فيروس( كورونا ) .. و الأحساء .. و الترم الصيفي
 

بعد إنتظار طال سمحت إدارة الجامعة للمنتسبين بأخذ ( ترم ) صيفي ..

و المواد المتاحة لطلاب إدارة أعمال في هذا الصيف ( فقه السيرة - و الأخلاف الإسلامية )

و كل منها ساعتين بمجموع 4 ساعات , و مفيدة جدا في تخفيف الضغط في الأترام الجاية ..


لكن المشكلة أن الإختبارات ستكون في الأحساء في منتصف رمضان ..

و الجميع يعرف أن الأحساء منتشرة حاليا بفيروس ( كورونا ) الخطير !!


فنرجو من الطلاب أن تكون هناك مطالبات بفتح مراكز الإختبار بأكثر من مدينة أو مدينة أخرى غير الأحساء على الأقل ,

و أن يكون التجاوب من المسئولين قبل بداية التسجيل ..


الصحة غالية .. و الله الحافظ :29:

رد: فيروس( كورونا ) .. و الأحساء .. و الترم الصيفي
 

رد: فيروس( كورونا ) .. و الأحساء .. و الترم الصيفي
 

رد: فيروس( كورونا ) .. و الأحساء .. و الترم الصيفي
 

لازم الموضوع يكون فيه اهتمام كبير من الطلاب عشان يتجاوبون الجامعة ..

شاكر مروركم ..

رد: فيروس( كورونا ) .. و الأحساء .. و الترم الصيفي
 

بصراحه تحمست للصيفي .. بس في الأحساء ؟؟؟ هو قريب مني بس نسأل الله العافيه وللمسلمين ...

رد: فيروس( كورونا ) .. و الأحساء .. و الترم الصيفي
 

ياليت يغيرون مكانه احتاج لصيفي :35:

رد: فيروس( كورونا ) .. و الأحساء .. و الترم الصيفي
 

الاسم جاب لي هشاشه في الحروف

فعلآ ياريت يفتحون في الدمام كاحل وسط او الرياض

رد: فيروس( كورونا ) .. و الأحساء .. و الترم الصيفي
 

فعلا صادقين انا كنت ناوية اخذ يوم تذكرت سالفة المرض هونت:6:
لا ولاحضو انه اختبار وزحمة وحر وتجمعات بشرية :36::7:

يعني بيئة خصبة لانتشار الامراض :Looking_anim::Looking_anim::Looking_anim:

الا كان اروح بكمامه وفوقها نقاب :41:

شرايكم يابنات هههههههههه فكرة والله
ماراح اشيل نقابي وتحته كمامه :5:

رد: فيروس( كورونا ) .. و الأحساء .. و الترم الصيفي
 

ياجماعه الخير ..

حنا من سكان الاحساء والموضوع اخذ اكبر من حجمه

الواتسب ساعد بشكل كبير في تخويف الناس

المهم حافظ على نظافتك الشخصيه ولا تخلي احد يعاطس حولك

هذا ابرز الاشياء

ومايصيب الانسان الا ماكتب الله له ..

«كورونا».. الحكاية الكاملة

http://www.alriyadh.com/2013/05/22/article837301.html

رد: فيروس( كورونا ) .. و الأحساء .. و الترم الصيفي
 

انا ودي اروح بس الفقه اخذتها سابقآ يعني حرام في رمضان وطلعه من الرياض للأحساء وقروشه عشان ماده وحده

رد: فيروس( كورونا ) .. و الأحساء .. و الترم الصيفي
 

رد: فيروس( كورونا ) .. و الأحساء .. و الترم الصيفي
 

والله انتم ابلشتو الجامعة يفتحون ترم صيفي والحين تشرطون بعد

قبل الجامعة تعتذر عن الترم الصيفي بسبب ان مراكز المدن مغلقة مثل المدارس وغيرها


واقترحتوا انهم يفتحون صيفي بالاحساء والان يوم عطوكم وجه غيرتو رايكم وقلتو نبي نختبر كل بمدينته

شعب متردد في الاراء


المهم انا بالنسبة لي باقي لي 14 مادة ولازم اخلصهم خلال الترمين القادمين باي وسيلة والساعة تفرق معي

فقة السيرة خلصته الترم الماضي

والاخلاق الاسلامية حسبي الله على الجامعة اضافت المادة علينا مع اننا اخذين مهارات اتصال ورياضيات 2

لاكن وش نسوي هي جت على كذا بس


المشاكل اللي تعرضت لها من دخولي الجامعة كثيرة

اول ترم / اقتصاد جزئي الدكتور جاب لنا اسئلة من خارج المنهج وعطونا 60 درجه وعدينا

الترم الثاني / مادة الانجليزي الدكتور قال للطالبة مارح اجيب لكم بعض القطع والادارة قررت تغير الاسئلة وراحو فيها الطلاب طبعاً انا من حظي اني ما شفت المنتدى ولا شفت المحاضرات المباشرة فذاكرت القطع كلها وعديت .

الترم الثالث / الرابع / والخامس بدون مشاكل

السادس هو المصيبة / اختبار ادارة العمليات 25 سؤال مكرر

التحليل الاحصائي اخرت المادة عشان يتغير الدكتور ولاكن اخذتها هالترم ووقع الفاس بالرأس وجاب لنا اسئلة من مادة الاحصاء الاجتماعي

والمصيبة طالبة نزلت الاسئلة الاحصاء الاجتماعي قبل بيوم وتقول اتوقع يجي منها شئ وبالفعل جاء الكل منها

الله يخلصنا منهم ونتخرج

رد: فيروس( كورونا ) .. و الأحساء .. و الترم الصيفي
 

تراكم مكبرين الموضوع
على فكره الحلات محدوده
و موجودين في المستشفى و المرض مو منتشر
هدؤوا من روعكم
ما راح يصير لكم شي
و الي ما يدل الله يعز خرايط قوقل او الاي فون او القارمن

لا احد يحط اعذار

رد: فيروس( كورونا ) .. و الأحساء .. و الترم الصيفي
 

لا ان شاء الله اني. مسجله. فيها. بس. وقتها. في. رمضان. غلط على اني. اجازه:34:
بس ان. شاء الله. سهله

رد: فيروس( كورونا ) .. و الأحساء .. و الترم الصيفي
 

انا اخذت الاخلاق الاسلاميه

لكن فقه السيره اقدر اسجله ؟


لاني دخلت على الايقونه ولقيتهم كاتبين " ان ادارة الاعمال لم تفتح صيفي أو كما قالو !! "