[ محتوى مقرر ] : هديتي لكم ملف (القيود المحاسبيه) كامل جاهز للطباعه

[رانيا ع]

شككككككككككككككككككككرا اموره لا عدمانك يارب..

[N0000N]

المشاركة الأصلية كتبت بواسطة أمورة نجد

وياك يارب

لا يالغاليه مربع نوووون ماذكر فيه أبدا ملخص الدخل كل كلامه عن المركز المالي .. أصلا الأصول والخصوم ماتظهر بقائمة الدخل ولا الإيرادات والمصروفات المستحقه أو المقدمه تظهر في المركز المالي فقط

لاحظي لما نجيقيد الإقفال للمستحق والمقدم مانحط فيها أي شيء من الإيرادات المقدمة أو المستحقه أو المصروفات المقدمه أو المستحقه على طول نقول تظهر في قائمة المركز المالي

هنا بس انتبهي والشيء اللي نوه عليه نووووون ان المصروف المقدم والإيراد المستحق أصووول تظهر في المركز المالي بينما المصروف المستحق والإيراد المقدم خصووووووم في قائمة المركز المالي

كلامي وكلام نوووون هو نفس الكلام ماتغير وهو الصح بس يبي له تركيز

بالنسبة للمبلغ اللي يظهر في قائمة الدخل ... في قيد التسوية والإقفال ...

المقدمه سواء إيراد أو مصروف يكون الرقمين متشابهيين وهم الرقم اللي يخص هالسنة يعني إذا جانا إيراد مقدم لثلاث سنوات يكون في القيدين هو اللي يخص السنة هذه فقط ولو صرفنا لثلاث سنوات قدام حيكون القيد للسنة الحالية فقط


والعكس بالنسبة للمستحقه قيد التسوية والإقفال فيها مختلفة التسوية هو رقم تصحيحي لأنه باقي مبلغ مااندفع سواء حنا مااستلمناه مستحقين له أو ماسلمناه لغيرنا مستحقين العملاء له ... المهم حيكون الرقمين مختلفة التسوية رقم التصحيح اللي نضيفه للمبلغ اللي سبق وأخذناه والإقفال للمبلغ الكامل للسنوات كلها ...


ان شاء الله تكون وضحت وان شاء الله أكون شرحت مضبوط

أستاذه
ما شاء الله تبارك الرحمن
الله يحفظك ويوفقك

أمورة نجد
مواضيع كاملة الدسم
تبي المخ المفتح بس

نعم شرحك السابق واضح جداً
وأشكرك أيضاً على توضيح الهدف من موضوعي السابق

نتشرف بوجود أمثالك بيننا


دعواتي

[shhs]

شكررررررررا لك ++++
الله يرزقك وين مارحتي

[roo7y m3ah]

يسلمووووو يالغلا

فالك a+

[am leen]

الله يسسعدك ويوفقك ان شاءالله

[ترف آلسعد]

ممكن أحد يفتح لنا موضوع نراجع في محاسبة 2

[ادارة اعمال 222]

المشاركة الأصلية كتبت بواسطة أمورة نجد

السلام عليكم ورحمة الله


والله ان هالملتقى ماادري إش فيه علي ناشب لي في حلقي لي كم يوم أحاول أدخل مو راضي يدخلني الله يستر لا ألحين يشوطني مرة ثانية

المهم ماعلينا من الهذرة

جايتكم ياالغاليين وأعتذر ع القصور ومعي هدية صغيييييييييرة عسى بس تعجبكم

ملف بي دي إف لكافة القيود المحاسبيه اللي معنا ها الترم جاهزة للطباعه والحفظ

مع شروحات مبسطة وخفيفة عند بعض القيود ان شاء الله انها تسهل عليكم شوووي من المادة الخفيفه الظريفة مع إنها معقدتني شويات عند المخزون بس ماعليه تتسهل ان شاء الله


فالي وفالكم التوفيق بإذن الله و a+ بكل المواد ان شاء الله

وقبل كل شيء أحب أشكر الغاليه العزيزة إدارة أعمال 222 الله يسعدها ولا يحرمني منها

مشكووووره ي الغالية بيبو ما سوينا شي الله يبارك فيك وفالك a+ وكل الطلاب والطالبات

[أمورة نجد]

الله يوفقكم ان شاء الله. وييسر لكم امركم واعتذر تاخرت برفع الملف لان المنتدى كان مقفل

[أمورة نجد]

رفع الموضوع

[❀⊰ ريشة العلم ⊱❀]

وبعد إذنك
بضيفه في ورشة عمل المحاسبه ليسهل على الجميع الحصول عليه وعلى الإستفاده منه ...