|
اللي ساكنين وسط الرياض .. ابيكم ..
السلام عليكم ... احنا ساكنين وسط الرياض نعاني ونتعب لين نوصل للمراكز كلها باطراف الرياض وفق هذا الرياض زحمه وعز الزحمه العصر... كل ترم اختار مركز مختلف علا وعسى يكون اقرب للوسط ... يطلع كل واحد ابعد من الثاني مرة بلبن مرة بعرقه مرة باليرموك ... وهالترم بالعريجا ... تعبنا والله حرام ... مثلنا مثل باقي الطلاب نبي مركز حولنا ... كلنا لازم نطالب بمركز وسط الرياض تعبنا ... اتمنى منكم تبدون تطالبون الجامعه بمركز وسط الرياض ... عشان يأخدون الكلام بمحمل الجد ..و الترم الجاي يكون متوفر مركز لنا ... انا كتبت للشعيبي والفردان بتويتر ... وبكرة بأتصل على الشعيبي وبعد الدكتور مصلح لانه خدوم ويساعد الطلاب ... واطالبهم بمركز وسط الرياض ... من الترم الجاي يرتبون امورهم ... والله يوفقنا اجمعين . |
رد: اللي ساكنين وسط الرياض .. ابيكم ..
ذكر لي احد الزملاء الترم اللى فات ..
انه اخطاء في المركز المقرر لامتحانه . وحضر بمركز اخر .. ولم يكن بينه وبيني الامتحان الا دقائق معدودهـ .. اخبرهم ما حصل معه . وقاموا بالاتصال بالمركز المعد لامتحانه بغرض تحضريه لديهم . واختبر بنفس المركز الذي حضر اليه اولاً .. ويمكنكم التأكد من ذالك بالاتصال على الجامعة . وشرح ظروف البعد والزحمه بالرياض .. ومـتأكد بأنهم راح يقدرون ذلك .. تمنياتي لكم بالنحاج . |
رد: اللي ساكنين وسط الرياض .. ابيكم ..
نفس الحكي نطالب بمركز بوسط الرياض بس ياليت احد يسمع لنا
من نكلم او نراسل ,, اليوم كله وانا ابحث بتويتر لعلي القى احد من العمادة او شي من جد معناة مرة بالاحمدية وهالمرة بالعريجاء مررره مقهورة |
رد: اللي ساكنين وسط الرياض .. ابيكم ..
اقتباس:
يعني نتوكل على الله ونروح نختبر بأقرب مركز ؟؟ |
رد: اللي ساكنين وسط الرياض .. ابيكم ..
اخوي الغالي انا معك وعانيت الاترام اللي راحت كلها مره في جنوب الرياض وبعدين غرب الرياض والترم ذا قلت باقرب للشمال وحطوني بحي النزهه والله مشوااااااااااااااااااااااااار
ليتنا من حجنا سالمين لو اني جالس بلبن اصرف لي عموماً الترم اللي طاف حطوني بمدرسه في جنوب الرياض عند مصنع الاسمنت ورحت اول يوم اكثر من ساعه في الطريق وجيت متأخر ويالله تسنعت الامور وكلمت الجامعة بعدل مكاني ورفضوا قلت مابدهاش يابو الاتراك روح للمدرسه اللي تبي ورحت لمدرسه بلبن فيها رجل والرجال قليل وقال جب بطاقتك الاحوال يوم الاختبار الجاي وتعال اختبر قلت انت متأكد قال رح وتعال الاختبار ولا يكثر هههه جيت وماقصر بيض الله وجهه ومن يقرأ والظاهر هالترم نفس الكلام برجع لطير شلوى وربي ييسرها لنا جميع احنا سكان وسط الرياض مالنا الا ربي ازين منهم كلهم:17: |
رد: اللي ساكنين وسط الرياض .. ابيكم ..
اقتباس:
أخوي مو مشكلة اغير المركز ... لكن المشكله بالاساس ...كل المراكز باطراف الرياض ... جربت كل الجهات ....جربت شمال حطونا بعرقه وشرق حطونا باخر الشرق وين شوي ونكون عند استاد الملك فهد وغرب حطونا بضهرة لبن كله بعيد والجنوب بعد بعيد صديقتي تختبر هناك بس هي اصلا ساكنه بالجنوب مااياخذ منها ربع ساعه .... حرام ساعه روحه وساعه رجعه .... كل يومين واحيانا كل يوم .... احنا اللي ساكنين بالوسط لازم ندخل دائريات وحوستها وزحمتها ... حرام والله ندفع مثلنا مثل غيرنا من الطلاب ... لازم يكون لنا مركز حول الوسط .... |
رد: اللي ساكنين وسط الرياض .. ابيكم ..
بالنسبه لي تحملت
قلعوني اول مستوى بعرقه وانا شرق الرياض والله افرجها الترم الي بعده والترم هذا اقرب واقرب هي كلها كم يوم وتعدي اهم شي التوفيق ,,, وان شاءالله بتنحل :1: |
رد: اللي ساكنين وسط الرياض .. ابيكم ..
اقتباس:
اكيد انتم استفدوتوا حطوا لكم بالجهات الاربع ... لكن احنا راعيين الوسط متى يحطون لنا مركز وسط الرياض ... بيحطون لنا اذا طالبناهم ... |
رد: اللي ساكنين وسط الرياض .. ابيكم ..
انا ارسلت ايميل على هالعناوين اللي مثلي بالوسط يرسل ويطالب من الترم القادم يكون لنا مركز وسط الرياض del_Help@kfu.edu.sa del_academic@kfu.edu.sa هذا ايميل الدكتور احمد الشعيبي aalshoaibi@kfu.edu.sa وهذا رقم الشعيبي 0507937304 هذا رقم الدكتور مصلح دقيت عليه قال اذا في كثير من الطلاب والطالبات وسط الرياض راح نفتح لهم مركز... اتصلوا وطالبوا... 0534513395 هذا تويتر للدكتور الفردان ومدير مكتب الشعيبي... https://twitter.com/rrr898 https://twitter.com/alfraidan |
رد: اللي ساكنين وسط الرياض .. ابيكم ..
بالواقع إلي نعيشه في الرياض مستحيل تجد حل مرضي لمثل هذه المشكلة نهائيا إلا باعتماد مراكز معينه واختيارها فقط وهذا صعب خلينا نفكر فيها
تتوقعين إلي كتبوا بالشرق او الغرب او الشمال راضين عن مراكزهم مستحيل يعني ضربة حظ واحد ساكن مثلا في الجزيرة ويكتب شرق ويجي اختباره في غرناطة :22: انا اشوف الغرض من اختيار شرق او جنوب او شمال هو انك تختار الاسهل وصولا لك مو تختار الاقرب خاصة في مدينة مثل الرياض صعب جدا تلقى شي قريب وسهل الوصول له نظام المقررات والتسجيل هذا يحكم الموقع بشكل كبير لو تقولي مثلا بوسط الرياض خلينا نفرض ان واحد ساكن في الملز وجا اختباره في حي الديرة:12: كلها تعتبر من احياء الوسط فمن المفترض على الشخص عندما يفكر باختيار مراكز اختبار ان يختار الاسهل وصولا له وليس الاقرب خاصة في الرياض وهذه ابرز الاحياء من حيث التحديد حددي الجهه التي يسهل الوصول إليها بشكل اسرع وانا طالب معكم ولكن خلونا نتكلم بشوية واقعية ومنطق مستحيل اي طالب يلقى مركز جنب بيته دايما وتعرفون الرياض وزحمتها يوم لك ويوم عليك هذه الاحياء شوفيها وركزي على الجهه الاسهل في الوصول وسلامتك واعتذر على الاطالة عشان في المستوى القادم تعرف الانسب لك حتى لو كان ابعد بس ترتاح في الوصول له أحياء شرق الرياض * الفلاح * الروضة * النسيم * النظيم * السلي * القدس * الحمراء * غرناطة * النهضة * الخليج * المغرزات * الجزيرة * الرواد * الربوه * إشبيليا * اليرموك * قرطبه * الريان * أشبيليه * الشهداء أحياء غرب الرياض * الدرعية * البديعة * ظهرة البديعة * عرقة * حي لبن * السويدي * شبرا * العريجاء * جامعة الملك سعود أحياء شمال الرياض * الملقا * الصحافة * النخيل * الياسمين * النفل * الازدهار * قرناطه * حي المغرزات * الواحه * المرسلات * الورود * المروج * الغدير * الربيع * الرائد * العقيق * النخيل الغربي * النخيل الشرقي أحياء جنوب الرياض * الشفاء * بــدر * المروة * الفواز * الحزم * العزيزية * الدار البيضاء * المنصورة * نمار * الدريهمية * شبرا * اليمامة * المصانع * بن تركي * السويدي * الشميسي * الحاير * الشعلان |
رد: اللي ساكنين وسط الرياض .. ابيكم ..
اقتباس:
يأخي انا ساكنه بحي المربع قريب وزارة الداخليه ... لو قالوا الملز او الديرة او السليمانيه او العليا او الناصريه او حتى المروج او الربوة زين كلها حول الوسط ... لكن يرمونا بطرف من اطراف الرياض ... حرام والله |
رد: اللي ساكنين وسط الرياض .. ابيكم ..
الحل كالتالي
تطبيق طريقة جامعة الامام محمد بن سعود وهي ان الشخص يختار المركز حسب الاولوية يعني تشوف الي حول بيتك وتسجل فية حسب العدد المحدد لكن انك ساكن بالملز او الربوة وتختبر بخشم العان او اخر غرناطة هذي ما فيها جميلة. الله يعين والصبر زين. |
رد: اللي ساكنين وسط الرياض .. ابيكم ..
السلام عليكم ورحمة الله وبركاته على الرغم انني ساكن بــ عرقة الا انني لم اختار الغرب خشية من ان يكون مكان الاختبار في البديعة او السويدي او العريجا لذا أخترت الشمال من حيث المسافة افضل وايسر لي تفاديا لزحمة وحركة المرور المفاجأة. وعليه، نقترح للجهة المختصة ان لا تقتصر الأمر على الاتجاهات بل يفترض ان يكون هناك خانة لمكان الحي حتى يتسنى للطالب او الطالبة اختيار ما يناسبهم لا سيما تلك اوقات فترات الاختبارات تكون في وقت ازدحام الحركة المرورية فضلاً عن ذلك المفاجأت التي قد تصادفنا خلال الطريق كـ تعطل مركبات او لا سمح الله حادث ما او...آلخ،، مرة آخرى يرجى من الجهة المختصة مراعاة ذلك لسلامة الطالب والطالبة اولاً وأخيراً. وتفضلوا بقبول وافر الود والتقدير. |
رد: اللي ساكنين وسط الرياض .. ابيكم ..
الملام الاول والاخير الجامعة نفسها ,, واضع ان وجود مقرها في الشرقية ماخلاها تعرف معاناة طلاب الرياض
حتى حنا اللي ساكنين بغرب او جنوب الرياض او شمال او شرق معاناتنا مثل الوسط .. اتكلم عن نفسي لو بطلع من بيتي جنوب الرياض لمركز اختبار في جنوب الرياض بياخذ معي ساعة تقريباً بسبب البعد والزحمة ,, يعني موضوع تقسيم حتى اللي ساكن شرق الرياض نفسه المشكلة .. وش جاب السلي او الجزيرة لغرناطة؟؟ مع ان كلهم شرق ؟؟؟ اهمال كبير من الجامعة والا لو كانوا منظمين انفسهم فالمفروض محددين مراكز الاختبار قبل الاختبارات بشهرين ع الاقل والا توهم يدرون ان فيه اختبارات؟؟ ,, ياخي حدد المدارس اللي بتسوي فيها الاختبار من البداية وكل طالب يختار المركز اللي يبي وكل مركز له عدد معين والحجز حسب الاولوية اذا شفت ما امداك وصار المركز فلللل تروح للي بعده وهكذا .. والله مايبي لها تفكير .. لكن بالوضع الحالي ؟؟؟؟! .. راح تستمر المشكلة |
رد: اللي ساكنين وسط الرياض .. ابيكم ..
انا من ناحيتي كلمت المنسق تبع اقرب مركز اختبارات حول بيتي وذكر لي ان الجامعة لسى مارسلت لا الكشوفات ولا اعداد الطلبة اللي بيختبرون في المركز ,, وطلب مني اجي قبل اختبار يوم الخميس بساعة تقريباً ومعي بطاقة الاحوال وبيضبط اموري واختبر حتى لو الجامعة ماحطتني فيه |
رد: اللي ساكنين وسط الرياض .. ابيكم ..
:21:
|
رد: اللي ساكنين وسط الرياض .. ابيكم ..
اقتباس:
اتنصح ان نعمل بما تفضلت به ام ان الامر ليس عام يرجى التوضيح، فان نصحتنا ان نقوم بهذه الخطوة سأتجه مباشرة للمدرسة التي جوار بيتي بل مشياً على الاقدام وليس راكب سيارة او ما نحو ذلك. شاكر لك وموفق ان شاء الله |
رد: اللي ساكنين وسط الرياض .. ابيكم ..
اقتباس:
|
| All times are GMT +3. الوقت الآن حسب توقيت السعودية: 12:21 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام