|
يا عيال .. تعالوا دقيزة ابيكم بكلمة راس
السلام عليكم
كل عام وانتم بخير وكل سنة وانتم طيبين وكل جامعة وانتم ناجحين طيب بختصر الحين انا سجلت الترم الرابع ( مع اني كنت مضيع انا بأي مستوى لضيق الوقت ) المهم اني سجلت المواتد التالية : فيها:
ابي اعرف كم قيمة المادة علما ان كل مادة 3 ساعات ؟؟ انا حسبتها كالتالي : 2155 / 15 ساعة = 143.333333 هذا يعني ان قيمة كل مادة 143.33 ريال !! يعني باقي لي عندهم ريال الا ربع :(269): افيدوني اذا فعلا كذا الحسبة والا فيه طريقة ثانية ! ايضا فقه السيرة سجلته الترم الماضي وخصموا قيمته والأن ما ادري شكلهم ما خصمو قيمة فقه السيرة مع الاسف كنت ابي اسجل فقه السيرة بس الاربعاء والخميس حرام بصراحة يومين بس لفتح التسجيل .. وانا لي اسبوع قبلها احاول اسجل فقه السيرة ما رضي يسجل ويوم صار عندي شغل اربعاء وخميس طالع مشروع عسكري يقولون نفتح البلاك بورد لمساعدة الطلبة على التسجيل !! هذا كلام فاضي على الاقل كملوا جميلكم ليوم السبت يومين اضافية ما تضر للستجيل وليس للتعديل سبحان الله سبحان الله وبحمده مدري متى نتخرج ! وفي النهاية حسب ما سمعت غير معتمدة :(284): |
رد: يا عيال .. تعالوا دقيزة ابيكم بكلمة راس
15 ساعه ضرب 165
=2475 +رسوم الجوال 10 ريال =2485 وأكيد عندهم لخبطه بالسستم مستحيل يكون أقل |
رد: يا عيال .. تعالوا دقيزة ابيكم بكلمة راس
شهاده الانتساب معتمده لكنها غير تربوي
|
رد: يا عيال .. تعالوا دقيزة ابيكم بكلمة راس
يبدولي عندك ظروف :(284):
|
رد: يا عيال .. تعالوا دقيزة ابيكم بكلمة راس
نفس ماتفضلت الاخت غربه نفس الساعه 165 * عدد الساعات المواخذه + 10 مسجات جوال
|
رد: يا عيال .. تعالوا دقيزة ابيكم بكلمة راس
اتوقع انت دافع رسوم زايده الترم الماضي والحين خصموها لك من هذا الترم :biggrin: |
رد: يا عيال .. تعالوا دقيزة ابيكم بكلمة راس
اولآ هم كملو جميلهم من الخميس الى السبت بس شكلك ما كنت متابع .. ثانيآ سعر الساعه 165 ريال
ثالثآ يمكن هم حسبوها لك وخصمو مبلغ الفقه والسيرة :wink: |
رد: يا عيال .. تعالوا دقيزة ابيكم بكلمة راس
اقتباس:
15 ساعه ضرب 165 =2475 +رسوم الجوال 10 ريال =2485 وطبعا دافع الترم اللي فات رسوم فقه السيرة اللي هي 2ضرب165 330= لو أخذنا المجموع الاول ونقصنا منه المجموع الثاني بيطلع السعر اللي هم رسلوه لك:biggrin: 2485-330 =2155 |
رد: يا عيال .. تعالوا دقيزة ابيكم بكلمة راس
اهاااااااااااااااااااااا
طيب قولو كذا من اول :139: انلحس مخي نفس وضعي بالضبط ونفس المواد والترم الي فات اخذنا فقه السيرة والترم هذا ما اخذنا طبعا فاتنا التسجيل بس الرسوم الي نزلت له 1980 ريال اليوم بالذات قاعدين نتناقش في الموضوع بس حاول يفهمني ان المادة بت 165 مثل ما قلتم والحمدلله استوعبت :biggrin: لكن الي ماستوعبته شلون طلع له المبلغ 1980 وانا 2155 !! فاستغربت يعني ... ليه انا ولد البطة السودا يرفعون السعر علي وهو اقل :Cry111: بس مشكورة غربة نفس :53: وضحتي لي الفكرة بكرة اشوف وش سالفته هو بعد ! |
رد: يا عيال .. تعالوا دقيزة ابيكم بكلمة راس
اقتباس:
|
رد: يا عيال .. تعالوا دقيزة ابيكم بكلمة راس
اقتباس:
اعفسونا هالجامعة |
رد: يا عيال .. تعالوا دقيزة ابيكم بكلمة راس
اقتباس:
معناها لازم ناخذ دبلوم تربوي عشان يكون لنا قيمة :(269): الله يستر بعد هالتعب اطلع من الجامعة العربية المفتوحة واطب في مطب جامعة الملك فيصل مصيبة :000: |
رد: يا عيال .. تعالوا دقيزة ابيكم بكلمة راس
اقتباس:
:hahahahahah: أأأأأأأأأأأأأأأأأأأأطلع برررررررررررررره ههههههههههههههههههههههههههههههههههههه حلوه زايده ولا مراره :hahahahahah: |
رد: يا عيال .. تعالوا دقيزة ابيكم بكلمة راس
ياعيال..تعالو.. احم احم الله يعافيك رجعتني خمسطعش سنة ورا:hahahahahah: ايام الابتدائيه و المتوسط اخخخخخخخ |
رد: يا عيال .. تعالوا دقيزة ابيكم بكلمة راس
اقتباس:
:Looking_anim: طلعت :sm1: بس برا فيه حر واجد :sm5: الجو يصرع المخ بجيب كرسي واقعد بجنب المنتدى :biggrin: فيه امكانية ؟ اقتباس:
ياعيال :53: هذا نداء جماعي اذا صرنا في ملعب كورة عقب العصر وكان ابو سليمان الي بيته بجنب الملعب يرمينا بالحصا وقتها نحتاج لهذا النداء عشان الشردة :biggrin: ابو سليمان ما يرحم ... ما تدري الا والحصاه فالقة جبهتك فتضطر تقول ياعيااااال افركو افركو وينفع هذا النداء اذا كنت تتابع تفحيط في حارة ابو جندل خوينا :53: وشوي الاو الحكومة طبت عليك .. تضطر تقول ياعياااال حكومة حكومة :biggrin: عشان نحط رجولنا على اقرب بقالة ونطب ببسي قزاز ام نص ريال ونقعد نشرب .. لما تجي الحكومة يلقونك تشرب ببسي ام نص يعرفون ان مالك دخل في التفحيط :mh001: ايضا هذا النداء ينفع للمتظلم في الجامعة مثلي :biggrin: صفقوني بـ 21500 وعيال عمي خذو منهم 1900 ومدري كم ريال فوقها ليش ؟؟ انا ولد البطة السودا يعني والا ايش :sm1: |
| All times are GMT +3. الوقت الآن حسب توقيت السعودية: 02:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام