ملتقى طلاب وطالبات جامعة الملك فيصل,جامعة الدمام - مراجعة مادة الاقتصاد الكلي "طموح شايب"

- إدارة أعمال 2 (https://vb.ckfu.org/f306)

رد: مراجعة مادة الاقتصاد الكلي "طموح شايب"

اقتباس:

المشاركة الأصلية كتبت بواسطة dashka (المشاركة 8707114)

والله الدكتور شرحه اقل م اقول بالشرح التافه والفلسفي
مثل الردود العقيمه هنا الاولاد يردوا على بعض ومرسي هذا من احترامهم
والبنات يردو على العيال وهذا اهم اهتماماتهم
واحنا البنات ضايعين بالطوشة

يلا لنا الله

عزيزتي كل إناء بما فيه ينضح :30:

أولا أنا أغلب اللي رديت عليهم بنات وإنتي سؤالك كان عن النماذج والحلول ولو ترجعي ورى حتلاقي إني وعدتكم أحل الأسئلة وأرفعها لكم وإذا كان فاتني ردك ولا مانتبهت وماسويتلو إقتباس فجل من لا يسهو وأنا بشر أصيب وأخطئ وأحاول المساعدة بقدر الامكان والله عالم بظروفي الصعبة بس ماأقول غير الله المستعان :24:

رد: مراجعة مادة الاقتصاد الكلي "طموح شايب"

اقتباس:

المشاركة الأصلية كتبت بواسطة omjehaad (المشاركة 8713307)

حبيبتي الله يوفقتج ويجزاك خير والله ماقصرتي :11:

رد: مراجعة مادة الاقتصاد الكلي "طموح شايب"

دي لأحلى ام جهاااد ولا تزعلي نفسك ياقمر :16::16::16:

رد: مراجعة مادة الاقتصاد الكلي "طموح شايب"

اقتباس:

المشاركة الأصلية كتبت بواسطة omjehaad (المشاركة 8704974)

أخوي خليك معاية خطوة خطوة وإن شاء الله إني أقدر أوصلك المعلومة

أولا بخصوص الطرح والجمع المعادلة اللي فوق حطت - وبعدين قوسين وداخل القوسين جمعت كل القيم اللي راح تنطرح من الدخل الصافي بس الدكتور عمل طريقة تانية بدل مايجمع جميع الأشياء اللي تنطرح وبعدين يطرح لأ طرح وحدة وحدة يعني فك القوس من البداية :27:

مثل لمن أقلك 15= 10-3-2 أو 15= 10-(2+3)=10-5 :21:

وبخصوص الدخل القومي هو نفسه صافي الدخل المحلي طبعا الدكتور ماجاب سيرة بس هو مرة يقو صافي الدخل ومرة يقول الدخل القومي وهذا المصطلح غير موجود الا بالجدول اللي في الكتاب
وعند البحث في منهج الاقتصاد في جامعة طيبة لقيت إنه الدخل المحلي هو نفسه الدخل القومي :30: (ابتسم فأنت في السعودية :42:) طبعا المفروض حسب الفهم إنه الدخل القومي يخص دخل السعوديين مثلا داخل وخارج البلد والدخل المحلي يكون داخل حدود البلد سواء سعودي أو بدون بس احنا ماعلينا نمشي معاهم وخلاص أهم شي ننجح :29:

إن شاء الله أخلص شغلي وأشرحلك طريقة استخراج الدخل الشخصي لمن تفهمها حتلاقيها مرة سهلة :21:

:6:

الحين الدخل القومي هو نفسه صافي الدخل المحلي!

وهوصار له ساعه يقول فرقو بين القومي والمحلي!

ياالله انك تعينا على دورت الراس:36:

،،،
ام جهاد ماقصرتي :21:
وياليت والله تشرحي طريقة الدخل الشخصي

وفي ميزان اعمالك ان شاء الله

رد: مراجعة مادة الاقتصاد الكلي "طموح شايب"

اقتباس:

المشاركة الأصلية كتبت بواسطة omjehaad (المشاركة 8713307)

أم جهاد يعطيك ألف عافيه ياعسل لاتتضايقين إنتي مومجبوره تردين وتشرحين لكل شخص
مثلك مثلنا عندك ارتباطات والتزامات ومذاكره ،،وماقصرتي تحاولين تساعدين الكل
ويكثر خيرك ألف سواء حليتي الأسئله أوماحليتيها،،
ابتسمي وطنشي موكل شي يستاهل تردي عليه:27::43::16:

رد: مراجعة مادة الاقتصاد الكلي "طموح شايب"

اقتباس:

المشاركة الأصلية كتبت بواسطة omjehaad (المشاركة 8713307)

ام جهاد الله يعطيك العافيه ويوفقك دنيا وآخره

جهودك مع الجميع وكل ما استطعتي فعلتيه وامام الملأ على الرغم بأنك ليس مكلفه او ملزمه بفعل هذا ولكن من باب المساعده وحبك للخير للجميع وما نقول الا الله يوفقك ويكثر خيرك

انا هنا وبأسم الجميع اعتذر لك عن بعض التصرفات الفرديه سامح الله اصحابها واتمنى ان لا تفكري فيها بحكم عقليتك وفكرك الكبيرين وطبقي المقوله (طنش تعش تنتعش)

تقبلي احترام وتقدير الجميع

رد: مراجعة مادة الاقتصاد الكلي "طموح شايب"

اقتباس:
المشاركة الأصلية كتبت بواسطة omjehaad http://www.ckfu.org/vb/ckfu/buttons/viewpost.gif
عزيزتي كل إناء بما فيه ينضح :30:

أولا أنا أغلب اللي رديت عليهم بنات وإنتي سؤالك كان عن النماذج والحلول ولو ترجعي ورى حتلاقي إني وعدتكم أحل الأسئلة وأرفعها لكم وإذا كان فاتني ردك ولا مانتبهت وماسويتلو إقتباس فجل من لا يسهو وأنا بشر أصيب وأخطئ وأحاول المساعدة بقدر الامكان والله عالم بظروفي الصعبة بس ماأقول غير الله المستعان :24:

ام جهاد حبيبتي انتي سويت اكثر من استطاعتك وانتي مو ملزومة لذا الشيء

وحبك للغير هو اللي خلاكي توقفي وتساعدينا وتشرحي لنا

الله يسعدك ويوفقك وينور طريقك ويحفظلك عيالك وتكوني من اسعد خلق الله

بالداريين وياجعل مثواك الجنة حبيبتي :16:

ولاتضايقي روحك من اشخاص صدر منهم سوء او كلام ولا يهمك ياقلبي

الله يهديهم ويصلحهم

انتي اعطيتينا من وقت ومذاكرتك وجهدك فالكي كل الشكر وجوزيتي خير

طنشي تنتعشي :8: واللي مو عاجبو يشرب من مويه البحر حامض على بوزو عصبت :41:

رد: مراجعة مادة الاقتصاد الكلي "طموح شايب"

شكرا لكم جميعا وجزاكم الله خير والله أنا الدعوة بس تكفيني الله يسعدكم ويوفقكم يارب :1::16:

مدري بس نفسيتي كانت شوية تعبانة مع الأولاد والاختبارات والدوام فرديت عليها ولا كان أحسن شي زي ماقال الأخ مشعلي طنش تعش تنتعش وهي شعاري في الحياة :27::29:

والله يوفق الجميع :1::16::21:

رد: مراجعة مادة الاقتصاد الكلي "طموح شايب"

اقتباس:

المشاركة الأصلية كتبت بواسطة الرجل الحديدي (المشاركة 8715704)

أخوي أكيد هو في فرق بين الناتج المحلي والناتج القومي بس الدخل القومي هو بيغلط ويقولو كمان للدخل المحلي وأزيدك من الشعر بيت كمان جامعة الامام وجامعة الملك عبدالعزيز يشرحو الناتج المحلي الاجمالي ويوقولو الناتج القومي الاجمالي من جد شي يرفع الضغط والحمد لله على جامعتنا ترى هي أفضل شي من ناحية المناهج واختيار الكتب :21:
إن شاء الله اليوم أشرحلك الدخل الشخصي :16:

رد: مراجعة مادة الاقتصاد الكلي "طموح شايب"

بسم الله نبدأ من بداية الدخل قبل مانطلع الدخل الشخصي حنجيب الناتج المحلي الاجمالي بطريقة الدخل يعني الناتج حيكون هو الدخل :21:

الناتج المحلي بطريقة الدخل = الدخول المتحققة لقاء المساهمة في الانتاج + الضرائب غير المباشرة +الاهلاكات -الاعانات الحكومية غير المباشرة علشان الاعانات دخل حصل عليها الشخص بدون مساهمة في الانتاج :27:

طيب نجي للدخول المتحققة لقاء المساهمة في الانتاج ايش هي عوامل الانتاج عوامل الانتاج الأرض والعمل وراس المال والتنظيم :21: الدخل المتحقق من الأرض أو المبنى حيكون على شكل ايجار
الدخل المتحقق من العمل حيكون راتب وأجور
الدخل المتحقق من راس المال حيكون فوائد
الدخل المتحقق من التنظيم -مثلا فتحت شركة أبتكرت عمل -حيكون أرباح وطبعا حنحسب جميع الأرباح لأنه ناتج محلي اجمالي والأرباح حتكون متضمنة الأرباح الموزعة والمحتجزة والضرائب على أرباح الشركات :27:
إذا الناتج المحلي الاجمالي بطريقة الدخل = أجور ورواتب + إيجارات + فوائد + أرباح + ضرائب غير مباشرة + إهلاكات الأصول الثابتة - الاعانات الغير مباشرة أو تجي بمعنى تاني المدفوعات التحويلية :21:
لو قلنا نبغى الدخل المحلي الصافي = الناتج المحلي الاجمالي - الضرائب غير المباشرة - الاهلاكات الثابتة
وطبعا جبنا المعادلة دي من نفس الناتج المحلي الاجمالي بس نبغى الدخل فقط رحنا شلنا الضرائب والاهلاكات لأنها حتنقص من الدخل ونحن نبغى دخل صافي بدون مصروفات :27:
طيب دحين نجي للدخل الشخصي اللي ماله علاقة بالانتاج نحسب الدخل حتى لو إعانات لو ضمان اجتماعي حافز أي شئ يدخل للشخص طبعا عندنا الدخل المحلي الصافي احنا طرحنا منه أي شئ مايخص الانتاج اللي هي الاعانات الحكومية وحسبنا كل الأرباح اللي تستفيدها الدولة من الأشخاص زي استقطاعات الضمان الاجتماعي والأرباح غير الموزعة كلها كانت محسوبة في الدخل الصافي المحلي لأنه دخل يخص الدولة بكاملها
دحين نجيب الدخل الشخص نقول = الدخل الصافي الاجمالي يقولولو كمان (الدخل القومي :30::40:)نطرح منه الضرائب على أرباح الشركات - الأرباح غير الموزعة اللي الشركة تستفيد منها في التوسعة - استقطاعات الضمان وممكن زي احنا الموظفين التأمينات الاجتماعية :27:وبعدين نضيف الأشياء اللي ماحسبناها أصلا في الدخل المحلي الصافي وهي + الاعانات الحكومية زي الضمان أو حافز + الفوائد على الدين العام طبعا دي ماتشمها في السعودية :42: المهم يصير
معادلة الدخل الشخصي = الدخل الصافي المحلي - الضرائب على أرباح الشركات - الأرباح غير الموزعة - استقطاعات الضمان أو التأمين + المدفوعات التحويلية أو الاعانات سيم سيم :29: + الفوائد هلى الدين العام :21:

أهم شي حسب المعطيات في المسألة أي شئ حتستفيد منه حيكون دخل وأي شئ راح تدفعو حيكون مصروف يقلل من الدخل وإن شاء الله أكون قدرت أوصل المعلومة وأي استفسار أنا جاهزة :29::21::16: