[ استفسار ] ارجو المساعده ــ في هذه المشكله العويصه ــ

[وليد القحطاني]

السلام عليكم ورحمه الله وبركاته حيااكم الله
صباح الخير / مساء الخير
اما بعد بدخل في صلب الموضووع انا تعبت من حاجه في الجامعه ومن موقعها انا درست سنه تخصص اداره اعمال وجبت 22 ساعه وكنت ناوي اغير تخصص بس الله ما اراد وقالو تغيير التخصص يبي له 24 ساعه وانا ما جبت الا 22ساعه قلت امري الى الله وكلمت السنه هذه الترم الاول وخذيت ثلاث مواد قلت بيني وبين نفسي ان محتاج ساعتين على الاقل لتغيير التخصص والان الحمدلله نجحت فيها وجبت 9 ساعات انا كلمت الجامعه والعماده وانفجر راسي وانا اكلم بس ما احد رد لي خبر !!! وانا الان ابي اغير تخصصي الى علم اجتماع // لكم تحياتي اسف على الاطاله وشكرا لكم ،،،


ملاحظه :-


- االرجاء من اللي عنده خبر عن موضوع يفيدني او يعلمني شلون اغير تخصص ابي ابدا الترم الثاني في علم الاجتماع علماً اني ما غيرت تخصص قبل كذا .

[الكــنترولــ]

كان ودي اساعدك لكن ماعندي معلومة في هذا المجال
واتمنى تفاعل كل منلديه معلومه

بس وجهه نظري ان اداره الاعمال افظل من علم الاجتماع وان كان فيه موادصعبه

[hmsalkon]

من الخدمات الطلابيه فيه ايقونة تغيير التخصص
منها تغير التخصص واتوقع انو فتره وتقفل
ربي يوفقك ويكتب لك الخير

[وليد القحطاني]

اولا اشكر الجميع على الكلام

ثانيا بس انصح الجميع ان لا يثق بالمواقع هذا وان ما عندهم سالفه كل واحد يقول انا اشوف ما تغير ولا تقدر وهم ما يدرون وش النظام ولا كيف شكله بس هذره على الفاضي انصح الجميع بتوخي الحذر من هذا المنتدى وعدم الاستناد عليه بالاساس

[..SHOOSH..]

انت الحين روح الخدمات الطلابية واطلب تغيير التخصص واختار الاجتماع

عشان تضمن ولايروح هالسمستر عليك وانتظر الرد

حاول بعد التغيير تسجل مقررات الاجتماع



موفق ،

[وليد القحطاني]

الموقع خياس ما يمديني احك راسي الا طلع error وش هالجامعه اللي موقعها يعلق ويتوقف ويخرب المفروض الجامعه تقدر وتشوف ان العدد كبير من الطلاب انتساب تعليم عن بعد بس ما عندك نايمين في العسل المفروض تطوير الموقع وجعله اكثر مرونه بس للاسف ما عندهم تفكير مضبوط .