[ღ الليدي ساره ღ]

السلام عليكم ورحمة الله وبركاته
الله يبارك لنا لكم خواتي واخواني بالعشر الاواخر ويجعلنا من عتقائه يارب
والله يغفر لي ويغفر لكم ولكل مسلم ومسلمة وعيدكم مبارك مقدما
باقي على العيد 6 ايام >> اتحدى احد سبقني تخبرون هالرسالة ايام الرسائل النصية غبار
يوه ودي لو اسطرني واجلدني واطلق على جوالي 30 رصاصة عيار 7 ملم وبعدها
انتحر يوم اتذكر اني كنت ارسلها للاوادم قبل العيد ههه
ههه المهم ماعلينا عندنا جامعة فيصل ماشاء الله مجمع بايولوجي متكامل
للقضاء على الصحة تخصص اتلاف مخ بشري بالايونات القرارية المتشقلبة

لاتواخذوني عندي والله موعد بكرة بمركز القلب وبديت اهلوس من شبح القسطرة في الطريق

نجي للجدول يالغالين

خذيت ثلاث مواد كنت تاركتها في مستوى ثالث لظروفي الصحية وباقي لي ثلاث مواد
باخذها من مستوى رابع او اذا ماضبطت باخذها من خامس الشكوى لله

خذيت
اليوم الاول الخميس 6-2 فترة اولى
اساسيات المحاسبة والتكاليف
3ساعات

اليوم الرابع الاثنين 10-2 فترة ثانية
الاحصاء في الادارة
3ساعات

اليوم السادس الاربعاء 12-2 فترة اولى
الأساليب الكمية في الإدارة
3 ساعات

االيوم الثامن السبت فترة ثانية
4)))ادارة مالية 1
3 ساعات

كملوا لي ابي 18 ساعة باقي لي مادتين باخذهم من رابع
وبسأل اذا الاساليب الكمية تعارض مع اساسيات المحاسبة
لاني شفت اختي رافايللو ماخذتهم مع بعض

وقبل الختام ... اطمع بدعوة من القلب في هذه الايام المباركة

تكفون الله يخليكم كل اللي يقرون موضوعي يدعون لي بالشفاء العاجل بقلوبهم
حتى الزوار بقلوبكم يالغالين لعل منكم من لو اقسم على الله لأبره "تعذبت ورب البيت "
حنا بالعشر الاواخر وان شاء الله تصادف باب استجابة مفتوح ويقبل ربي دعاي ودعاكم
(( اللهم اشفها من القلب وترسب الكوليسترول والتليف والغدة الدرقية ياشافي يامعافي ))

وربي يوفق كل من رد علي ولايحرمه عافيته ويخلي له هله وعياله ويرزقه من خيري الدنيا والآخرة