|
هل ياترى باقي احد ماجابنا العيد او لا ..؟؟!!
صبااح الخيررر ...
حبايبي انا كان عندي اختبار لمادة الدكتور المريض عقلي الي الله يوريني فيه يوم الشيخ فتحي مادة المحاسبه 1... كان يوم الاحد الي فات وربي اني شدية حيلي وذاكرة وركزة وكنت منغبن اني حاملها الترم الي فات لني يوم ذاكرتها طلعت سهله .. واتفاجأ يوم دخلت الاختبار بطريقة الاساله ولفه ودورانه وربي صطلت في الاساله قرابت ربع ساعه .. وقمت احوس بعدها وادعي عليها ... وطلعت من الاختبار منغبن حلفت لوكان عندي لذبحححه .. الموهم رحت أتامل خير في الاقتصاد الكلي حق الهجوهج الي هجج كل شي فراسي الله لايسامحه لادنياء ولا اخره .. وربي انصدمت في الاساله وطريقتها ... وقمت احووس للمره الثانيه .. في اختبارين متتاليين معقدين عقدوني معهم حسبي الله عليهم .. الحين الطقتين واخذتهم وخلاص ونتايجها معروفه تطنيش من من هوا مسؤول وحمل الماده وشيل يارسوم ولا احد داري عنا وعن الطموح الي بخواطرنا ... جامعتنا همها الاول والاخير الفلووووووووووووووووووووووووووووووووووووووووووس وووووووووووووووووووبس .... حقيقه وليس خيال .. ذا شوي من الي بخاطري من حكيي .. زبدة الحكي انا منزل موضوعي ذا وقاعد اسال ياترى تتوقعون انو تقنية المعلومات 1 بيجيب بنا العيد زي من من سبقه من الدكاتره ...؟؟؟؟!!! تقبلوووو تحياتي ... طالب يفكر بنزوح عن الجامعه الي تدبل السبد وتفقع المراره ... |
رد: هل ياترى باقي احد ماجابنا العيد او لا ..؟؟!!
# لمن تقرر أنك تدخل الجامعه خلك على يقين أنك راح تصادف أشخاص يحملون ( شهادات عليا ) مع عقول ( مريضه للأسف ) طبعاً مو كلهم ولكن الأغلبيه للاسف هم بالطريقة اللي ذكرتها وذولي مالهم طب :biggrin: على فكرة حنا ارحم من حقين الانتظام المساكين مقابلين هالعينات يومياً :Looking_anim: الزبده ياخوككَ تعوذ من الشيطان بس وخلها على اللّه وصدقني مب مضيع تعبك والشهاده تستاهل كل هالمعاناه .. عسى الله يحققها لنا جميع :106: |
رد: هل ياترى باقي احد ماجابنا العيد او لا ..؟؟!!
صديقي انت تريد ان تحصل على الشهادة الجامعية وهذا حق لك لذلك لاتتصور انك سوف تحصل عليها بطريقه سهلة لابد ان تواجهه صعوبات وعقبات في دراستك ..
لذلك اذا كان لديك طموح لاتجعل الصعوبات توقفك بل اجعلها تحدي و اصرار و عزيمه للحصول على مبتغاك لست انت وحدك , الجميع واجهوا صعوبه في الاختبار وانا أولكم انا أتحدث معك و انا موظف في ارامكو و نظام عملي نوبات ( شفتات ) يعني مره ليل و مره نهار العمل اواجهه صعوبات وعقبات امامي ف أنا لا اجد وقت كافي مع ذلك أبذل قصارى جهدي انا لن استفيد من شهادة الجامعه في حياتي العمليه انا هنا كي احقق طموح وانت كذلك والجميع هنا اتمنى انك تفهم اللي ابي اوصل له و ان اللي مريت فيه ينقلب بشيء ايجابي واتمنى بالتوفيق للجميع .... |
رد: هل ياترى باقي احد ماجابنا العيد او لا ..؟؟!!
ربي يسهل والله أنا بعد خايفه أجيب العيد بالتقنيه
|
رد: هل ياترى باقي احد ماجابنا العيد او لا ..؟؟!!
الله يوفق يارب اهم شي الوثوق بالله ومايخيب من ظن بالله خيراً
من كلام المستوى السادس الي يدرسهم نفس دكتورنا الي هو احمد الشريف مسهل لهم الاختبار ان شالله يسهلنا نقول يارب |
رد: هل ياترى باقي احد ماجابنا العيد او لا ..؟؟!!
انا بالمستويات الاخيره لكن سراحتا السنين الاخيره وبالاخص السنه هاذي احس انهم يبون الناس ترسب حتى اني اذكر درجات المشاركه ما حليت الا الواجبات فقط لا مشاركات ولا سمعت محاضره واخذ الدرجه كامله الان ما تاخد 30 درجه الا بعد قلت حياء وفوق ذلك تتفاجا تحصلها ناقصه والاسئله زمان كانت في اتم السهوله لكن ما نقول الا حسبنا الله ونعم الوكيل
|
رد: هل ياترى باقي احد ماجابنا العيد او لا ..؟؟!!
الاعييييييييييييياد مستمممممممممره برعايه جامعه الملك فيصل الله يرحمه لو دراء ان جامعته كذا قفلها وختتتتتتتتم عليها بشمع الاحمر
تفائل خيييير ع كلن عسسسسسسئ التوفيييييييييق فااااااااااااالك:(283): |
رد: هل ياترى باقي احد ماجابنا العيد او لا ..؟؟!!
ي عيال الوضع تدرون وش يبغاله حليب سعوديه قبل الامتحان وابصم عينك بالاجوبه <قصدي بالكلام البلدي هاذا مايضيع ربك جهد احد ي صصكلانس
|
رد: هل ياترى باقي احد ماجابنا العيد او لا ..؟؟!!
واضح انهم يتعاملون بآسلوب " خلونا نطفشهم" لحد ماينسحبون :icon9: يمكن قرار التعليم العالي توقيف الانتساب هو السبب :(210): |
رد: هل ياترى باقي احد ماجابنا العيد او لا ..؟؟!!
هههههههه زاوية الرياضيات حلوه حليب السعوديه شكل فيك حموضيه هههههه
اسمع يالغنزي تامل خير ولا تيأس وكمل مشوارك على قولت اخونا راعي ارامكووو الدعوه تحدي خلك متحدي لاتتراجع للفشل مرة وثنين وثلاثه صدقني لتنجح وللمعلوميه ياجماعه انا راجعت اسئلة الهجهوج معكس الشغله عن اسئلة السنه الماضيه الجواب هو السئوال ماتغير شي عن اسئلته الماضيه بس الله يخليلنا قووووقل بالاختبار اذا صار المراقب عسل |
رد: هل ياترى باقي احد ماجابنا العيد او لا ..؟؟!!
شف ياصديقي أنا ماودي أقول لك إيه كلامك صح كلياً وأحطمك زود ولا ودي أعيشك بعالم الأحلام الوردية ههه
لكن الوضع بالنسبة لي غريب ومشكوك فيه من بداية الترم ذا.. ويوم جاء اختبار الأخلاق الإسلامية وشفت أسألة اللف والدوران بديت أشك أكثر.. لأن المادة اسهل منها مافيه..لكن الأسألة صار فيها لت وعجن غير طبيعي ولكن الحمدلله مشت الأمور بفضل ربي ثم اجتهادنا.. وبعدها جت المحاسبة.. برضوه فيه شويه استهبال لكن جزاه الله خير الدكتور زياد كانت شروحاته تنفهم وهذا الشيء ساعدنا.. وجانا صديقنا أبو هجهوج مادته صعبه وطويلة تحتاج فصلين دراسيين لشرحها , ويبي يشرحها غصب خلال شهرين.. ولا هو اللي شرحها زي الناس ولا هو اللي بسطها .. وآخر شيء كملها باختبار لف ودوران.. وجانا الإنقليزي لابأس فيه ولكن برضوه فيه شويه حركات نص كم..مدري من اللي اشار عليه يشيل معاني الكلمات اللي هي أسهل شيء بالمادة.. كل الاختبار قواعد في قواعد!! أنا مانب من الناس الشكاكين لكن فرق شاسع بين اختباراتي الترم الماضي والترم هذا بصراحة مع العلم إن مذاكرتي الترم الماضي أقل بكثير من الحين!! ماتوا الناس اللي يبون النجاح.. حنا نبي الدرجات العالية أو الكاملة حتى .. وهذا الشيء صار شبه مستحيل بهالجامعة.. مع العلم إني ضابط صف في الجيش ودرست بعض المواد هاذي في دوراتي العسكرية وأخذت المركز الأول في كثير منها :( |
| All times are GMT +3. الوقت الآن حسب توقيت السعودية: 02:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام