|
رد: اي شيء يصعب عليكم في المحاسبه تعالو هنا
مافي احد..:Looking_anim:
|
رد: اي شيء يصعب عليكم في المحاسبه تعالو هنا
أول شي اختي ام ديم
علشان تعرفين أكثر في المحاسبه ابي اعطيك كم فكره وابيك تحفظينها مثل اسمك تخيلي قدامك سبّوره مثلا أوكي اقسمي هالسبّوره إلى قسمين بالنص يعني قسم يمين و قسم يسار القسم اليمين أكتبي عليه من فوق مدين القسم اللي يسار اكتبي عليه من فوق دائن الحين صار عندنا سبّوره مقسومه قسم يمين ( مدين ) وقسم يسار ( دائن ) اللي يمين اكتبي فيها الحاجات هذي مخزون اول الفتره المشتريات مردودات المبيعات مسموحات المبيعات الخصم المسموح به وقدّام الحاجات هذي تكتبين إلى حـ / مثلا : إلى حـ / المشتريات ،، إلى حـ / مردودات المبيعات الحين هذي كلها وين موجوده أكيد تعرفين ان هذي الحاجات موجوده في ملخص الدخل يعني كل اللي مكتوب عليها إلى حـ / تكون طرف ثاني في القيد ( والقيد طبعاً اسم للي تقولين مانتي فاهمته اللي يتكون من حـ / إلى حـ / طيب مدام هذي كلها مكتوب قدامها إلى حساب / مردودات مبيعات إلى حساب مشتريات أجل من حـ / وش بتكوووون أكيد بتكون من حـ / ملخص الدخل ـــــــــــــــــ إلى حـ الأشياء اللي قلت لك وهذا يسمونه إقفال الحسابات ذات الأرصده المدينه (( لا تنسين القسم الأيمن من السبّوره المديييييين أوكي )) خلصنا الحين من المدين واللي في الجانب المدين اللي قلت لك فوق كلها قدامها إلى نجي الحين للقسم الأيسر من السبّوره وأبيك تخلّين الحاجات هذي ثابته عندك إلى أن تفهمي كامل الموضوع وبعدين أعلّمك فن المحاسبه عشان ما تنخدعين في اسئله الامتحانات الحين نروح وين ؟؟ الحين نروح للقسم الثاني اللي يسار . لا تنسين السبوره نكتب على القسم اللي يسار دائن ونحط فيه الحاجات هذي من حـ / المبيعات من حـ / الخصم المكتسب من حـ / مسموحات المشتريات من حـ / مردودات المبيعات من حـ / مخزون آخر المده ومدام هذي الحسابات المبيعات والخصم المكتسب و مسموحات المشتريات ومردودات المبيعات ومخزون آخر المده كلها مكتوب قدامها من حـ/ أكيد بيكون الطرف الثاني هو ملخص الدخل لأننا إلى الحين في إقفال الحسابات في ملخص الدخل يعني نكتب من حـ / المبيعات مثلاً ـــــــــــ إلى حـ / ملخص الدخل هذا اللي يخص اقفال الحسابات في ملخص الدخل بعدين نجي لإقفال الرصيد في ملخص الدخل يعني اذا كان عندنا ربح اكيد بيروح لحساب المالك ونكتبه كذا من حـ / ملخص الدخل ــــــــــــــ إلى حـ / راس المال لكن لو خساره مثلاً نكتبه كذا من حـ / راس المال ــــــــــــــ إلى حـ / ملخص الدخل لأن رأس المال هو اللي يتحمل الخساره ولازم نعوّض الخساره اللي صارت في ملخص الدخل إذا فهمتي الشرح أعلاه راح نكمل و نشرح زياده لأن هذي أساسيات مخزون آخر المده يظهر في ملخص الدخل وقائمة المركز المالي بجانب الاصول كذالك عشان ما يصير عندك لبس بعدين |
رد: اي شيء يصعب عليكم في المحاسبه تعالو هنا
اقتباس:
الحين هو طلب مننا حساب مصروف الاستهلاك على طريقة مجموع ارقام السنوات واعطانا العمر الانتاجي اللي هو اربع سنوات على طول نسوي هالطريقه 4 + 3 + 2 + 1 = 10 نقسم 4 على 10 عشان نطلع قيمة الاستهلاك في السنه الاولى ونظرب الناتج في قيمة الآله يطلع لنا 16000 وقيد الاقفال ثابت لجميع الاسئله اللي زي كذا ( آلات ، سيارات ، أثاث ) 16000 من حـ / ملخص الدخل 16000 إلى حـ / مصروف استهلاك الآله يعني الإجابه رقم 4 وهو حط لك المبلغ هذا عشان يخلبطك شوي و هذا المفروض ما ننخدع فيه لأنو المبلغ اللي حط اكبر بكثير من مبلغ الآله نفسها :biggrin: أتمنى أكون وضّحت لك النقطه وأي استفسار انا تحت الأمر |
رد: اي شيء يصعب عليكم في المحاسبه تعالو هنا
انا عندي تكفون عجزت احل الاسئله الي جاتنا يوم الاحد تكفوووووووووووووووووووووووون الله يررررررررحم والديكم
|
رد: اي شيء يصعب عليكم في المحاسبه تعالو هنا
اقتباس:
أجل وش تعرف في المحاسبه إذا عندك سؤال او سؤالين أو حتى عشره هاتها و الله يقدرنا نساعدك انت ساعدنا في طرح الاسئله هنا و حنا ان شاء الله ما نقصر |
رد: اي شيء يصعب عليكم في المحاسبه تعالو هنا
يعطيك العافيه..
يعني حلي صحححح :d5: |
رد: اي شيء يصعب عليكم في المحاسبه تعالو هنا
الديون المشكوك في تحصيلها في حال وجود ((رصيد سابق)) 1- الرصيد السابق = الرصيد المخصص المحسوب(الجديد) لايحتاج تسويه ((ولا يقفل في حساب ملخص الدخل)) فقط يطرح الحساب الجديد من المدينون في قائمة المركز المالي 2- الرصيد السابق(( اقل))من المخصص المحسوب (الجديد) يحتاج قيد تسويه ((خساره)) ونعرف انها خساره لما يطلع لنا الرقم ف الاله الحاسبه ماينس سالب بقيمة الفرق قيد التسويه: من حـ / ملخص الدخل * الى حـ/ مخصص الديون المشكوك في تحصيلها (يقفل في الجانب المدين) 3- الرصيد السابق (اكبر) من المخصص المحسوب (الجديد) يعني زياده و ارباح قيد التسويه بيكون بقيمة الفرق بينهم من حـ / مخصص الديون المشكوك في تحصيلها * الى حـ/ ملخص الدخل (يقفل في الجانب الدائن) مافي اي مثال مذكور عن قيد الاقفال في الثلاث حالات |
رد: اي شيء يصعب عليكم في المحاسبه تعالو هنا
اقتباس:
و احياناً الي يساعدنا ويحط لنا ملخصات يكون عنده خطأ مايكون مقصود ولا 1% يستاهلون ندعي لهم بالخير و يجب علينا التنبيه لزملائنا عن مثل هذي الاخطاء الله يوفقك يا meema |
رد: اي شيء يصعب عليكم في المحاسبه تعالو هنا
اقتباس:
|
رد: اي شيء يصعب عليكم في المحاسبه تعالو هنا
أنا عندي سؤال وياليت أحد يشرحلي طريقة الإجابه
في سؤال رقم 8 تابع للجدول مبلغ الادوات الكتابيه الذي يجب ان يظهر فيحساب ملخص الدخل في 30/12/1432؟ أ/6500 ب/9500 ج/8000 د/1500 سؤالي على اي اساس تم اختيار الاجابه أ ليش ماقلنا 1500 أنا عارفه إنه طرح 1500 من 8000 والاجابه 6500 بس ليش طرح |
| All times are GMT +3. الوقت الآن حسب توقيت السعودية: 05:41 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام