![]() |
أعتذر مقدما عن هذا الموضوع لاكن مهم لجميع الدفعه والدفعات الجايه
السلام عليكم ورحمة الله وبركاته اخواني واخواتي انا ادري ان اغلبكم اذا ما كان كلكم موظفين حكوميين او في القطاع الخاص وانه ماعندنا وقت للمذاكره المثاليه الي هي طول الترم لاكن عشان الموضوع يكون واضح انا صادف دخولي للجامعه مع دفعة العز اللي الاغلب قااعد يذاكر ملخصاتهم الى الان مثل (ام شهد وعبدالعزيز الصقار وجنوبيه وافتخر) حصلت لي ظروف في عملي اجبرتني احذف ترم لاكن اللي حصل اني رجعت مع دفعتكم وللاسف فيها كمية سلبيه بشكل ماهو طبيعي كل واحد يبغى كل شي جاهز بدون تعب وانا اولكم كنت معتمد على الدفعه بشكل كبير لاكن قررت اني ابتعد عن السلبيه واعتمد على المحاضرات واذا واجهتني صعوبه ابحث في اليوتيوب عن دكتور ثاني شرح نفس الموضوعات وارجع احل الكويزات فقط . وكنت استغرب ادخل الاختبار احل تمام ومتفائل اجي اشوف عناوين المواضيع اللي كلها شكاوي اتشائم واشك في حلي من وجهة نظري اذا الوضع استمر بهذا الشكل معدلاتكم راح تتدهور في المستويات المتقدمه الهدف من الملتقى اننا نتعاون ونجمع ونلخص مع بعض لاكن اللي حاصل عكس المطلوب ايام دفعة العز كان فيه قناة تيلجرام وقروبات واتساب حتى قنوات يوتيوب مثل قناة المميز الله يجزاه كل خير عبدالعزيزز الصقار ولا قيد حسيت اني منتسب بالعكس حتى الاختبار السيئ كنا نحاول ننساه ونركز على اللي بعده عشان المعدل وعلى طاري التظلم في شي معقول وفي شي غير معقول انا من المحظوظين كنت في دفعة رفعنا تظلم على الرياضيات ووبسبب التكاتف سار تجاوز عن المقرر بصرف النظر عن الاختبار لاكن مسألة كل مقرر بترفع تظلم ؟؟؟ هذا ماهو منطقي كلنا متفقين ان مقرر الاقتصاد الكلي كان فيه تلاعب وتظليل بالاسئله (ركز) تلاعب ماهو صعب لان كلمة صعب او دسم هذا ماهو عذر لانها ماده علميه وطبيعي تحتاج لوقت اكبر وشرح اكثر واغلب الاختبارات كانت من نوع (المذاكر ينجح لاكن اللي فاهم يتميز) وهذا اسلوب معروف حتى عند اكثر الدكاتره مساعده مو معقول الكل يجيب +a ممكن يساعدك يحط الاجوبه حسب نمط معين في الاختبار لاكن اكيد مايوزع +a للكل وعشان ما اكون ناكر للجميل احب اشكر بأسمي وبأسم كل اخواني واخواتي في الدفعه الاخت تيفاني على الجهد والتعب اللي بصراحه كلنا استفدنا منه وللأمانه لولا الله ثم مجهودها الواضح كان وضعنا بيكوون اسوء الله يجزيها عننا كل خير ويرزقها اضعاف اضعاف اللي قدمته واللي تتمناه ويتقبل كل دعوه مني ومنكم لها لانها سوت شي اغلبنا ماقدر يسويه انك وسط كمية السلبيه تساعد وتحاول تعطي وهذا شي صعب وانا متأكد كان فيه ناس كفوء لاكن حبو يتجنبو الوضع السلبي والتشتيت اللي حاصل انا مالومهم لاني ببساطه سويت مثلهم وركزت على نفسي ولا اضفت اي شي لاكن ان شاء الله الترم الجاي افضل في الاخير ااتمنى محد يفهم موضوعي غلط انا مقصر اكثر منكم اعتبروه تنبيه لان المقررات الجايه تحتاج تركيز وتعاون اكبر وكل دقه بتعليمه لازم نشوف حل الترم هذا عدا بخيره وشره الوعد في الترم الجاي اتمنى الوضع يكون افضل واتمنى من قلبي تكون معدلاتكم حلوه وتكون شكوككم غلط والله يوفقني ويوفقكم ويرزقنا اضعاف ما نتمنى . واعتذر عن الاطاله لاكن كلام كان بنفسي وقلته بحكم اني عاشرت دفعتين وكان واضح بالنسبه لي ان السبب ماهو مؤامرة دكاتره مثل ما انتو متصورين موفقين ان شاءالله |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
بيض الله وجهك وماقصرت :d5:
اتفق معك اتمنى من الجميع التفاؤول واختي تيفاني ساعدتنا كثير جدا ً والصراحه تقال اصعب اختبار كان اختبار الاقتصاد الكلي غيره كان اختبارات مقبولة جدا ً الله يوفقنا ويوفقكم يارب وفالنا النجاح بأذن الله |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
شكرآ لك ولطرحك، فعلا الدفع هذه اسمها دفعه التشكي التظلم
ولا ننسى الاخت تيفاني على مجهودها الجبار الذي تعمله لسواد عيوننا |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
الا أنتم الصادقييين دفعة
( أنا معاااااااارض ) |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
دفعة اللطم والنياحه هههههههههههههه
الواحد يفتح موضوع كنه عجوز منهوب عشاها المصيبه ان في مادتين او ثلاث جات الاسئله حقت الاعوام السابقه نصاًً ومع ذالك ينوحون دفعه للأمانه تفشششششل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
أي والله يفشل اللي بالمستوى الاول حركيين ومتعاونين ماشاءالله وسمو دفعتهم وخلصوو وحنا تذمر وحلطمه الواحد لاطلع من الاختبار وهو ماذاكر يتحلطم مايدري التقصير منه والدكتور كفى ووفى وش تبيه يسوي يحل عنك يعني استغفر الله بس |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
واحنا المتفائلين واللي ماندقق لأننا ندري ان حصل تقصير فهو تقصير شخصي ماللدكتور اي دخل نوزع طاقه ايجابيه ونحمس لأنو العاقل والمنطقي مايحذف فشله ع الدكتور يعترف بتقصيره ويتحمل مسؤلية فغارته وبروده :(204): |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اشكر طرحك الرائع للموضوع وفعلاً كلامك صحيح ولكن اغلب الاخوان والاخوات اللي بالمنتدى قد يكون طرحهم لموضوع صعوبة الاسئلة هو من منطلق حرصهم للحصول على معدل عالي لاسيما في المواد الغير علميه .
اتمنى التوفيق للجميع وتكون النتائج افضل مما كنا نتوقع والشكر موصول ايضاً للاخت تفاني والله يجزيها عنا كل خير . |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
كلام جميل الله يعطيك العافيه والله صرت افكر ااجل ترم عشان ما اصير من هالدفعه :d امزح امزح يا رب ينفع فيهم كلامكم ونصير يد وحدة ومتفائلين:004::004::004::004:
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
كلام سليم
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
بصراحة كلامك عين الصواب وهذا الكلام اللي كان بخاطري اقوله وراح اضيف بعض النقاط اللي انا لاحظتها في هالمستوى واتمنى ماحد يزعل من كلامي .... لاحظت اكثر الطلبة يجتمعون في قروبات الواتس اب والتليغرام ويهملون المنتدى وفي ايامنا ماكان عندنا هالشي ... و بالنسبة لي انا خريج وكانت مادة العقيدة الاسلامية اخر اختبار لي في الجامعة ونبهت الجميع في الموقع لايعتمدون اعتماد كلي على اسئلة الاعوام السابقة بالنسبة للعقيدة الاسلامية الا بعد مذاكرة المحتوى لاني كنت مختبر عند نفس الدكتور اول يوم في الاختبارات مادة قضايا ثقافية وكانت الاسئلة صعبة للي اعتمد في مذاكرتة على اسئلة الاعوام السابقة دون الرجوع للمحتوى.... واخيرا اذا ما تكاتفتو من الان راح تتعبون والمشوار طويل واتمنى لي ولكم التوفيق واسف على الاطالة. مع تحياتي للجميع .... |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
الله يعطيك العافيه
هذا الكلام اللي مفروض يصير وان شاء الله الجاي يكون اجمل وافضل الله الله يادفعتنا حطو اسم لها هههههههه تمنياتي للجميع دوام الصحه والعافيه ودرجات عاليه في الدنيا والاخره Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
لنا اسمين من قوة فخامتنا حاطين لنا اسمين دفعة الحزم وارادة الحلم عاد طب وتخير ودلعهم مره قول لهم دفعة الحزم ومره ارادة حلم وهذا دليل ان مافيه تكاتف كلن وله راي Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
بيض الله وجهك يالغالي
عز الله ها الكلام الصح وعين الصواب بالنسبه لي ومن اول اقول ياجماعه ذاكروا المقرر وراجعوا الاسئله فيما بعد الاختبارات بفضل الله سهله للغاية في لفه بالاسئلة الاقتصاد الكلي بس بسيط مو ذاك الصعوبة والمهم التركيز ع المعدل ... والتعاون فيما بيننا بصراحه كلمه شكر قليله في حق تيفااااااااني فهي تفاني نفسها من اجلنا وتساعدنا بكل ما لديها من وقت ... والكل يعلم بان الجميع لديه مشاغل بس وحتى وهي مشغوله بامورها ما اشوفها يوم قصرت علينا في اي آختبار آسال الله لها التوفيق في حياتها وربنا يرزقها الجنه والفردوس الاعلى والجميع يارب بصراحه من قوه التشاؤم اللي اشوفها هنا صرت اقوال الله يعينهم على انفسهم بصراحه حتى العقيده والمذاهب يبون يعترضون هذول ويش يحسون فيه .. حبيبي وفر فلوسك تبع الانتساب وشوف لك ادخار ابرك لك ولها :lllolll:... هذ جامعه ومن حق الدكتور يحط :33_asmilies-com: الاسئله حتى من خارج الاسلايدات بمعنى من المقرر وكما تلاحظوا واللي اصلاً يقراء الاسلايد بيجد كل الاسئله منها .. طيب وين المشكله المشكله في اللي ما يذاكر ويبي ينجح مثل اللي يبي جسم مثالي وخصر ممشوق وهو ٢٤ ساعه نوم:019: وطايح في الفاست فود الوجبات السريعه وتحصل وزنه ١٨٠ يالله مسئله دام حنا في اللياقه كم الوزن المثالي ؟ وكم الوزن الطبيعي؟:d5: ودمتم في حفظ الله وفالكم التوفيق. |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
بيض الله وجهك يالغالي
عز الله ها الكلام الصح وعين الصواب بالنسبه لي ومن اول اقول ياجماعه ذاكروا المقرر وراجعوا الاسئله فيما بعد الاختبارات بفضل الله سهله للغاية في لفه بالاسئلة الاقتصاد الكلي بس بسيط مو ذاك الصعوبة والمهم التركيز ع المعدل ... والتعاون فيما بيننا بصراحه كلمه شر قليله في حق تيفااااااااني فهي تفاني نفسها من اجلنا وتساعدنا بكل ما لديها من وقت ... والكل بعلم بان الجميع لديه مشاغه بس وحتى وهي مشغوله بامورها ما اشوفها يوم قصرت علينا في اي آختبار آسال الله لها التوفيق في حياتها وربنا يرزقها الجنه والفردوس الاعلى والجميع يارب بصراحه من قوه التشاؤم اللي اشوفها هنا صرت اقوال الله يعينهم على انفسهم بصراحه حتى العقيده والمذاهب يبون يعترضون هذول ويش يحسون فيه .. حبيبي وفر فلوسك تبع الانتساب وشوف لك ادخار ابرك لك ولها ... هذ جامعه ومن حق الدكتور يحط الاسئله حتى من خارج الاسلايدات بمعنى من المقرر وكما تلاحظوا واللي اصلاً يقراء الاسلايد بيجد كل الاسئله منها .. طيب وين المشكله المشكله في اللي ما يذاكر ويبي ينجح مثل اللي يبي جسم مثالي وخصر ممشوق وهو ٢٤ ساعه نوم وطايح في الفاست فود الوجبات السريعه وتحصل وزنه ١٨٠ يالله مسئله دام حنا في اللياقه كم الوزن المثالي ؟ وكم الوزن الطبيعي؟ ودمتم في حفظ الله وفالكم التوفيق. |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
كلام فالصميم انا معك وفعلا الواحد لازم يتفاءل واللي راح راح بخيره وشره
احنا فعلا بحاجه للاشخاص اللي تدعم وتحمس بعيد عن التشاؤوم والتحطيم |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
يسعد مساكم جميعا
بما انك فتحت الموضوع الله يعطيك العافيه كنت ناويه اتكلم عنه بعد الاختبارات طبعا احنا مانبغى كلام نبغى فعل عشان كذا طرت على فكره قلت اعرضها عليكم اذا لقت قبول نعتمدها الفكره هي : ١/ نبي تبرع خمس أشخاص كل شخص يمسك ماده من الترم الجاي ٢/ وكل واحد من هالخمسه يتفق مع شخصين او شخص يساعده المطلوب تجميع كل مايخص الماده من محتوى + حل واجبات + كويزات+ اسئله الأعوام السابقه + قنوات يوتيوب او اي مساعده خارجيه اذا أمكن وباالاظافه لـ كتابه كويزات والاستماع للمحاضرات المباشره وتلخيص المهم منها طبعا يتم تجميعها هنا ف المنتدى تكون مرجع لنا واللي بعدنا شرايكم من مؤيد [emoji736] ومن يعترض [emoji777] Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
واصحاب التظلم وربي غاثيني
بس الحل الوحيد لهم التطنيش حتى الرد ع مواضيعهم مضيعه وقت لا احد يتفاعل معهم بشي لما يطخون ويعقلون Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
انا مؤيده جدددددددا جمييييييله الفكرة وخلاص بيكون ناس مخصصين للماده مايصير فيه تشعب او تاخير توكلنا ع الله انا معك ومستعده اني اكون من ضمن الخمس اشخاص رغم اني موظفه لكن مستعده اخدمكم Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
جزاك الله كل خير ، كفيت و وفيت بكلامك أعتقد قلت اللي بخاطرالأغلب ان شاء الله المستوى الجاي تتحسن الدفعة عن هالحالة وتصير من أفضل الدُفع موضوعك إيجابي و مفيد جداً . ويعطيها العافيه أختنا تيفاني ما قصرت مع الجميع وعساها ع القوة يارب :icon19: |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
بطططططلة :(204): الفككككرة بطلة بطلة وحلو اننا نعتمد ع نفسنا مو بس متكلين على غيرنا انا كمان معاكم ابي أكون من ضمن الخمسة و ان شاء الله اقدر اعطي مثل ما اخذت من الجميع خلال هالمستوى والمستوى اللي راح كمان ويعطيك العافيه ياجميلة :icon19: |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
هذا الكلام ما يبيله نشدة مطوع .. البلى في التطبيق ..:33_asmilies-com: انا اشووف الترم هذا نختار مادة وحدة تضرر منها الجميع وليس البعض بعمل تصويت ويتم رفع تظلم من الجميع لها على الاقل نضمن مادة وحدة والترم الجاي راح يتحسن الوضع و لدغتين من الترم الاول والثاني توجع :sm12: |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
الله يعطيكم العافية الشكر لتيفاني ماقصرت و الله يجزاها الخير والشكر موصول للجميع والحمدلله والله يوفقنا جميعا |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
يعطيك العافية هذا هو المطلوب الايجابية
واصعب ماده كانت على ما سمعت من الصديقات الاقتصاد الكلي المواد الثانيه كانت عاديه ان شاء الله تكون الدفعه بالمستويات القاده من افضل الدفعات والمفروض لكل ماده 20 شخص يتعاون عليها من شان مايكون اتكاليه لكل شخص عمل يقوم فيه واحسنتم على هذي الايجابيه ونتمنى لكم التوفيق |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
احب اشكرك على الموضوع الحميل وانا معاك في كل كلمة قلتها ...
واحب اشكر الاخت تيفااني الي لها دور كبير بعد الله في تسهيل وتبسيط المواد لنا .. بالتوفيقق للجميع |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
الله ينور عليك [emoji257]
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
كلام صائب وهذا الصحيح لمن كتبت دفعة التظلم زعلوا وهذا الصح بكل قروب ادخل اشوفهم كثير بعكس المستويات السابقة كل شخص يضع بصمة له حتى مذاكرتي ارجع لمواضيعهم السابقه فوق 60 صفحه وابدا ابحث عن المادة واخذ من علمهم لانهم دفعة مميزة دفعة العز ودفعة الماسية طبعا |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
وعليكم السلام ورحمة الله وبركاته ..
انا جايتكم من مستوى 8 والمفروض اني كنت متخرجه لكن صار عندي تاخر شوي بالخطه .. وخليت مادة صحه ولياقه آخر شي اعرف انها ماده سهله وبسيطه انصدمت كثير من الدفعه ابي ملخص اسأل لاحياه مو مشكله مثل هالمواد سهله بس في مواد يبي لها تلخيص وتركيز وهمه الله ينفع فيكم انا دفعتي ماكنت ابذل جهد ابدا كانت دفعه رهيبه مايخلون احد يحتاج شي دفعة ام جهاد والمنادي وهنادي الله يذكرهم بالخير كنت ادخل زايره للمنتدى استفيد من الملخصات وادعي لهم دعوه بظهر الغيب الله يوفقهم وين مايروحون مازالو يساعدون الطلاب وانتو شدو حيلكم مافي شي صعب بـ إذن الله .. |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اغلب الي يتشكون وتظلم ترا يجبون a+ لايغرونكم يخافون من العين اعرفهم عشره عمر وياهم 😂😂 والساكت هو المسكين اذكروالله واتوكلو علي الله لان المستوي الثالث يبيله تركيز اقوي شي عاد مستوي ثاني كانت من اسهل المستويات عندكم المستوي الثالث اسائلته لابد من الفهم والتساعد والعون مدر يدكم وساعدو بعض وفي التلقرام الاعوام السابقه حقت دفعتنا الي يبيها ارسلها له خاص ويحفظها من الحين عنده الله يوفقكم جميع
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
على خير ان شاءالله
نخلص هالماده ونلتفت لهذا الموضوع ونرشح اعضاء ونتساعد كلنا الله يوفقنا ويجعلنا ع قلب واحد :) |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
وعليكم السلام ورحمة الله وبركاته اتفق معك 100% كلامك صحيح التشكي كثير والسلبية طغت على الايجابيه كثير واتمنى ان المستوى القادم يكون افضل . ولازم يفهمون ان الاسئلة لابد تكون متنوعه يعني مستحيل دكتور يجيب اسئلة سهله ومتوسطة فقط دائما الاسئلة تكون سهله- متوسطه- صعبه - و اسئلة صعبة جدا شبة تعجيزية مايجاوب عليها الى المتفوق جدا والمهتم بالمذاكره من اول الترم ولا كان تساوى المجتهد والغير مجتهد وهذا غير عادل . بنسبة لتظلم يكون للاختبار الصعب جدا وتكون اسئلته اغلبها صعبة جدا مثل اختبار الاقتصاد الكلي كان صعب ولا توجد فيه اسئلة سهلة والوقت مايكفي . اما باقي الاختبارات كانت متنوعة وجيده وكل الشكر لمن اجتهد لخدمة اخوانه واخواته في المنتدى واخص بشكر تيفاني على تفانيه وجهوده الوضحه للجميع وايضا اشكر من سبقونا بجهودهم واخص ام شهد وعبدالعزيز الصقار وجنوبيه وافتخر استفدنا من ملخصاتهم كثيرا فجزاكم الله عنا كل خير والله يوفقكم اينما كنتم ااخيرا اتمنى ان يكون المستوى القادم اكثر ايجابيه وتعاون وبتوفيق للجميع |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
للاسف
من جد مواضيع التظلم كثرة بالقسم تحس ان الاغلب مايذاكر ابد ولايتعب على نفسه يبي بس شي جاهز ووده ان احد لو يحل عنه كلنا عندنا مشاكل ومشاغل وضروف لكن لو كل واحد فرغ نفسه يوميا ساعة للمذاكرة اول باول من بداية الترم اضمن له ع الاقل النجاح للاسف الاغلبية صار يدخل حتى بنوايا الدكاترة وانهم يسعون لترسيب الطالب وهذا غلط انت ماتذكر وتجي ترمي باللوم على غيرك اعتقد انه ثقافة عامة واكبر دليل صار قدامي اليوم بالقاعة فيه طالب تهاوش مع المراقبين يقولهم ليش ما تتساهلون معانا احنا طلاب انتساب والمادة سهله طيب ياخي دامها سهله ليش ماذاكرت ؟؟ ليش الحين جاي تطلب من العالم تساعدك واخر شي قام يدعي على العالم ويتلفظ عليهم امر غير منطقي ولا يصدر من طالب من المفترض ان عقليته تكون عقلية شخص جامعي |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
خلاص ماراح نرفع تظلم عشان مانكون سلبيين ونعجبك ونسحب ع حق من حقوقنا عشان نكون ايجابيين جدا
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
جزاك الله خير وكلام عين الصواب وشكرا للأخت تيفاني على المجهود اللي بذلتيه والشكر للجميع |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اقتباس:
هـہـہـہـہہہہہہـِإآإآإآإآيــــ[emoji23][emoji23] كلام في الصميم Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
انا اشوف الصياح والدعاء على الدكاتره من الترم اللي راح هههه
التظلم له طرق وحق من حقوقك ، لكن ما تذاكر وترفع تظلم ؟ تراك دخلت في دائرة الظلم بهذا التظلم اذا لم يكن في محله .. وفق الجميع لما يحبه ويرضاه وفالكم النجاح جميعاً شكراً لمن ساهم وساعدنا في الكويزات والمواضيع المهمه .. دفعتي الموقره ... الدفعه اللي قبلنا لهم جهود ونستفيد منها حالياً ولهم بصمه خدمتنا في هالترمين وما قصروا جعلها الله في ميزان اعمالهم .. لابد من الجميع المشاركه والاعداد المبكر للترم القادم .. الانعكاف خلف ملخصات الاترام السابقه مخجل دمتم Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
سبحان الله كلام الاخ جميل ومنسق والله يكثر من امثالك وانا معك في كل شي لكن ايضآ نخلي الكل براحته فيه ناس سلبيه ان درينا كثير عليهم وعطيناهم اهميه كبرنا الموضوع ---- مثل البعض في الردود للأسف البعض الله يهديه يبي يعدل شي بغلط ( يبي يكحلها يعميها ) --- وحتى هنا الردود شوهت محنوى الموضوع الجميل لكن ناخذ الجميل ونرمي التشويه الله يهدي الجميع ان شاء الله المشكله ان الله عطانا عمر بنكون مع بعض في الاترام الجايه !
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
الحين ياأخوان اي موضوع مايعجبك اتررررركه لاتفتحه من عنوانه ولا ترد هذا شي نبي الكل يطبقه الشخص اذا رد وكثر الرد والتعليق على اي موضوع يكون في اول الصفحه او البعض يشده كثر المشاهدات والردود ويدخل صدقوني لو اي موضوع نشوفه سلبي نتركه ماكان فيه اي مشكله ومو لازم ندخل ونلوم الشخص وووو يعني لو جمع معه اثنين ثلاثه لو عشره بيغير شي !! او تظلمهم بيوصل ؟
انا بصراحه كل المواد كانت عادي عندي الا موضوع العقيده هذا لحاله كان شي غير طبيعي وبالنسبه لي اما باقي المواد انا اشوف انها عاديه لكن غيري يشوف انه انظلم شي راجع له مانقدر نصادر حق الناس واعتقادهم ولا بينفع لو نقول رأينا او نلوم اواو والمصيبه من يدخل ويرد درود بصراحه غريبه بعض الناس الله يهديه رده يكون اكبر من موضوع الشخص وانه بيتظلم على ماده وحتى لو كانت سهله وهنا بعض الردود شوهت الموضوع وجمال طرحه |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
كلامك فعلا صحيح للاسسف
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
والله كنت مفروض اني مع دفعه العز بس سجلت واجلت ترم ولا ادري وش السالفه وقتها ولا اعرف المنتدى من الأساس ..
لعل في الامر خيره [emoji189][emoji177] اصلا انتم تهبلون يادفعتي بس فيكم دلع ماصخ وحبتين عناد [emoji23] Sent from my iPhone using ملتقى فيصل |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
[font="andalus"]الله يجزآك خير ويكثر من امثالك كفيت ووفيت, اللي بقوله اليد الوحدة ما تصفق والهمه الهمه وكل واحد فينا يركز على نجاحه ويساعد غيره ولا عذر لشخص الناجح والمتميز لحصوله على المعلومة الصحيحه والنافعة.[/font]
من رام العلا من غير كدِ ... أضاع العمر في طلب المحال |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
اذكر بجامعة القصيم درست سنه عندهم في كلية الادارة
اول ترم كان برنامج تحضيري يعني نجاح و رسوب ما يدخل ف المعدل جانا دكتور و عطانا مقدمه عن الدراسه في الجامعه و مقدمه عن المنهج >> ناسي اسم الماده (: الاكيد من بكره جاء احد الطلاب يمرر ورقه يقول وقعوا عليها بنغير الدكتور هههههههههههههههه للاسف تقريبًا نفس الوضع مع دفعتنا الحيين عند ادناة شيء و اغلبها تقصير منا كـ طلاب في المتابعه و المذاكره بنرفع تظلم و يلزم الطلاب تشارك معه فالتظلم ! و يدعي على الدكتور و ان الدكتور ظلمنا :mad: |
رد: أعتذر مقدما عن هذا الموضوع لاكن مهم لجميع الدفعه والدفعات الجايه
شكراااااا
|
رد: أعتذر مقدما عن هذا الموضوع لاكن مهم لجميع الدفعه والدفعات الجايه
شكراااااا20
|
All times are GMT +3. الوقت الآن حسب توقيت السعودية: 08:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام