|
رد: مركز اختباراتي كان 9 حسبي الله ونعم الوكيل
^
مستحيل تكون حركه مقصودهـ والمرآقبين مالهم دخل ب الجآمعه أبدن .. مدري من وين جآيين .. المرآقبآت إللي عندنا مختآرينهم [ معلمآت ] ثآنوي إصلن ! |
رد: مركز اختباراتي كان 9 حسبي الله ونعم الوكيل
في كل الحالات ان كانت مقصودة فالمصيبة عظيمة
وان كانت غير مقصودة وخطأ فالمصيبة أعظم بس انا اتهمت اللي عمل التوزيع لانه مانزل المواقع للمراكز الا اليوم وبكرة الاختبار |
رد: مركز اختباراتي كان 9 حسبي الله ونعم الوكيل
حسبنا الله ونعم الوكيل
6 مراكز متفرعه على امتداد الدائري الشرقي ،، كيف ولا واحد حطونا فيه !!! مع اني ساكن بالريان ضاقت عليهم ويحطونا بمركز ديراب !!! الظاهر تأجيل الترم أفضل حل .. |
رد: مركز اختباراتي كان 9 حسبي الله ونعم الوكيل
السلام عليكم ورحمة الله وبركاته
اولا ندعو الله لنا ولكم بالتوفيق والسداد ثانيا التوزيع والله اعلم تم بالترتيب الهجائي للاسماء والكليه والمستوى وترى قلت الله اعلم ثالثا مركز الاختبار ٩ عن طريق الملك فهد واصل حتى طريق ديراب ثم من الخدمه اول رجوع للخلف بعد مطعم النافوره ثم على الخدمه حتى مطعم عمو حمزه وقبل البنك الاهلي يمين ثم ثاني شارع يمين المدرسه على اليسار بعد ٤٥٠ متر من الدائري الشرقي الى الدائري الجنوبي حتى الملك فهد روح يسار على طريق ديراب وكمل الباقي على نفس الوصف السابق والسلام عليكم |
رد: مركز اختباراتي كان 9 حسبي الله ونعم الوكيل
وانا في البديعة وحطوني في النسيم !!!
حطوني في الشفا ماعندي مشكلة !!! |
رد: مركز اختباراتي كان 9 حسبي الله ونعم الوكيل
الحل نأجر هليكوبتر ونطابق الخريطة اللي حاطينها حقت جوجل ويمكن نلقى المدرسة
|
رد: مركز اختباراتي كان 9 حسبي الله ونعم الوكيل
اقتباس:
|
رد: مركز اختباراتي كان 9 حسبي الله ونعم الوكيل
طبعا انا مثلكم المركز 9
واعرف حركات الجامعة مرت علي الترم اللي يحطون كروكي زي قلته ورقم مايرد عشان اضمن طلعت اليوم العصر سلمت علي اهلي قصرت وجمعت ومسكت الخط للشفاء دقي على الرقم اللي موجود وزي ماتوقعت انسى يرد ، ارسلت رساله قلت يرحم والديك على الاقل عطني وصف زي الناس لكن ماعندك احد ، وبعد ساعتين دوران اقدر اعطيكم الوصف طلعت مع طريق الملك فهد باتجاه الجنوب إلى ان تعديت مجمع الكوباري ، مسكت خط الخدمة ومشيت مسافه طويله لين لقيت يوتيرن ديورت معه كاني راجع الرياض ، مشيت تعديت بنك الرياض ومدارس اهليه اتوقع امسها المنظمة او شي زي كذا المهم شف المحلات اللي على يسار اذا شفت محل كبير اسمه ( على كيفك ) بيكون الشارع المقابل له على يمين ابن مفلح ، طبعا شارع صغير جدا جدا تراه تدخل مع ابن مفلح لين يقفل بوجهك شارع ثلاثين ، المدرسه في الحي المقابل لك ترا احس وصفي زي قلته بس اعذروني توني راجع من السفر وتعبان يبي لي يومين اريح |
رد: مركز اختباراتي كان 9 حسبي الله ونعم الوكيل
لا انا ماهمني المكان بعيد مع اني ساكن شرق الرياض الله يعين
بس اللي قهرني من جد حاطين كروكي من قوقل ارث سلامات وش يحسون فيه حسيت اني داخل العسكريه ومعطينا موقع نبي نقصفه من ضمن المواقع الاستراتجية الله لا يوفقهم انشاءالله |
رد: مركز اختباراتي كان 9 حسبي الله ونعم الوكيل
مشكورين على الوصف والحمد لله على السلامه
|
| All times are GMT +3. الوقت الآن حسب توقيت السعودية: 11:43 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام