|
تم رفع شكوى على جامعه الملك فيصل !
السلام عليكم ورحمــه الله وبركاته أنا قدمت شكوى على جامعه الملك فيصل بالتعليم العالي ونبي نشوف رد الوزير بخصوص الموضوع الي هو معادله الدبلوم الأهلي لاني كتبت موضوع كامل وباذن الله يرد وباذن الله اذا ماتم رد علينا بالخصوص هذا في أقل من مده 3 أيام رح أرفع فيها ل موقع الديوان الملكي وجريدة سبق واليـــوم |
رد: تم رفع شكوى على جامعه الملك فيصل !
اخي الكريم ماذا تقصد بمعادله الدبلوم الأهلي
هل تقصد انك حصلت على الدبلوم من جهة علمية خاصة على حسابك الشخصي |
رد: تم رفع شكوى على جامعه الملك فيصل !
أيـه ( الدبلوم الأهلي ) هو الدارس على حسابه الشخصي وتم أجتيازه بالاختبار الشامل
والجامعه ترفض الشيء هذا لانه هدفها مـادي وليس ثقافي علمي |
رد: تم رفع شكوى على جامعه الملك فيصل !
طيب يا عزيزي اكيد الدبلوم معتمد من وزارة التربية والتعليم المفروض الجامعة تعادل ساعات الدبلوم بمادة تكون في نفس المجال
الله ينصرك عليهم ويوفقك يارب |
رد: تم رفع شكوى على جامعه الملك فيصل !
المشكلة تدري شنهي ؟
أن الجامعه اذا قبلت المعادله الدبلوم الحكومي أو الاهلي ماراح يدخل ضمن المعدل نهائيا ؟ يعني كانك يابو زيد ماغزيت ! وفيه أشيااء كثيرة تستبعط فيها الجامعه ؟ مع العلم ان التعليم العالي والمؤسسة العامة للتدريب المهني والتقني موقعين أوراق وشروط للمعادله بس الجامعات السعوديه تخيل يعني أنت بالخارج معك دبلوم يعادلون لك الدبلوم كامـل !!! ويعادلون لك المواد الشبيه وبتخلص باقل من سنتين !! لكن داخل السعوديـــه لا مايبون يبون الماده هدفهم مادي !! |
رد: تم رفع شكوى على جامعه الملك فيصل !
شوف انا وزميلي حاصلين على دورة لغة انجليزية من جهة حكومية ورفضة الجامعة معادلتها بمقرر الإنجليزي واخذنا المقرر والله المستعان
|
رد: تم رفع شكوى على جامعه الملك فيصل !
الله يجزاك خير ، شرحت صدري ، الله يوفقك
انا معي دبلوم تسويق ٦٠ ساعة ورفعتها لجامعة و تم رفضها من قبلهم ولم يتم قبول ولا ساعه |
رد: تم رفع شكوى على جامعه الملك فيصل !
انا درست دبلوم ادارة اعمال 3 سنوات في جامعة الملك خالد ورفعت معادلة ولا عادلولي رجعت ادرس كل المواد من جديد
|
رد: تم رفع شكوى على جامعه الملك فيصل !
وللمعلومية صاحباتي نفس التخصص ومعي وعادلو لهم وانا لا وتقديري كان في اغلبها ممتاز وجيد جدا
|
رد: تم رفع شكوى على جامعه الملك فيصل !
انا معاي دبلوم ارداة اعمال تحت اشراف المؤسسة العامة للتعليم الفني و المهني ( معهد خاص ) وجامعاتنا رفضوا يعادلون وبعد مراسلتي لجامعة بامريكا وهذا موقعهم uoregon.edu وافقوا على معادلة الدبلوم بإستثناء مواد الدين وسافرت وجت معي احداث 11 سبتمبر :lllolll: وبلشت (سعودي) . عاد يوم فكرة زين قلت بدري على جامعات اميركا تطلع احسن من جامعاتنا :064: رجعت وشتغلت وتوني ارجع للدراسة وعسا ربي يوفقنا وياكم يارب . رووح الله ينصرك واي شي تبيه مني ابشر |
رد: تم رفع شكوى على جامعه الملك فيصل !
مساء الخير لجميع الزملاء
انا خريج كلية تقنية وطلبت معادلة مواد كنت درستها في الكلية التقنية مثل الرياضيات والانجليزي والدين وكان درجاتي فيها لا تقل عن جيد جدا وللاسف لم يعادل لي اي شي اصبحت الدعوى مقصوده من الجامعه حسبنا الله ونعم الوكيل |
رد: تم رفع شكوى على جامعه الملك فيصل !
شوفوا .. أنا ماراح يرتاح لي بال لين أطلع كل اللاوائح الداخليه للجامعات والمعادلـه والــخ
مع العلم .. أن الجامعات الخارجيـــه تقبل الدبلوم بعدد ساعات كبيـــره يعني تعطيك حقك وأكثر ليه !! لان التعليم العالي + المؤسسة العامة للتدريب المهني والتقني مسوين أتفاقيـــه ومخلصين !! يعني ينصب عليك أي شخص يقولك والله التعليم العالي والمؤسسة العامه ماسوينا أتفاقية مع الجامعات السعودية !! بالعكس هناك شروط تفوق شروط الجامعـــه وأي جامعه من هذولا تخلي بالشروط ( باند ) على طـــول لكن الي أبيه منكم .. تدخلون على موقع التعليم العالي وتروحون ل التواصل مع الوزير وتسجلون وترسلون وتسون مثلي معاملــــه وكتبت خطاب من والــى ( يعني إلى متى وحنا نسكت على الوضع المزري ) أنا خلصت المعهد وبتقدير ممتـاز + أجتياز الاختبار الشامل بنسبـه 91 % بتقدير ممتـأز يجيني شخص مثل حق المعادلات ف الجامعه يقول لك والله شهادتك أهليه !! يعني عطاك اياها بشبه غير مباشره مثل الي يقولك ( شهادتك مضروبه ) شلون مضروبه وهي متعرف فيها من التعليم العالي + والمؤسسة العامة + القطاع الخاص والقطاع الحكومي + الخدمه المدنيه والتربيه والتعليم والــخ يعني كل الناس قبلت الا أنتي يالجامعات ( اي شخص معه دبلوم أهلي وأجتاز اختبار الشامل يرفع شكوته ل وزير التعليم العالي علشان يشوف وش مشكلة الجامعه التخبطيه ) |
رد: تم رفع شكوى على جامعه الملك فيصل !
أنا بعد الأختبارات راح أطلع للتعليم العالي + المؤسسة العامه للتدريب المهنـــي
وبعدها نبي نشوف لوائح الجامعه وأخذ اقرر خطي كامل من الجامعه أنها ماتعترف ف الدبلوم الاهلي وبعض الي بالكليه التقنيه ما عادلات الدبلوم حقهم !! مثل ماقال الأخ الجامعه تستقصـــد لا ياحبيبي محنا ورعان ولا حنا جهله على شان تقول الجامعه والله مانعترف مانعادل .. بتعادل طرق عن خشمـــك سواء رضيتي ولا مارضيتي لان هذي أتفاقيــــه وأوراق موقعتها الجامعات على ورق كل الجامعات السعوديه |
رد: تم رفع شكوى على جامعه الملك فيصل !
اقتباس:
كم عدد الساعات الي درستيها في الدبلوم 3 السنوات ل أدارة الأعمال تدرين أنك المفروض متخرجه من زمان بس الجامعه هدفها ( ماااااااااااااااااادي ) تدرين لو تروحين برى بالخارج .. ( سنــه لغه ) + ( سنـــه جامعه ) وأمورك ف السمبتيكا وتجيك شهادتك أمريكيه !! مو بعض الناس يعقدها عسى الله يعقدها عليه دنيا وأخــــره يارب العالمين |
رد: تم رفع شكوى على جامعه الملك فيصل !
عورني والله قلبي عليكم.. الله حسيبكم بينصركم رب العالمين..
جامعه تؤكل الناس بشكل بشع للغايه بدل ماترفع من معنوياتنا تهبطهاا الله لايفتحها عليهم بالتوفيق لك اخوي ان شاءالله يردون عليك ونسمع اخبار حلوه.. |
رد: تم رفع شكوى على جامعه الملك فيصل !
أمين أم وســـن
لا شيء فعلاً يقهـــر ( الفريدان يقول الكليات والمعاهد الحكوميه هم الي نعادل لهم ) وبالاخير تطلع المعادله له 15 ساعــه وهي تتعدى فوق 70 ساعه ؟ لا تعبت ياشيخ !! فوق هذا أخونا الي كاتب بالكليه التقنيه ماعادلوا له !! أبين لك التخبط الأداري عندهم يعني الجامعه أقسم بالله العلي العظيـــم هدفها مادي ، يعني ياليتهم فيهم محبه ل أخوانهم السعوديين مثل الخليجين !! لا بس عندهم نظــام أعوذ بالله أعرفك أنفعــك ! يابوي لا تنفعني من تحت الطاوله أنفعني على حسب النظام الي قدامك يقولك !! والنظام معي بس المشكلة يتحايلون على شان الماده أوكيه الماده هي كل شيء بس ما أحطها قدام ناس عليهم مسؤوليات ويبون يخلصون بس مهما كان بنظل كلنا عيال قريه ويعرف خيه |
رد: تم رفع شكوى على جامعه الملك فيصل !
حسبك الله ونعم الوكيل انت روق وهدي اعصابك ومابيصير الا الخير
|
رد: تم رفع شكوى على جامعه الملك فيصل !
لاحول ولا قوة الا بالله العلي العظيــم
أستغفر الله من كل ذنب عظيــم لا اله الا أنت سبحانك أني كنت من الظالميـن |
رد: تم رفع شكوى على جامعه الملك فيصل !
والله انك كفو
انا عندي دبلوم من جامعة البترول وقدمت معادله وما انقبلت وفوق كذا مثل ماقلت ماتنزل القريدات لك تصير كريدت وماتستفيد !! الله يوفقك ان شاء الله |
بالنسبة هالشي مالها دخل الجامعات .. هذا نظام متعارف عليه .. وبالأمنية؟ " نتمنى تغييره بالتأكيد لصالح العام " .. ولا أظن أنها من شكوى واحدة سيرد الوزير أو حتى يسعى لتغيير نظام كامل وأخيراً .. ليس هذا توقيت أمـر بهذا الحجم ; لنسعى معك فيه ! والله من وراء القصد . |
رد: تم رفع شكوى على جامعه الملك فيصل !
اقتباس:
شف أخوي الكريم .. أنت يـ أنك تجهل النظام أو أنك شخص عبيط !! شلون مالها شغل الجامعات وهي تحت التعليم العالي السعودي !! وهناك أوراق ومعاهدات وتجي تقول مالها دخل الجامعه !! وأي نظام متعارف عليه تهــرج من فراغ ؟ أنا أتكلم عن شريحه كبيرة ف المنتدى عندهم دبلومات أهليه !! ولا تعادلت وفوق هذا قال الفريدان بنفسه الي معه من الكليات الحكوميه مثل الكليه التقنيه والجامعات الأخرى تتعادل له طيب هو متخرج بدبلوم فوق 70 ساعه تجي أنت تعادل من 70 بس 15 ساعه ؟ هذا ليس توقيت أمر بهذا الحجم لنسعى معك فيك < بالعكس أنا ماطلبتك أنك تسعى معي .. أنا طلبت الناس الي معهم دبلوم ولا تم المعادله ملاحظــه ( ترى سويت بحث كامل عن الموضوع من الألف وإلى الياء ) وهناك معادله بس الجامعه تخفي هذا من وراء الماده ) |
رد: تم رفع شكوى على جامعه الملك فيصل !
الف شكر
|
رد: تم رفع شكوى على جامعه الملك فيصل !
:d5: يا بطل نبي ناس طموحه زيك يااااا عساهم يكثرون
انا عندي دبلوم سنتين برمجه حاسب و اجتزت الاختبار الشامل :(269): وما تم معادلتها :(269): وجلست بدرج متضامنه معك :16.jpg: وبخصوص اللي قال من شكوى وحده وما احد بيسمع :sm4: لا ان شاء الله متفألين خير ,,, :biggrin: وان خليت خربت ,, كفو عليك :d5: |
رد: تم رفع شكوى على جامعه الملك فيصل !
اقتباس:
لن أطيل.. وأوضح المقصد بردي السابق .. لأن : ببساطة النقاش يتضح من شخصية ردود صاحبة وبما أن هذا ردك علي ، لأنك تظن أنني مخالف " لفكرة مقصدك " .. فَ بالله عليكم كيف أسلوبه وما كتب للجامعة أو للوزير ! عموماً .. نتمنى لك زيارة الجامعة " بإسلوب لبق ومحترم " ليتناقشوا معك وتّطلع على ما عندهم .. أما بخصوص مفردة " العباطة " فلن يزيدني شتمك كل ما يسعني قولة : ( هي صحيفتك ! ) . |
رد: تم رفع شكوى على جامعه الملك فيصل !
اقتباس:
يعني تخيلي أن التعليم العالي تحته فوق الالف من الجامعات الخارجيه تقبل الدبلوم الي تحت أشرف المؤسسة العامة للتدريب المهني !! يعني تخيلي أن التعليم العالي تحته الجامعات السعودية الحكوميه والأهليه لأ تقبل الدبلوم الي تحت أشرف المؤسسة العامة للتدريب المهني !! فيه تناقض من قبل الجامعـــه هو فيه معادلــه بس الجامعه ماتبي تعادل ولا تبي تسمح فهمتي !! لان تعتبر لهم خساره والـخ ، الفريدان قالها أي شخص يحمل دبلوم من الكليات الحكوميه وش يقصد فيها !! يعني الجامعات الحكوميه مثل ( جامعه الملك عبدالعزيز وخالد والامام سعود والكليات التقنيه ) يعادلون طيب أغلب الي هنا جايينك بدبلوم ماتعادلوا !! يعني كلامه متناقض الرجل هذا طيب دبلوم الأهلي تم أعتماده من التعليم العالي + المؤسسة العامه للتدريب المهني والتقني وتقبله جامعات خارجيـــه بعدد يفوق عدد ساعات الجامعات الداخليـه !! طيب في البعض مايقدر يطلع ويبي يعادل هنا والجامعه رافضه ف عشان كذا حسمت الإمر وقدمت الشكوى على مكتب الوزير نفسه من أيقونه للتواصل مع وزير التعليم العالي في موقعهم .. ورفعت أيميل ل قسم المؤسسة للتدريب المهني والتقني لاني سئلت شخص مشرف علي من المؤسسة قال الدبلوم يعترف ويعادل من قبل الجامعه وأن ماعادلوا تعال لنا بالعكس الجامعات فيها تخببط داخلي أداري |
رد: تم رفع شكوى على جامعه الملك فيصل !
اقتباس:
أرسلنا خطاب للوزير وهو لبق :) وللجامعه خطاب وللان ماتم الرد عليه : يعني التجاهل ف الموضوع ف كيف تبي شخص يحترم من لا يحترمك ويتجاهلك !! ماظنتي ياخوك أن الجامعه تبي تطلع من عندهم ( فرحان ) الا ينقمون عليك العباطــه فهي ليست شتم ، ف ياليت لا تاخذ الأمور ف حساسيـه |
رد: تم رفع شكوى على جامعه الملك فيصل !
اقتباس:
لا عليك فما خُط وآضح .. أما تلك المفردة فلتُنتسى .. والقاموس كفيّل بهآ وأعلم وأن أصابت فليس بقلبي عليك ضغينة ! نتمنى تحقيق مرادكم بالإذن . |
رد: تم رفع شكوى على جامعه الملك فيصل !
مرادي هو تحقيق هدف الأول والأخير ، معادله الدبلوم للجميع وليس أنا
|
رد: تم رفع شكوى على جامعه الملك فيصل !
good luck
انا معي دبلوم من الكلية التقنية وعادلو لي 6 ساعات فقط !!! وقال اكثر شي مسموح فيه للمعادلة هو 15 ساعة وكنت مخلص الرياضيات الاساسية1 و الرياضيات الاساسية2 في الكلية التقنية ولكن تم اجباري على اخذ مبادئ الرياضيات1 في اول سمستر في الجامعة حيث ليس لي الحق بحذفها فمواد الترم الاول تعتبر الزامية ويجب اخذها من قبل الجميع!!! و اما بخصوص مادة الرياضيات الاساسية 2 فلم تتم معادلتها لي من ضمن المواد التي تمت معادلتها وراجعت الجامعة ورحت للدكتور محمد عبده المسئول عن معادلة المواد وقال بانها تختلف في محتواها عن مبادئ الرياضيات 2 !!! في الختام ... الله يكون في العون ويتمم لك مرادك ... |
رد: تم رفع شكوى على جامعه الملك فيصل !
انا قدمت ورفضووه عطنا العلم بموضوع بشرى اذا تمت المعادلة للمعاهد الاهلية
|
رد: تم رفع شكوى على جامعه الملك فيصل !
انا عندي دبلوم شبكات واجتزت الامتحان الشامل والكل قالي عادلي بس سمعت وحده من زمان قالتلي ان مايعادلون لنا فماعادلت.
|
رد: تم رفع شكوى على جامعه الملك فيصل !
اقتباس:
ثانيــا الحد الأعلى حسب كلامهم للمعادله 18 ساعه وبعدها نقصوها لـ 15 ساعه وبعديــن أنت معك دبلوم ، لو تروح تعادله برى يعني ف أمريكا مثلا وعدد ساعاتك فوق 90 ساعه راح ياخذون الجامعه منك بس 70 ساعـه والباقي الله لايهينك تدرســــه يعني تاخذلك سنتين دراسه جامعه ولغـــه سنه كامله وفيها تمديد بعد كذلك ماقريت موضوع مدير المؤسسة للتدريب المهني والتقني !! فضح الجامعات السعوديـــه http://www.sauress.com/alhayat/353390 |
رد: تم رفع شكوى على جامعه الملك فيصل !
اقتباس:
مع العلم أن الجامعات السعوديه الحكوميه والاهليه ترجع لللتعليم العالي وتحت بنودها وشروطها كلها وأي جامعه تخلي بشروطها تعطى باند ( بس محد نبش بالاوراق ولا نبش بالمعادله ) ف عشان كذا خليني أخلص من الاختبارات وراح أنبشهم كلهم التعليم العالي + المؤسسة للتدريب المهني وأطلع اللوائح كلها والشروط وأوريك بالجامعه كيف تلف وتدور مع الطلاب وأن ماصار أي شيء سويت عدد كبير من الطلاب وقدمنا شكوى على موقع الديوان الملكي وهم راح ينصفونـــاا |
رد: تم رفع شكوى على جامعه الملك فيصل !
اقتباس:
ولا بالمؤسسة للتدريب ولا بالجامعه الا أقول معي شريحه كبيرة !! |
رد: تم رفع شكوى على جامعه الملك فيصل !
السلام عليكم ورحمة الله وبركاته اخي الكريم انا معك سجل اسمي كذا فزعه او طناخه او أي شيء اسمي معك نقطه حبيت استفسر منها انا معاي دبلوم علوم فنيه مدته 3 سنوات كامله طبعا عسكري كله باللغه الانجليزيه من موسسه عسكريه او معهد فني عسكري بمعنى اصح ارجو افادتيطبعا التخصص باللغه العربيه اسمه سطح خاص بالسفن ملاحظه سجل اسمي واذا حبيت التواصل في الخاص انا موجود وشكرا |
رد: تم رفع شكوى على جامعه الملك فيصل !
انا معي دبلوم ايضا من جامعة فيصل ولم يعادلوا لي ولا ماده :(
|
رد: تم رفع شكوى على جامعه الملك فيصل !
اقتباس:
كفو يالطناخــــه ، دبلوم علوم فنيه عسكري 3 سنوات أكيد فيها مواد مشابهه ل بعض مواد أدارة الأعمال مثل ( الرياضيات + أنجليزي + ثقافة أسلاميه + اللغة العربية + مهارات وسلوك الأتصال والـخ ) هذي تتعادل بس هم مايبوون لكن بنركض بالأمور هذي كلها وراح نبلغكم |
رد: تم رفع شكوى على جامعه الملك فيصل !
اقتباس:
قمــه التناقض من جامعه متخبطه يعني دبلوم من جامعه الملك فيصل ولا عادلوا لك !! أنا هنا مدري وش أقول اذا على كذا نبي نخاطب عميد التعلين عن بعد كطلاب انتساب أن حنا معنا دبلومات ونبي نعادل فقط وبندق الحديد وهو حامي لين ينفك |
رد: تم رفع شكوى على جامعه الملك فيصل !
الي معه دبلوم أهلي أو حكومي ولا تعادل ، نبي نجتمع بنفس الملتقى ونقدم شكوأنا نسخ لـ كل من
الديوان الملكي التعليم العالي المؤسسة العامة للتدريب المهني والتقني الجامعه الملك فيصل جريدة سبق جريدة اليوم جريدة الرياض وكم صحيفه رسميـه |
| All times are GMT +3. الوقت الآن حسب توقيت السعودية: 02:33 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام