اللي قاعد يصيييييييير ,,


الايام والوقت مافيه بركة تجري وبس والاختبار موعده قرب والبلاك عطلان وبعض المحاضرات فيها تجدد ,,

غير انها تحتاج تحميل ومشاركة في منتدى الحوار وحل الواجبات ,,

يعني اش الحـــــــــل ,,


الله يعيننا وبـــــــــــــس ’’

همسه غرور 2011- 10- 31 06:40 PM
رد: إلى الدكتور . النجار مع التحية .. البلآك بورد ..
 
كلام جميل ربي يجزيك خير ماقصر :d5:

البدره الدوسري 2011- 11- 1 01:36 AM
رد: إلى الدكتور . النجار مع التحية .. البلآك بورد ..
 
والله اببببدعت اهنيييييك

بس وش الفايده اذا اذن من طين واذن من عجين

نكتب وونكتب ونصارخ ونقطع شعرنا وهم عمك اصمخ مثل مايقولون :41jg:

حيرهم شموخي 2011- 11- 1 02:05 AM
رد: إلى الدكتور . النجار مع التحية .. البلآك بورد ..
 
كلامــــكــ جاب فايــــده ,,
فتح النظاااااااااااام وقدرنا نحل الواجبات ونتلاحق
بيض الله وجهك ماقصرت يابو صقر :d5:

سلطان الصقر 2011- 11- 11 07:03 PM
رد: إلى الدكتور . النجار مع التحية .. البلآك بورد ..
 
بالتوفيق للجميع ..
وعقبال التخرج بإذن الله
أخوكم/ سلطان،:106:

تشتيت جامعي 2011- 11- 12 01:29 AM
رد: إلى الدكتور . النجار مع التحية .. البلآك بورد ..
 
العماده معطيه طالبات وطلاب التعليم عن بعد فترة اسبوع كامل عقب الاختبارات للمشاركه بالبلاك بورد ..

ولا اعتقد ان نظامهم بدائي حسب كلامك , اذا عندكم حلول اطرحوها للتطوير اما الشكاوي سمئنا منها لأنها لا ودت ولا جابت

بندر الرويس 2011- 11- 12 03:08 AM
رد: إلى الدكتور . النجار مع التحية .. البلآك بورد ..
 
شكرا لك اخي سلطان على الكلام الرائع

سلطان الصقر 2011- 11- 13 02:53 PM
رد: إلى الدكتور . النجار مع التحية .. البلآك بورد ..
 
اقتباس:
المشاركة الأصلية كتبت بواسطة تشتيت جامعي (المشاركة 4838119)
العماده معطيه طالبات وطلاب التعليم عن بعد فترة اسبوع كامل عقب الاختبارات للمشاركه بالبلاك بورد ..

ولا اعتقد ان نظامهم بدائي حسب كلامك , اذا عندكم حلول اطرحوها للتطوير اما الشكاوي سمئنا منها لأنها لا ودت ولا جابت

كأنك تغردين خارج السرب ..

وأنا متأكد بأن أول وحده راح تندب حظها

إذا ماقدرت تشارك أو تلحق على الأسبوع

هو أنتي ،،

أم عبود وأسول 2011- 11- 14 01:46 AM
رد: إلى الدكتور . النجار مع التحية .. البلآك بورد ..
 
هل من مجييييييييييييييييييييييييييب طفح الكيل

أم عبود وأسول 2011- 11- 14 01:47 AM
رد: إلى الدكتور . النجار مع التحية .. البلآك بورد ..
 
مافتحححححححححححححححححححححححححححح وين كيف للحين مسكر

تشتيت جامعي 2011- 11- 14 03:02 AM
رد: إلى الدكتور . النجار مع التحية .. البلآك بورد ..
 
اقتباس:
المشاركة الأصلية كتبت بواسطة سلطان الصقر (المشاركة 4846576)
كأنك تغردين خارج السرب ..

وأنا متأكد بأن أول وحده راح تندب حظها

إذا ماقدرت تشارك أو تلحق على الأسبوع

هو أنتي ،،

اغرد خارج السرب لحالي احسن من اني اغرد غلط

bader358 2011- 11- 14 04:14 AM
رد: إلى الدكتور . النجار مع التحية .. البلآك بورد ..
 
ما قامت به الجامعة من فتح للبلاك بورد المؤقت هذا يعتبر انجاز ليس بالسهل .... واستطاعوا تدارك مشكله كبيرة جداً وهي ان السيرفر الرئيسي بدأت فيه المشاكل واستطاعت الجامعة ان تقوم بنسخ احتياطي لكل مشاركات الطلاب الأولى ونقل بعضها على هذا البورد.
اثناء التوقف للبلاك بورد تم تحميل المحاضرات الجاهزة على مركز التحميل السريع وكلها نزلناها الى المحاضرة العاشرة ما عدا كم مادة وصلت للمحاضرة السابعة.

وفي اكثر من خطاب للدكتور النجار اوضح ان كل جهد قام به الطلاب موجود.

بالنسبة لتنزيل المحاضرات - نحن الآن تقريباً بين الأسبوع الثامن والتاسع واغلب المحاضرات موجودة في البلاك بورد.


يعني ان شاء الله الأمور ماشيه تمام ونلتكس لهم العذر ونقدر جهودهم.



طبعاً كل هذا الكلام من وجهة نظري الخاصة ومتابعتي لما حدث - والدكتور النجار وكل الطاقم التقني يعملون بكل جد وجهد فادعوا لهم بالتوفيق.


وعساكم على القوة.

سلطان الصقر 2011- 11- 15 02:23 PM
رد: إلى الدكتور . النجار مع التحية .. البلآك بورد ..
 
اقتباس:
المشاركة الأصلية كتبت بواسطة bader358 (المشاركة 4851233)
ما قامت به الجامعة من فتح للبلاك بورد المؤقت هذا يعتبر انجاز ليس بالسهل .... واستطاعوا تدارك مشكله كبيرة جداً وهي ان السيرفر الرئيسي بدأت فيه المشاكل واستطاعت الجامعة ان تقوم بنسخ احتياطي لكل مشاركات الطلاب الأولى ونقل بعضها على هذا البورد.
اثناء التوقف للبلاك بورد تم تحميل المحاضرات الجاهزة على مركز التحميل السريع وكلها نزلناها الى المحاضرة العاشرة ما عدا كم مادة وصلت للمحاضرة السابعة.

وفي اكثر من خطاب للدكتور النجار اوضح ان كل جهد قام به الطلاب موجود.

بالنسبة لتنزيل المحاضرات - نحن الآن تقريباً بين الأسبوع الثامن والتاسع واغلب المحاضرات موجودة في البلاك بورد.


يعني ان شاء الله الأمور ماشيه تمام ونلتكس لهم العذر ونقدر جهودهم.



طبعاً كل هذا الكلام من وجهة نظري الخاصة ومتابعتي لما حدث - والدكتور النجار وكل الطاقم التقني يعملون بكل جد وجهد فادعوا لهم بالتوفيق.


وعساكم على القوة.


نسأل الله لهم ولنا التوفيق ..

فتميز الطلآب .. ينعكس على

سمعة وتميز الجامعه ..

والعكس صحيح !!

حيرهم شموخي 2011- 11- 15 02:48 PM
رد: إلى الدكتور . النجار مع التحية .. البلآك بورد ..
 
يعطيك العافيه سلطااان
:d5:

دعـانـي الشوق 2011- 11- 15 04:22 PM
رد: إلى الدكتور . النجار مع التحية .. البلآك بورد ..
 
رساله بالصميم وياليت يعوضونا خير

t.s.b 2011- 11- 15 04:25 PM
رد: إلى الدكتور . النجار مع التحية .. البلآك بورد ..
 
ابي احل واجبات ابي اذاكر

الظاهر ماراح اتخرج الا وطلعت روحي من هالبلاك بورد :bawling:

عزيز مجد 2011- 11- 15 04:41 PM
رد: إلى الدكتور . النجار مع التحية .. البلآك بورد ..
 
صح لسانك يابو صقر

سر ونحن معاك مشكلة البلاك بورد تجيب الضغط والسكر

الاختبارات على الابواب ونحن مازلنا على مشكلة البلاك البورد

*abdulaziz 2011- 11- 15 06:46 PM
رد: إلى الدكتور . النجار مع التحية .. البلآك بورد ..
 
:d5::d5:


صراحه مشكله البلاك بورد معطلتناااااااا


نحاول نرتب امورنا ونذاكر اول باول لكن البلاك بورد مقفل

ومعدلاتنا راح تنزل وش نسوي طيب والحل :24_asmilies-com:

سلطان الصقر 2011- 11- 20 04:30 AM
رد: إلى الدكتور . النجار مع التحية .. البلآك بورد ..
 
الله المستعان ..

وربي سهران أبي أحل الواجبات

ومافيه أمل ..:mh12:

يعني لآفـتح البلآك ( زفت ) ..

وشكلي بعد (بنام عن العمل) ..:41jg:
(
)
(
)
سهران بدرس ولآتحقق مرادي..........
........ (يعني على الثنتين راحت خساير):bawling:

Gege 2011- 11- 20 07:18 AM
رد: إلى الدكتور . النجار مع التحية .. البلآك بورد ..
 
هذا غير تنقيص الدرجات لبعض الطلاب

والارقام اللي مايردو عليها

كلامك كلو صحيح واتمنى ينرفع للعميد :icon9:

غربة نفس 2011- 11- 20 08:39 AM
رد: إلى الدكتور . النجار مع التحية .. البلآك بورد ..
 
بالصميم :love080:

الله يعين والله مو كل المحاضرات نزلتها وخاصة الانجلش عندهم عطل ببعض المحاضرات من اول الترم ماتنزل خير شر وبالاخير أكيد بيظلمونا معاهم بالدرجات ...

النجار صرح قبل أن البلاك بورد بيفتح لأخر يوم أختبار .. مدري حنا فاضيين نذاكر والا نحل وندخل بمعمة البلاك عله :bawling:...


الشكر موجه لصاحب الموضوع :106:


All times are GMT +3. الوقت الآن حسب توقيت السعودية: 01:55 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه