ملتقى طلاب وطالبات جامعة الملك فيصل,جامعة الدمام - استفسار عام ابي اشتكي المسؤال عن اختيار مكان الاختبارات ( حسبنا الله ونعم الوكيل على جامعة الملك فيصل مختار اختباري في غرب الرياض السويدي حطوني في عرقه؟!! )

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 3 (https://vb.ckfu.org/f244)

- - [ استفسار ] ابي اشتكي المسؤال عن اختيار مكان الاختبارات ( حسبنا الله ونعم الوكيل على جامعة الملك فيصل مختار اختباري في غرب الرياض السويدي حطوني في عرقه؟!! ) (https://vb.ckfu.org/t632538.html)

الجذاب-Attracti

2014- 12- 2 05:21 PM

ابي اشتكي المسؤال عن اختيار مكان الاختبارات ( حسبنا الله ونعم الوكيل على جامعة الملك فيصل مختار اختباري في غرب الرياض السويدي حطوني في عرقه؟!! )

ابي اشتكي المسؤال عن اختيار مكان الاختبارات ( حسبنا الله ونعم الوكيل على جامعة الملك فيصل مختار اختباري في غرب الرياض السويدي حطوني في عرقه؟!! ) ابي وسيلة اتصال مباشرة مع اكبر مسؤال ابي اشتكي على الشخص الي شالني من مكاني وحطني في عرقه ؟!! ليش ؟؟!! انا مختار غرب الرياض السودي والله والله والله العظيم مختارة وشالوني حسبي الله ونعم الوكيل على من شالني وحطني في غرب الرياض عرفه ؟!! بيني وبينها ساعه واذ فيه زحمه ياخذ اكثر من ساعه حسبي الله ونعم الوكيل عليه المتسبب الله لايوفقه ولايسعده لادينا ولا خراه امين يارب العالمين ...... ابي وسيلة اتصال مع مسؤل كبير ابي اشتكي له بعد الله ... حسبي الله ونعم الوكيل عليه المتسبب الله لايسعده ولايوفقه ولايعطيه صحه امين يارب

ommesho444

2014- 12- 2 05:30 PM

رد: ابي اشتكي المسؤال عن اختيار مكان الاختبارات ( حسبنا الله ونعم الوكيل على جامعة الملك فيصل مختار اختباري في غرب الرياض السويدي حطوني في عرقه؟!! )

الله الله ليش هذا كله
يا اخي يمديك تختار مقعدك من الان لين تاريخ ٢٣ صفر يوم الاثنين

حمود الدعجاني

2014- 12- 2 05:38 PM

يا ابن الحلال مافيه مشكله يمديك تغيره شيك على غرب السويدي خلك فاتح الصفحه وكل شوي تحديث اذا صارت خضراء احجز وحفظ وخلاص ماله داعي تتحسب على أحد .. تقبل تحياتي

الجذاب-Attracti

2014- 12- 2 06:38 PM

2 مرفق

و الله شيء يقهر بدل ويرفع الضغط من بعض الردود البارده لو حصل لكم مثل الي حصل الي وش بيكون ردكم؟؟ على الاقل يا تقولين خير ولا تصمتون ولا طلبت منكم فلسفة زايده انا طلبت مساعده في رقم المسؤال ، وقلت لكم انا مختار من البداية مركز الاختبار الي جنب بيتي انا وش يوديني عرقه ؟!! بيني وبينها ساعه واكثر مع الزحمه والطريق زحمه ، وثاني شيء اختار المكان وحدده ويعطيني موافقه وتم واخرتها القى نفسي بعيد ؟!! وبعيد عن مكاني وبيتي ؟!! شيء يقهر والي يقهر

turki1400

2014- 12- 2 07:17 PM

هل تتووقع انه بعد اسلوبك هذا بيساعدك احد ؟؟؟؟؟؟؟؟؟؟

الجذاب-Attracti

2014- 12- 2 07:29 PM

الحمد الله رب العالمين جاك الثاني ؟!! انت قريت كلامي وقريت كلامهم؟؟ انا ابي فقط رقم او وسيلة اتصال بمسؤال ماطلبت حل ولا طلبت منهم نصيحه كلامي واضح وحتى منزل اختيار الجامعه المكان ( عرقه ) انا اسكن في السويدي غرب الرياض وعرقه تبعد عن السويدي ساعه مع الزحمه يوصل ساعه ونص مدري وشلون اوضح للناس الي تدخل وتتفلسف ، وياليته يعطي حل مفيد لا قاعد يعطي ينتقدون ويلمون ويعطون نصايح بعيده عن الموضوع

turki1400

2014- 12- 2 07:37 PM

ياخوي نفهم عربي كررت المشكلة اربع 4 مرات ما حنا دلوخ

انا نفس مشكلتك مغيرين مركزي السابق وحاطيني في واحد ثاني ولي يومين احدث باوقات مختلفة حتى قربت من بيتي

ادري انه مسكر بس عندك فرصة الى 23/2/1436 ادخل يوميا وحدث الصفحة يمكن تلقاه مفتوح باي لحظة

وتبيني اصدمك يبي يفتح مركزك اللي بالسويدي ولا راح تقدر تسجل فيه احتمال (يقولك لديك مقرر غير متاح في مركزك ) شتبي تسوي لحظتها ؟؟؟؟

ياعزوتي اضمن اقرب مركز لك وتابع هالايام لعل وعسى يفتح معك مركز اقرب لبيتك

بالتوفيق

amgpvc

2014- 12- 2 07:45 PM

انا شخصيا نفس مشكلتك

واتصلت بالجامعة وقالولي مع نفسك

المشكلة الحقيقية ان الطلاب الذين لم يسجلوا مواد هذه السنة(ولم ينسحبوا لجهلهم بالنظام) مسجلين في مراكز الاختبار ولهم مقاعد محتسبة(وفق الخطة الدراسية) والكلام هذا انا مسؤول عنه مسؤولية شخصية
يعني هناك( لا تدوشني وادوشك ) من الجامعة لمثل هذه الحالة سنويا
اضيفوها لقائمة المشاكل الطويلة للتعليم عن بعد

بالنسبة للمعلقين سابقا الي يده ف....... مش زي الي يده ف.....

الرجل الابيض

2014- 12- 2 07:46 PM

ههههههههههههههه والله أحس أنك جالس على رصيف وتلطم على وجهك وودك تجمع الناس كلهم عشان يسمعونك

الجذاب-Attracti

2014- 12- 2 09:08 PM

turki1400 الحمد الله انك فهمت اخرين ..لعفو لا انت ولا اخوان ولاخوات دلوخ واكرره اعتذر لكم اذ بدر مني شيء جاء في خاطركم والله العظيم من حرتي وقهري كل سنه اختبر في غرب الرياض السويدي والدخل وحدد غرب الرياض السويدي ويعطيني التأكيد بالقبول واخرتها القى نفسي في مكان ثاني حسبي الله ونعم الوكيل
------------
amgpvc جزاك الله خير وبارك الله فيك واهلك ومالك على تجاوبك ومرورك وصدقتك الي ايده في المويه مو مثل الي ايده في النار والله العظيم لو لا ظروفي العائليه وبعد عملي ماتكلمت ولا بغيت شيء بس ما اقول الى حسبي الله ونعم الوكيل ، مرة ثانيه شكرا اخوي الكريم على تجاوبك واحساسك معي.
-------------
الرجل الابيض جعل الي صابني يصيبك اذ كنت تشمت وتستهزئ آمين يارب العالمين

n0o0ffa

2014- 12- 2 09:29 PM

انا بعد غيرو مركزي مكتوب لديك مقرر غير متاح في مركزك

bto123

2014- 12- 2 10:17 PM

الله يكون بعونك

Princess Noura

2014- 12- 2 10:49 PM

الله يسهل امرك وان شاء الله تتيسر ويفتحون لك

ابو بدر الغامدي

2014- 12- 2 10:55 PM

اخوي جذاب الموضوع سهل جدا انا كنت مثلك بالضبط ورررررركز معي على كل خطوه وراح تضبط معك

1- ادخل على تحديد مركز الاختبارات وراح يطلع لك المركز اللي انت ما اخترته حلو
بعدين سوي تحديث بمعنا انك كل شوي تسوي عودة الى الخدمات الطلابيه سويها لو عشر مرااااااااااات الى ان يفتح معك المركز اللي تبغاه

amgpvc

2014- 12- 3 12:25 AM

ابشرك اخي الجذاب تم اختيار المركز المطلوب بنجاح بعد محاولات مستمرة دامت 12 ساعة بشكل مستمر .

اتمنى منك المحاولة حتى تتمكن من اختيار مركزك حسب رغبتك وتجاهل جميع الرسائل السلبيه اثناء محاولاتك وبالتوفيق.

سجدت لله شكرا

ويبقى الأمل &

2014- 12- 3 12:50 AM

نفس الحالة اخترت مركز الليلة اللي طافت والحين اتفاجئ بتغيير المركز وياريت قريب الساعة كم بوصل الى هالمركز ؟؟

يارب يسر لنا كل عسير

الرجل الابيض

2014- 12- 3 04:47 AM

الرجل الابيض جعل الي صابني يصيبك اذ كنت تشمت وتستهزئ آمين يارب العالمين[/color][/size][/font][/center][/quote]

ياخوي مااستهزئ بك ترى لو قالو الاختبار في الاحساء رحنا زي حقين جده كثر خيرهم يختبرونك بمدينتك ولا ياخذون رسوم زياده مافيه داعي تدعي وتصيح وتحسب الله وكأنك مظلوم فيه ناس زيك مختارين ه المركز بالتوفيق

wanooksa

2014- 12- 3 07:54 AM

السلام عليكم .. مداخله بسيطه اولا هذا المنتدى ما انوجد الا علشان نحل مشاكل بعض ولاكن لابد من انك تنتقي الكلام مو حلوة انك تتحسب لاتكون اندفاعي بتصرفاتك ربما في الامر خيره .. ولما يزعل كل اللي رد عليك بزعل لانك انت اللحين بمستوى جامعي لازم تحاسب على كلامك ومافي مشكله بدون حل .. ربي سبحانه خلق الكون بسبع ايام وهو قادر يخلقه بلحظة .. لا تزعل ولا تتضايق ربما في الامر خيره وحاول انك تغيره و موظفين الجامعه ماراح يقصرون معاك

استودعكم الله

Abusaud1408

2014- 12- 3 07:54 AM

أخوي أنا مثلك بآلضبط
كل ترم آختبر في السويدي وهالسنه من قبل آكثر من شهر حددت آني آبي السويدي
لكن يوم فتح أمس حاطيني في عرقه لكن جلست كل شوي آسوي تحديث للصفحه
الين فتح معي السويدي وسجلت فيه
ياليت تسوي تحديث الين يضبط معك

همس الريف

2014- 12- 3 11:45 AM

ههههههههههههه الله يهديك مالومك وقت ضيق واختبارت قربت مثل ماقالو لك الأخوان حدث باقي وقت والله كريم بس لاتدعي علي احد حرام ردو عليك الله يوفق الجميع ومن ناحيه رقم مسوول او تواصل معهم وربي تتعب ماحد يرد عليك كل شي واضح ودراستنا عن طريق النت ماراح تحصل تجاوب من احد وقت ضيق مالك الا تابع تحديد مركز اختبارت وحدد مكانك ربي يعينك مالومك قهر بالتوفيق للجميع**

همس الريف

2014- 12- 3 11:48 AM

الله يوفق الجميع **

أم فيصل2000

2014- 12- 3 12:59 PM

وانا بعد من اول مسجلة بعرقة ومن فتحت اليوم حاطيني بالبديعة لا حول ولا قوة الا بالله:mad:

turki1400

2014- 12- 3 01:50 PM

غيريها

هدوءأميرة

2014- 12- 3 03:34 PM

الله يعينك ويسهل عليك طيب اختار مكان ثاني غرب الرياض
أجل ا نا وش بسوي مافيه احد يودي ويجيب الله يعين

أم فيصل2000

2014- 12- 3 03:48 PM

اغير ما يقبل يطلع لي لا توجد شواغر في احد المقررات المسجلة لديك بالمركز

طموح انثى

2014- 12- 3 04:18 PM

انا بعد كنت مختاره عبد الله فؤاد حطوني بالفيصليه وغيرته والحمدلله ضبط معاي ..

ويمديكم تغيرونه حدثوا كل شوي

wateen

2014- 12- 3 07:28 PM

غيرررررررو المتصفح
روحو متصفح اوبر
انا حطوني في عرقه وغيرت المتصفح والحمدالله ضبط

اسير نجد

2014- 12- 3 08:55 PM

السلام عليكم

الان الساعه 8و55 دقيقه مركز غرب الرياض حي السويدي متاح بالتوفيق لك

All times are GMT +3. الوقت الآن حسب توقيت السعودية: 07:19 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه