ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 3 (https://vb.ckfu.org/f244)
-   -   اريد استشارتكم بأختيار ملخصات المستوى الثاني / تم تـعـديـل الـعـنـوان !! (https://vb.ckfu.org/t365588.html)

المتفائله 3 2012- 9- 3 08:48 PM
اريد استشارتكم بأختيار ملخصات المستوى الثاني / تم تـعـديـل الـعـنـوان !!
 
انا مستوى ثاني ابغى منكم مساعده اشتري ملخصات او كتب افضل ؟؟ ابغى اجيب معدل حلو :58545: ان شاء الله
واذا ملخصات ايش تنصحوني اشتري انا نزلت مواد
محاسبه :خالد عطيه
رياضيات :الطاهر
اقتصاد:حسن القحطاني
تقنيه المعلومات : احمد الشريف
نظم المعلومات الاداريه : خالد خليل
السلوك التنظيمي : يحضيه سملالي
هل الدكاتره نفسهم او تغيروا ؟؟
والرياضيات احتاج اشتري شيء او اكتب مع الدكتور افضل ؟؟
تكفون كل واحد يدخل يقول ايش اشترى

المتفائله 3 2012- 9- 3 08:58 PM
رد: الكل مر بنفس موقفي
 
معقوله 8 مشاهدات ولا واحد قدر يساعدني :Cry111:

المحترمه 2012- 9- 3 08:58 PM
رد: الكل مر بنفس موقفي
 
أنا بتكلم عن نفسي ... والله اعتمدت على الملخصات

بالنسبه للدكاتره عندنا نفسهم ما عدا الإقتصاد تغير الدكتور

المحاسبه عندك ملخص بزنس اتوقع نفس المحتوى بس

يبيلك تتابعين معاه ... الرياضيات نفس الشئ بصراحه طبعت

ملخص وطلع خطأ شئ محذوف وشئ خطأ فـ تتابعين مع الدكتور

وتكتبين في دفتر خاص تلخصينه أتوقع أفضل ..

أما البقيه ملخصات لأنها نظريه بحته ما تستدعي كتب

طبعا هذي وجهة نظري وأنتي لك اللي تشوفينه ويريحك

والله يوفقنا وياك يارب وييسرها علينا وعليك :rose::rose:

عيون حبيبي a 2012- 9- 3 09:03 PM
رد: الكل مر بنفس موقفي
 
هلا ياقمر
نظم معلومات ((ملخص تذكار :(204):
تقنيه معلومات ((ملخص دلو:(204):
محاسبه 2 ((ملخص ابو دالين :(204):
رياضيات 2 ((اكتبي معه افضل وفيه وحده معنا الله يجزاها خير جمعت المحتوى ورتبته بس ناسيه من هي :(107):
سلوك ))مااخذته:000:
اقتصاد احنا كان يدرسنا بلغرسه اخذت ملخص خجل:(204):
هذي ملخصاتي الترم اللي طاف وكانت روعه والحمد لله جبت معدل حلو بس تابعي المحاضرات وبيدك الملخص وفالك اعلى الدرجاات:106::106::106:

بحر العطا 2012- 9- 3 09:15 PM
رد: الكل مر بنفس موقفي
 
اقتباس:
المشاركة الأصلية كتبت بواسطة عيون حبيبي a (المشاركة 7154252)
هلا ياقمر
نظم معلومات ((ملخص تذكار :(204):
تقنيه معلومات ((ملخص دلو:(204):
محاسبه 2 ((ملخص ابو دالين :(204):
رياضيات 2 ((اكتبي معه افضل وفيه وحده معنا الله يجزاها خير جمعت المحتوى ورتبته بس ناسيه من هي :(107):
سلوك ))مااخذته:000:
اقتصاد احنا كان يدرسنا بلغرسه اخذت ملخص خجل:(204):
هذي ملخصاتي الترم اللي طاف وكانت روعه والحمد لله جبت معدل حلو بس تابعي المحاضرات وبيدك الملخص وفالك اعلى الدرجاات:106::106::106:

الله يجزاك خير

محاسبه ابو دالين يقولون فيه نقص في المحاضره11و12 وعنوان في 6 و11 للتوضيح فقط


اقتصاد شرايكم في ملخص كريم وشهم او ملخص ابو انور جنبي


السلوك ملخص فهد

همس الغرور 2012- 9- 3 09:17 PM
رد: الكل مر بنفس موقفي
 
هلا والله فيك ..

انا نصيحتي لك من اول الترم اطبعي الملخصات وتابعي مع المحاضرات ..

طبعا ماتحتاجين كتب ابدا ابدا الملخصات تكفي لانه مايطلعون الدكاتره عن المحتوى ..

ونصيحه اذا الدكاتره ماتغيروا ركزي على اختبارات الاترام اللي قبلكم كثير تتشابه الاسئله بعض المواد جت نسبة 95% نفس الاسئله ..

واذا كانت المحاضرات نفسها حقتنا لاتركزين كثر على كلام الدكاتره اذا قالولك هذا مهم والا اعطوك مثال لانها مسجله من سنه تقريبا خليك على الشرح وركزي على المحاضرات المباشره بيكون فيها تطبيقات كثير مهمه ..

الرياضيات الله يسعده :eek: كان الشرح لك عليه لكن تابعي معاه مايمنع تطبعين محتوى اذا تحبين بس احنا كان عايد الشرح لدفعتنا نفس المنهج اختلاف بسيط فقط .. ومثل ماقلت لك ركزي على الاختبارات السابقه ..

لاتشتتين نفسك بالملخصات من البدايه اطبعيها اذا تأكدتي انهم نفس الدكاتره انا عني طبعتها وجلست اتابع بنفسي لين تأكدت انه نفس المنهج وراح يبان معك من اول محاضره ..

هذا الموضوع الله يجزاه خير ابو يزن ماتعبت وانا ادور ملخصات ولامين الافضل مختصر عليك وحط لك افضل الموجود توكلي على الله واعتمديها ..

http://www.ckfu.org/vb/t292081.html

موفقه يارب واذا ركزتي ترا مافي صعب وبإذن الله بتجيبين اعلى من ماتطمحين ..:rose:

مشـعـل الشمري 2012- 9- 3 09:18 PM
رد: الكل مر بنفس موقفي
 
اختي العزيزة

اعطيك بأختصار بالنسبة لي اعتمدت على الله ثم على الملخصات بمستوى الاول و الثاني

الكتب وجودها وطلبها تجارياً اكثر من تعليماً

زملائنا ما قصروا جهزوا لنا ملخصات روعه خفيفه وتشمل الاهم بالمقرر
اعتمدي على الله ثم ع الملخصات الموثوقة حسب نظرتي للاختبارات السايقة
جميع اختبارات المقرارات لم تخرج من الملخصات والمحاضرات



الله يوفقكم :119:

S.L.Z 2012- 9- 3 10:04 PM
رد: الكل مر بنفس موقفي
 
اذا انتي بالرياض

عندي ملخصاتي العام

ماعدا السلوك مو عندي

فيها شوية كتابات مو شويه الا واجد

نتفاهم بالخاص اذا تبينها

وبعد معها اسئلة الاختبار ماعدا اختبارنا عليك انتي

وقت الغروب 2012- 9- 3 10:12 PM
رد: الكل مر بنفس موقفي
 
بقولك تجرتي وانصحك تعملي بها رياضيات 2 مع الطاهر غير مفهومه ومعقدة اول خمس محاضرات يمكن تفهميها بس اماالباقي اعصب انصحك تاخذي المحتو ى كامل وتروحي لمدرسة من البداية
كذا قالو الاي قبلنا لما كنت في مكانك بس ماعملت بنصيحتهم الا قبل الاختبار بيوم لما اتاكدت اني مستحيل افهم لاني كنت اقول على نفسي شاطرة بارياضيات وبانهاية خسف المعدل

المتفائله 3 2012- 9- 4 01:26 AM
رد: الكل مر بنفس موقفي
 
الصراحه خوفتوني من دكتور الرياضيات ايش رايكم اجل الرياضيات :Cry111:؟؟
وملخص المحاسبه ايش افضل ابو دالين او برنس؟؟ انا اتمنى تدلوني على ملخصات مثل ابو موزه واصف برخيا كانوا قمه في الشرح

أستاذ حلمي 2012- 9- 4 02:00 AM
رد: الكل مر بنفس موقفي
 
لا تأجلين الرياضيات

تابعي مع الزول اول بأول وشوفي لك مدرسة بعد تساعدك في فهم وحل الأسئلة

واحرصي على ٣٠ درجة الواجب والمشاركة يبقى لك ٣٠ درجه بالراحة بتأخذينا

وبالتوفيق يا رب :106:

%كل الغلا% 2012- 9- 4 02:17 AM
رد: الكل مر بنفس موقفي
 
من رايي تاجلين الرياضيات المنهج اساسا حق ثالث ثانوي صعب والدكتور مايفهم ونص كلامه ماتدرين بأي لغة يحكي

وقت الغروب 2012- 9- 4 08:08 AM
رد: الكل مر بنفس موقفي
 
اذا مارح تجيبي مدرسة من بداية الترم اجليها افضل لك مجرد راي

Tmoo7_12 2012- 9- 4 09:33 AM
رد: الكل مر بنفس موقفي
 
>> كل مايخص أدارة أعمال مستوى ثـآنـي <<

المتفائله 3 2012- 9- 4 04:58 PM
رد: الكل مر بنفس موقفي
 
اما سالفه اجيب مدرسه هذا في الاحلام مرره صعب الميزانيه ماتسمح ابدا يلا ندفع الرسوم وكمان نجيب مدرسه :017:
الحين احترت اكثر اجل الرياضيات طيب وش يضمنلي انهم يغيرون الدكتور :(107):

المحترمه 2012- 9- 4 06:02 PM
رد: الكل مر بنفس موقفي
 
يالمتفائله وكلي ربك بس وبيديك انك تسعين للفهم ان شاءالله

يمكن ماراح تفهمين مع الطاهر بس ابحثي باليوتيوب عن شروحات

لبعض المسائل ... ياما ناس قالوا بيتغير وللحين ما تغير لا هو ولا غيره

واذا بتجلسين تنتظرين الدكتور الفلاني يتغير عزالله ما تخرجتي ..

هذي وجهة نظري وانتي لك اللي يريحك وبالتوفيق يااااارب :rose::rose:

المتفائله 3 2012- 9- 4 08:47 PM
رد: اريد استشارتكم بأختيار ملخصات المستوى الثاني / تم تـعـديـل الـعـنـوان !!
 
كلامك ريحني اختي المحترمه
الله يعطيكم العافيه جميعا

زهرة الساكورا 2012- 9- 5 10:07 AM
رد: اريد استشارتكم بأختيار ملخصات المستوى الثاني / تم تـعـديـل الـعـنـوان !!
 
اقتباس:
المشاركة الأصلية كتبت بواسطة المتفائله 3 (المشاركة 7154127)
انا مستوى ثاني ابغى منكم مساعده اشتري ملخصات او كتب افضل ؟؟ ابغى اجيب معدل حلو :58545: ان شاء الله
واذا ملخصات ايش تنصحوني اشتري انا نزلت مواد
محاسبه :خالد عطيه
ملخص بزنس ممتاز
رياضيات :الطاهر
ملخص جديد كان نازل نهاية الترم الماضي ناسيه لمين ..بس انا كنت اكتب معه افضل ..
اقتصاد:حسن القحطاني
كان دكتورنا بالغرسه
تقنيه المعلومات : احمد الشريف
دلو او فهد الشمري كبلهم نفس المحتوى
نظم المعلومات الاداريه : خالد خليل
ملخص تذكار
السلوك التنظيمي : يحضيه سملالي
مااخذتها [/color]
هل الدكاتره نفسهم او تغيروا ؟؟ نفسهم بس تغير الاقتصاد
والرياضيات احتاج اشتري شيء او اكتب مع الدكتور افضل ؟؟
تكفون كل واحد يدخل يقول ايش اشترى


ولا اي ماده تحتاجين فيها لكتاب ..
[color="red"]بالتوفيق لك

جنيهات 2012- 9- 8 08:55 PM
رد: اريد استشارتكم بأختيار ملخصات المستوى الثاني / تم تـعـديـل الـعـنـوان !!
 
1 مرفق
ملخص الرياضيات للاخت ليلى في المرفقات


All times are GMT +3. الوقت الآن حسب توقيت السعودية: 07:35 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه