الرجاء من كل الأعضاء الدخووول .. مهم مهم

[آآهااات دفينهـ]

بسم الله الرحمن الرحيم

السلام عليكم ورحمة الله وبركاته

بصرآآحه أنا حبيت أكتب لكم موضوع لأن أحس دفئ المشاعر تعبت وهي تتقول لكم

كذا مره دفئ المشاعر تكتب لكم موضع عن التنظيم وتشرح لكم كل شئ ؟؟

بصرآآآحه هي مب مقصرهـ وأخوي الشمالي مب مقصر

يردون ع كل أسألتكم ويحاولون بقدر المستطاع ينسقون لكم القسم

بس بصرآآحه أنتم تعفسووون الدنيااا فوق تحت

مب الكل طبعاً ،، أنا أعم بكلامي ما أخص أحد فيه :)

يعني لين متى بظلون كذا ؟؟؟

مافي تنظيم مافي تنسيق ماتتبعون الأنظمه ؟؟

يعني لازم يصير عواقب إلا مايتبع الأنظمه ينطرد من المنتدى !! :)

طبعاًً أكييييييد دفئ ماتحب تتعامل بهذا الإسلوب ولا أخوي الشمالي

لكن لين متى هم يتكتبون وأنتم ولا كأنكم تقرأون كلامهم :)

ترى هم يتعبون من هالحوسسسه وهالزحمه

مع أحترامي للكل أنا ألاحظ في البلاد العربيه الأغلبيه مايتبعون النظام !!

ليه الأمريكان أحسن منا في شنو ؟؟

شوفو الأمريكان يتبعون الأنظمه 100 %

حتى الأطفال إذا شفتونهم ينتظرون سرى في سوق أو سوبرماركت أو غيرهـ

يوقفون بالترتيب والكل ينتظر دورهـ

أنتو أقل الأشياء ماتقدرون تتبعونها !!

ليه ماتتبعون الكلام إلا تقوله دفووئه ؟

وإلا يكتب متى ومن وهل وومكن وسؤال وإستفسار ......... الخ

هآآذي كلها أسأأأأأأله وترى في رابط يختص باالأسأله

http://www.ckfu.org/vb/t65226.html

هذا الرابط يختص بالأسأله ،، ليه ماتسألون هناك ؟

كل يوم ورى الثاني كتبتون سؤال في غير مكانه المناسب

إذا كتبتون السؤال هناك والمشرفين والأعضاء قصرو معاكم

ساعتها لكم حق تخالفون الأنظمه وتكتبونه باالمكان إلا تبونه

حبايبي الله يعطيكم العآآآفيه لا تخلون بعدم إتباعكم للأنظمه يصير عليها عواقب

أنتو هنا تفيدون وتستفيدون .. مب جاين لجل تنطردون

فديتكم انا أتبعوو الأنظمه مارآح تخسرون شئ :)

وترى الشئ لمصلحتكم الترتيب لمصلحتكم

والمعذرة ع الإطاله بسس بصرآحه القسم لا يٌطاااق من الحوسه إلا فيه

تحياتي لكم ،،

[زيـــزومــ]

بسم الله الرحمن الرحيم
كلامك سليم 100% مشكلة بعض الأعضاء انه مايكلف على نفسه انه يقرا ويتصفح المواضيع واكيد بيلقى جواب لسؤاله او يكتب بالبحث اي كلمه متعلقة بالسؤال.
وفيه مشكله ثانية يااخت(أهات) بعض الاعضاء الله يصلحهم يدخل الموضوع ويمكن حتى ماقراه ولاهو داري عن ايش وعلى طول كتب رد(يعطيك العافية) (يسلمو) يتميلح او يزيد عدد المشاركات ما ادري بالضبط أو ردود عفواً عفواً(سخيفة).
أتمنى من الاخوان المراقبين حذف اي موضوع متكرر او الردود اللي مالها داعي
الله يعينهم هم في هم الدراسةولا المراقبة عسى الله يقويهم

[ام خالد 2010]

[align=center]
تعرفون متى المنتدى راح يترتب .. وتكون كلمتكم مسموعه ..

بالاسبوع الي مافيه جمعه ..

مهما قلنا ومهما فتحنا مواضيع .. راح يبقى على هالحال ..

بس بصراحه انا عاذرتهم لأنهم جدد .. وخايفين .. ويبون كل شي بسرعه .. مالومهم .. الله يلوم الي يلومهم ..

وبعدين لعلمك ثلاثة ارباع الي يكتبون مواضيع جديده .. تراهم مايدرون عن الانظمه .. لانهم ماتعبو نفسهم وخذو لفه على المواضيع ..

وصدقوني خلاص لاتعبون نفسكم وتكتبون موضوع عن الترتيب وغيره ..

لانهم صدقوني بعد انتهاء هالفتره هذي .. وهي بمثابة الفتره الحاسمه .. فيها موت وحياة بالنسبه لهم ..

فترة تسجيل وقبول وارقام وحوسه .. اول ماتنتهي هالقضية راح كل شي يترتب بنفسه ..

شفتو طالب من الترم الي فات حاس حوستهم .. اكيد بتقولون لا .. ليش طيب .. احنا على راسنا ريشه وانولدنا علماء من بطون امهاتنا .. طبعا لا

اول مابدينا الدراسه حسنا اكثر من حوستهم .. بس في فرق وحيد بينا وبينهم .. احنا كنا مفتقدين للمعلومات .. لان القسم جديد .. فكان علينا التعب .. كنا ندور المعلومات من هنا وهناك .. نتعب لحد مانلقى المعلومه ..

والطلاب الجدد الحين يلقونها بارده مبرده .. هنيالهم .

وطبعا الفضل لمين .. لله اكيد ثم للمشرفين والقائمين على هالمنتدى وثم للاعضاء ..

وزبدة كلامي هذا كله .. الصبر ثم الصبر ثم الصبر . فترة وتعدي ان شاء الله .

وانا اقول لاختي دفئ المشاعر واخوي الشمالي .. لاتعبون روحكم الحين .. خلهم مثل ماهم عليه .. بعد ماينتهي التسجيل وتبدا الدراسه .. هنا ابدو صح ..

وخلكم شديدين اللهجه والتعامل .. اي موضوع تحسونه عافس المنتدى الغوه بدون تردد .. الي عاجبه عاجبه والي مو عاجبه يطق راسه بجدران المنتدى ..

وهذا الشي طبعا من مصلحتهم .. وبكرا بيعرفون هالشي ..

ماقول الا الله يعين الجميع ويصبر الجميع .. اولنا الجدد واحنا تاليهم ..

ويوفق الجميع يارب
[/align]

[لاكوست]

كلام عين العقل
مشكلة تتكرر بكثره ولو رجعنا 90% من المواضيع
كلها تتكلم عن نفس المشكله ونفس الموضوع
مافي فرق الى موضوع جديد وعضو اخر جديد
اتمنى من الجميع الهدوء واللخبطة ذي تصير كل سنة
سرعان مايتعدل الوضع وكل شئ يزين
تحياتي للجميع

[آبو ثآمر .!]

من اعضاء لمشرفين

لـ نظآم الشعوب العربيه لـأمريكآ :003:

موضوعك واضح إنه من قلب .

والله يعين المشرفين ماقبلو بالمهمه الا هم قدهآ

حتى لو إن روسهم بتشيّب :d

والله يهدي الاعضاء الجدد ويهدينا برضوه :)


ومثل مآقآلت ام خآلد كلها هالاسبوعين
وبعدآ أخر حلآ‘وهـ

[القلب الطيب]

آهات كلامك سليم

وكنت برد بس ماشاء الله اختي ام خالد قالت اللي ودي اقوله وأكثر

>>>>>>بس حلوة كلمة كتبتون:150: هههههههه

الصبرجميل

[ام خالد 2010]

القلب الطيب .. اشرايك اصير المتحدث الرسمي عنكم .. خخخخخخخخخ

تراني انفع ............>>>> ايقونة امزح

[القلب الطيب]

هههههههه

والله تصلحين ماشاء الله عليك

جلست ساعة اقرأ كلامك من طوله>>>>>>ايقونة ضحك خخخخخ مايقلد

اشوفك ماتقصرين مع اللي يسألون تجاوبين هم وتحاولين تساعدينهم

الله يجعله في ميزان حسناتك

[ezilax]

السلام عليكم
انا اعترض لعدة امور:
اولا\ الجامعه غامضه في تقديم المعلومات الشافيه للطلاب من جميع النواحي مثلا هل الانتساب ممكن يكون انتظام بعد فتره ، هل اداره الاعمال عامه ام تتخصص بعد فتره...الخ ،اللهم وضحوا خطوات التسجيل والقبول فقط ،طيب والتالي ؟

ثانيا\ انتم يالطلاب القدامي شي طبيعي بتستنكرون ردود الافعال للطلاب الجدد ، اللي انا واحد منهم لاني ماعرف وش الانتساب بالظبط والكثير من الانظمه تخفى علينا ، لذلك لا تقارنون معلوماتكم وخبراتكم بمعلوماتنا ، شي طبيعي اللي عارف النظام يعرف كيف يتصرف.

ثالثا\ المفروض من الاساس انكم تقدمون المعلومه مو حنا نبحث عنها ، مثلا :
الطلاب الجدد موادهم تنزل اتوماتيك ، هل فيه احد قدم المعلومه هذي بموضوع مثبت وشرح ان المواد تنزل كامله و ان التفعيل للارقام تراه يوم السبت يبدا؟؟ طبعا لا ، لازم الكل يكتب موضوع ويسال وهذا غلط من قبل اداره الجامعه في نقديم المعلومات لتوفير العناء على الطالب وعلى مشرف المنتدى.

رابعا \انا اقدر جهود المشرفين جميعا بلا استثناء لكن هالمشرفين لماذا وضعوا في المنتدى ؟
طبعا للاجابه على جميع اساله الاعضاء ، واللي يتعب بالمنتدى ، انا اقول له مثل ما ذكرت بالنقطه السابقه قدم المعلومه كامله بدون غموض بموضوع مثبت علشان ما يكون فيه مواضيع و استفسارات.

خامسا\ شي طبيعي الناس راح تتوجه للمنتدى لان الجامعه حاطتنا صفر على الشمال ، لا ايميلات ولا تلفونات يردون صار لي اسبوع وانا اتصل يا مشغول او محد يرد.

لذلك انا اطالب برفع الموضوع الى اداره الجامعه لاعاده هيكله موقع الجامعه وتنظيم المعلومات ، ويحطون لنا شي نتواصل عليه مع الاداره.

والله يوفق الجميع

[آبو ثآمر .!]

نا اقدر جهود المشرفين جميعا بلا استثناء لكن هالمشرفين لماذا وضعوا في المنتدى ؟
طبعا للاجابه على جميع اساله الاعضاء ، واللي يتعب بالمنتدى ، انا اقول له مثل ما ذكرت بالنقطه السابقه قدم المعلومه كامله بدون غموض بموضوع مثبت علشان ما يكون فيه مواضيع و استفسارات

كلآمك عين الصوآب .

ولكنّ إعتراضنآ وكلآمنا كله على أسآس

إن المعلومآت كلها موجوده بهالقسم

واسئلة الطلاب الجدد كلها مجاوبين عليها المشرفين

إما بمواضيع للطلاب او مواضيع تمت كتابتهآ من قِبل المشرفين انفسهم .

بـ معنى مطآلبتنا للطلاب الجدد إنه قبل لايكتب موضوع [ استفسآري ]

يمر ع مواضيع القسم وان متأكد انه بيلقى ضآلته ..!

ودمت