ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 3 (https://vb.ckfu.org/f244)
-   -   [ استفسار ] خلاص ضاع تعبي وش هالحاله مع هالجامعه (https://vb.ckfu.org/t638398.html)

Rmad 2014- 12- 16 11:54 PM
خلاص ضاع تعبي وش هالحاله مع هالجامعه
 
السلام عليكم ورحمه الله

دخلت الخارطه :bawling:
اوك امنت بالله مكتوب انو صار تحديث بس مع العلم ان المناقشات لم يتم تحديثها

وارتاحت اعصابي


لكن اكتشف انهم ماهم حاسبين لي المحاضرات المباشره لماده نظم المعلومات ليه ؟؟
شسويت لهم انا :139:
وش الحل

قولوا لي وش الدبره ي جماعه مايصير هالكلام :no:

Rmad 2014- 12- 16 11:58 PM
رد: خلاص ضاع تعبي وش هالحاله مع هالجامعه
 
حتى الاحصاء من التمهديه للمحاضره الثالثه ؟؟

حسبي الله عليهم

ابوفزاع 2014- 12- 17 12:22 AM
رد: خلاص ضاع تعبي وش هالحاله مع هالجامعه
 
اخي الكريم مشكلتك سهله الخارطه قالها الدكتور ليس الاعتماد الكلي عليها

ثاني شي اما انت ماحملتها كويس او محملها من جهاز يدخل اكثر من حساب طالب


المهم ماعلينا ..........؟ انسخها وحملها بملفات او فلاشه واكتب شكوى لعميد الجامعه وصور له الشاشه حاول ترسلها اميل للعميد وخليه يشوف تحميلك واذا ماصار دزها له بالبريد الممتاز من الان ارسلها بعد الاختبارات مشغول العميد بمشاكل الطلاب واعتراضاتهم

وشكرا

mfh 2014- 12- 17 12:35 AM
رد: خلاص ضاع تعبي وش هالحاله مع هالجامعه
 
نفس الشي 3 محاضرات مباشره لثلاث مواد علامتهم حمراء مع اني حملتها بس اعتقد ستحسب لي

shoog-A 2014- 12- 17 01:13 AM
رد: خلاص ضاع تعبي وش هالحاله مع هالجامعه
 
وعليكم السلام عادي جدا اذا انت متاكد من تحميلك للمحاضرات وغيرها فبتاخذ الدرجه كامله باْذن الله
نفس مشكلة الترم اللي راح لان الدكتور أساسا قال هي مرجع ولاتعتمدون عليها توكل على الله :106:

Addaai 2014- 12- 17 02:11 AM
رد: خلاص ضاع تعبي وش هالحاله مع هالجامعه
 
[SIZE="4"]إن شاء الله يا اخوان يكون كلامكم في محله لأني دخلت على الخارطة ولله الحمد وجدت بأنه جميع المحاضرات بإستثناء بعض المناقشات قد تم تأكيد تحميلها

ولكن المشكلة في إنه الواجب الثاني للإدارة المالية 1 قد وضع عليها علامة إكس أحمر أي بأنه لم أنفذه فالله يستر وتروح علي الدرجة مع العلم بأني حليته وصورت الحل [/:Cry111:SIZE]

حلآها غير 2014- 12- 17 06:23 AM
رد: خلاص ضاع تعبي وش هالحاله مع هالجامعه
 
حتى انا حاضره كل المحاضرات المباشرة ويوم اشيك ع الخارطه القى كل المحاضرات المباشرة اكس ماعدا مادتين :(

من القهر مانويت اعيدهم ، لكن بما اننا متاكدين من حضورنا او تحميلنا ان شاء الله تحتسب لنا الدرجه

فيصل عبدالعزيز 2014- 12- 17 11:31 AM
رد: خلاص ضاع تعبي وش هالحاله مع هالجامعه
 
أتوقع لأنهم قفلوا قبول الطلاب الجدد ، شكلهم طفروا
عشان كذا قاعدين يضيقون على العالم ويخصمون عليهم عشان يحملون مواد ويدفعون رسومها
انا الترم اللي راح شيكت على الخارطة الأكاديمية كلها مكتملة
ومع ذلك خاصمين علي 7 درجات في كل مادة ، وحملت مادة بسبب هالخصم حسبي الله عليهم
ولما راسلتهم ما طلعت بنتيجة
وراسلت الفريدان وبرضوه ما طلعت بنتيجة
ولكن حسبي الله ونعم الوكيل
الله يعين ونخلص هالجامعة على خير

ابـو نـايـف 2014- 12- 17 12:26 PM
رد: خلاص ضاع تعبي وش هالحاله مع هالجامعه
 
نفس اللي حصل معي في نفس المادة
انا متاكد اني كتبت كل المنافشات في مادة نظم معلومات
ولكن في الخارطة الاكاديمية مكتوب لي x

فآرمسي 2014- 12- 17 07:00 PM
رد: خلاص ضاع تعبي وش هالحاله مع هالجامعه
 
وانا كذلك الصحه واللياقه ونظم المعلومات والتقنيه حليتها كلها !!

Rmad 2014- 12- 17 08:30 PM
رد: خلاص ضاع تعبي وش هالحاله مع هالجامعه
 
والله ي اخوي مافي احد غيري يدرس عن بعد
ولا اعرف احد ادخل له معي

ثاني شي متاكده انا من تحميلها

الفريدان ماهو براد على اللي قبلي بيرد علي

وكلت امري لله وحسبي الله وكفى

BAYAN.AS 2014- 12- 17 09:11 PM
رد: خلاص ضاع تعبي وش هالحاله مع هالجامعه
 
اقتباس:
المشاركة الأصلية كتبت بواسطة فيصل عبدالعزيز (المشاركة 11675326)
أتوقع لأنهم قفلوا قبول الطلاب الجدد ، شكلهم طفروا
عشان كذا قاعدين يضيقون على العالم ويخصمون عليهم عشان يحملون مواد ويدفعون رسومها
انا الترم اللي راح شيكت على الخارطة الأكاديمية كلها مكتملة
ومع ذلك خاصمين علي 7 درجات في كل مادة ، وحملت مادة بسبب هالخصم حسبي الله عليهم
ولما راسلتهم ما طلعت بنتيجة
وراسلت الفريدان وبرضوه ما طلعت بنتيجة
ولكن حسبي الله ونعم الوكيل
الله يعين ونخلص هالجامعة على خير
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه كل هالطلاب ومطفرينن
الله يعدي هالسنتين ونص وافتك بس :sm12:

فوفو4004 2014- 12- 18 02:48 PM
رد: خلاص ضاع تعبي وش هالحاله مع هالجامعه
 
اذا حملتهااا خلاص ارتاح رح تحسبلك انا كان عندي المناقشات اكس عندها وانا حليتها وحسبلولي الدرجه الكامله ركز في اختباراتك والله يوفق الجميع

MGNONKAXA 2014- 12- 18 02:52 PM
رد: خلاص ضاع تعبي وش هالحاله مع هالجامعه
 
اختي رماد

انا زيك المحاضرات كلها محملها على البلاك بورد ولمن دخلت اشيك لقيت فيه تقريباّ 10 محاضرات عليها اكس
قلت خل اشيك على الأفتراضي مع اني مادخلته ابد الا واحصل المحاضرات الي عليها اكس في البلاك بورد في الافتراضي عليها صح

شيكي على البلاك بورد والافتراضي

Amer.M 2014- 12- 18 04:36 PM
رد: خلاص ضاع تعبي وش هالحاله مع هالجامعه
 
اناكل ترم لازم يخصمون علي درجات بالمشاركه والا ادري السبب !!
حاولو تركزون عالاختبار والله يعديها على خير

ABDA11h 2014- 12- 18 06:02 PM
رد: خلاص ضاع تعبي وش هالحاله مع هالجامعه
 
حتى انا نفس المشكلة

سمر قند 2014- 12- 18 06:59 PM
رد: خلاص ضاع تعبي وش هالحاله مع هالجامعه
 
السلام عليكم جميعا

سؤال واحد ..

اذا كان بالافتراضي جميع المناقشات عليها علامة صح بالأخضر
بينما بالبلاك بورد عليها إكس أحمر

بتنحسب لي والا شلوووون ؟؟؟

لأن ترا حتى انا سبق وخصموا علي ثلاث درجات مع اني كنت متأكدة من الحل

يرحم والديكم ويرزقكم و يرزقني النجاح بإمتياز كلنا

اللي يعرف ومتأكد من معلومته يرد علي .

باك عناد 2014- 12- 18 07:18 PM
رد: خلاص ضاع تعبي وش هالحاله مع هالجامعه
 
ياحليلكم ههههههههههههههههههههههههههههههههه
يابوي انت وياه قل الحمدالله انا ماحسب لي ولا شي اكسس كله
ومحمل وحال كل شي ولكن ماعلي فيهم اذا ماحسبوها فالله يحسبها لي باذن الله وداعا

أبوو تركي 2014- 12- 18 08:25 PM
رد: خلاص ضاع تعبي وش هالحاله مع هالجامعه
 
اقتباس:
المشاركة الأصلية كتبت بواسطة سمر قند (المشاركة 11687796)
السلام عليكم جميعا

سؤال واحد ..

اذا كان بالافتراضي جميع المناقشات عليها علامة صح بالأخضر
بينما بالبلاك بورد عليها إكس أحمر

بتنحسب لي والا شلوووون ؟؟؟

لأن ترا حتى انا سبق وخصموا علي ثلاث درجات مع اني كنت متأكدة من الحل

يرحم والديكم ويرزقكم و يرزقني النجاح بإمتياز كلنا

اللي يعرف ومتأكد من معلومته يرد علي .
ايه ان شاء الله تحسب لك الدرجه كامله لأن النظامين مكمله لبعض

أبوو تركي 2014- 12- 18 08:28 PM
رد: خلاص ضاع تعبي وش هالحاله مع هالجامعه
 
ياخي معليش بس ليش اغلب شعبنا يحب يرمي اخظائه ع العالم
ياخي انا حتى فيه بعض الاشياء فيها اكس وانا مخلصها
بس الخظا مننا
الاغلبيه مابدا يحمل ويحل الا قبل الاختبارات بكم يوم
ومع هذا زودو كم يوم فرصه للي مامداهم يخلصون
طيب ليه الواحد مايصير كل نهاية اسبوع او اسبوعين يحمل كل شي ويريح راسه
يعني حاجه معروفه انه قبل الاختبارات بيكون ضغط على السيرفرات
في كل المواقع وفي كل مكان موب موقع الجامعه
في حافز في الموقع هذا في كل شششي يكون عليه ضغط يكون يعلق وفيه مشاكل


المهم وشسمه خلكم في اختباراتكم وان شاء الله تاخذون الدرجات وفالكم التوفيق


All times are GMT +3. الوقت الآن حسب توقيت السعودية: 07:58 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه