|
رد: مين يبدء معاي دراسه اليوم ...؟
اقتباس:
سلام عليكم ورحمة الله بركاتة يسعد صباحكم حبيت اعلق تعليق بسيط آمل ان تتقبلة في صدر رحب ... ترا في ناس موظفة ودوامها طويل .. يعني لو نخفف بس شوي .. لما نرتب وضعنا .. يعني انا مثلا دوامي يبدا من ست واقوم من خمس اصلي ويالله الحق على الدوام ولا اطلع الا اربع العصر وانام لي ساعتين ثلاثة بعدها اقوم اخلص شغلي ولا الساعه 11 -12 انا اذا قدرت ادخل واذاكر راح يكون عندي ف الوكيند وايام الاسبوع احاول اذاكر وكمان الوكيند عندي ثلاث ساعات الخميس والجمعة .. في النهاية انا حبيت اشرح لكم ظروف الموظفين .. وياليت ينجمع الشرح في ملف واحد هو المناقشات علشان اذا ما امدنا نذاكر سوء نذاكرها ف الوكيند .. ولكم خالص حبي وتقديري ... :16: لا زلت انتظر ذاكـ اليوم ... |
رد: مين يبدء معاي دراسه اليوم ...؟
ما يبيلها كلام معكم أكيد وعسى الله يوفقنا |
رد: مين يبدء معاي دراسه اليوم ...؟
عدنا :8:
أخواني أخواتي لي بعض الملاحظات والإقتراحات آمل أن أراها تطبق على أرض المنتدى << يعني على أرض الواقع :42: أولا ملاحظة بسيطة الأخ طموح شايب الله يجزاه خير في شرحة يكون الرد طويل شبه موضوع يعني << مو هنا المشكلة لحظه المشكلة إللي يقتبس الشرح ويشكر بـ كلمتين بسيطة << و مو مآكلها إلا إحنا داعسين بالسهم على أسفل راح وقتنا فـ كل إللي أتمناه رد بسيط بدون إقتباس << ويمدحون اللايك الإقتراح أننا بعد ما ننتهي من متابعة شرح الأربع محاضرات يتم تنسيقها في ملف وورد من أي أحد متعاون نتفق هنا إذا وافقتوا يضبطها ويرفعها في موضوع خاص لحالها وهكذا مع كل المواد الإقتراح الأخير بما أننا متعاونين هنا فـ ما نعين شخص بذاته هو يشرح لنا لحاله ونعتمد عليه << الأخ طموح شايب يمكن ما إشتكى بس أنا عن نفسي ما أرضى هالشيء صادف بالأمس تعب بنته , ويمكن يصادفه شيء اليوم فـ وجودنا هنا للتعاون في الشرح موب طلبة في حلق طموح شايب :42: و لا يكلف الله نفسا إلا وسعها بالنسبة للمحاضرة الثانية بعد إذن أستاذنا طموح شايب هي عبارة عن تعاريف أغلبها أخذناها في المحاسبة 1 وتعاريف جديدة و سهلة أي أحد فينا بإمكانه شرحها لنا إذا ما تجهزت لـ شرحها اليوم أحدنا يقوم بهذه المهمة رأيكوووو :35: |
رد: مين يبدء معاي دراسه اليوم ...؟
السلام عليكم شباب صبايا صبحكم الله بالنور والسرور
فوفه انا معك بكل كلمه خصوصا كلمة الاقتباس هذي اشوفها مالها داعي وان حصل واتبي تقتبس ياخي اقتبس كم كلمه يعني << اسم انك طيبت خاطرك :8: الف لا باس على بنتك اخوي طموح جمعت الكلام اللي ناقشتوه بملف وبرتبه وبنزله بعد ما نكمل نقاش المحاضرات الباقيه وانزله للي يحب يعني يستفيد منه لاحقا :29: |
رد: مين يبدء معاي دراسه اليوم ...؟
صبحك الله بالرضى
الله يعطيك العافية ما شاء الله أمداه الإقتراح يتنفذ :42: أنا إكتشفت إن فيه رد قبلي إقترح هالشي قلت كويس موب لوحدي :31: يعني ثلاثه مؤيدين << كفاية |
رد: مين يبدء معاي دراسه اليوم ...؟
الله يعطيكم العافية ابشركم البنت طيبة وبخير بس تتدلع (بنات آخر زمن) هههههه اقتباس:
طريقتنا كالتالي نخلص 4 محاضرات خلال مدة أقصاها 4 أيام وبعدها راحة يومين كل واحد يرتب له جدول مذاكرة خلال هاليومين للمواد السهلة مثل العقيدة والأخلاق والصحة وبعد اليومين الراحة نرجع نستكمل 4 محاضرات محاسبة لمدة اربعة أيام ثم راحة يومين وهكذا الى ان ننتهي من المحاسبة ثم نبدأ في مادة ثانية إن شاء الله اقتباس:
وعليك السلام اخي ميدو كان الله في عونك انا مثلك وظيفة وبيت وعيال واشغال ولكن اضغط على نفسي لمدة ساعة الى ساعتين في اليوم مخصصة للجامعة ولأعضاء المنتدى ونظام شياب - أقوم 5.30 الصباح ودعسة وحدة الى الساعة 10 بالليل ولكن لازم نصبر ونتحمل لأن الوقت قصير والمواد كثير وبالنسبة للشرح فيوجد أعضاء فاعلين في المنتدى بيتطوع واحد منهم لجمع الشروحات وترتيبها اقتباس:
اقتباس:
الله يعطيك العافية على حرصك واهتمامك أنا معاك في الملاحظة الأولى اللي هي الرد مع اقتباس الردود الطويلة الملاحظة الثانية نبي متطوع/ة لجمع الشروحات والتعاريف والمعادلات وتنسيقها ورفعها ملاحظة الشرح بصراحة لما أشرح أفهم أكثر وصدقيني لو حسيت إني مرهق أو غير مركز أو مالي خلق أشرح رأح أقولها بكل صراحة وبكل أخوية موفقين |
رد: مين يبدء معاي دراسه اليوم ...؟
الحمدلله على سلامتها دامه دلع بنات اجل ماعليها شر الله يحفظها لكم امين
بالنسبه للشروح بديت تجميعها اذا تبوني اكمل كملت ماعندي مشكله وبنزلها بعد ما ننتهي المحاضره 4 |
رد: مين يبدء معاي دراسه اليوم ...؟
اقتباس:
الله يجزاك خير عاد هي آخر العنقود وما أصبر على دلعها توكلي على الله وبيكون تجميعك هو المعتمد |
رد: مين يبدء معاي دراسه اليوم ...؟
بالتوفيق ان شاء الله
|
رد: مين يبدء معاي دراسه اليوم ...؟
هههههه لا هنا نوقف مانقدر نكمل دامها اخر العنقود :5:
اجل على بركة الله ان شاء الله على نهاية المحاضره 4 اكون جهزته |
| All times are GMT +3. الوقت الآن حسب توقيت السعودية: 05:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام