ملتقى طلاب وطالبات جامعة الملك فيصل,جامعة الدمام - استفسار عام انطبـــــــــــــــــــــاعكم عن مستــــــــــــوى (3) ~ ~ ~ ~ ~

صفحة 2 من 4

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 3 (https://vb.ckfu.org/f244)

- - [ استفسار ] انطبـــــــــــــــــــــاعكم عن مستــــــــــــوى (3) ~ ~ ~ ~ ~ (https://vb.ckfu.org/t594619.html)

zeee_zooo101

2014- 5- 20 10:24 PM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

بالنسبه لي احلى حاقه فقه السيره :love080: حسيت اني اختبرتها قبل الاختبار بيوم لأن الأسئله نفس أسئلة الترم الماضي
اما الباقي مو شين بس الإحصاء مدري وش جاني في الاختبار جبت العيييييييد مدري ليش مع ني كنت مستعد كويس ودكتور الماده شرحه ممتااااااز جدا بس بنص الأختبار حسيت انه اغمى علي وكأني داخل الاختبار بالغلط,, الله يعديها على خير :mh12::(280):
وأساسيات المحاسبه والتكاليف دكتور الماده متمكن جدا والاختبار حلو جدا
بس الزول هو الأكسس حقه كرهني في الأوفيس كله :(312):

هاشم احمد كريري

2014- 5- 20 10:45 PM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

الحمد للة على كل حال
الترم راح والاختبارات انتهت وانشاء اللة ان كل الامور طيبة
الفقة 100%
نظم 80%
تقنية 90%
محاسبة 95%
مالية 95%
احصاء 95%

دلال البارقي

2014- 5- 20 10:50 PM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

بشكل عام جيد
صحيح واجهت مشكله بتكدس المعلومات وكثر المصطلحات والقوانين
بالنسبه للمحاسبة التكاليف شرح الدكتور ممتاز بس يبي منك مجهود اول باول لازم تدرس وتطبق وكذلك الاحصاء دكتورها رائع وشرحه فوق الممتاز وكلهم الاختبار ماطلع عن المنهج
بالنسبه لنظم المعلومات الاداريه وتقنية المعلومات تقدر تقول الماده غنيه بس الله يسامح الدكتور قتل الماده بأسلوبه
فقه السيره الدكتور مسوي فيها انه شديد وطلباته كثير وفي النهايه جاب تقريبا اسألة الترم الماضي

الماليه وما ادراك ما الماليه واضح ان الاستاذ جديد بس حاول يبسطها قد مايقدر ولكن مشكلتها بكثر القوانين بس مع الحفظ والتطبيق تحس انها حليوه

هذا انطباعي عن هالسمستر
بصراحه كنت اتمنى اجيب فوق اربعه ونص في المعدل
زي مستوى ثاني
بس الشكوى لله

البنت الشطوره

2014- 5- 20 11:17 PM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

1-تقنية معلومات..كمذاكره سهل.. ولكن الاسئله تحتاج تركيز شوي..80%
2-نظم المعلومات ..معلومات كثيره يحتاج حفظ اول بأول..80%
3-فقه السيره ..رااااائعه.100%
4-محاسبه اداريه وتكاليف..سهله وجمييله..100%
5-اداره ماليه..طبق القانون وامشي ..جيده نوعا ما95%
6-الاحصاء في الاداره..دكتور رائع ومتمكن..ممتعه للي يحب الحسابات 99%بس اللي يقهر في الاختيارات لاشئ مماسبق
وبس...

hussien

2014- 5- 21 02:57 AM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

الحمدلله على كل حال ولكن بجد انظلمنا مع الزول في نظم المعلومات ماكان يشرح صح واسئلة صعبة
اما باقي المواد الاحصاء متوسطة الصعوبة بس الدكتور متمكن وسهلها بشرحة الممتاز وكذلك اساسيات المحاسبة الادارة المالية الاستاذ طيب بس المادة دسمه

هيونه22

2014- 5- 21 03:19 AM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

الترم هذا موووو طبيعي صراحه
ثقييييييل جدا حسيته سنه كامله
و الدكاتره للاسف بعضهم لو يجلس في بيته ازين له الشرح معدوووم
و البعض الآخر الله يعطيه العافيه متحمس و غصب المعلومه تدخل في مخك
ان شااااء الله نعدي و نخلص منه على خير ياااااااااااارب

7M0DI

2014- 5- 21 03:34 AM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

الترم الثالث دسم شوي, ويعتبر دخول في التخصص وبدايه الدراسه الجديه نوعاً ما , مع اني ما ذاكرت الا قبل الاختبار بيومين :d لاكن متابع للمنتدى وانزل الملخصات المختصرة والحلول السهله والبسيطه للفهم.

بشكل عام حلو بس د/ عادل عثمان زودها شويتين باسئلته الملتويه , المذاكر يتوه معاه

وفالكم النجام

hoor 1408

2014- 5- 21 05:21 AM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

أنا الصراحه تعبني نفسياً وفكرياً هالمستوى :007:
وربي ماصدقت أخلصه وكنت متحمسه بعد المستوى الثاني اني أرفع معدلي بس الحين أبي اعدي اذا ربي كتب لي وبس والله يسهل علينا المستوى اللي بعده ونطيح بدكاتره ..ماودي أكمل خنقتني العبره :sm1:

إرادﻫ

2014- 5- 21 07:42 AM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

مستوى بشكل عام شيق وممتع للي يحب يفهم اكثر
بس ممكن مدة الترم قصيره وكون تغير بعض الدكاتره اخرنا شوي طبعا مافي شيء صعب للي يذاكر اول باول خصوصا اغلب المواد تبي وقت
اساسيات المحاسبه ماده جميله واختبارها كان الاجمل مكرر
الاداره الماليه تجمع مابين الحفظ والفهم واستاذ مجتهد ويحاول يساعد والاختبار كان مباشر وميسر
فقه السيره احمد ربي اني اخذته ماده ممتعه واختبارها مكرر
الاحصاء ثلاثة ارباع المنهج رياضيات والدكتور متمكن وقادر يوصل المعلومه والاسئله ماكانت صعبه
بس ماكان الوقت يكفي وكون اغلب الاجابات تكون لاشيء مماسبق مما شتتنا اكثر
التقنيه والنظم دكتورها قتلها ببروده والاسئله كانت متفاوته والخيارات كانت قريبه من بعض شوي تلخبط
وبالنسبه لي النظم كانت افضل اختبار من التقنيه
والحمد لله على كل حال صحيح ماكانت المرضيه بس قدر الله وماشاء فعل
ويارب الجميع يعديها ونعوض بالجاي
بالتوفيق :106:

yasmina

2014- 5- 21 08:51 AM

رد: انطبـــــــــــــــــــــاعكم عن مستــــــــــــوى (3) ~ ~ ~ ~ ~

الله يعطيك مالعافيه يارب ويوفقكم جميعآ يارب .. :004::004::004:
اخذت نبذه قصيرة عن المواد
زين قلتو لان ماراح اخذ لا نظم ولا تقنية الا لما يتغير الزول :16.jpg::16.jpg:

اللي اخذ اساليب كمية ياليت يقول لنآ كيف ؟ :icon1:

All times are GMT +3. الوقت الآن حسب توقيت السعودية: 02:41 PM.

صفحة 2 من 4

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه