[ محتوى مقرر ] : إنطباعكم عن المستوى فائدة للقادمين الجدد

[عبدالله الشّلاحي]

بإذن الله يكون الجميع اجتاز هالمستوى


وأتمنى لو نعطي انطباع للقادمين اليه ..


بالنسبة لي كان مستوى جميل وموداه جميلة بإستثناء الإحصاء قوانينه كثيرة وغامض يحتاج لأيام من المراجعة وتكرار الحل لأكثر من قانون بغض النظر عن دكتور المادة ..

باقي المواد كانت سلسة سواء إدارة مالية أو محاسبة تكاليف


بالنسبة للنظري اعتقد الكثيرين استمتعوا بها إلا أنا .. لأن الخيارات دوم تشتتني تكون قريبة من الجواب

لذلك هالمستوى راح يكون جميل فقط بعض الجهد والعمل بالأسباب وعدم الإتكال على الكويزات فقط ..




أخيرا أتمنى لكم حياة علمية وعملية سعيدة ولنا لقاء في الأترام القادمة << شرطة التنوين ضايعه من الجهاز *-*

[سُميه]

ياهلا والله بمستوى ثاني والله وكبرتوا وصرتوا ثالث ههههههه
بسم الله نعطيكم نبذه
تقنيه معلومات كنا خايفين منها جدا جدا وشلنا همها بس الحمدلله كانت جميله ذاكرنا الملخص واسئله العام ومشينا فيها وكرر كثير من اسئله العام وكمان المذاكره يبي لها من اول وتركيز
نظم معلومات غثيثه ودسسمه جدا جدا ويبي لها تركيز ودكتورها نفس دكتور التقنيه بس الاسئله كانت جميله وايضا كرر
اساسيات محاسبه جممميله جدا وسهله بس يبي لها تشووف المحاضرات وتفهم
اداره ماليه قوانينه كثيره بس ايضا الماده جميله وسهله
الاحصاء في الاداه الماده فيها السهل وفيها الدسم بس دكتور ملفي م قصر سهل لنا بس جاب لنا العيد لانو قال ركزو ع م ١٤ والواجبات واعطاها اكثر من حقها بس الي بيذاكر زين بيجيب الفل مارك

المستوى كان جميل وخفيف بالنسبه ليا الحمدلله يارب
وشكرا والله يوفقكم جميعا

[chicago]

اذا قالكم ملفي الرشيدي بالاحصاء خارطة طريق

ومدري شنو لاتصدقونه زي ناس فبالي

تجيبون العيد



ابصموا المنهج بصم وعليكم بملخصات ام حنان

وربي يوفقكم

[Eman.m.s]

والله ماعاد فيه انطباع ننتظر النتيجة بصمت
بس اللي اعرفه اكثر مستوى توترت فيه وانتظر النتيجة بلهفه هو هالمستوى و ان شاء الله خير

[أوتار الخيال]

مستوى دسم بكل ما تعنيه الكلمة
^
لا أقول صعب لأن كل شيء بالمذاكرة والجد والاجتهاد يسهل

[أجـــود]

بسم الله الرحمن الرحيم

قبل كل شي اقولكم لايغركم اي احد يصعب عليكم المستوى حنا مو احسن منكم بأي شي ولا افضل منكم بشي كلنا نملك عقول .. الاهتمام اساس كل شي .. واللي يبي يتأخر عن الدراسه انصحه ان كثرت لعب لاتزودها مره قبل الاختبارات بشهر خلاص ركز تركيز تام للمواد وبتكفيكم للنجاح اما اللي بيذاكر من اول الترم هذا ماراح ينزل عن A+ ابدا .... عني شخصيا صحيح فيه تعب بالمواد بس مااكان اصعب من الاقتصاد الكلي والانجليزي والمحاسبه 2 كل ماده لها حقها بس بيفرق معكم من 7 مواد الى 5

نبداء على بركة الله

1- تقنية المعلومات ونظم المعلومات مدرسهم واحد والكل انتقد هالدكتور وخوفونا فيه لدرجة فيه ناس حذفوا المادتين من الخطه ولاكن كانت الاسئله جدا واضحه ومن المحتوى يعني ذاكر بتعدي وانا من الناس اللي ماذاكرها ولا عطاها اي اهتمام الا قبل الاختبار بيومين فقط والحمدلله مرتاح بحلي لدرجة اني احس بجيب علامات عاليه... ((دكتور المادتين: فتح الرحمن)) نصيحه امسك السلايدات وذاكرها لاتتعب نفسك بالاستماع لمحاضراته بتضيع وقت ويجيك نوم عالفاضي (( بس عاد لاتنسى تحملها على شان درجات المشاركه))

2- ادارة ماليه 1 ماده دسمه لاكن ((الدكتور عبداللطيف الملحم)) سهلها خصوصا انه قبل الاختبار قال لنا نركز على اسئلة السنه اللي فاتت + 20 سوال نزلها بالبلاك بورد +فهم المحتوى والحمدلله كان قد كلامه وكرر تقريبا 80 % من اختبار العام

3- اساسيات المحاسبه الاداريه والتكاليف الدكتور كرر علينا كثير نركز على اختبر نفسك اللي تجي بنهاية كل محتوى محاضرة والحمد لله ماطلع عنها واحس ياربي لك الحمد اني بدعت فيها كثير لدرجة فيه ناس تعبوا انفسهم وماخلوا شي ماذاكروه لاكن الدكتور لم يخرج عن اختبر نفسك وماده ممتعه وسهلها بالاختبار (( الدكتور: محمد السيد الصغير )) اذا هو دكتوركم لاتذاكرون الا اختبر نفسك (( بس اولا افهم المقرر كاملا مع الشرح وبعدين ركز تركيز تام على اختبر نفسك)) + فيها معاني كلمات لازم تحفظونها من بدري مع انه ماجاب الا 3 اسئلة عن معاني الكلمات بس مهمه تضمن درجاتها ...

4- مبادئ الاحصاء كان الدكتور جديد عن الماده وماله نفس يشرح وقال بأن المحاضرة 14 هي خارطه الطريق ولاكن البعض فهم بأنها هي اسئلة الاختبار وتوهقوا لاكن نصيحه مني لكم الاحصاء ذاكروها اول بااول كل اسبوع تنزل محاضرة اجلس عليها الاسبوع كامل طقطق فيها صدقوني بتعدونها وانتم تضحكون ((دكتورها ملفي الرشيدي))






ملاحظه:/ تقنية معلومات ونظم المعلومات الادارية ماده تعتمد على الفهم والحفظ + اساسيات المحاسبه الادارية والتكاليف وادارة ماليه برضوا تعتمد على الفهم والحفظ في جوانب لان اختباراتهم 25 سوال مسائل و 25 سؤال نظري + الاحصاء اكيد تعتمد على الفهم والفهم والفهم وقليلا من الحفظ في بعض جوانب الماده جاب لنا لا يقل عن 10 أسئلة تقريبا في النظري من تعاريف وامثله والباقي مسائل...





تمنياتي لي ولكم بالتوفيق والسداد




* فيه احد عطاكم روح معنويه وحمسكم للدراسه مثلي

[حمود الدعجاني]

مع المذاكرة ليست هناك أي صعوبات , بس لا تصدقون تصريحات الدكاترة لأننا أكلنا كم مقلب ..

[im_fawaz]

كل شي سهل بتوفيق رب العالمين وارادتك
اقل شي جهز نفسك من الان لو عالاقل قراءه سريعه
على كل الملخصات وبعدها ركز على الماليه والاحصاء
الصعوبه انت من تزرعها بداخلك وتنميها ومن ثم تجيب
العيد....
الله يوفقكم كل شي تمام والامور طيبه وشدو حيلكم
واقهرو ظروفكم وبالاخص العزابيه واللي ما عنده مسؤليات
كثيره وارتباطات استغل الفرصه قبل ان تجرفك تيارات الاشغال...

[غادة نور الدين]

الادارة دكتور الملحم جددا رائع وسهل علينا الله يسهل عليه
الدكتور محمد سيد الصغير لمحاسبه التككاليف شرح وتعاون واختبار مثل الحلاوة
الدكتور ملفي نصيحه ومع احترامي له لاشرح ولااسئله واختبار زفت في الشرح اخطاء والاسئله الاختبار فيها اخطاء وناسي انو وقتنا بالاختبار مايسمح نحل الاسئله الي مصعبها وبغت تنسحب الاوراق وظللنا شختك بختك ان كان هو يدرس الماده السمستر الجاي نصيحه لاتاخدوها

[غادة نور الدين]

ان كان احد يستحق الشكر ام حنان لانها سهلت علينا ماده الاحصاء من شرح وتلخيص الله يوفقها دنيا واخرة