مشكلـه نمـوذج الاجابـه للمنتسبين في جامعه فيصل

[majed123]

من جد يقهر خاصه اذا كان عندك ماده صعبه

[حـوور]

ايــــــه والله ازززززمه اذيــــه بالمررره

ربع ساعه قل وانت تظلل وتعبي البيانات ..

[النسيان]

هههههههههههههههههههه

اما يبصمون!!!!

سابقه ذي مب اختبار

[م111]

فعلا موضوع مهم وبالمناسبه صار معي في اخر اختبار وهو ادارة مالية وزع النماذج ثم وزع الاسئله قلت اكسب الوقت واحل واطيح بمراقب علهاول شئ لاتحل عبئ معلوماتك عبيت جزاء لت في نفسي اكسب الوقت واسحب عليه وبداء ت احل الا هو محظر عندي قلي بسالك اذا قالك الحاله العلمية رقم 3 كيف تحصله قلت هذه قال احسنت اناظر فيه قلب نموذج البيانات قال ليه ماكملته ان الله وان اليه راجعوان مني مسلمك الورقة الا كامله وش تبي المفروض ثم المفروض قلت بدل لاخسره لاترد عليه سكت في الاخير وش كان هدفه انه يطلع بدري من المراقبه اخر مرقب سلم اوراقه.
ياليت الجامعه تنتبه لهذا الموضوع

[ابوخالد المطيري]

يااخوان يااخوات .. انا بعلمكم بطريقه اسرع
والمعذره صح انها متأخره كثير لكن تنفع في الاختبارات الجايه

بعلمكم طريقتي المبتكره

عند كل دائره مطلوب تعبئتها اخلي نقطه في وسطها واخليها بدون تظليل
اذا خلصت كل النقاط ارجع عليها اشوف الدائره اللي فيها النقطه واعيد عليها التظليل كامل
تختصر عليك الوقت في الاخير لان النقاط اللي لازم تظللها راح تكون واضحه

وسلامتكم ..

ادري فيه ناس تقول نفس الشي .. وانا معاهم انها صبها واحقنها ههههههههههه
لكن بتشوفون وش كثر الطريقه مريحه وسريعه
جربوها اليوم وشوفوا كيف .. ولاتنسوني بالله من الله يوفقك يابو خالد

[AZIZ999]

كلامك عين الصواب

المفروض يكتب بس الاسم او رقم بطاقة الاحوال

[عبدالله الطلحة]

والله انا رافع ضغطي

انا درسة انتساب في عبدالعزيز كنا بس نكتب الاسم مره وحده و الرقم الجامعي وبطاقة الاحوال
ورقم اتصال واحد بس والتضليل يكون للرقم الجامعي والاحوال بس

اما في فيصل اكتب اسمي اربع مرات واوقع ثلاث مرات واكتب الرقم الجامعي ثلاث مرات منها مره تلوين
ورقمين جوال تضييع وقت على شي ماله داعي

ياليت المسؤلين يشوفون لنا حل على الاختبارات الجايه

[New LiFe]

المشكلة وانا اخوك ماهي بالنموذج ,, هي اجراءات خاصة فيهم
لكن المشكلة بالوقت ,, خصوصاً بالمواد العلمية وش اللي ساعتين !!
نص ساعة يروح بالتظليل ولا خلص الوقت يزعج امك ذا المراقب
رفعنا شكاوى كم مره بخصوص الوقت بس ماعطونا وجه

[ابـــ راكـان ـو]

اوافقك الرأي وبقوه .... اصعب شي عندي فالاختبار اني اعبي ورقة البيانات شي يرفع الضغط

لا وازيدك من الشعر بيت ... في اختبار الصحه واللياقه بعد ماخلصت تعبئة البيانات قال مافيه نموذج اسئله c

لازم تغير مكانك ونعطيك نموذج ثاني

[عبدالله الطلحة]

المشاركة الأصلية كتبت بواسطة ابـــ راكـان ـو

اوافقك الرأي وبقوه .... اصعب شي عندي فالاختبار اني اعبي ورقة البيانات شي يرفع الضغط

لا وازيدك من الشعر بيت ... في اختبار الصحه واللياقه بعد ماخلصت تعبئة البيانات قال مافيه نموذج اسئله c

لازم تغير مكانك ونعطيك نموذج ثاني

هههههههههههه

وضعك نكته

الله لا يبلانا