[ اسئلة مراجعة ] : تكفون يالفهمين فهمونا الانقلش ..

[أنيسة القلووب]

الله يجزال خير يارب

[مسك الشرقيه]

مشكوووور

[HassanMlaika]

ماشاءالله تبارك الله
اخي نواف تراك وصلتنيى لمعلومه الله يعطيك العافية

[لوورااا]

تراتيل وضحي اكثر تخلبطت معاك

تقولين اذا ذكر الدقيقه او الثانيه او الصبح او المساء نختار اون

و الات نختارها اذا ذكر الصبح او المساء او الساعه

الصبح و المساء نختارها مع منو الاون ولا الات ؟!؟!؟!؟

[فاهمة]

المشاركة الأصلية كتبت بواسطة نواف 666

الانقلش بسيطه وما تحتاج ذاك التعب .. بعطي بعض الاشيااء لعلهاا تسساعدك ..

تأكدي
لما يجيك سؤال .. اي سؤال .. تأكدي إن إجابته في آخر السؤال .. يعني

بجيب لك امثله من نموذج المراجعه

مثلاً:
He was born ........1990.

آخر السؤال شنو !؟

تاريخ .. إذن على طول الجواب (in)
طبعا اي تاريخ مثل 1990 او اسم شهر مثل march او july الجواب in

اما لو كان مكان .. ف الجوال بيكون at
يعني بيت او جامعه .. و برضوا لو كان اخر السؤال وقت .. مثلا الساعه 7:00 ف الجواب at
/

مثال:
Omar and othman ........... A driving test yesterday

do-
does -
didn't have -
has done -

نشوف آخر السؤال زي ما اتفقنا .. نلاحظ كلمة yesterday <- طبعاً معناها امس

عندنا ثلاث كلمات بس .. احفظيها وهي سسهله راح تفيدك كثير .. اللي هي (yesterday - last - ago)

من تشوف هالكلمات ف آخر السؤال .. على طول تأكد إن الإجابة يعني ف الماضي ..

نرجع للاختيارات عشان نشوف وين اللي منها ف الماضي .. ما عندنا الا وحدة اللي هي did't

/

كلمة while تعني بينما .. لو تجربي ف العربي جمله وتستخدم كلمة بينما .. راح يطلع معك بينما كنا او كانوا

يعني بعد كلمة while تختاار وحدة من (was - were)

/
برضوا ف اسئله المراجعه عندك هالسؤال:
My books in this classroom ........... (-
هنا بس تشوف كلمة my books او my pens او جالس يتكلم عن اشياء .. تختار من الإجابات على طول these
لأن معناها بالعربي ( هذه)
/

في موضوعات المقارنات ..
عندك كلمة good وكلمة bad و best

مستحيل يجي معها er

يعني اذا شفتها ف الاختيارات وبجنبها er تأكد انها خطأ وأستبعدها على طول
/

اخيراً .. في موضوع has - have طبعا الماضي منها (had)

مثال:
They ......... English stories

has -
are -
having -
have -

كذا السؤال جاء ف اسئله المراجعه .. اوكي نجي نحلّه:
عشان تحل السؤال حاول تستبعد الاشياء الخطأ .. وهي اسهل طريقه

- ف البدايه لازم تعرف وتحفظ زي اسمك ان اي اختيار فيه ing لازم يكون ف السؤال كلمة are او is
شوف السؤال .. ما فيه are او is .. خلاص استبعد اختيار having

- الاستبعاد الثاني .. دام الاختيارات فيها has و have استبعد اي شي ثاني .. لأنه يبي واحد منها .. على كذا are نستبعدها

اخر شي .. باقي كلمة has و have .. ارجع للسؤال وشوف بدايته .. كلمه they
هنا لازم نكون حافظين حاجتين بسيطه اللي هي

كلمة they و you و i و we ---------- يجي بعدها have
وكلمة he و it و she ---------- يجي بعدها has

/

هذا وصلى اللهم وبارك

طبعا هذا اجتهاد شخصي مني لأني استخدم الانجليزي بحكم عملي .. ف حاولت ابسطهاا لك .. ويارب قدرت افيدك

الله يسهل امرك ياااارب

[تراتيل المساء]

لورا
دخلت علشان من الجوال لان اللاب مايدخل معاي
الهم انتي مافهمت ايش اقصد
لكل قاعده شواذ
مثلا اذا جاب لك بالسؤال رصهم مع بعض كل من
اليوم والشهر والسنه
تختارين on
بالرغم انه ذاكر السنه والشهر

At نعرف انها لتوقيت بالساعة او كان صبح او مساء
بس تستثنى بحاله اذا ذكر بالسؤال
اذا رص لك بالسؤال وما حدد الساعه فقط مثل
On the beginning of time
او on the morning
او on the evening
مو محدد at لشيء المحدد بالضبط مثلا 7:00 am

اتمنى فهمتي وسوري اذا ما عرفت اشرح