مشكورين على الردود وانا بجاوب على الأسئله اللي إنطرحت بشكل عام ..

بالنسبة للي يسأل وش الفرق بين البريد المسجـل أو الممتاز ..الفرق من ناحية السعـر وطبعاً بنرسل الأوراق عن طريق خدمـة البريد المسجـل ..ركزوا على البريد المسجــل ..والبريد المسجـل بيعطونكم رقم للرسالة مثل البريد الممتاز يعني بتقدرون تعرفون وين الرسالـة وصلت ووش وضعهـا ووماعليهـا خوف الرسالة أبداً للي خايف على أوراقه لأن معاك مايثبت إنك ارسلتهـا وبنفس الوقت إذا ماوصلت ترجع لنفس المكان اللي أنت ارسلتهـا منه ...

أما البريد الممتاز تقدر ترسل بس بثلاثين ريال داخل المنطقة الشرقيه يعني لو أنت من الخبر وتبي ترسل الأوراق بتكون بثلاثين ريال ولو كنت من خارج المنطقة مثل الرياض بتكون بخمسين ريـال وهذا المبلغ يفرق حتى وإن كان قليل ..

طبعاً المصدر اللي انا جايب الكلام منه أنا موظـف في البريد ولا أبي أحد يخسر ويجي يرسل بريد مممتاز مع إنه بإمكانه يرسـل بمبلغ أقل ونفس الخدمة وتكون عن طريق مكاتب البريد العادي وخدمـة مسجـل لأن مكاتب البريد الممتاز صارت مستقله عن المكاتب الاخرى ..

هالكلام للي عدوا المستوى الأول وصار لازم بس يرسلون سند الإيصــال

أما الطلبة المستجدين يرسلون اوراقهم عن طريق البريد الممتاز ومجاناً ..

طبعاً انا قلت هالكلام لتوفير الوقت والمـال لمن يرغب

معلومات إضافية ..

البريد عنده ثلاث خدمـات وهي البريد العادي والبريد المسجل والبريد الممتاز

البريد العادي غير مضمون طبعاً وهو أقل تكلفة في خدمات البريد اما المسجـل والممتاز كلها مضمونة لأنك تاخذ وصـل فيه رقم الرسالة وتقدر تسوي لهـا إستعلام وبنفس الوقت لو ماوصلت الرسالة لأي سبب من الأسباب ترجـع لك الرسالة للمكان اللي أنت أرسلت منـه ..

طبعاً مثل ماقلت جيب معاك ظرف وصور السند معاك إحتياط وخله معـاك ( عشان الجامعة والاوضاع الراهنة اللي تصير فيهـا من حوسـه )


وبالتوفيق للجميـع ..