ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 2 (https://vb.ckfu.org/f306)
-   -   حصلت على a+ علمنا نظام مذاكرتك (https://vb.ckfu.org/t367935.html)

زهرة اللوتس1 2012- 9- 9 05:48 AM
حصلت على a+ علمنا نظام مذاكرتك
 

السلام عليكم ورحمه الله وبركاته

الموضوع واضح من العنوان اتمنى تتفاعلون بالموضوع لجل استفيد انا وزملائي من مستوى اول ونكون ممنونين لكم ..:rose:


،


ودي

الزعيـــم 2012- 9- 9 06:23 AM
رد: حصلت على a+ علمنا نظام مذاكرتك
 
يعجبني حماسك ونشاطك :106:
انا بصراحه ماحصلت على a+ :biggrin:
بس بقولك على طريقه ان شالله تعجبك
وحطي في بالك ان المتفوقين يعفونهم من الرسوم الدراسيه (مو متاكد من المعلومه 100%)بس سمعتها كثير
&&&&&&&&&&
1... الاعتماد على الله قبل كل شي والدعاء (من اهم اسباب التفوق الدراسي )
2... متابعة المحاضرات اول باول وتسجيل اهم النقاط بدفتر ( كل ماده لها دفتر مستقل )
3... تشوفين لك ملخص حلو ومرتب او من المحتوى اذا انتي من النوع اللي مايهتم بكبر حجم الكتاب
4...تحاولين تجمعين اكبر عدد من اسئلة الاختبارات الماضيه (خصوصا ان اغلب الاختبارات الاسئله تكون مكرره تقريبا)
5... ال 30 درجه تبع الواجبات والمناقشات وتحميل المحاضرات ضروري تجيبينها كامله
6... وقت الاختبار راجعي النقاط اللي سجلتيها لكل ماده + مراجعة الملخص او المحتوى + الاسئله للاختبارات الماضيه
7... :(107):
خلاص مابقي شي وان شالله فالك A+
:rose::rose::rose:

زهرة الخليج وبس 2012- 9- 9 06:23 AM
رد: حصلت على a+ علمنا نظام مذاكرتك
 
صباح الخير اختي لكي ولجميع المتواجدين اختي الحمد لله انا من المتفوقات في هذه الجامعه ويعلم الله اني ربة منزل ولدي ابناء والتزامات منزليه لكني ولله الحمد منظمه وقتي مذاكرتي في الصبح دائما انا بصراحه اركز صباحا اقوم بمشاهدة جميع المحاضرات ولا اقتنع بشي اسمه ماده حفظ احب اخذ معلومات وبعدها انزل كل محاضره وقت مشاهدتها واحل الواجبات والمناقشات ويوميا ادخل الملتقى واستفسر وكذلك اكلم الدكاتره لو مافهمت شوي واي تلخيص في الملتقى اطبعه ولاتنسي اسئلة الاعوام الماضيه اطلعي عليها ولاتعتمدي المهم توكلي على الله ولا انسى في هذا المقام وقفة ابو العيال ودعاء والدي الله يحفطهم وسؤالهم عني بعد كل اختبار الله يجزاهم خير كما اشكر ابنائي لاهتمامهم بي وبمساعدتهم لي في طبع المواد الله يوفقهم جميعا وشكرا لصاحبة الموضوع وبالتوفيق للجميع

قلم طموح 2012- 9- 9 09:21 AM
رد: حصلت على a+ علمنا نظام مذاكرتك
 
الحمدلله حصلت على a+
باختصار شديد..سوي مجلد لكل مادة وحطي فيه كل مايخصه من محتوى واسئله سابقه..
لاتتركي ولا محاضره شاهديها كلها حتى لو المادة حفظ والدكتور يقرأ الشرايح ..طبعا لاتكومي المحاضرات لآخر الترم شوفيها اول بأول محاضرتين في اليوم ممتاز جدا..
لاتعتمدي على الملخصات هيا اللي تودي في دهيه طبعا ما اقصد الملخصات اللي تجمع الشرايح في ملف واحد لأ اقصد الملخصات اللي كجتهادات طلابيه بالكامل والمحتوى مو هو الاساس فيها.. لو لقيتي من الكتاب المقرر نسخه الكترونية خير وبركه تتطلعي عليه كل بعد محاضرة .. راح تلقي معلومات جديدة ماذكرها الدكتور ضيفيها لبنك معلوماتك..هذا اللي يميزك عن غيرك عند التخرج ..ويساعدك على الحصول على الوظيفه ان شاء الله بعد مايكون واضح تميزك في المقابله الشخصية..
طبعا الله يبارك في البكور..دايما خلي مشاهدتك للمحاضرات وحل الواجبات والمناقشات في الصباح صدقيني راح تحسي كامل اليوم بالنشاط والتفائل لو انجزتي مهمتك..في وقتها المحدد..
تمنياتي للجميع بالحصول علىA+

الهادي-2007 2012- 9- 9 06:24 PM
رد: حصلت على a+ علمنا نظام مذاكرتك
 
طفشنا من الموقع مو راضي يفتح كيف :017::017::017::017::017::017::017::017::017:

أشواااااق 2012- 9- 9 06:46 PM
رد: حصلت على a+ علمنا نظام مذاكرتك
 
طرح موفق
وأستفدت منه كثير

كل الشكر لكم ول صاحبة الموضوع ()

العنيده سوسو 2012- 9- 10 02:14 AM
رد: حصلت على a+ علمنا نظام مذاكرتك
 
يارررررررررررررررررب نجيب كلنا a+
:119:

زهرة اللوتس1 2012- 9- 10 06:01 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة الزعيـــم (المشاركة 7194299)
يعجبني حماسك ونشاطك :106:
انا بصراحه ماحصلت على a+ :biggrin:
بس بقولك على طريقه ان شالله تعجبك
وحطي في بالك ان المتفوقين يعفونهم من الرسوم الدراسيه (مو متاكد من المعلومه 100%)بس سمعتها كثير
&&&&&&&&&&
1... الاعتماد على الله قبل كل شي والدعاء (من اهم اسباب التفوق الدراسي )
2... متابعة المحاضرات اول باول وتسجيل اهم النقاط بدفتر ( كل ماده لها دفتر مستقل )
3... تشوفين لك ملخص حلو ومرتب او من المحتوى اذا انتي من النوع اللي مايهتم بكبر حجم الكتاب
4...تحاولين تجمعين اكبر عدد من اسئلة الاختبارات الماضيه (خصوصا ان اغلب الاختبارات الاسئله تكون مكرره تقريبا)
5... ال 30 درجه تبع الواجبات والمناقشات وتحميل المحاضرات ضروري تجيبينها كامله
6... وقت الاختبار راجعي النقاط اللي سجلتيها لكل ماده + مراجعة الملخص او المحتوى + الاسئله للاختبارات الماضيه
7... :(107):
خلاص مابقي شي وان شالله فالك A+
:rose::rose::rose:

ايه متحمسه حيل :(269): << مستانسه انتي ووجهك :biggrin:

امممم نصائح حلوه اشكرك اخوي والله يجزيك خير

ان شاء الله كلنا فالنا a+ :119:

زهرة اللوتس1 2012- 9- 10 06:06 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة زهرة الخليج وبس (المشاركة 7194301)
صباح الخير اختي لكي ولجميع المتواجدين اختي الحمد لله انا من المتفوقات في هذه الجامعه ويعلم الله اني ربة منزل ولدي ابناء والتزامات منزليه لكني ولله الحمد منظمه وقتي مذاكرتي في الصبح دائما انا بصراحه اركز صباحا اقوم بمشاهدة جميع المحاضرات ولا اقتنع بشي اسمه ماده حفظ احب اخذ معلومات وبعدها انزل كل محاضره وقت مشاهدتها واحل الواجبات والمناقشات ويوميا ادخل الملتقى واستفسر وكذلك اكلم الدكاتره لو مافهمت شوي واي تلخيص في الملتقى اطبعه ولاتنسي اسئلة الاعوام الماضيه اطلعي عليها ولاتعتمدي المهم توكلي على الله ولا انسى في هذا المقام وقفة ابو العيال ودعاء والدي الله يحفطهم وسؤالهم عني بعد كل اختبار الله يجزاهم خير كما اشكر ابنائي لاهتمامهم بي وبمساعدتهم لي في طبع المواد الله يوفقهم جميعا وشكرا لصاحبة الموضوع وبالتوفيق للجميع

صباح النور والسرور

ماشااء الله ربي يزيدك من توفيقه

تسلمين اختي ربي يسعدك

بس عندي سؤال لك وللموجودين هو الأسئله تجي مباشره والا فيها لف ودوران :000:

زهرة اللوتس1 2012- 9- 10 06:18 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة قلم طموح (المشاركة 7194997)
الحمدلله حصلت على a+
باختصار شديد..سوي مجلد لكل مادة وحطي فيه كل مايخصه من محتوى واسئله سابقه..
لاتتركي ولا محاضره شاهديها كلها حتى لو المادة حفظ والدكتور يقرأ الشرايح ..طبعا لاتكومي المحاضرات لآخر الترم شوفيها اول بأول محاضرتين في اليوم ممتاز جدا..
لاتعتمدي على الملخصات هيا اللي تودي في دهيه طبعا ما اقصد الملخصات اللي تجمع الشرايح في ملف واحد لأ اقصد الملخصات اللي كجتهادات طلابيه بالكامل والمحتوى مو هو الاساس فيها.. لو لقيتي من الكتاب المقرر نسخه الكترونية خير وبركه تتطلعي عليه كل بعد محاضرة .. راح تلقي معلومات جديدة ماذكرها الدكتور ضيفيها لبنك معلوماتك..هذا اللي يميزك عن غيرك عند التخرج ..ويساعدك على الحصول على الوظيفه ان شاء الله بعد مايكون واضح تميزك في المقابله الشخصية..
طبعا الله يبارك في البكور..دايما خلي مشاهدتك للمحاضرات وحل الواجبات والمناقشات في الصباح صدقيني راح تحسي كامل اليوم بالنشاط والتفائل لو انجزتي مهمتك..في وقتها المحدد..
تمنياتي للجميع بالحصول علىa+

ماششاء الله اهنيك على اجتهادك

بس كلامك خوفني شوي يعني شنو لازم نذاكر من الكتاب ؟ لأنه انقال لي مثل مبادئ الأداره مايحتاج الكتاب من ملخصات احد الأخوان

ويعني شنو نسخه الكترونيه وين هذي :000:

زهرة اللوتس1 2012- 9- 10 06:27 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة أشواااااق (المشاركة 7198049)
طرح موفق
وأستفدت منه كثير

كل الشكر لكم ول صاحبة الموضوع ()

الشكر لمرورك الطيب .... :rose:

زهرة اللوتس1 2012- 9- 10 06:30 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة العنيده سوسو (المشاركة 7201341)
يارررررررررررررررررب نجيب كلنا a+
:119:

امــــــــــــــــــــين << تقبل للقبله :119:

بو نوره 2012- 9- 10 09:23 AM
رد: حصلت على a+ علمنا نظام مذاكرتك
 
السلام عليكم ورحمة الله وبركاته ...

لكل مادة لها طريقتها الخاصه في المذاكره واسترجاع المعلومات ولكن جميعهم يتفقون في:

1- مشاهدة جميع المحاضرات
2- قراءة المحتوى وكتابة الملاحظات
3- حضور المحاضرات المباشرة

انصح بحل الواجبات بنفسك اولا ثم تأكدي من حلك من المنتدى .. ايضا بالنسبة للمناقشات حاولي المشاركة بعد حضور المحاضرة ومذاكرتها.

طبعا هناك مواد تحتاج الى حل مسائل وانصح بالكتابه في الحل .. الكتابه ثم الكتابه لا تكتفي بقراءة الحل اكتبي المسألة وحليها بنفسك مره ومرتين.

المواد التي تحتاج الى حفظ ذاكريها وكانك بتحضري الاختبار بعد كل محاضرة واخذ الملاحظات راجعيها لكي ترتكز المعلومات في الذهن.

لو الكل يفعل هذه النقاط ويتوكل على الله ... باذن الله +a مضمونه

اتمنى التوفيق للجميع والحصول على +a

قلم طموح 2012- 9- 10 09:25 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة زهرة اللوتس1 (المشاركة 7202331)

ماششاء الله اهنيك على اجتهادك

بس كلامك خوفني شوي يعني شنو لازم نذاكر من الكتاب ؟ لأنه انقال لي مثل مبادئ الأداره مايحتاج الكتاب من ملخصات احد الأخوان

ويعني شنو نسخه الكترونيه وين هذي :000:
لاتخافي ولاشي..
وبالنسبة للكتاب بعض الدكاترة يحيب منه اسئله زي مادة مبادئ الادارة انا درستها مع الدكتور مصطفى بخوش كان موجود ملخصات ومحتوى ومن ذا الكلام وجاب اسئله كثيرة من الكتاب وروحي اسئلي مستوى ثالث هما دفعتي بس انا اجلت السمستر الماضي.. وأغلب الطلبه صنف نوع الاختبار انه صعب وفيه لف ودوران انا اعتمدت على المحتوى والكتاب والحمدلله جبت 98 وشفت الاختبار سهل ..
ومادة القانون درستها مع الزهراني طالبنا بالكتاب وقال المحتوى رؤس اقلام مايفي بالغرض والحمدلله جابلنا اختبار سهل جدا واغلب الطلبه جاوبو لانه مادخل في العميق مع انه طالبنا بالكتاب وبس..
المحاسبه مع علاء زهران كان يعطينا ارقام الصفحات للتمارين والتطبيقات ولقراءه المحاضرة الجايه ومذاكرة السابقه صحيح يحل التمارين في المحاضرة اللي بعدها بس انا كنت احلها لوحدي واصححها معاه.. فبدون الكتاب ماكنت اقدر اشوف التمارين لانه كان يعطينا بس ارقامها وصفحتها..
الرياضيات ما احتجت كتاب ولا الاقتصاد الجزئي مع اني حملت كتاب الاقتصاد
وبالنسبه للنسخه الالكترونيه اقصد اني ما اشتريت كتاب المحاسبه ولا الادارة حملتها من النت pdf فهمتي عليا..
يعني كتاب الاكتروني ..

haya996 2012- 9- 10 08:58 PM
رد: حصلت على a+ علمنا نظام مذاكرتك
 
بنااااااااااااااااااااات انا من الرياض مستوى اول متزوجه وعندي بزرن حايسني حوس الله يصلحه حتى لاب توبي مشاركني فيه ...مالكم بالطويله ابي وحده من الرياض اتواصل معها عالواتس واخذ منها اسئلة لعام او ملخصات او اي شي لاني مدري وش الطبخه

الزعيـــم 2012- 9- 11 05:02 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة haya996 (المشاركة 7207392)
بنااااااااااااااااااااات انا من الرياض مستوى اول متزوجه وعندي بزرن حايسني حوس الله يصلحه حتى لاب توبي مشاركني فيه ...مالكم بالطويله ابي وحده من الرياض اتواصل معها عالواتس واخذ منها اسئلة لعام او ملخصات او اي شي لاني مدري وش الطبخه
هههههههههه
الله يخلي لك بزرك
اشتري له ايبود وافتكي من غثاه :biggrin:
ولا صرفيه عند ابو العيال وقت المذاكره <<<<< لو يدري عني زوجها حقد علي :hahahahahah:
بالنسبه للملخصات والاسئله تلقينها كلها في المواضيع المثبته حمليها على فلاش مومري واقرب خدمات طالب يطبعها لك
بس ترا كلهم نصابين يطبعون الصوره بريالين :017:
انا شريت لي طابعه وافتكيت منهم

زهرة اللوتس1 2012- 9- 13 07:56 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة بو نوره (المشاركة 7203207)
السلام عليكم ورحمة الله وبركاته ...

لكل مادة لها طريقتها الخاصه في المذاكره واسترجاع المعلومات ولكن جميعهم يتفقون في:

1- مشاهدة جميع المحاضرات
2- قراءة المحتوى وكتابة الملاحظات
3- حضور المحاضرات المباشرة

انصح بحل الواجبات بنفسك اولا ثم تأكدي من حلك من المنتدى .. ايضا بالنسبة للمناقشات حاولي المشاركة بعد حضور المحاضرة ومذاكرتها.

طبعا هناك مواد تحتاج الى حل مسائل وانصح بالكتابه في الحل .. الكتابه ثم الكتابه لا تكتفي بقراءة الحل اكتبي المسألة وحليها بنفسك مره ومرتين.

المواد التي تحتاج الى حفظ ذاكريها وكانك بتحضري الاختبار بعد كل محاضرة واخذ الملاحظات راجعيها لكي ترتكز المعلومات في الذهن.

لو الكل يفعل هذه النقاط ويتوكل على الله ... باذن الله +a مضمونه

اتمنى التوفيق للجميع والحصول على +a

الله يجزاك خير

مشكوووووورعلى الأفاده والله يسمع منك :icon9:

زهرة اللوتس1 2012- 9- 13 08:07 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة قلم طموح (المشاركة 7203221)
لاتخافي ولاشي..
وبالنسبة للكتاب بعض الدكاترة يحيب منه اسئله زي مادة مبادئ الادارة انا درستها مع الدكتور مصطفى بخوش كان موجود ملخصات ومحتوى ومن ذا الكلام وجاب اسئله كثيرة من الكتاب وروحي اسئلي مستوى ثالث هما دفعتي بس انا اجلت السمستر الماضي.. وأغلب الطلبه صنف نوع الاختبار انه صعب وفيه لف ودوران انا اعتمدت على المحتوى والكتاب والحمدلله جبت 98 وشفت الاختبار سهل ..
ومادة القانون درستها مع الزهراني طالبنا بالكتاب وقال المحتوى رؤس اقلام مايفي بالغرض والحمدلله جابلنا اختبار سهل جدا واغلب الطلبه جاوبو لانه مادخل في العميق مع انه طالبنا بالكتاب وبس..
المحاسبه مع علاء زهران كان يعطينا ارقام الصفحات للتمارين والتطبيقات ولقراءه المحاضرة الجايه ومذاكرة السابقه صحيح يحل التمارين في المحاضرة اللي بعدها بس انا كنت احلها لوحدي واصححها معاه.. فبدون الكتاب ماكنت اقدر اشوف التمارين لانه كان يعطينا بس ارقامها وصفحتها..
الرياضيات ما احتجت كتاب ولا الاقتصاد الجزئي مع اني حملت كتاب الاقتصاد
وبالنسبه للنسخه الالكترونيه اقصد اني ما اشتريت كتاب المحاسبه ولا الادارة حملتها من النت pdf فهمتي عليا..
يعني كتاب الاكتروني ..

ربي يسعدك دنيا واخره استفدت حيل

كتاب الكتروني يعني من المكتبه الأكترونيه اهاااا :g2: << لا يكون عمتها :tongue:

زهرة اللوتس1 2012- 9- 13 08:14 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة haya996 (المشاركة 7207392)
بنااااااااااااااااااااات انا من الرياض مستوى اول متزوجه وعندي بزرن حايسني حوس الله يصلحه حتى لاب توبي مشاركني فيه ...مالكم بالطويله ابي وحده من الرياض اتواصل معها عالواتس واخذ منها اسئلة لعام او ملخصات او اي شي لاني مدري وش الطبخه

صدقيني حاسه فيك من صمصوم قلبي ولد اخوي طلع لي قرون :icon120:

بس تدرين شسوي فيه لو انغثيت منه افتح له عصاره اوطحانه يخاف من الصوت العالي ماعاد اشوف الا غبرته :biggrin: << شريره :58545:

وكلامي مثل ماتفضل اخوي الزعيم بالمنتدى كل شي يختصر مشاوير :cool:

قلم طموح 2012- 9- 13 02:13 PM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة زهرة اللوتس1 (المشاركة 7224367)

ربي يسعدك دنيا واخره استفدت حيل

كتاب الكتروني يعني من المكتبه الأكترونيه اهاااا :g2: << لا يكون عمتها :tongue:
النت مليان مكتبات الالكترونية بس انا عشان مايضيع وقتي وانا ابحث داخل المكتبه ويطلع مافي اكتب اسم الكتاب في قوقل والقى الحمدلله خير ربنا.. طبعا بعض الكتب لاتنسي ذا الشي بس ابشرك المحاسبه موجود والادارة اذا نفس المرجع والاقتصاد كمان..

قلم طموح 2012- 9- 13 02:20 PM
رد: حصلت على a+ علمنا نظام مذاكرتك
 
:rose:

زهرة اللوتس1 2012- 9- 14 09:49 PM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة قلم طموح (المشاركة 7225510)
النت مليان مكتبات الالكترونية بس انا عشان مايضيع وقتي وانا ابحث داخل المكتبه ويطلع مافي اكتب اسم الكتاب في قوقل والقى الحمدلله خير ربنا.. طبعا بعض الكتب لاتنسي ذا الشي بس ابشرك المحاسبه موجود والادارة اذا نفس المرجع والاقتصاد كمان..

ايييه :(107):

ربي يسعدك افدتيني


:rose:

فيافي 28 2012- 9- 14 10:34 PM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة قلم طموح (المشاركة 7203221)
لاتخافي ولاشي..
وبالنسبة للكتاب بعض الدكاترة يحيب منه اسئله زي مادة مبادئ الادارة انا درستها مع الدكتور مصطفى بخوش كان موجود ملخصات ومحتوى ومن ذا الكلام وجاب اسئله كثيرة من الكتاب وروحي اسئلي مستوى ثالث هما دفعتي بس انا اجلت السمستر الماضي.. وأغلب الطلبه صنف نوع الاختبار انه صعب وفيه لف ودوران انا اعتمدت على المحتوى والكتاب والحمدلله جبت 98 وشفت الاختبار سهل ..
ومادة القانون درستها مع الزهراني طالبنا بالكتاب وقال المحتوى رؤس اقلام مايفي بالغرض والحمدلله جابلنا اختبار سهل جدا واغلب الطلبه جاوبو لانه مادخل في العميق مع انه طالبنا بالكتاب وبس..
المحاسبه مع علاء زهران كان يعطينا ارقام الصفحات للتمارين والتطبيقات ولقراءه المحاضرة الجايه ومذاكرة السابقه صحيح يحل التمارين في المحاضرة اللي بعدها بس انا كنت احلها لوحدي واصححها معاه.. فبدون الكتاب ماكنت اقدر اشوف التمارين لانه كان يعطينا بس ارقامها وصفحتها..
الرياضيات ما احتجت كتاب ولا الاقتصاد الجزئي مع اني حملت كتاب الاقتصاد
وبالنسبه للنسخه الالكترونيه اقصد اني ما اشتريت كتاب المحاسبه ولا الادارة حملتها من النت pdf فهمتي عليا..
يعني كتاب الاكتروني ..
حلو حلو ..
* بس الادارة كيف ذاكرتي مع الدكتور بخوش ؟ مش الدكتور الدوغان هو اللي درسكم ؟
طب الحين لاحظتي فرق بين المحتوى والكتاب ؟؟ يعني هل يوجد بالمحتوى معلومات مختلفة عن الكتاب ؟

* القانون دكتورنا جديد وما بعد ينزل محاضراته ولا ندري اي كتاب يبغى

* الرياضيات والاقتصاد الجزئي ما يحتاجون كتاب فقط المحاضرة والمحتوى

* المحاسبة الكتاب نحتاجه عشان التمارين فقط .. يعني ممكن الاقي النسخة الالكترونية او نتشارك التمارين .. لانه اعتقد الكتاب ما بيكون اقل من 30 يعني خسارة هالمبلغ عشان تمارين وبس ..وكثير يمدحون ملخص ابو موزة انتي وشرايك ؟؟


فيافي 28 2012- 9- 14 10:37 PM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة haya996 (المشاركة 7207392)
بنااااااااااااااااااااات انا من الرياض مستوى اول متزوجه وعندي بزرن حايسني حوس الله يصلحه حتى لاب توبي مشاركني فيه ...مالكم بالطويله ابي وحده من الرياض اتواصل معها عالواتس واخذ منها اسئلة لعام او ملخصات او اي شي لاني مدري وش الطبخه
http://www.***********/vb/forumdisplay.php?f=137
بالمواضيع المثبتة تلقين حقيبة لكل مادة وشاملة لكل شي .. بالتوفيق

ماجد سعد 2012- 9- 15 12:34 PM
رد: حصلت على a+ علمنا نظام مذاكرتك
 
نتمنى أن نحصل على +a هذا الترم

قلم طموح 2012- 9- 16 11:57 AM
رد: حصلت على a+ علمنا نظام مذاكرتك
 
اقتباس:
المشاركة الأصلية كتبت بواسطة عزف (المشاركة 7233373)


حلو حلو ..
* بس الادارة كيف ذاكرتي مع الدكتور بخوش ؟ مش الدكتور الدوغان هو اللي درسكم ؟
درست مع الدكتور مصطفى بخوش "انا كنت مؤجله السمستر الماضي دفعتي الان المستوى الثالث"
طب الحين لاحظتي فرق بين المحتوى والكتاب ؟؟ يعني هل يوجد بالمحتوى معلومات مختلفة عن الكتاب ؟
المحتوى يعتبر رؤس اقلام لايقارن ابدا بالكتاب لكن بعض الدكاترة يكتفي بالمحتوى تسهيلا للطلاب وفي بعضهم لأ ..وفيه طلبه يستعينو بأسئله الاعوام الماضيه يكون منها اسئله من الكتاب يكتفو بحلها فقط ..
* القانون دكتورنا جديد وما بعد ينزل محاضراته ولا ندري اي كتاب يبغى
درسني الدكتور علي الزهراني وطالبنا بكتاب من تأليفه

* الرياضيات والاقتصاد الجزئي ما يحتاجون كتاب فقط المحاضرة والمحتوى
صحيح ما احتجت كتب

* المحاسبة الكتاب نحتاجه عشان التمارين فقط .. يعني ممكن الاقي النسخة الالكترونية او نتشارك التمارين .. لانه اعتقد الكتاب ما بيكون اقل من 30 يعني خسارة هالمبلغ عشان تمارين وبس ..وكثير يمدحون ملخص ابو موزة انتي وشرايك ؟؟

ذاكرت من كتابتي مع الدكتور بالإضافه للمحتوى والكتاب وملخص ابو موزة بس للامانه الكتاب كان طوال الترم معيا اقرأ المحاضرة الجديدة والسابقه وقت الاختبار ذاكرت بس التمارين منه..

Thamerj 2012- 9- 17 12:00 PM
رد: حصلت على a+ علمنا نظام مذاكرتك
 
انصح بحل الواجبات والمناقشه بعد حضور المحاضره يعني جاوب بنفسك

هالشي بيساعدك كثير حتى في ثبات المعلومه ...

المستخلصات جميله وتخدم

لكن لو سجلت انت مستخلصك الخاص بعد كل محاضره تحضرها بتفرق معاي كثير

الاختبارات اللي فاتت كان اعتمادي على مستخلصاتي انا وبعض الاختباراات جربت مستخلصات غيري
ماش مامشت معاي الامور صح


All times are GMT +3. الوقت الآن حسب توقيت السعودية: 03:34 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه