|
حسبي الله ونعم الوكيل
بسم الله الرحمن الرحيم السلام عليكم ورحمة الله وبركاته اسعد الله جميع أوقاتكم بالخير والمسره وبعد لازالت الجامعه تواصل مسلسل الفاشل لأخطائها الواضح والجلي للعيان اليوم نزلت المحاضرات الثانيه والثالثه لجميع المواد وكنت مرتب جدولي اتابع اول شي الأخلاق الإسلاميه وبالفعل تابعت الثانيه وتفاجأت بالثالثه انها نفس الثانيه ولاكن تسجيل قديم بتاريخ 10 اكتوبر 2010 طيب وش اتابع اي وحده منها حسبي الله ونعم الوكيل على النظام الي فااشل اسف اني انفعلت وانا أكتب هالموضوع والظاهر اني راح اعيد النظرفي المواصله في هالجامعه واشوف احسن منها ان شالله وتحياتي لكم جميعا:16: |
رد: حسبي الله ونعم الوكيل
الله يعيناا على هالجامعه بتسبب لنا الضقط :37:
|
رد: حسبي الله ونعم الوكيل
وانا اختك كلنا مثل بعض .. فعلا جامعتنا تقهر:10::24: والظاهر يبيلنا نطول بالنا اكثر... ومع ذلك اشكرها لانها علمتني الصبر:6::26: كأني قلت شعر!!!!:31: |
رد: حسبي الله ونعم الوكيل
صبرا جميل والله المستعان:24:
|
رد: حسبي الله ونعم الوكيل
الله يكون بالعون شكلي كذا ابكمل طريقتي دام هاذي اولها بحمل المحاضرات لإحتساب الدرجات والمتابعه بخليها على اليوتيوب يعطيك العافيه سعود .... |
رد: حسبي الله ونعم الوكيل
وانت تدور متابعه محاضرات .! انا بفتحها بس علشان اشوفها وتحسب لي درجة المشاهده بس لقيت تنزيل المحاضرات مافيه مشاهده !!! تركتها بصراحه
|
رد: حسبي الله ونعم الوكيل
ليششش ليششش مستعجلين ؟
ذاكرو ع مهلكم ! وم ورانا ضغط إن شاء الله باقي لنا وقت يمديناااا ومصيرها تنزل كلها وبيضبط إن شاء الله |
رد: حسبي الله ونعم الوكيل
اشواق المشكله انه انا راح يكون عندي ضغط الأيام الجايه بسبب ضروفي يعني لو ما أنجزت أول بأول راح تتراكم على الأمور وراح اتضرر والسبب هي هالجامعه الخايسه |
رد: حسبي الله ونعم الوكيل
الله يعين مامعاكم إلا الصبر
وياحبيبتي حنا مو مستعجلين هم الي تأخرو وفي الناس عندهم ظروف يعني مايقدرون يذاكرون إلا الشهر هاااذا يعني الناس مو كلهم زي بعض اتمنى تكووني فهمتيني:16: |
رد: حسبي الله ونعم الوكيل
مشكور يامراسلنا ماقصرت
وبالفعل انا مثلك تفاجأت بعد بالتكرار :42: ولكن قلت بمسحه لاني ندمت اني حملتها اصلا والنظام حوسه ومافي مشاهده ولا مناقشات وبعيدها اذا تعدل بعد اسبوع ولا 2 عموما ماقصرت ومالك ورده ولا شي ماتسوي لي تنبيه دخلت موضوعه بالصدفه :24: |
رد: حسبي الله ونعم الوكيل
اسف اني مانبهتك يا أم عساف وأسف للجميع بس والله العظيم ان ضغطي كان مرتفع من هالجامعه واعذروني |
رد: حسبي الله ونعم الوكيل
آناا م فكرت آنزل آلمحآضرآت هـ آلآسبوع لآنيُ عآرفهَ حوستهم آلليُ دآيم تصير
ف آبنتظر كذآ آسبوع وآشوف وآلمذآكرهه رآح آشوف المحآضرآت مشآهدهه بس آو من آليوتيوب آو آلقروبآت " |
رد: حسبي الله ونعم الوكيل
يعطيك العاااااااافية أخوي سعود على هالخبرية ... :13: وأخوي هتان بعد ..ما شاء الله منزلين الخبر في توقيت واحد ههههههه وبعدين يا أخواني الله رضا عليكم ,, لكل نظام هفواته وأعطاله قبل أسبوع كنا متضايقين من عدم نزول المحاضرات الحين المحاضرات قاعدة تنزل :31: .. صحيح مو بأشكل إلي نحب لكن هذي بداية ولابد من هالعثرات ... :41: وعني بذاكر من المحاضرات على يوتيوب أو الملخص المهم أني بذاكر قد ما أقدر والباقي يبان بعدين .. :27: تحياتي |
رد: حسبي الله ونعم الوكيل
استهدوا بالله <<<< ترانا متعودين
على العموم الملخصات وعندنا والمحاضرات موجوده باليوتيوب للي مستعجل يذاكر وماينضغط والمحاضرات نهتم لها عشان نحملهم وتحسب لنا الدرجات وهذي سهلات باذن الله خليهم ينزلونها وبين فتره وفتره ادخلو وحملو لكم همشة محاضرات <<<< متعوب عليها همشه تعني مجموعه هههه:8: وسع صدرك اخوي سعود تهون باذن الله وانت قدها ياما عانينا من اخطاء المحاضرات وتنزيلها بالمستوي الاول جت علي هذي:29: ويرتفع ضغطك ويصير شي فيك لاسمح الله ماتسوي عليك الدراسه <<<< دوعابه دوعابه:8: شكلي بتصفق:31: |
رد: حسبي الله ونعم الوكيل
صبرآ جمممميل والله المستعان
كنك تحكي على لساني وضع مزري بس لاتفكر بلانسحاب نهائيآ السنه هاذي بيتخرجون اول دفعه للتعلم عن بعد خلنا نشوف وش بيصير اذا شي يشجع ولاانسحاب مافيها كلام ^ تعديل :37: اختي جننتني صج اول دفعه ولاشلون ؟؟؟ :39: |
رد: حسبي الله ونعم الوكيل
الله يهديهم احس هالترم مره حايسين ومشغلينا على الفاضي الحمدالله مافي الا مادتين فهم والا كان انهبلنا انا انتظر المناقشات هي الي شايله همها لاني ارتاح نفسيا للافتراضي واضمن للدرجات صراحه بس عندي مشكله الصحه واللياقه يطلع لي قسم الفقهي والعبادات عجزت في الافتراضي احملها واتمنى منكم جد ماتضغطون وتشدون اعصابكم ان شاءالله فيه وقت ترا مو مهم تشوف المحاضرات وتذاكرون بضغط المهم استيعابكم وفهمكم للماده روقوا وان شاءالله الامور سهالات باذن الله موفقين |
رد: حسبي الله ونعم الوكيل
وسعووو صدوركم << في كلام سابق الترم اللي فات صرحووو انو حتى اذا حملت المحاضرات وطلعت غلط
<< راح يحسب لك التحميل << اما بشأن المذاكره افتحها باليوتيووب << وان شاء الله راح تتعدل بالبلاك :7: << بس لازم نبلغهم << وعلى فكره كل جامعه لها مشاكل مع النظام << صديقتي بجامعة الملك عبد العزيز بجده عن بعد << تخيل في مواد مانزلت محاضراتها الا قبل الاختبار بأسبوعين:10: مع العلم انها اللحين بمستوى خامس إدارة طبيه << شووف الفرق احنا في نعمه وربي :7: <ربي يسهل اموورك ووسع صدرك وانا أختك وكل شي له حل بالتوفيــــــــــــــــــــــــــــــــــــــــــق :16: |
رد: حسبي الله ونعم الوكيل
أنا ما فتحت النظامين خير شر
وعلى قولة fatimah أحضرها من اليوتوب على الدرجات قبل موعد إغلاق النظام أحملهم كلهم بدون ما أتفرجها حتى :42: << نفعت الترم الأول أخذت الدرجات كاملة :21: |
رد: حسبي الله ونعم الوكيل
نظام جامعتنا الحبيبه خلك كوووووووووووول تنجح على طول |
رد: حسبي الله ونعم الوكيل
الجامعه شفيهم تعبانين ؟؟ :)
فقه العبادات شكو بالصحه واللياقه حملت المحاضره الثانيه وطلعت لي كذا :13: سلامات .. |
رد: حسبي الله ونعم الوكيل
سعود لو خايف تنضغط احضر المحاضرات على اليوتيوب بالترتيب اللي يريحك
و يصير باقي لك التحميل بس عشان الدرجات انتو مستعجلين على الجامعه بزياده و ماعندكم صبر و لا تقدير لجهودهم وللنعمه اللي انتو فيها صحيح النظام مشاكله كتيره بس كفايه انو بيعلم اكتر من 100.000 شخص !! احمدو ربكم |
رد: حسبي الله ونعم الوكيل
كل مَ أجي أحمل المحاضرات يجيني هالخطأ كود PHP:
ماعندهم دعم فني أبد ! الدعوى شكلها .. مجاملات ، ماراح أحمل أي محاضرة لحد مايستقر هالنظام . |
رد: حسبي الله ونعم الوكيل
اقتباس:
انا رايي من راي فاطمه احسن طريقه كذا خصوصا للي يبي يذاكر اول باول الله يعينا بس :22: |
رد: حسبي الله ونعم الوكيل
الله يوفق الجميع
|
رد: حسبي الله ونعم الوكيل
الله يعين اش نسوي:24:
|
رد: حسبي الله ونعم الوكيل
هالجامعه عمي ما بدهاش تزبط يازلمه ربك بيفرجها قول يالله بس :1:
|
رد: حسبي الله ونعم الوكيل
الله يعطيك العافيه سعوووووووود :16:
وشكرا على الخبريه اجل مانى داخله موقع الجامعه الا باسبوع الاجازه بعد مايضبطوون محاضراتهم ومناقشاتهم والواجبات اما كل شوى داخله الاقي غلط مالهم داعى :23: |
رد: حسبي الله ونعم الوكيل
انا للحين مازلت شئ لين يتسنعووون:14:
ثاانكيووو اخ سعوود:2: |
رد: حسبي الله ونعم الوكيل
الصبر قميل :35:
|
رد: حسبي الله ونعم الوكيل
سؤال
كيف احضر المحاضرات ع اليوتيوب أعطوني رابط أو أي شي يعطيكم ألف عافيه جميع وبالنسبة لمحاضرات الأخلاق الإسلامية مضبوطة عندي بالتوفيق للجميع:2: |
رد: حسبي الله ونعم الوكيل
الله يكون بالعون
|
رد: حسبي الله ونعم الوكيل
لله الحمد والمنه تم تحميل المحتوى + تحميل المحاضرة المسجلة بالصوت + مشاهدة المحاضرات المسجلة للمواد المختارة لدراستي وهي كالآتي : - الصحة واللياقة - العقيدة والمذاهب - محاسبة 2 - تقنية معلومات [ حتى المحاضرة الثانيه وكلها صحيحة ماعدا المحاضرة الثالثة (تكنولوجيا معلومات ) ] - اقتصاد كلي # الطريقة كالتالي : استخدام نظام البلاك بورد استخدام النظام الافتراضي ان اعطاني خطأ حاولت مرارا وتكرارا حتى اتممت المهمة |
| All times are GMT +3. الوقت الآن حسب توقيت السعودية: 09:21 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام