استفســار عن محل لبيع حبر الطابعه بالرياض << تم التعديل
 

صباح \ مساء . الخيــــر :2:


المستوى اللي راح راويتنا حبر الطابعه ... بس ماعرفت شلون اجيبهااا ... :30:


ولا حتى كيف اسأل عنهاا ... :24:


الله يجزاك خير .. اذا تعلمناا .. وتفيدنا فيهااا . :29:


اكــــون شاكره لك ... والله كل شهر صرت اشتري حبر الطابعه ... 190 ريال .. :23:

وايام الاختبارات كل اسبوعين ...



:16::16:

رد: نـــداء .. لــ د جاكلي .. بخصوص حبر الطابعه ..
 

اشتري لك hp ليزر جت سعرها معقول الطابعه ,,, وسريعه في الطباعه وحبرها يكلف من 200 الى 220 ويكفيك تطبعين تقريباً 1500 ورقه .. ان استخدمها وتكفيني الترم كامل واوقات اكثر ,,, عيبها الوحيد انها ابيض واسود ما تطبع ملون ...

تحياتي

رد: نـــداء .. لــ د جاكلي .. بخصوص حبر الطابعه ..
 

انا عندي طابعه .. حرام اشتري غيرهاا وفيه حل للحبر ..

شكرا لك ..

بس سالفه الحبر هاذي تقعد سنه ماتغير حبر .. :17:

رد: نـــداء .. لــ د جاكلي .. بخصوص حبر الطابعه ..
 

http://im35.gulfup.com/kuFbg.jpg





http://im35.gulfup.com/BLKcp.jpg

رد: نـــداء .. لــ د جاكلي .. بخصوص حبر الطابعه ..
 

شنوع طابعتك اختي كم رقمها واذا فيه صوره لها ياليت تضيفينها في ردك

رد: نـــداء .. لــ د جاكلي .. بخصوص حبر الطابعه ..
 

اجل سالفة الحبر اللي تقصدينها هي الخراطيش الخارجيه الكبيره ??? شايفها عند واحد بس والله ما اذكر وين بالظبط ... علبتين(خراطيش) الوان كبيره ملصقه بالطابعه من برا ومسحوب من كل وحده زي الانبوب صغير لداخل الطابعه ... اذا هي اللي تقصدينها اتوقع في مجمعات الكمبيوتر ممكن يسوونها ابو هنود ..

موفقه اختي ...

ا

رد: نـــداء .. لــ د جاكلي .. بخصوص حبر الطابعه ..
 

طابعتي براذر j125




http://im35.gulfup.com/CqLiD.jpg

رد: نـــداء .. لــ د جاكلي .. بخصوص حبر الطابعه ..
 

هلا اختي طالبه

بصراحه انا توقعت طابعتك اتش بي يوم شفتها برذر :42: قلت بدل ما اتفلسف اروح ادور ع موضوع الدكتور جاكلي بس للاسف ماحصلت له اي موضوع يتطلم عن الطابعات ممكن عضو غير الدكتور جاكلي

اما بخصوص الحبر اللي اعرفه في انواع من الحبر تجي اكس لارج تاخذ وقت اطول في الطباعه وتكون تقريبا دبل السعر

اعتذر منك وهذا اللي قدرت افيدك فيه

رد: نـــداء .. لــ د جاكلي .. بخصوص حبر الطابعه ..
 

لا لا مو د جاكلي اللي كتب الموضوع ...


أنا المستوى اللي راح كتبت موضوع بسبب مشكله بطابعتي .. والله يجزاه خير رد وقالنا عن هالحبر


بس تعرف خلصنا الامتحانات .. والحين ابي الحبر ...


:36:

رد: نـــداء .. لــ د جاكلي .. بخصوص حبر الطابعه ..
 

ياجماعة الخير ولا يحقدن علي البنات الي مشاركاتها 1700
والي انصدمت منها واصله 10الالف يا بنات وش سالفه ماعندكم شغله بحياه
ماعندكم عجوز تطبخون تشتغلون عنها
ماعندكم عيال ازواج شي يفك المخ حتى العاطل وجالس في البيت مايسويها
وتبون الحبر يطول معكم البلا فيكم ماهب بطابعه

رد: نـــداء .. لــ د جاكلي .. بخصوص حبر الطابعه ..
 

فيه محل بالخبر وبالرياض لتعبئة وبيع الاحبار المستعمله بأسعار معقولة جداً بالامكان الاتصال بهم والتأكد من إمكانية تعبئة او استبدال الحبر موقعهم http://www.cartridgeworldme.com/store_location.htm ورقم هاتف الرياض 012066422

رد: نـــداء .. لــ د جاكلي .. بخصوص حبر الطابعه ..
 

وش له معصب:4:.. الدنيا ماتسوى . . :24:

رد: نـــداء .. لــ د جاكلي .. بخصوص حبر الطابعه ..
 

شكرا لك .. :16: ويعطيك العافيه اخوي ..
شنو يبيع شيء مستعمل ... نبي شيء يطول معنا مو كل شوي مغيرين ...

رد: نـــداء .. لــ د جاكلي .. بخصوص حبر الطابعه ..
 

إذا تاخذين القديم معك يسبدله يخصم لك 5 ريال على الواحد انا عندي hp وآخذ الملون ب 20 و الاسود ب 15 تقريباً ما لاحظت اي فرق بينه وبين الأصلي إلا انه ما تتعرف الطابعة على الكمية المتبقية يعني ممكن يقطع عليك فجأه وبدون سابق انذار كما هو الحال مع الأصلي اللي يعطيك رساله تحذيرية ان الحبر قرب يخلص، فالأفضل شراء واحد ثاني احتياطي

رد: نـــداء .. لــ د جاكلي .. بخصوص حبر الطابعه ..
 

اسف على التأخير
لي رجعة اشرح لك عن هالامور
لكن هذه هي الانظمة اللي تركب على طابعتك

ابحثي في youtube
عن ciss واكتبي رقم علبة الحبر


http://i.ebayimg.com/t/Bulk-ink-ciss...I(!~~60_12.JPG
http://i.ebayimg.com/t/ciss-cis-Cont...neg~~60_12.JPG


وهذا خراطيش يتم تعبئتها

http://i.ebayimg.com/t/Refillable-in...Mw!~~60_35.JPG

رد: نـــداء .. لــ د جاكلي .. بخصوص حبر الطابعه ..
 

لو ما حصلتي عندهم هذا موضوع عن نفس الطابعه وفيه تفاصيل تهمك http://www.adslgate.com/dsl/showthread.php?t=1323930

رد: نـــداء .. لــ د جاكلي .. بخصوص حبر الطابعه ..
 

شكرا د جاكلي



الله يجزاك الجنه لو تعرف بس من وين نشتريه ...

واذا تعرف مكان بالرياض ... الله يسعدك ...

رد: نـــداء .. لــ د جاكلي .. بخصوص حبر الطابعه ..
 

توني شافه الموضوع بس لا ايميل .. ولا رقم ...



ماني برجال اروح وادور ...


اذا الملخصات ادق على المكتبه وتوصيل للبيت ..



كان يسمحون لنا نسوق ونخلص امورنا :38:

رد: نـــداء .. لــ د جاكلي .. بخصوص حبر الطابعه ..
 

طالبة انتساب
اذا قصدك مشاركة د.جيكل القديمة بخصوص الحبر هذي هي
http://www.ckfu.org/vb/7660886-post4.html
كنت حافظتها في الملاحظات لوقت الحاجه
وايييييي والله حطيتي يدك عالجرح،لو يخلونا نسوق ونخلص اشغالنا اول بأول
بس يمكن ترى نهون دراسه ونخليها تمشيااات وسوق:5:

رد: نـــداء .. لــ د جاكلي .. بخصوص حبر الطابعه ..
 

الله يسعدك يارب ...


فديتك .. والله اوعدهم مااتمشى ولا اروح كوفيات ولا مطاعم ولا اسواق

بس اروح دوامي واختباراتي ... واشغال الضروريه ... :38::12:


ابي اروح المستشفى ... لازم نقدم معروض للرجال العائله ومن بكره لبكره ...

رد: نـــداء .. لــ د جاكلي .. بخصوص حبر الطابعه ..
 

اشتري لك ليزر وريحي عمرك خاصه ان احناا دراستناا تعتمد عل الطباعه كثثير
وخلي هالطابعه للتصوير والسكنر واشياء مثل كذااا انا عندي ثنتين والوضع تمااام مرتاحه مع الليزر
وفي طابعه ليزر كانون واير لس روووعه بدون اسلاك ولا هم :17:

رد: نـــداء .. لــ د جاكلي .. بخصوص حبر الطابعه ..
 

انتي كل ماخلص تشتري عزالله فلستي

انا اعبي وبعد تعبيه ثلاث مرات اشتري جديد

رد: نـــداء .. لــ د جاكلي .. بخصوص حبر الطابعه ..
 

انا مره وحده جديد ولاخلص اعبي كل ترم هيك

رد: نـــداء .. لــ د جاكلي .. بخصوص حبر الطابعه ..
 

ريحي مخك واشتري فلاش وحطي به اللي تبين بعدين لقرب خدمة طالب يطبعونه لك وبسعر ماتتخيلينه
وخلي الطابعه للاشياء الخفيفه نماذج اختبار او ورقة حضور الاختبار وهيك :27:

رد: نـــداء .. لــ د جاكلي .. بخصوص حبر الطابعه ..
 

نصيحة مجرب الطابعات كل ترم لازم حبر من غير الشغل الزفت الي مايريح وفوق ههذا حوسة وكثرة الاوراق بكل مكان بالبيت
اخذتلي جالكسي تاب مستخدم وخليته فقط للجامعه حملة فيه برنامج bdf للملخصات وريحني من الطابعات احمل كل الملخصات فيه وأخذ الجهاز معي وين ماروح وخاصتا بالعمل خدمه ممتازه صراحتن ريحني :40: غيري يمكن مايرتاحله مادري الناس ماهم واحد:29:

رد: نـــداء .. لــ د جاكلي .. بخصوص حبر الطابعه ..
 

بس انا سويت ها الطريقه وتخيلي كم طلعت لي القيمه ل6مواد فوق 500ريال شي مبالغ فيه ،،

رد: استفســار عن محل لبيع حبر الطابعه بالرياض << تم التعديل
 

رد: استفســار عن محل لبيع حبر الطابعه بالرياض << تم التعديل
 

انا اعبي من محلات الكمبيوترات بالصالحية بـ 30 إلى 40 ريال الله يدوم الرخص بعد رابع تبعبيه اغير الحبر
طابعتي hp

رد: استفســار عن محل لبيع حبر الطابعه بالرياض << تم التعديل
 

طابعتك بروذر ( احسن طابعة انا دورتها ماحصلتها وشريت كانون ملون ) وبعد يقولون في النت انها توفر حبر.


على العموم، انا خلص حبرها وسألتهم قال لي الوكيل ب 1600

ورحت مكان ثاني وقالي عندي شي من دبي و ب 800 ( اثاري اللي من دبي ماهو أصلي وشكله اصلي في الكرتون )

المهم شريته.

( الكلام هذا في مدينة الرياض في حراج الكمبيوتر )

خذي نصيحة مني: اذا المحتوى باور بوينت، حوليه لورد وصغري الخط ونسقيه بحيث يكون قليل الصفحات. لأن تصغير الخط فيه تخفيض للحبر.

ايضاً فيه موضوع لي، كيفية طباعة 4 صفحات في صفحة خذي الرابط :

http://www.ckfu.org/vb/t415553.html


شيء ثاني:

1- لا تحاولين تطبعين كثير إلا محتوى الجامعة فقط . ( مو كل شي تطبعينه من المنتدى )

2- اذا كانت طابعتك ملونه اطبعي المحتوى فقط ملون.

3- لا تطبعين شي من المحتوى ( الا الضروري جداً ) وبالاسود والابيض

4- المواد اللي ليست ضمن التخصص، وديها المكتبة وريحي نفسك.

5- لو تلخصين المحتوى قبل الطباعة بحيث يختصر اوراق كثيرة جداً ( اذاكان المحتوى 50 ورقة، الملخص 5 ورقات ) شوووووووفي الفرق!

6- حاولي ماتطبعين اسئلة الاختبارات ( فقط شوفيها على الجهاز )

7- أخيراً، اذا ودك تطبعين ملخصات من المنتدى كثير ، شوفي خيارات الطابعة، واطبعي بالأسود والتدرج الرمادي. ( وبالطريقة هذه ما يخلص إلا الحبر الأبيض والآسود ) وتقدرين تغيرينه لوحده.


هذه افكار من خبرة، سابقة، لأني تورطت في الطابعة ( حبرها اغلى من الطابعة نفسها )

رد: نـــداء .. لــ د جاكلي .. بخصوص حبر الطابعه ..
 

كلامك سليم أخ عمر، لكن المشكله ينخاف منه ( مهما كان اي جهاز فيه اشعاعات، والمذاكرة لازم وقت طويل تناظر الجهاز ، وبعدين الورق تعلم الشيء المهم ويسهل لك المذاكرة ) .

رد: نـــداء .. لــ د جاكلي .. بخصوص حبر الطابعه ..
 

صحيح، خصوصا الملون غالية جداً حتى في خدمات الطالب.

رد: نـــداء .. لــ د جاكلي .. بخصوص حبر الطابعه ..
 

اش ذا يا نسيم، مشاركاتك كلها قووووية.

صراحة فكرة ما شوفتها من قبل ( ربط الحبر بالطابع ) :14:

على العموم، انا جاي منتدى الادارة علشان استشارة للطباعة من بعض الطلاب.

رد: نـــداء .. لــ د جاكلي .. بخصوص حبر الطابعه ..
 

انصحك ماتشترين غيرها، احسن طابعة عندي ، ويقولون في شي للطلاب فقط!

رد: نـــداء .. لــ د جاكلي .. بخصوص حبر الطابعه ..
 

شكرا جزيلا على المعلومه
بس
هل لهم رقم جوال او امييل ؟؟ ووين موقعه بالرياض ؟؟

رد: استفســار عن محل لبيع حبر الطابعه بالرياض << تم التعديل
 

مجمع الكمبيوتر
تقاطع طريق العليا مع طريق خريص خلف فندق الهوليدي أن :29:
وبالتوفيق يا رب

رد: استفســار عن محل لبيع حبر الطابعه بالرياض << تم التعديل
 

شكرا بسبوووسه .. ماقصرتي ياعسل


جاري البحث عن هالحبر ..





علمت عليه اخواني وقالوا مره حلووو .. وبيطبعون عندي بالمستقبل .. والحبر قطه ...



حالياا من العائله الكريمه يدرسون الجامعه .. خمس والعدد في زياده ...



بعدين بنفتح لنا مكتبه ... خاصه . . :13::13::13:

رد: استفســار عن محل لبيع حبر الطابعه بالرياض << تم التعديل
 

طالبة انتساب


ههههههههههههههههه العائلة كلهم تحمسوا للدراسة :5:

رد: استفســار عن محل لبيع حبر الطابعه بالرياض << تم التعديل
 

حتى الشيبان يبون يدرسون ..



وعدتهم اسجلهم المستوى الجاي .. :19:

رد: استفســار عن محل لبيع حبر الطابعه بالرياض << تم التعديل
 

سجليهم كلهم الشيبان والاطفال ( الى جامعة كل حااااجه ) :5:

رد: استفســار عن محل لبيع حبر الطابعه بالرياض << تم التعديل
 

ان شاء الله الاطفال بس يتخرجوا .. اسجلهم ... لو يبون ...



الا مالقيت الحبر هذا ... صرت مصورته بالجوال وافرفر على محلات اللي بالحي عندنا ..


بس قالوا لي روحي المكتبه يمكن تلاقي ...

رد: استفســار عن محل لبيع حبر الطابعه بالرياض << تم التعديل
 

لا تتعبين نفسك في المكاتب الصغار ، روحي جرير او اكسترا او اذا انتي في الرياض روحي حراج الكمبيوتر في العليا

رد: استفســار عن محل لبيع حبر الطابعه بالرياض << تم التعديل
 

يعطيك العافيه ...


:16:

رد: استفســار عن محل لبيع حبر الطابعه بالرياض << تم التعديل
 

تحياتي واسف على التأخير تفضلوا التالي :
1- نظام الحبر المستمر CISS نظام عملي جدا ويوفر عليك قيمة الحبر ويصير همك هو الورق فقط ولكن لتسفيد منه يجب عليك التالي
- تطبع بشكل كبير بمعدل 20 ورقة على اقل تقدير يوميا لان عدم الطباعه يسبب جفاف الحبر في رأس الطابعه مما يؤدي الى العطب .
- عملية التركيب و التجيهز والدعم في حالة وجود مشكلة لن يستطيع القيام بها مستخدم عادي من وجهة نظري ( انظمة CISS اتعامل معاها من اكثر من سنتين وكلامي من واقع تجربة وخبرة )
- جربت النظام مع طابعات hp و طباعات Epson وارتحت له مع طابعات الـ hp بصراحه ولم استخدمه مع الانواع الاخرى .

2- علب العبر الجاهزه للتعبئة: نظام جميل وعملي وبسيط ويمكن للمستخدم العادي التعامل معه بعد مره او مرتين بس من الاستخدام ويصير متمرس عليه مع ملاحظة التالي :
- لابد من طباعة ورقة واحده في اليوم فيه من اجل الحفاظ على راس الطابعة من جفاف الحبر
- اذا كانت طباعتك تتراوح بين 10 - 20 ورقة يوميا فانصح به .
- جربته على طابعات الـ hp و الـ Epson ونجح مع HP

عن نفسي استخدم النظام CISS في البيت من اجل طباعة الاولاد في المدارس و ( كراسات الرسوم للتلوين للاطفال ) وبعض اعمالي الشخصية

اعتمادي الكلي على الايباد بصراحه
جميع المحاضرات مخزنه فيه وكذلك المحتويات و الملخصات والاسئلة والكتب الخاصة بي

واستخدمه لكتابة الملاحظات بكل سلاسة وبعد ما اخلص من الامور كلها اطبع الملخص او المحتوى المعدل على الطابعة
طبعا هذه الطريقة لها مزايا كثيره من توفير و تسهيل للوصول الى كل ما تريد
لكن اذا كنت من يعشق الاوراق فالنمره غلط ههههههه

+
اضافة
انا استخدم هذا الاسكانر Epson WorkForce Pro GT-S50 Document Scanner
سعره في السعودية 2900 واشتريته من الخارج تقريبا بـ 1800 ريال اذا ما خانتني الذاكرة

طبعا امسك الكتاب واروح اوديه مطبعه ويقصونه من جهة الصمغ
فيصير الكتاب كانه اوراق مفروطه
واحطه في السكانر واشعل عملية السكان فيتم تخزين كل الكتاب وجه وظهر

مثلا كتاب الاحصاء 500 صفحة تقريبا اخذ مني عمل الاسكان له 30 دقيقة بصيغة PDF
اخذ الكتاب واحطه في الايباد واقراه واحط عليه الملاحظات

http://www.epson.com/alf_upload/imag...in_690x460.jpg


طبعا الامور اعلاه مكلفة جدا جدا جدا
لكنها تكاليف تدفع لمره واحده فقط

لدي جهاز الايباد فيه جميع المحاضرات لجميع المواد بصيغة فيديو ( اللي يسمونه صيغة الجوال ) + صوت + جميع ما يخص المادة من كتب ومراجع ومعحتوى وملخصات



الموضوع متشعب وكبير في البداية حددي ميزانيتك وهل انتي من النوع اللي يحب المذاكرة على الورق او الكتروني ( الايباد مرررررررريح الى ابعد الحدود ما عليك من كلام اشعاعات الخ )

وعلى ضوئها نقدر نساعدك

معلومة اخيرة CISS قله من محلات الكمبيوتر يعرفونه في السعوديه وليس في الرياض
لو خرب عليك وانتي مانتي متمرسه فيه بتخسري قروشك

تحياتي

رد: استفســار عن محل لبيع حبر الطابعه بالرياض << تم التعديل
 

دكتور Jakey II

مادام الآيباد مريح، اذاً ماللطابعة لازم

رد: استفســار عن محل لبيع حبر الطابعه بالرياض << تم التعديل
 

هلا اخوي فضيل

بالفعل لكن الناس فيما تعشق مذاهب
فيه ناس تحب الاوراق وناس ما تحبها

انا جربت الطريقتين وبصراحه خليت الطابعه والحبر من اجل بعض الامور السريعه والان مخليها لابنائي لاني مخليها طابعة شبكه وكل اجهزة الاولاد مربوطه عليها وكل من شخبط له شخبوطه يطبعها ههههه

عموما اللي بيجرب فكرة الايباد بيلاقيها عملية اكثر من اجهزة الاندرويد لوجود برامج توفر لك كل شيء

مثال على استخدامي له : محتوى الاساليب الكمية
كنت اكتب واضيف صفحة جديدة في وسط المحتوى واكتب عليها الملاحظات الخ ....
استخدم برنامج iAnnotate PDF ويقرا البرنامج ملفات الورود والاكسل والبوربوينت



تحياتي

رد: استفســار عن محل لبيع حبر الطابعه بالرياض << تم التعديل
 

لكن ترى صحياً ماهو كويس للمذاكرة ( مهما يقولوا) الواحد مايأمن أشعة ومغناطيس ومعالج كلها لها خطرها

الدفتر تجلس اربع ساعات تذاكر وانت مرتاح

لكن اذا قصدك تنظيم للملخصات انا معك كويس( اضافه وتعديل )

---------

ممكن لو تكرمت تشرح فائدة السكانر ( لأنها ) فكرة ابداعية وجديدة!

جزاك الله خير

رد: استفســار عن محل لبيع حبر الطابعه بالرياض << تم التعديل
 

شكرا لك د جاكلي ..


الرد مميز ..


اخوي ينصحني بالايباد واشترا اليوم ... وانا بالحقه ... شكرا لك مره ثانيه .. :16:



واسفه جدا اني اقلقتك .. :16:

رد: استفســار عن محل لبيع حبر الطابعه بالرياض << تم التعديل
 

رد: استفســار عن محل لبيع حبر الطابعه بالرياض << تم التعديل
 

فعلاً ميزة الآيباد يجمع كل شي :15:

رد: استفســار عن محل لبيع حبر الطابعه بالرياض << تم التعديل
 

عندهم احبار طابعة كانون ملونة سعرها غالية مره 400 اللون الواحد!

لكن انا خايف احبارهم تقليد

رد: استفســار عن محل لبيع حبر الطابعه بالرياض << تم التعديل
 

فيه اكثر من محل..وتفرق اسعارهم من محل لاخر ..لازم تاخذ لفه عليهم وتشوف الافضل والارخص خاصة المحلات الداخلية ارخص شوى من المحلات اللى فى واجهة السوق
بصراحة مجربهم وارتحت من شغلة الجديد
عند طابعة ليزر hp حبرها جديد 200 ريال
اخذت تعبئة ب 50 ريال والى الان ممتازة معى ولا مشاكل ولله الحمد

رد: استفســار عن محل لبيع حبر الطابعه بالرياض << تم التعديل
 

انا طابعتي كانون ماعمري جربت تعبئة ابدا

فممكن تذكر اسم او اسمين لمحلات كويسة للتعبئه من فضلك

وثاني شيء التعبئة يعني اخذ علبة الحبر اللي خلصت واعطيهم ياها ؟؟

رد: استفســار عن محل لبيع حبر الطابعه بالرياض << تم التعديل
 

الآيباد لا يعلى عليه ( بلا خرابيط سامسونج كويسين في الثلاجات فقط)
مشكور اخوي ع النصيحة
انا شوفتهم في الرياض في حراج الكمبيوتر الدور الثاني

ايوا تاخذين الحبر لهم

رد: استفســار عن محل لبيع حبر الطابعه بالرياض << تم التعديل
 

السلام عليكم
اللي بيشتري حبر جديد يتأكد أنه اصلي
فيه نوع منتشر في المحلات وارد من دبي أقل جودة
وعلى ذلك جرى التنبيه :27:

رد: استفســار عن محل لبيع حبر الطابعه بالرياض << تم التعديل
 

طيب من وين اصلي ورخيص؟ انا في الرياض؟

وحصلت اللون بأكثر من 400 ريال

رد: استفســار عن محل لبيع حبر الطابعه بالرياض << تم التعديل
 

هلا أخوي
إذا ما تقدر تعبي الحبر أنصحك تأخذ من جرير
أدري غالي بس يعطيك جودة ووقت والفرق لو تحسبه ما يتعدى 40 أو 50 ريال
بالنسبة لي أشتريت الحبر من جرير بـ 520 ريال

رد: استفســار عن محل لبيع حبر الطابعه بالرياض << تم التعديل
 

مشكور، اشوفهم اليوم

رد: استفســار عن محل لبيع حبر الطابعه بالرياض << تم التعديل
 

قررت اشتري ايباد ...


بس اختكم عليميه .. بالاجهزه .. وش احسن شيء للجامعه وكذا ...


باطلع بعد العصر بااشتري ...

رد: استفســار عن محل لبيع حبر الطابعه بالرياض << تم التعديل
 

قلت لك الآيباد ( وانتي مغمضه ) :14:

الأبل شركة مصنعة للهاردوير والبرامج

اما اذا تبغين ارخص شوي ( فيه اشياء غير الجالكسي تاب) لأني شفته مع ولد عمي مررررره سيء ولا يقارن بالآيباد

الآيباد : وضوح+سلاسة الانترنت والمنتديات+متانة التصنيع(يطيح الف مره ولاشي يحصل له+برامج ايتونز اكثر بكثير من غيره+منظر ..... وش اوصفه ( مشكلته امريكي خخخ )

رد: استفســار عن محل لبيع حبر الطابعه بالرياض << تم التعديل
 

احترت بين الايباد .. والجالكسي نوت 2 ...


مره احترت .. :24:

رد: استفســار عن محل لبيع حبر الطابعه بالرياض << تم التعديل
 

اعرف واحد عنده جالكسي نوت 2 ويقول ندمت ، ثقيل

ويقول اني تمنيت اشتري آيباد

رد: استفســار عن محل لبيع حبر الطابعه بالرياض << تم التعديل
 

نصيحة ، لا تشترينه ( انا مجرب الاثنين )

ولد اخوي عنده جالكسي نوت 2
وانا آيباد 2

وجربتها ( النوت 2 فيه مواصفات ) لكن مايقارن بالآيباد

الآيباد احسن منه ألف مره

النوت ثقيل و اذا تبغين تشترينه اكلمه لك علشان هو عرف قيمة الآيباد :14:

المهم نصيحة خذي ايباد 2 لأنهم قالوا ايباد 3 يسخن

ولك الاختيار

رد: استفســار عن محل لبيع حبر الطابعه بالرياض << تم التعديل
 

الله يعطيك العافيه ..

والله اليوم رحت ... وتعبت نفسيا .. ماادري وش اختار ...



شوف لي سعر الايباد .. وياربـــ يسهل لي االامور ...

رد: استفســار عن محل لبيع حبر الطابعه بالرياض << تم التعديل
 

كويس يعني ما شريتي؟

احسن خذي لك يوم فكري وقارني في الانترنت:17::3: