|
رد: وين وصلتم بالمذاااكره , مشاكلكم . ملاحظانكم
اقتباس:
اللهـ يتقبلهـ بواسع رحمتهـ .. |
رد: وين وصلتم بالمذاااكره , مشاكلكم . ملاحظانكم
أحسن الله عزاك اختي مملكتي وعوضك خير ,, ترى الصبر زين قولي لا الة الا الله الحي الذي لا يمووت
وانالله وأنا اليه راجعون , انتي انسانه قويه مثل ماتعودنا نشوفك ومؤمنه وصدقيني راح تتجاوزي هذي المرحله من حياتك ان شاء الله ,, بصبر والأيمان والأعتماد على الله وأكثري الدعاء له برحمة ولنفسك ايضا ,, قلوبنا كلنا معك ونتمنى انا نشوف الأبتسامه على وجهك مثل ماعرفناك اول وافضل في اقرب وقت ,, بنسبه لموضوع الدارسه هذا الترم مادري احس ان المذاكره بيني وبينها غربة كنها الليل ,, والله يجزاي استاذ المحاسبه عني كل خير فتحت له اول ثلاث محاضرات ,, الظاهر على ماذكر كانت الأخيره ساعه ونص ,, او موضوعه في جزئيين المهم طويله طويله ,, يعني بختصار كرهت المحاسبه بسبته ياخوان ياخوات المحاضره الثالثه والله ماتستاهل ساعه ونص شرح ,, تحس الفكره كبيره والموضوع متشربك ولو تجيب لك ورقه وقلم بسطرين وربي تختصر كل الموضوع يعجبني القحطاني يعني انت بتخترع صاروخ نص ساعه بلكثير 45 دقيقه في شي مافهمته ارجع للكتاب ,, على العموم ضيق الوقت وهذره بعض الدكاتره وهو يدور حول 1+1 = 2 كرهتني بلمذاكره والشي الثاني عندي ضغوط عمل والجاي احلى على قولتهم بطلع من الرياض 25/5 من ها الشهر وماراح ارجع الا في 5/8 بصراحه هي وحده من الثنتين ياما نشد حيلنا الترم هذا ومن الحين ولا بضطر اني اودع ها الترم مجبور والخساره الكبيره هي ان بفقد ها الكوكبه الجميله من الأشخاص الي تعودت عليهم ,, ولا انسى اني اشكر صاحب الموضوع مسافر بلا عنوان وهل يخفى القمر لو غاااااب ,, وين كلام الترم الي راح مسااافر اشوى انك رجعت ولا طالت الغيبه والعوض في الي جاي ان شاء الله فالنا التوفيق جميع |
رد: وين وصلتم بالمذاااكره , مشاكلكم . ملاحظانكم
اقتباس:
ويلهمكم الصبر يا ملكه , اكيد صعبه وشي لا يصدق بس قضاء الله وقدره ي ملكه والله يحفظك لك اخوك الثاني |
رد: وين وصلتم بالمذاااكره , مشاكلكم . ملاحظانكم
اقتباس:
اي والله بالنسبه للنفسيه تحت الصفر وبعدين لا تنسون ان عندنا مواد كثير وحفظ ووجع راس الله يعيين شكرا لمرورك يا رائعه |
رد: وين وصلتم بالمذاااكره , مشاكلكم . ملاحظانكم
اقتباس:
استمري على نفس المستوى وال a+ با الانتظار :3: شاكر لك مرورك عزيزتي |
رد: وين وصلتم بالمذاااكره , مشاكلكم . ملاحظانكم
اقتباس:
في دكاتره زي الهجهوج ما عنده ماعند جدتي هو بنفسه ما يفهم في الاقتصاد وكل ماوصل على شريحه يقول هذه اتركها لكم للقراءه يا شيخ خلصت المقرر وانت تقول الكلام هذا < ودي اشرشح بس المكان ما يسمح المهم بالنسبه للغياب فكان بسبب ضروف كرهت ام الحياه بسببها , اتمنى تعدي عشان نشوف وش لنا ووش علينا وبعدين الترم اللي راح كان هناك حماس والحين ياخي ما ادري وش صار فينا لا يكون عين ولا شياطين برؤسنا ياخي كل مامسكت الكتاب اقراء تضهر لي سالفه او النوم يجيني وقلت يلا بكره وذاكرت والايام تروح لا يسعني الا ان اشكرك على كلماتك التي استمتعت بقرائتها صراحه وليس غريب عليك التميز شاكر لك المرور عزيزي |
رد: وين وصلتم بالمذاااكره , مشاكلكم . ملاحظانكم
مشكورين ماقصرتو
مسافر عندي 3 اخوان ولله الحمد راح واحد وبقى ثلاثه بس كلهم صغار مارتاح معهم زي اخوي الله يرحمه اخواني واحد باول متوسط وواحد بالروضه وواحد عمره سنه يعني ما يسوقون محد اروح اهستر معه محد يوسع صدري صدق السفر مع ابوي فله بس اخوي اخذ راحتي صدق انه يكفخني ويلعن خيري لاني افتش بس انبسط معاه الله يرحمه مع ابوي اقط حتى العباية بالسفر ولا احس بفلة زي لما اعاند اخوي واقط الغطا ونجلس طول السفره نتهاوش تغطي وتغطي واروح اعاند وافك الشيلة وافتح شعري وافتح المراية واجلس اتعدل ويجيني ذاك الطراق بس كان حماس يكفي السهر والهستره انا واياه اخر الليل ياماكفخني على عباية الكتف بس الله يجعلنه بجنات النعيم يمكن هو بمكان احسن من اللي عايشين فية ومبسوط الححمد لله على كل حال .. سوري ع الشطحه برا الموضوع |
رد: وين وصلتم بالمذاااكره , مشاكلكم . ملاحظانكم
ما شاء الله أخوي مسافر ... لا ماشي صح .. وأبشرك أخوك أخو .. :21: أما أنتي ياملكة أن كان الله أخذ منك أخ ,, فأعطاك هنا ميه أخ كلهم يدورون مصلحتك والحين وأنا خوك عشان أخوك الله يرحمه شدي حيلك وخليك مع الوالده.. لأنه محد راح يفقده قدها والوالد الله يعطيهم الصحة والعافية وأخوانك عليك دور تعلمينهم كيف يحبونك مثل ما كنتي تحبي أخوك رحمة الله عليه :1: وأنتي كذا تخليني أعترف لك بحاجة ما ودي كان أقولها .. شكرا لك لأني شفت فيك الأصرار والعزيمة عشان تحققي مستوى أنا نفسي ماراح أتنازل عنه الحين شكرا لأنك الترم الأول :35: عطيتي لكل واحد فينا دافع للأستمرار شكرا لك .. :16: :24: وننتظرك |
رد: وين وصلتم بالمذاااكره , مشاكلكم . ملاحظانكم
ملكه بمملكتي ..
عظم الله اجركم ,, الله يرحم اخوك ويسكنه فسيح جنااته ويججعل قبره روضه من ريااض الجنــه الله يصبركم ... |
رد: وين وصلتم بالمذاااكره , مشاكلكم . ملاحظانكم
مملكة مملكتي والله الفراق صعب بصراحه صحيح مانلومك لكن الله يصبرك يارب كلنا هترم مادري شفيناا لكن الله يكون بعوناا :24:
|
| All times are GMT +3. الوقت الآن حسب توقيت السعودية: 06:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام