|
رد: بهو جامعة فيصل .. طاولة المستوى الثاني .. نقاشات وتبادل افكار
مشعل
تواجدك يبعث الأمل في المكان ومشاركتك فاح عطرها لتنعش كل من تواجد هنا كلام من ذهب ومشاركة هي الأجمل |
رد: بهو جامعة فيصل .. طاولة المستوى الثاني .. نقاشات وتبادل افكار
اخي وطني الجبيل
الموضوع وصاحبه تحت أمرك اذا كان سيسبب إحراج لطاقم الاشراف او حساسية من إخواننا الاعضاء لك كل ما تراه مناسب .. ولنا القبول بالقرار واحترامه شكرا |
رد: بهو جامعة فيصل .. طاولة المستوى الثاني .. نقاشات وتبادل افكار
أنا فيه شي ببالي وودي أطرحه وأشوف آرائكم فيه
مره ودي أعرف وجهات نظركم كلكم بإذن الله الليلة راح أقوله لكم :106: طبعا أنا كتبت هالرد عشان أكون ملتزمة بالموضوع غير كذا راح أكسل :smile: هلا ترك حبيبتي لاتسكتييين أشوفك باللي يشاهدون الموضوع :icon9: |
رد: بهو جامعة فيصل .. طاولة المستوى الثاني .. نقاشات وتبادل افكار
السلام عليكم ورحمة الله وبركاته
اولا اشكر الاخ stc1 على فكرته الجيده وعلى طرحه الراقي واتمنا ان اكون عنصر فعال لنجاح هذه الفكرة رغم انشغالي الكبير وشكرا |
رد: بهو جامعة فيصل .. طاولة المستوى الثاني .. نقاشات وتبادل افكار
طيب .. :106: الشيء اللي ودي اخذ رأيكم فيه هو الفرق بين خريج الانتساب المطور والانتظام من ناحية الوظايف!! هل تلومونهم لأنهم فضلوا خريجين الانتظام أكثر من الانتساب سواء كان عادي أو مطور ؟ ولماذا ؟ بالنسبة لي ما ألومهم صراحة ليه ؟ خلنا نكون صريحين مع انفسنا شوي ! الانتظام متعب جدا اكثر من الانتساب الالتزام بحد ذاته متعب انك تقوم من الصبح وتدوام غصب سواء لك خلق او مالك خلق او تعبان او ظروفك اصعب ماتكوون مجبور تداوم غصب والا تهدد بحرمان من دخول اختبار المادة ! ومو اي عذر يقبل لك ! غير الضغط النفسي وكرف الاختبارات كل اسبووع كويز او تسليم بحث او ميد تيرم او فاينال !! مايمدي الواحد يرتاح ولا احد يقولي بالعكس أحسن ع الاقل الدرجة تكون مقسمة واذا مافلح باختبار يقدر يجيبها بالثاني ! لا اللي عايش فيها وماكلها يحس اكثر من اللي بيتهم ويحس من راسه ! الضغط النفسي والجهد الجسدي يخففون من عطاء الشخص مهما كان أنا كانت لي تجربة مريرة جدا الله لايعيدها مع الكلية الجامعية بالجبيل :smile: كل ما أتذكر أيامي هناك تجيني كآبة غييير طبيعية على النظام الزفت والاداره وكلهم ! أنا لا أخفي ان شهادتهم حلووة ولكن ماتتخرج الا متقرووش من كل حته خخخ أنا كنت الدفعة الاولى لهالجامعة وكان كل شي جديد التجربة بحد ذاتها لهالكلية والهيئة الملكية جديده وكانوا لاعبين علينا بكلمة "الاختبارات لازم تكون صعبة عشان يعتمدون شهادتكم اذا تخرجتوا " طبعا من اصل 600 تخرجوا 13 الله يتمم عليهم ويوفقنا وياهم أنا ما أحب اللي ماينعرف له مذهب ولا مله ! تروح له يمين يجيك شمال تروح له شمال يجيك يمين تقريبا هذه كانت تجربتي معاهم أسئلة الاختبار كله عبري ان كتبتي اللي بالكتاب قالوا حافظه مو فاهمه وان كتبتي من برا قالوا ليش تطلعين برا الكتاب وان كتبتي الاثنين قالوا ماجبتي مثال المهم لازم خطأ والقاعده حقتهم مافي شي كامل لو درجة الاختبار من 10 وحليتي مضبووووووووووط 100% تحط لك 9.9 من 10 !! لييييه ؟؟ مافي شيء كامل !! المهم انا كانت تجربتي مريره معاهم وانا كان ودي اطلع من اول سنتين بس ابوي معيي وكان معدلي نازل معروف لما يكون نظام الكلية معدلهم من 4 صعب جدا يرتفع ويبونك تجيبين فوق الل2 معدل 5 مرن اكثر من 4 طبعا ظليت فيها لما اخر ترم قدرت عليه يعني طلعت بعد اربع سنوات ونص هي نظامها 5 سنوات كان باقيلي ترمين واتخرج ترم دراسه وترم تطبيق طبعا بحكم اني حامله مواد بالتحضيري فتأخرت ترم والانذارات ماتنمسح يعني لو اول ترم نزل المعدل تحت ال2 يعتبر انذار واحد ورفعته الترم اللي بعده واللي بعده ورجعت نزلت يعتبر 2 وهكذا طبعا من بعد 3 يسلمونك ملفك ! الغريب اني كل ما اتذكر احمد الله مية الف مره اللي فكني منهم ابد ماني متحسفة بس متحسفة ع سنين عمري اللي ضاعت :tongue: اما دراستهم لا << انا وين شطحت ؟؟ خخخ نرجع للانتساب والانتظام ايه اللي ودي اقوله لو انا عندي وظيفة شاغره بشركتي او مؤسستي او اللي هو راح أبدي طالب الانتظام قبل الانتساب لانه تعب وذاق المر ! حتى لو معدل الانتساب اعلى منه بشوي الانتساب مرتاحين جدا صراحة 30 درجة ضامنها بجيبك بإذن الله عكس الانتظام يدخل الترم ماهو ضامن شي الاختبار واحد ومع تسهيلات ماحد يتوقعها عكس الانتظام اللي ملتزم بالكتاب من الجلده للجلده متى مافضيت شفت محاضرتي وانا متدلعة ونايمة واكله وشاربه ومتفرغة لها عكس الانتظام شي ملتزم فيه غصب وقته مو له عموما في موضوع انفتح من زمان عن ليش دخلتوا انتساب ؟ او ليش درستوا هنا ؟ ككككككللل الردوووود كلهم من اول رد لما اخر رد قريته مادخلوا هنا لانهم يبون حدتهم الظروف ياانهم مانقبلوا انتظام ياانهم اجانب او زي حالاتي :(269): او على رأس عمل ومالهم الا هنا او يبون يترقون او او ألحين فضلا لا أمرا ودي أعرف رأيكم جميعا بهالموضوع ؟:106: |
رد: بهو جامعة فيصل .. طاولة المستوى الثاني .. نقاشات وتبادل افكار
اقتباس:
اقتباس:
لا تساوي لان المساواه مستحيله الاهم ان احتياجاتنا تكون متوفره واهتماماتنا وحده :106: انا أشوف ان اغلب الاعضاء المتفاعلين بالمستوى الثاني راقين مع ان بعضهم حساسين شوي لانهم لسى ماافهموا بعض ومن هالمتصفح راح يكون التفاهم وإلتماس الاعذار أكثر بينا شكلك بتكسب الرهان :wink: ومساك خير :love080: |
رد: بهو جامعة فيصل .. طاولة المستوى الثاني .. نقاشات وتبادل افكار
أنــــــا بصراحه من البداية كانت نسبتي ماتسمح أدخل جامعه درسة بعد الثانوية دبلوم سكرتاريه ... وتوظفة مرتين ... وبعدها تزوجت وحسيت إني لازم أدرس الجامعه .. لانها أمنتي من زمان أكون مااخذه الجامعة ... وأكمل بعد أكثر وبنفس الوقت حاطه ببالي إذا حدتني الظروف اتوظف يكون معي مؤهل ,,,
|
رد: بهو جامعة فيصل .. طاولة المستوى الثاني .. نقاشات وتبادل افكار
اقتباس:
حلو ذكرت هالنقطة ودي بشيء جديد تفكير جديد من نقطة ذكية و ماخطرت ع بالي :(204): |
رد: بهو جامعة فيصل .. طاولة المستوى الثاني .. نقاشات وتبادل افكار
مشاركة رائعه يابرلمان
النفاق صار وسيله لتحقيق الاهداف والمطالب بهالزمن وبكل مكااااان . وينك اليومين اللي راحت عسى المانع خير ، ومساك رايق :106: |
رد: بهو جامعة فيصل .. طاولة المستوى الثاني .. نقاشات وتبادل افكار
اقتباس:
مكافحه :(204): اعجبتني قصتك ، يُقال اطلب العلم من المهد الى اللحد مو بعد ماشاب ودوه الكتّاب هالنظام التعليمي فرصه كبيرة لكل من عاكسته الاقدار . بعدين ليش بس تركي اللي يبشر وانا بعد ابي ابشر :106: لاتصيرين حساسه قصده يمزح ترى تعالي اليوم خميس ومساك ورد . |
| All times are GMT +3. الوقت الآن حسب توقيت السعودية: 01:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام