|
رد: تقسيم الموآد الرجآء من الجميع المشآركة ..
عزيزتي نور
الله يسعدك دنيا وآخره أنا ما عندي مشكله وإعتراض إلا على حكاية إن كل متطلبات الماده تكون مكدسه في موضوع واحد والمهام اللي عندنا واللي بنسويها كثيييره ، كيف بتكون كلها في موضوع واحد !!! ترا راسنا بيلف 100 لفه كل ما دخلنا الموضوع !!! وأنا عندي فكره حبيت اطرحها مع إنها تقليديه ومافيها جديد لكن على الأقل أحس إنها اكثر ترتيب وهي : نثبت موضوع بمسمى الماده ، مثلا: مادة المحاسبه 2 (بما إنها مادتي) نكتب بداية الموضوع هذي العباره : (لا يسمح لأي عضو بكتابة مشاركه في هذا الموضوع غير مجموعة الماده) وتحتها يكون فيه روابط : رابط للمحاضرات بتلخيصها ، رابط للكويزات ، رابط للأسئله السابقه .... إلخ كل عضو يدخل على الرابط ويكتب تعليقه ومشاركته واستفساراته مثل ما يبي وإحنا المجموعه بعد ما نجمع ونفرز ما توصلنا له نهاية الاسبوع ندخل على الموضوع المثبت ونضمن كل اللي عندنا في مشاركه وحده فقط ونستمر على هذا النمط وهذا الترتيب للنهايه وتجي ايام الإختبارات ونلقى هذا الموضوع مرتب ومنظم بطريقه تشرح الصدر وتفتح النفس للمذاكره ... لا تقولي بتشتتنا كثرة الروابط نحن المجموعه ، لأن بالعكس أشوفها ارتب لنا وللجميع وياليت إنت وكل من قرأ فكرتي تتخيلوها وكأنها موقع أو قسم ومستحيل تلقون موقع مواضيعه عايمه على بعض و لكن كل شي له موضوع مخصص فيه ... فأتمنى تكون فكرتي لها فايده ولو بالقليل ، وأتمنى نوصل لمبتغانا قبل بداية الدراسه :106::106: :004: :106::106: |
رد: تقسيم الموآد الرجآء من الجميع المشآركة ..
ويسعد قلبك يارب :004: بقولك اللي فهمته واذا فيه غلط صححي لي .. :(204): 1- يكون فيه ورشه للعمل فيها متطلبات الماده من كل النواحي 2- يكون فيه موضوع مثبت اللي يشارك فيه فقط اعضاء مجموعة الماده يتم فيه ادارج كل مايستفاد من الورشه من ردود قيمه ومناقشات وواجبات وكويزات و و و ** اذا كان كذا اللي قصدك ف موضوع نهاية الاسبوع وتلخيص اهم ماجاء في الورشه غير مهم !! الموضوع المثبت يفي بالغرض |
رد: تقسيم الموآد الرجآء من الجميع المشآركة ..
جميع ارآئكم ممتازة ومحل اهتمام...
بالنسبة للمواضيع أؤيد الفكرة التي تطرقت للتالي:- المواضيع تكون مستقلة .. يعني مثلا: - موضوع لحل المناقشات وشرحها والاجابة على استفسارات الاعضاء. - موضوع لحل الواجبات وشرحها والاجابة على استفسارات الاعضاء. - موضوع لتجميع الملخصات المعتمدة. - موضوع للكويزات الدورية مع شرحها. - موضوع لحلول الاختبارات النهائية مع شرحها. وهكذا.... في النهاية -كما في المستوى الاول- يتم تجميع المواضيع ذات العلاقة في موضوع واحد.. توضع فيه روابط المواضيع السابقة. وفقنا الله وإياكم لما يحب ويرضى ، |
رد: تقسيم الموآد الرجآء من الجميع المشآركة ..
صحيح يا نور هذا اللي قصدته
بدل ما يكون في موضوع خاص للتلخيص يكون التلخيص موجود في الموضوع المثبت أما الورشه فبتكون متفرقه كما وضحها الأخ أكاديمي عن بعد وروابطها موجوده في المثبت :106::106: :004: :106::106: |
رد: تقسيم الموآد الرجآء من الجميع المشآركة ..
اخوي اكاديمي اختي ريشه اختي فجر اختي نور اتوقع كلكم صح و متفقين ان المطلوب في آخر الامر هو زبدة المادة.يعني لو فرضنا ان المشرف فتح موضوع لحل نماذج اختبارات , راح يكون 30 صفحة كلها اخذ و عطى و رد وتصحيح الدكتور و كذا . في الاخير ياخذ المشرف الحلول من هالموضوع و يروح يحطها في الموضوع المثبت ترا المنتدى مارح يكتفي بموضوع مناقشات او موضوع واجبات ,,, كل ترم يتم فتح حول ال800 موضوع و يتم تثبيت و الغاء تثبيت و تثبيت بشكل مستمر و يتم تثبيت موضوع لواجبات او موضوع لمناقشه او ورشة مذاكرة يتم تثبيتها لمده محدده حتى تكتمل و من الغاء التثبيت و تثبيت موضوع نهائي. يعني عادي افتحو موضوع ملخصات افتحو موضوع مناقشات وواجبات افتحو موضوع نماذج الاختبارات و بالاخير والمطلوب موضوع فوق مثبت باسم الماده , ندخل عليه ,, نشوف اللي نبي لو بغينا مثلا نذاكر تمارين , ننزل للتمارين بنلقاها و وروابط مناقشة هذي التمارين. المجموعات راح تستمر تاخذ زبدة زبدة الزبدة للاخير |
رد: تقسيم الموآد الرجآء من الجميع المشآركة ..
اقتباس:
العفو وماسوينا شيء انا رهن اشارتكم باي وقت تحياتي |
رد: تقسيم الموآد الرجآء من الجميع المشآركة ..
يااخوان ويااخوات
تروا كثر الحكي بدون فايده ياجماعه ابدو اقطعوا العرق وسيحوا دمه اللي موظفين وموظفات اللي مجربي العمل اي قرار او تطوير يتم اقراره يتم كمرحله اوليه طرحه للجميع لابداء الرأي والمشوره وخلال ايام يتم بدء تطبيق واي ملاحظات او اقتراحات تضاف بعدين بس ما نجلس واقفين اصبحتم مثل خطط القطاعات الحكوميه بالدوله 30 سنه دراسه 30 سنه اعتماد نهائي 30 سنه ترسيه الاعتماد على افضل عرض يموت ويحيا اجيال وهم لسا في الخطط المئويه خليكم قاده اعتمدوا لا تجلسوا تتخوفوا وتتريثوا شويات وندخل دوامت الاختبارات النهائيه ولسا ما انشأت المجموعات عذرا على كلامي ولكنني اتكلم من واقع خبرتي العمليه |
رد: تقسيم الموآد الرجآء من الجميع المشآركة ..
اقتباس:
|
رد: تقسيم الموآد الرجآء من الجميع المشآركة ..
مراعاة لصاحبة الموضوع... انتظرو لبكرة ترجع و بعدها نقفل الموضوع و نلغي التثبيت و نبدا.
موفقين جميعا |
رد: تقسيم الموآد الرجآء من الجميع المشآركة ..
لسى مابدأت الدراسه ومعنا وقت الأهم ان قرارنا صحيح ومتفق عليه الجميع
وفي التأني السلامه .. الآن نحتاج لإنشاء أعضاء الفرق وأسماءهم بحيث يعتمدو |
| All times are GMT +3. الوقت الآن حسب توقيت السعودية: 03:27 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام