[ استفسار ] عناوين مراكز الاختبار بجده

[رحمه الشهابي]

السلام عليكم ورحمه الله وبركاته اسعد الله مسائكم
الله يسعدكم ابغى موقع كل من
مدرسة المتوسطه 110
ومدرسه الثانويه61
بجده طبعاً
وبالتوفيق للجميع

[غاده الحارثي]

كاتبين حي النهضه 61 ياويلي مين بيوديني هناك

[رحمه الشهابي]

المشاركة الأصلية كتبت بواسطة غاده الحارثي

كاتبين حي النهضه 61 ياويلي مين بيوديني هناك :cry111:

الله يعين شخطوبكم في الشمال

[رحمه الشهابي]

المدرسه المتوسطه 110 بحي الجامعه اختباري بيكون فيها

[um lamees]

ليتهم حطوني ف حي النهضه قريب من بيتي...

حطوني ف حي الجامعه متوسطة 110

[وفاء الحربي]

انا في ثانويه ٦١ ياليت الي يعرف موقعها يرسله

[هـــديـــل]

واااو انصدمت بالموقع

انا ف المتوسطة 110 كاتبين داخل الحرم الجامعي كيف ماادري


هذا موقع المتوسطة110

ع شارع عبدالله السليمان قبل جسر الخشب للي جاي من كبري الجامعة
ع نفس ساحة الجامعة ع الشارع مجموعة مدارس
من ضمنهم هيا

بالتوفيق..

[s1s2]

ياليت اللي يعرف وين موقع مدرسه ٦١ الثانويه بحي النهضه يعطييني الوصف الصحيح بكرا اختباري تكفوووون

[حلم طائر]

يالله وش هالمرمطه حسبي الله ماكنا ف الجامعه ازين

انا الحين في مدرسة 61 وين موقعها يا جماعه تكفون تفكون

[حلم طائر]

يا بنات اللى معاى في المدرسة الثانوية 61


اتبعي خطواتى ..

1- ادخلى ع عمادة التعليم عن بعد بعدين اختاري خدمة شؤؤن الاختبار
حيجيك اكثر من خيار اختاري ( عناوين مركز الاختببارات )
اختاري الجنس ومكان اختبارك

2- حيطلع لك ع الخريطة سهم لونه احمر انتي اختاري مكانك وين اذا ضغطتي ع السهم حيجيك ع يمينك
المركز واسم المشرف ورقم المركز تحته يجيك الذهاب الى قوقل ماب

وامشي علية الى ماتوصلي للمدرسة .. الله يوصلنا بسلامة ويكون الطريق مفتوح مافية زحمة
والله يوفق الجميع ..

ان شاء الله يكون شرحي سهل