|
مادة اللغة الانجليزية
السلام عليكم ورحمة الله وبركاتة
جارتكم من المستوى الاول ان شاء الله طالعة المستوي الثاني وحابة استفسر عن ماده اللغة الانجليزية هل هي سهلة ام لا لدى جامعة الملك فيصل ؟ لان سبق ودرستها في جامعتي السابقة واجتزتها بـ b+ تنصحوني ادرسها ولا اعادلها |
رد: مادة اللغة الانجليزية
:biggrin: ابد طالع معك من المستوى الاول
وعندي نفس السوال للغه الانجليزيه حاب اعادلها تنصحوني اعادلها او لا :139: اخذن فيها (د ) سابقا |
رد: مادة اللغة الانجليزية
اللي لغته 50% فاعلى يدرس واللي اقل انصحه يعادل ويحط ثوبه في فمه ونعوله في يدينه ولا يناضر وراه لين يتخرج- وبالتوفيق لنا ولكم
|
رد: مادة اللغة الانجليزية
اقتباس:
اتوقع من شروط المعادلة انك تكون جايب c واعلى قدم وشوف وش الي بيصير اقتباس:
|
رد: مادة اللغة الانجليزية
بالعكس المادة سهلة كلها مافيها شي مضاف عن المتوسط والثانوي يعني الانجليزي شامل المتوسط والثانوي
|
رد: مادة اللغة الانجليزية
انا اقول بعدي عن وجع القلب وعادليها اذا النظام عندهم يسمح بحسب نتيجتك
|
رد: مادة اللغة الانجليزية
المادة سهله جداً ذاكرت ساعات قبل الاختبار
ماهو يوم او يومين ساعات فقط وعديت بجيد جداً مع اني في الانجلش نص ونص تقريبا معلومات متوسط وثانوي لااحد يخاف من هالماده وشكراً |
رد: مادة اللغة الانجليزية
اقتباس:
اقتباس:
اقتباس:
شكرا الله يطمنك :106: |
رد: مادة اللغة الانجليزية
الماده جداروعه ماطلع الدكتورعن الملخص ماعدا القطع خارجية والقطع سهله جميعها معلومات عامه وسهله جدا اما بخصوص المعادله فانا درست الانجليش سنه كامله قبل الجامعه وعادلتها ولاعطوني وجه مع اني اجلتها للستوى الثالث يوم ماردوا علي اخذتها ولاتعبت بالدراسة فيها جربوا المعادله وانتظروا ترم واجلوها للترم الثالث حتى تنتظرون نتيجة المعادله مو بضاركم شي لانهم موبساهل يقبلون االمعادلات عشان قيمة الماده والله يسهلكم
|
رد: مادة اللغة الانجليزية
اقتباس:
الله يرحممم والديييك ريحتني وانا صاير لي نفسك :biggrin: راحت علي معادلتها وبئجلها لين السمستر الثالث .. ولازم اجهزها من الان بس ياقلبي ابي طلب منك بسيط انت بالكلية التقنية كنت ؟ |
رد: مادة اللغة الانجليزية
عبادي صباح الخير كيف طريقة المعادله انا خريج الترم الجاي والا احب الماده هاذي كيف معادلتها يعني اختار ماده غيرها
ارجو التوضيح الممل هههههههههههههه |
رد: مادة اللغة الانجليزية
اقتباس:
ـآلـسۜـلا۾ۘ ؏ـلٗـېڴ۾ۘ ۅرَحّمَۃۀ الله ۅبَڔڲآٺـۧۿ منقوووول 👇🏻👇🏻👇🏻 -------------------------------------------------------------------------------------------- شروط معادلة المواد . - لابد تخلص مستوى أول عشأن تستحق المعادلة ( يعني الجديد الى توه داخل الجامعة مايعادل ) - الحد الاقصى لمعادلة المواد 15 ساعه فقط - المعادلة تتم لمرة واحده فقط - لابد تكون درجتك في المادة ( تقديرك ) C ومافوق لموادك السابقة الى درستها خارج الجامعة طبعاً - وصف المواد ( المقررات ) لابد يكون نفس بعض - لابد يكون عندك وصف المواد ( ألمقررات ) السابقة الى درستها خارج الجامعة - لابد يكون عندك صورة لبيانات الدرجات ( شهادة رصد الدرجات للمواد ) . -------------------------------------------------------------------------------------------- شنو المطلوب منك لمعادلة المواد 1 اول شي تشوف الكلية , المعهد , المخبز الى درسة فيه سابقاً وخذت منه شهادتك تروح لهذا المخبز وتأخذ منهم وصف للمواد جميعها الى درستها عندهم ادخل على المدير وقوله خبز تميس ,, قولهم ابي وصف للمواد ( المقررات ) الى درستها عندكم راح يعطونك ايه ولاتنسون خلوهم يختمونه ----------------------------- برضو خلوهم يعطونكم صور لرصد الدرجات لكل المواد ومختومة ( اتوقع الكل عنده صورة موضح فيها بيانات الدرجات لكل مادة ) ----------------------------- . يعني لاتطلعون من الفوال الا وانتو عندكم التألي . - صورة لوصف المواد( المقررات ) مختومه - صورة لدرجات المواد ( لو بعد تخمونها يكون أفضل ) ماهي شرط مختومة بس احتياط مدامكم رايحين رايحين -------------------------------------------------------------------------------------------- 2 بعدها تشوفون المواد الى تطابق المسمى ,, او قريبه من اسم المادة ,, او وصفها نفس وصف هذي المادة الى موجوده هنا في جامعة فيصل الى راح تدرسها ركزو 3 نقاط - اسم المادة نفس بعض - قريبه من المسمى نفسه - وصف المادة ينطبق على المادتين او الوصف قريب من بعض ----------------------------- كيف تعرف تطابق المسمى او الاسم القريب او الوصف من هذي المادة تدخل على رابط الخدمات الطلابية http://del.kfu.edu.sa/entisab_app/index.asp وبعدها تدخل على رابط الخطة الدراسية هذا رابطها http://www.kfu.edu.sa/ar/Deans/e-lea...ervices-2.aspx وبعدها تدخل على تخصصك وتحمل وصف المواد ( المقررات ) بعدها تجلس مع نفسك كأنك نفسية وتمسك وصف المقرر لموادك من المخبز و وصف المواد من الجامعة وتقارن وتدور الى مثل بعض سواء بالاسم او بوصف المادة نفسها لمن تطلع ( تستخرج ) المواد الى مثل بعض تروح بعدها تشوف كم الدرجة الى خذتها في هذي المادة من دراستك السابقة اذا شفتها C وفوق راح تتم لك المعادلة اذا شفتها تحت ماراح تتم المعادلة -------------------------------------------------------------------------------------------- اذا جهزت المواد الى راح تعادلهم وكتبتهم تدخل على الخدمات الطلابية http://del.kfu.edu.sa/entisab_app/index.asp بعدها تروح لايقونة طلب معادلة مقررات وبس ترفع طلب المعادلة مثل ماهو واضح لك من شروط -------------------------------------------------------------------------------------------- ملاحظة قبل ماترفع الطلب تروحون المكتبة وتصورون وصف المقررارت لموادكم السابقة الى مختومة تصورونها بسكنر ,, عشأن يبأن الختم ونفس الشي لبيانات الدرجات ( شهادة رصد الدرجات ) لموادكم السابقة الى درستوها قبل الجامعة بعدها تحطونهم في فلاش وتجون البيت وتجمعون وصف المقررات + شهادة بيانات الدرجات ( شهادة رصد الدرجات ) تجمعونهم في ملف PDF الى مايعرف يجمعهم في PDF يقول للعامل الى في المكتبه يصورهم له سكنر ويجمعهم له في ملف PDF ويحطهم لكم في فلاش وبس تجون البيت وترفعون الطلب مثل ماشرحت سابقاً -------------------------------------------------------------------------------------------- ملاحظات اخرى في بعض الطلاب رفعو طلب معادلة بدون مايجيبون وصف للمقررات من دراستهم السابقة فقط رفعو بيانات الدرجات ( شهادة رصد الدرجات ) وتمت لهم المعادلة وفي نأس عملو نفس الطريقة وماتمت لهم المعادلة يعني الله أعلم أنت وحضك - هل لابد يطلبون منك وصف المقررات او لا مايحتاج بس الى كتبتة لكم هذي شروط المعادلة من الجامعة يعني ماجبت شي من رأسي بالتوفيق ياحلوين ...... |
| All times are GMT +3. الوقت الآن حسب توقيت السعودية: 09:02 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه