|
انظلمت و انحرمت من الاختبار
:139::139:السلام عليكم و رحمة الله و بركاتة
لاهنتو ممكن احد يفيدني!! تاخرت ع الاختبار 10 دقايق المشرفه طردتني ولا رضت تدخلني والاسئله توها تتوزع يعني محد طلع من القاعهه اصلاً ولا رضت ترد علي ولا تكلمني بكل قله ذوق تمشي وحاقرتني وش الحل درست و تعبت و اجتهدت انحرم من غير سبب!! مالها حق تحرمني ونص الوقت ما مر لسى صدمتني وسكت عنها ما رديت عليها ولا رفعت صوتي عشان حقي مايضيع بس تكفون وش الحل !! ظلم وربي بس 10 دقايق حسبي الله ونعم الوكيل |
رد: انلمت و انحرمت من الاختبار
اوما ...تطردك أجل لو تشوفين إلا عندنا تدخل للجنة الاختبار بعد نص ساعه
حسبنا الله ونعم الوكيل فيها اللي سوت لك كذا |
رد: انلمت و انحرمت من الاختبار
اتوقع مو من حقها تطردك دام مامر على الوقت نصفهبرأيي راسلي الفريدان واشرحي وضعك عسى ربي ينصرك.
|
رد: انظلمت و انحرمت من الاختبار
والله وربي لو انا طقيتها لعنة ام ام جبتها
|
رد: انظلمت و انحرمت من الاختبار
ابدا ابدا مالها حق مادام ما مر نص الوقت
|
رد: انظلمت و انحرمت من الاختبار
ياختي سهل الموضوع نصيحه مني جيبي عذر طبي وخلاص
يعطونك حرمان بس والترم الثاني يضيفون الماده لك بعد مايقبلون عذرك وتدرسينها من جديد وبعد ماتنجحين فيها يضيفونها لك في الترم هذا لا تسوين اي شي جيبي اي عذر طبي واذا ماعندك انا اجيب لك نصيحه مني مالك الا هالحل الترم الماضي صار لي عذر طبي وهذاني ادرسها هالترم |
رد: انظلمت و انحرمت من الاختبار
غريبة عندنا بنات داخلين بعد نص ساعة من الاختبار لا تسكتين على حقك
راسلي د. الفريدان |
رد: انظلمت و انحرمت من الاختبار
اليوم وحدة دخلت الاختبار بعد ساعة كاملة هي دخلت وعلى طول طلعنا
يعني مرة مالهم حق مايدخلونك |
رد: انظلمت و انحرمت من الاختبار
بعض المشرفين متشدد بالحيل مدري كيف يرتاح يحرم طالب/ةمن الاختبار بدون حق
طيب ليش ماكلمتي الادراه حقت المركز فيه طالب جاء بعد نص ساعه او اكثر والمشرف رفض يدخله الاختبار وقاله روح للادراه وبعد دقائق جاء شكله جاب ورقة او اي شيء من الادراه ودخل اختبر |
رد: انظلمت و انحرمت من الاختبار
انا تاخرت 10 دقايق وعادي دخلتني الحمدلله.الله يسعدها ماعقدتها زي الي عندكم.
حسبي الله عليهاا |
رد: انظلمت و انحرمت من الاختبار
طيب اخ فواز..... سوال دحين لز قدمت عذر طبي..اذا درستها بعدين تدفع رسومها والا لا
|
رد: انظلمت و انحرمت من الاختبار
اقتباس:
اذا تقدر تعطيني صيغه للعذر وكيف لازم يكون بالكمبيوتر ولا عادي اذا بخط يد الدكتور |
رد: انظلمت و انحرمت من الاختبار
حسبي الله وش هالتشدد اللي ماله داعي عندنا وحدة جت بعد نص ساعه وعادي
|
رد: انظلمت و انحرمت من الاختبار
المفروض ماسكتني ورحتي للمشرفة عالمركز وشرحتي لها وبينتي لها انك توك جايه مو معقول تطردك المراقبة ابد ابد
|
رد: انظلمت و انحرمت من الاختبار
اليوم وحده دخلت بعد نص ساعه
انتي كان كلمتي المشرفه مو معقول 10 دقايق تأخير |
رد: انظلمت و انحرمت من الاختبار
والله عندنا البنات يجون متأخرين ويدخلون عادي اي وقت
غريبه مادخلتك |
رد: انظلمت و انحرمت من الاختبار
انا راح علي اختبار اول اختبار لان كنت مسافر
ابغى عذر طبي حكومي كيف ؟؟ |
رد: انظلمت و انحرمت من الاختبار
سلامات تطردك انامادخل على الوقت مع اني اكون موجوده برا اراجع اتاخر عشرين دقيقه عادي وبعدي يجون بوقت ويدخلونهم بدون كلام في بنات بساعه الثانيه يحضرون عادي الوضع والمرااقبات عسسسل ذووق متعاونات معنا حرام مالها حق
|
رد: انظلمت و انحرمت من الاختبار
حنا اليوم واحد تأخر أكثر من ثلث ساعة ودخل والوضع عادي ..
يمكن مشرفتكم شديدة ..!! |
رد: انظلمت و انحرمت من الاختبار
حسبي الله عليها ليه كذا التعامل
الي عندنا والله بعد نص ساعه يدخلونهم عادي لذي الدرجه فيه ناس ما تقدر وتشوف نفسهاا الي راح راح لازم تشوفي لك عذر طبي لان معاد يفيد اي شي الان كان الله في عونك |
رد: انظلمت و انحرمت من الاختبار
مالها حق حتي لو مابقي احد بالقاعه كلام فاضي
ايش الظلم هذا حتي في دين الاسلام سماحه وهنا اعوذا بالله تقول اخذا من ملكه تراه اختبار لا قامت ولاقعدت والرسول عليه الصلاة والسلام قال اللهم من ولي من امر امتي شيء فشق عليهم فاشقق عليه ومن ولي من امر امتي شئ فرقق بهم فارقق به وفي رواايه اخرى قال عليه الصلاة والسلام من كان في عون اخيه كان الله في عونه اوكما قال عليه الصلاة والسلام بعض الناس يجيب لنفسه الدعاء نسأل الله العافيه والسلامه |
رد: انظلمت و انحرمت من الاختبار
اقتباس:
|
رد: انظلمت و انحرمت من الاختبار
سسااالااامماااات!!
شسالفه كل مركز له نظام؟ حنا اليوم دخلوا مجموعة بناات ومر ع الوقت مايقارب النصف ساعه ودخلوهم عاادي ماقالوا شيء! انا أقول كلمي الفريدان واشرحي له مراكزكم كل مركز له نظام وهذا ظلم بحقي! كود الله يسخره ويخليك تعيدين الاختبار هالاسابيع اللي نختبر فيها . الله يعينك وييسرلك امورك . |
رد: انظلمت و انحرمت من الاختبار
اقتباس:
عذر طبي عادي من اي مستشفى حكومي يفتحون ايقونه للاعذار تختارين الماده وبعدها ترفعين العذر اسكان او راسلي جوان او حنان تتواصل معاي وابشري |
رد: انظلمت و انحرمت من الاختبار
كان كلمتى مشرف على مدرسته الى انتى فيها على جواله وقلتليه انا صار معى نفس الموقف وكلمت المشرف ودخلت امتحنت
|
رد: انظلمت و انحرمت من الاختبار
غريبه انا اليوم تاخرت مايقارب نص ساعه وماقالوالي شي بعضالناس معقدات
الله يكون في عونك |
رد: انظلمت و انحرمت من الاختبار
حسبي الله عليها ونعم الوكيل
انتي وين عقلك ليـــــــــــــــــــــش تسكتين المفروض على طول كلمتي ادارة المبنى اللي انتي فيه اذارحتي لاختبار الماده الجايه مري قاعتك واسالي عن رقم المراقب البنات اللي اختبروا الماده وارفعي شكوى للجامعه برقم المركز واسمه ورمز المراقبه اللي راقبت بيوم الماده وقولي كل الموجودين يشهدون عليهاخليهاتتعاقب الله لايوفقها ويضيع تعبها يعني بسهوله على الواحد يعيد يدرس ويختبر الماده لاااااااااااتسكتين عن حقك يمكن مثل ماتفضلواالبعض هنا يعيدون لك الاختبارهالايام |
رد: انظلمت و انحرمت من الاختبار
الله يكون بعونك عندنا كثير متشددين
|
رد: انظلمت و انحرمت من الاختبار
مومن حقها كان سكتيها انا اجي كل يوم اربع وعشر وادخل الامتحان يبدا الساعه 3:45 النظام على قولتهم نص ساعه تاخير حرمان دايكرت كان نزلتي الاداره وماسكتي سويتيها سالفه لازم لسانك طويل ترى بعضهم عديمات احساس المدرسات يبون كل شي بسرعه بسرعه
ماياذن المغرب الا راحت تتكلم كل شوي بنات خلصوا ظللوا مابقى وقت ولا نشبت تسال كم الساعه بنات خلي لسانج طويل يخافون لاصارت عينج قويه |
رد: انظلمت و انحرمت من الاختبار
اقتباس:
باي مركز اختي العزيزه لانها مو من حقها تحرمك شغلتها تراقب وتضف وجهها الجامعه مشغلتها بفلوسها |
رد: انظلمت و انحرمت من الاختبار
اي ماده انحرمتي منها اختي !!!! الغريييب صار معي نفس ظرفك اليوم تاخرت عن الاختبار جيت اربع وربع قالوا في بنت وقعت وطلعت وماندخلك
وحرموني من دخول الاختبار ؟:017: |
رد: انظلمت و انحرمت من الاختبار
عذر طبي اي مركز خاص تروحين اليوم ضروري واخذي وقدميه ولادرجه تنقص انا غايبه يومين السمستر اللي فات وقدمت وقبلوها ودخلتها هالترم ولاريال دفعت نفس الرسوم تنزل مدفوعه بس انتبهي اي ماده تغيبين فيها وتقدمين عذر السمستر اللي بعده ضتنزل دايركت بدون لاتنزلينها ولاتدفعين ولا ريال بس انتبهي تنزلينها انتي تنحسب رسوم الجامعه ينزلونها بدون رسوم من عندهم
|
رد: انظلمت و انحرمت من الاختبار
خليج عوبه عوبه عوبه عوبه :71: ترى ماتعيش الا العوبه وخيره باذن الله لاتحسرين ولاتفكرين انسي الموضوع
|
رد: انظلمت و انحرمت من الاختبار
ليش سلامات حسبي الله عليهم من مراقبات لو انه واحد من اعيالهن كان انهبلن
اليوم يا بنات وحدة جت حدود الساعه 5 نص الوقت ومعدي بعد اعلنوا ان ما احد يطلع من القاعات وكل اللي خلصوا جلسوا بالاخير جت البنت و دخلوها عاد و اطلقوا سراح اللي خلصوا حالين والمشرفة تقول حبيبتي لا تبدين بالبيانات ابدي بالحل على طول علشان لاخلص الوقت تكونين خلصتي حل وتكملين البيانات عادي وكل شوي تساله تبين شي امورك تمام .. الشهادة لله معانا كلنا اليوم متعاونة المراقبة وتهدي اللي مبروكات وخايفات .. وطلعت والبنت اللي متاخره تحل .. يعني هذولي اللي طردوكم من دخول الاختبار مالهم حق ابد حسبي الله عليهن لا تسكتون اشتكوهم ولما تفتح ايقونة تقييم المراكز اكتبوا فيها بعد .. |
رد: انظلمت و انحرمت من الاختبار
ليس لها حق أبداً أبداً النظآم كالآتي ( هذآ العام طُبق) : يحق للطالب تسليم الورقه بعد نصف ساعه والخروج منها وكذلك يحرم الطالب من الامتحان اذا مضى على وقت الامتحان نصف سآعه .
وفق الله الجمــــــــــــــــــــــــــــــــــــــــــــــ ـــــــــيع |
رد: انظلمت و انحرمت من الاختبار
انا كل اختباراتي ماقد دخلت بدري كلها متاخر ولا عندي عذر اكون بسيارتي اراجع
اخر اختبار مادخلت الا بعد 20 دقيقه من الوقت خلوني اوقع على ورقة تاخير ودخلت اختبر عادي بالنسبه لك صراحه غريبه جداً لاتخلين حقك يضيع ابد والا سوي طريقة العضو فواز النفيعي اذا هو صادق بيضبط لك عذر جزاه الله خير والله لايحرمه الاجر بس شرط اعرفي الطريقه كيف من ناحية تقديم العذر وهل بيقدر زميلنا يساعدك بالعذر او غيره !! اسال الله لك التوفيق وعسى الله يسهل امورك ،،،، وجعل المراقبه اللي رفضت تدخلين بالمسرع اللي يشيلها |
رد: انظلمت و انحرمت من الاختبار
مو من حقها تحرمك من الامتحان راس مالها مراقبة فقط المفروض رحتي للادارة وطلبتي يتواصلون مع الجامعه ونفضتيهم ولا سكتي اصلا من حقك تدخلين للقاعه اذ مابعد احد طلع من اللجان ولا انقضى نص الوقت
|
رد: انظلمت و انحرمت من الاختبار
والله استلمنا الاوراق ومافي القاعة سوى تقريباً 10 طلاب من 25 وذا دائما اشوفة عادي ياكثر اللي يتاخرون ولا احد يسالهم .
|
رد: انظلمت و انحرمت من الاختبار
القهر انو البنت ذاكرت وتعبت وحضرت كمان
لازم يراعو الظروف عارفين انو بعذر طبي تقدر تعيد المادة لكن حترجع تدرسها من جديد وتحمل محاضرات من جديد وواحبات ومناقشات كان المفروض تفتك منها اليوم زيها زي الكل الصراحه مررره ظلم حسبي الله ونعم الوكيل ف الي ظلمتك |
رد: انظلمت و انحرمت من الاختبار
الله لا يوفقها مالها حق ما تخليك تدخلي دام لسى مااحد خرج من القاعه
|
رد: انظلمت و انحرمت من الاختبار
اقتباس:
اختي شوفي هذا الرابط https://www.kfu.edu.sa/ar/Deans/E-Le...xam_notes.aspx وقدمي شكوى للجامعة يعني مكتوب انه معاكي نص ساعة بعد بدأ الاختبار للدخول يعني ما يحق لها تمنعك |
رد: انظلمت و انحرمت من الاختبار
مو سبب مقنع تااخيرك 10 دقايق حتى يدعي للطرد والحرمان من الاختبار
حسبي الله ونعم الوكيل ومثل ماقال الاخ فواز النفيعي قدمي لهم عذر طبي والله يقدم لكي اللي فيه خير عزيزتي |
رد: انظلمت و انحرمت من الاختبار
ايش يثبت انها تأخرت 10 دقائق اذا قدمت شكوى الحل قلناه وهو اقل الاضرار
|
رد: انظلمت و انحرمت من الاختبار
اقتباس:
لانه صديقتي برضوا وصلت بعد نص ساعه ومادخلوها:Cry111: |
رد: انظلمت و انحرمت من الاختبار
فعلا اليوم دخلت الاختبار واسمع المشرفه تقول عندهم عشر دقايق اذا ما جو طرد من المدرسه المشرفه اخلاقها جدا سيئه
|
رد: انظلمت و انحرمت من الاختبار
انا تاخرت 15 دقيقة ودخلت الاختبار عادي لو مادخلني رحت لمشرف المركز وكان العدد كثير واحيان اجلس وخليه يوزع الاسئلة ثم أدخل |
رد: انظلمت و انحرمت من الاختبار
حسبي الله ونعم الوكيلعاد انا امس تاخرت والاسئله موزعه ولكن جالس يحل ودخلوني عادي
اكتبي شكوى في الخدمات الطلابيه |
رد: انظلمت و انحرمت من الاختبار
يالله الله يعينك بس عشر دقايق المفروض دخلك |
رد: انظلمت و انحرمت من الاختبار
كان رحتي للمديره وقلتي لها عن اللي صار واذا قالت شي قولي كلمي اداره الجامعه علشان يشوفون بنفسهم ان عادي اي وقت تدخل الطالبه اذا مااحد من الطالبات طلعت
|
رد: انظلمت و انحرمت من الاختبار
ليش تقدم عذر طبي تروح تشتكي على مراقبه تاخذ اسمها وترسلها للاداره وتقولهم انها مادخلتها
علشان ينتبهون اداره الجامعه بعض المدارس ماتمشي مع قوانين الجامعه |
رد: انظلمت و انحرمت من الاختبار
هذه ظلم عليك نصيحه كلمي الجامعه واذا تقدرين تاخذين اسم المشرفه ياليت تبلغين الفريدان ع اميله او الشعيبي مدير الخدمات الطلابيه يحل مشكلتك النص يقول اذا تاخرتي نص ساعه في اتحمال كبير مايخلونك تختبرين وعلى حسب ظرفك اما سالفه تاخرتي عشر دقايق هذه ظلم لك تصيحه لاتسكتين عن حقك وحرام تحملين الماده او يتم تاجيك بدراستها مره اخرى للترم القادم والله يوفقك
|
رد: انظلمت و انحرمت من الاختبار
والله هو يعتمد عالمراقبه حسبي الله وحده ونعم الوكيل
|
رد: انظلمت و انحرمت من الاختبار
حرااااااااااااااااااااااام !!
النظام يقول بعد مرور نصف الوقت ! وهذي بعد 10 دقايق مادخلتك ؟؟؟ طيب انتي ليش سكتي ومارحتي ادارة المركز ؟؟؟؟؟؟ غلطتك الاولى بصراحه بغض النظر عن تصرف المشرفة انتي ماكان عندك رد فعل لأخذ الحق ! اذا بتصيرين كذا بحياتك الشخصيه صدقيني بتتعبين وماراح تاخذين شي .. الان مالك الا انك تدبرين لك اي عذر طبي حتى لو من مستوصف خاص وترفقينه غياب بعذر بيعيدون لك المادة الترم الجاي بدون رسوم .. بس الله يرضى عليك لا عاد تسكتين ع حقك سواء بهالشي او غيره من الامور .. موفقه ودعواتي لك |
| All times are GMT +3. الوقت الآن حسب توقيت السعودية: 07:11 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام