ملتقى طلاب وطالبات جامعة الملك فيصل,جامعة الدمام - استفسار عام شكوى يجب الرفع بها من الكل لاختبار الاحصاء

- إدارة أعمال 3 (https://vb.ckfu.org/f244)

- - [ استفسار ] شكوى يجب الرفع بها من الكل لاختبار الاحصاء (https://vb.ckfu.org/t646666.html)

رد: شكوى يجب الرفع بها من الكل لاختبار الاحصاء

تم فتح الايقونة
ورفع التظلم بنجاح

:cool:

رد: شكوى يجب الرفع بها من الكل لاختبار الاحصاء

بعض الناس يحسب إنه هو بس اللي يذاكر ويجيك يقول لك ليش ماتذاكرون!!

ياخي إسمعني.. أولاً المدرس لمح إلى مختصرات وعطانا منهج نمشي عليه في الإختبار والجميع إفترض إن الإختبار راح يكون عن هالمحتوى الي حدده المدرس.. وإحتمال أكيد إنه راح يحط سؤال أو سؤالين خارج المختصرات للدوافير على قولهم.. ولكن اللي حصل إنه حط أكثر من 8 أسألة خارج المراجعة المشار إليها وبكذا نكبنا لو حنا دارين أجل مراجعين كل المحتوى بالتفصيل.. وأنا والله إني راجعت بالتفصيل إلين وصلت م7 لكن لضيق الوقت لجأت إلى المراجعات حقته بالنهاية ..

الإحصاء يبيله تطبيق في المراجعة وتجلس تحل والتطبيق ياخذ وقت.. ما أمدح نفسي لكن طول عمري وأنا شاطر في الرياضيات الحمدلله والترم الفايت أخذت الدرجة الكاملة في رياضيات 1 ولو تعطيني سؤال وأنا ما أعرف القانون حقه أقدر أستنبط القانون من نفسي اذا كان بسيط أو متوسط ومشكلة اختبار الإحصاء ماكانت في محتوى الأسألة فقط أو في المذاكرة .. المشكلة كانت في (الوقت) ياخي معطيني مليون سؤال كل سؤال متسلسل باللي بعده يعني تحل البداية غلط بتجيب العيد والوقت مايكفي!! أول مره بحياتي أحل على طريقة شختك بختك بسبب إن الوقت خلص والله مصيبة إنك تحل تحت الضغط النفسي للوقت..كنه سباق.. المراقب فوق راسي.. يقول أبوك مدرسني بس حاول ماتتأخر .. والله لو إنه مهب يعرف الوالد كان سحب الورقة بدون أكمل تلوين الدوائر لكنه خلاني خمس دقايق بعد نهاية الوقت ..

رد: شكوى يجب الرفع بها من الكل لاختبار الاحصاء

اقتباس:

المشاركة الأصلية كتبت بواسطة turki1400 (المشاركة 11865419)

والله ياخوك اذا متابع بالمنتدى التصحيحات للاختبار مثل مادة ادارة مالية اخوي مرعي حل الحلول للاختبار والاسئلة التي يجب رفع فيها تظلم وحطه بموضوع مستقل وبشكل مرتب

وبعدين ياخوك انا اذا ما تعتبرني من الثقات هذا شيء يخصك والله ثم والله مفتحت الموضوع وسردت الاخطاء الا بعد الاطلاع على حلول اختي ام حنان والتي اكدت الاخطاء وبقية الاعضاء ورغبة منا بالتنظيم فتحت الموضوع

ياخوك وموضوع انك مارح ترفع بسلامتك مانت مغصوب هو الامر ليس اجباري ولك حرية القرار

انا اللي علي سويته وللمعلومية وربي فعت تظلمي لهم عن الاختبار قبل ما افتح الموضوع لثقتي باخواني واخواتي ولثقتي بنفسي ان هناك اخطاء

والله من وراء القصد

تركي افا عليك اخوي لا يعميك غضبك وزعلك على اختبار مقرر الاحصاء تراني
متضرر حالي حالك... وتراك فاهم كلامي كله غلط وانت تهاجمني من البدايه
وانا ما سويت لك شي بالعكس انا متابع ومعكم من المستوى الاول امداك
جحدتني :(204)::(204)::(204):
واقصد بكلامي انك انت من الثقات والدوافير اذا لم تكن انت او اي من اعضاء الورش
والاعضاء النشيطين فلن اخذ بكلامه...
الماليه فعلا انا ما رفعت لان الموضوع اختفى ولم يثبت ولضيق الوقت اضطريت انشغل
بمذاكره الاحصاء...
ارجوك لا تسيئ فهمي انا معك ولست ضدك واشيد بتنظيمكم وجهدك تراك غربلتني
وانا اكتب باللفصحى خلاص يا خوي شف كم موضوع عن الشكوى ولا تزعل مني
ولو تثبيت الموضوع كان محد اشتكى...ام الحاله القاها منك ولا من الاحصاء والماليه:no:

رد: شكوى يجب الرفع بها من الكل لاختبار الاحصاء

يا شباب حتى نموذج a في سوال الاجابه الصحيحه مكرره وسوال اخر الاجابة الصحيحه لم تكن ضمن الخيارات

رد: شكوى يجب الرفع بها من الكل لاختبار الاحصاء

رد: رد: شكوى يجب الرفع بها من الكل لاختبار الاحصاء

اقتباس:

المشاركة الأصلية كتبت بواسطة im_fawaz (المشاركة 11875141)

اخوي وعزوتي انت انا ماجحدتك ولا اهاجمك وتبقى اخوي عزيز وغالي بس اللي اثار حفيظتي قولك اننا مو مرتبين قتلني الوصف عموما انت اخوي واللي يضرك يضرني ولا ابي لك المضرة الله يسعدك وعشان كذا قلت لك ارفع تظلم
وانا معاك كان فيه لخبطة مواضيع والادارة سوت كنترول عليها من امس بالليل
تقبل تحياتي وانا تحت امرك يالذيب

رد: شكوى يجب الرفع بها من الكل لاختبار الاحصاء

قدمناااااااااااااااااااااااااااااااااااا ...فالكم النجاح يالربع ""

رد: شكوى يجب الرفع بها من الكل لاختبار الاحصاء

اقتباس:

المشاركة الأصلية كتبت بواسطة turki1400 (المشاركة 11877662)

تاكد اني اخوكم ومعكم عالحلوه والمره
فديت راسك يا خلفهم:(204):

رد: شكوى يجب الرفع بها من الكل لاختبار الاحصاء

يا عالم وش تظلم مسكر التظلمات وين أنتم تظلمون معه

رد: شكوى يجب الرفع بها من الكل لاختبار الاحصاء

اقتباس:

المشاركة الأصلية كتبت بواسطة ليووووس (المشاركة 11878737)

يا عالم وش تظلم مسكر التظلمات وين أنتم تظلمون معه

من الخدمات الطﻻبيه واختاروا مﻻحظه على اﻹختبار واختاروا المقرر ومكان المركز وارسلو المﻻحظه..:icon19: