ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 4 (https://vb.ckfu.org/f327)
-   -   [ النظام الأفتراضي ] : نصيحـه ( جايكم من المستوى الخامس ) مهم جداً للجميع (https://vb.ckfu.org/t753899.html)

فهد السويلمي 2016- 5- 11 04:18 AM

نصيحـه ( جايكم من المستوى الخامس ) مهم جداً للجميع
 
السلام عليكم ورحمة الله وبركاتـه

أخباركم يامستوى 4 وكيف الاختبارات معكم ان شاء الله تكون كويسه ( لأني اعرف مستواكم الرابع ازفت مواد مرت علي )

المهم انا جايكم من المستوى الخامس وبأذن الله رايح لـ المستوى السادس وشايل بيدي البشت والسيف ( من الابداع الي سويته ب اختبارات المستوى الخامس )

أخواني بطول عليكم شوي بس صدقوني كلكم بتستفيدون حتى الي معدله نازل بيتحمس اكثر واكثر

انا الترم الماضي لما كنت بالمستوى الرابع كانت الاختبار ( نص ونص ) يعني مجموع درجاتي كانت جيدجداً ومواد كانت مثل الزفت بالنسبه لي لأنها كانت الاصعب بالنسبه لي مقارنه بالاترام الماضيه الاول والثاني والثالث

والحمدلله عدينا من مستوى رابع على خير ورحت مستوى الخامس واخذت نصايح من الدفعه الي سبقتني وهذي النصايح ( كانت بفضل الله ثم بفضل الدفعه الي قبلي هي سبب تفوقي بـ مستوى الخامس )

بالبدايه قبل اسجل مواد مستوى خامس ولما اخذت النصايح من الدفعه الي قبلي "قررت بيني وبين نفسي أن المستوى الجاي (الخامس) أني ارفع معدلي لـ 4 وعليها وكنت مصمم على هالشي وجمعت نصايح وقريت تجارب الدفعه الي قبلي وقلبت بمواضيعهم لين شبعت

وجاء عاد تسجيل مواد المستوى الخامس عباره عن 6 مواد ( انا كنت ماشي عالخطه وقررت اني ما امشي عالخطه بحيث اني اضبط جدول الاختبار واخلي بين كل اختبار واختبار اقل شي يومين ) عشان يكون عندي وقت وعشان اضمن اجيب درجه عاليه بكل المواد وعشان كذا حذفت ماده وحده مانزلتها والي هي *الاعمال الدوليه* والسبب لان الدفعه الي قبلي قالو انها هي الاصعب وبنفس الوقت عشان جدولي مايكون زحمه اختبارات

وعلى فكره انا من الناس الي طول الترم ما افتح الموقع لدرجة اني انسى اسماء المواد الي علي وقبل يتقفل المشاركات ب اسبوع اخلصهم وحتى ما اتابعهم ولا عمري تابعتهم وبديت مذاكره قبل الاختبارات ب فتره قصيره 3 ايام لكن شديت على نفسي.

وكنت مصمم وحاط ببالي أني اجيب معدل عالي بالترم الخامس مهما كانت صعوبة الاسئلة او المواد لأني بصراحه زعلت من نتيجتي من الترم الرابع وكانت عندي مادة جبت فيها D وقلت خلاص المستوى الخامس بدخله غير وبغير طريقتي بالمذاكره واشد حيلي وتكون هذي بدايتي من جديد.

بديت اختباراتنا وأول ماده كانت متوسطه ومع مذاكرتي 3 ايام لها مع هدوء وتركيز طلعت من الاختبار وانا ضامن a

جت الماده الثانيه وكانت سهله بصراحه ( ماده دينيه وتتكلم عن سيرة الرسول وكانت ممتعه ممتعه لدرجه وانت تدرسها تقول يارب الملخص يكون طويل عشان ما اخلص وفعلاً تمنيت الملخص يكون طويل من جمالها واختبرتها وطلعت وانا ضامن +a

وجت الماده الثالثه والرابعه والخامس وكلهم طلعت من الاختبار وانا ضامن a وياربي لك الحمد خلصت الحين المستوى الخامس وانا كل المواد a بأذن الله بعد ماكنت اطلع واقول يمكن اجيب c ويمكنb تغيرت مع المستوى الخامس

ادري والله طولت عليكم

لكن الي بوصله لكم يـ أخواني لكل واحد كان معدله نازل او متوسط هذي فرصتكم بالمستوى الخامس والله مواده حلوه لكن تبي هدوء وتركيز

ومواد مستوى الخامس تعتمد على ( الحفظ الحفظ الحفظ ) في كم ماده بصراحـه مو صعبات لكن فيهم كميات معلومات كبيره حييييل لدرجه ان الواحد ينغث بالمذاكره وتتلخبط عليهم المذاكره لكن شدو حيلكم فرصه لكم

ولا تسمعون للي يقولون مستوى صعب او ان المواد صعبه ( هذولا مايذاكرون ويجي ليلة الاختبار يدور ملخص صفحتين واذا طلع من الاختبار قام يدعي على استاذ الماده ويلعن )

حتى بـ الانطباعات لما كنت اطلع من الاختبار احصل دفعتي كاتبين صعب صعب ( وانا بالنسبه لي اسهل من السهل حتى كنت اقول بنفسي هذولا شكلهم مختبرين اختبار غير اختباري )


وشكراً لكم ادري والله طولت عليكم لكن شفت في كم واحد منكم منزل موضوع بقسمنا ويستفسر وحبيت اوصل لكم هالكلام الي ادري انه طويل والله هههههههه

ملاحظه ( مواد مستوى 5 كلها اخذتها ب استثناء مادة *الاعمال الدولية* لان الدفعه الي قبلي قالوا فيها شوي غموض وقلت ب اجلها لبعدين )

فمان الكريم وبالتوفيق لكم ، والله يسهل عليكم ويكتب لكم التوفيق بكل خطوه تخطونها

ام سلماااان 2016- 5- 11 04:44 AM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير عالنصيحه وإن شاءالله الكل يستفيد
موفق يارب

ســــــاره 2016- 5- 11 05:09 AM

رد: نصيحـه ( جايكم من المستوى الخامس ) مهم جداً للجميع
 
الله يعطيك العافيه بالفعل هالمستوى اصعب مستوى مر عليا

ريامي22 2016- 5- 11 05:18 AM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير ويوفقك ...

abshameri 2016- 5- 11 06:00 AM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير اخوي ويوفقك

انا معدلي 3،1 فرطت كثير باول 3 مستويات
اول مستوى ابدعت جبت 4،1 وثاني وثالث مستوى تزفيت
والرابع شديت حالي مررررره واتوقع المعدل فوق 4 ..

هدفي ارفعه من 3،1 الى 3،5 ،،او 3،4 وكل ترم ارفع درجه او درجتين لين اتخرج بمعدل 4 يارب

عطنا انطباعاتك عن مواد المستوى الخامس ماده ماده

انا دراستي الثانويه وبعد دراستي بجامعه الملك سعود علميه واحب المسائل اكثر من النظري .. ابدع فيها اكثر العملي مذاكرتها اسهل بالنسبه لي

ما ادري اذا نظري مواد الخامس مشكله

jojeta 2016- 5- 11 06:39 AM

رد: نصيحـه ( جايكم من المستوى الخامس ) مهم جداً للجميع
 
ياشيخ الله يوووووووووووووووفقك من جد هذا الصح

انا استغربت من البعض يسجل مواده وهو مو شايف جدول الاختبارات

وايضا استغرب من الي ع قولتك يجون ليله الاختبار يدرسون واذا ماعجبهم الاختبار يسبون ويلعنون ويعترضون

المفروض يعمل خطه والي يقولون ماعندنا وقت وعندنا عيال ونشتغل انا اقولكم ان الترم 4 شهور سو لكم خطه عشان تريحون راسكم

ولاتقولون باقي ع الاختبار كثير ولاحقين ماتدرون وش الظروف الي بتجيكم ذاكرو اول باول حلو مثلا 3 محاضرات بالاسبوع من بدايه الترم مايجي نهايه الترم الا كل شي زي المراجعه

وبالنسبه للي يعانون مثلي بالمواد النظريه لما احفظ يجيني تشتت بالمعلومات
ومانفع معي الا الطريقه الشكليه بالالوان يعني حتى لو كنت ناسيه الاجابه اتذكر لونها وشكلها هههه وتطلع صح

فاللي عندهم مشكله بالهشي يسون الطريقه هذه الخرائط الذهنيه للمواد النظريه

والنتايج يوم 8/17
بتطبيق الجامعه ...
الله يووووووفق الجميع انتو بس تفائلو ربي مايضيع تعب احد

فهد السويلمي 2016- 5- 11 07:53 AM

رد: نصيحـه ( جايكم من المستوى الخامس ) مهم جداً للجميع
 
اقتباس:

المشاركة الأصلية كتبت بواسطة abshameri (المشاركة 1057202769)
الله يجزاك خير اخوي ويوفقك

انا معدلي 3،1 فرطت كثير باول 3 مستويات
اول مستوى ابدعت جبت 4،1 وثاني وثالث مستوى تزفيت
والرابع شديت حالي مررررره واتوقع المعدل فوق 4 ..

هدفي ارفعه من 3،1 الى 3،5 ،،او 3،4 وكل ترم ارفع درجه او درجتين لين اتخرج بمعدل 4 يارب

عطنا انطباعاتك عن مواد المستوى الخامس ماده ماده

انا دراستي الثانويه وبعد دراستي بجامعه الملك سعود علميه واحب المسائل اكثر من النظري .. ابدع فيها اكثر العملي مذاكرتها اسهل بالنسبه لي

ما ادري اذا نظري مواد الخامس مشكله


انطباعي ياطويل العمر أولاً

مادة ( الفقه الميسره ) الماده هذي لا تطوفونها ولا تأجلونه الي يقدر ياخذها ضروري ياخذها والي يجيب فيها 99 من 100 ماعنـده سالفه حتى لو مذاكرته نص مذاكره

مادة ( السلوك التنظيمي ) ماده فيها كمية معلومات كثيره وواجد ناس من دفعتي يسبون اختبارها لكن بالنسبه لي مثل العسل وسهله ومذاكرتي لها 3 ايام وجبت الدرجه كامله

مادة ( ادارة العمليات ) برضو ماده فيها كمية معلومات متشابهه وكثيره ودراستي لها يومين بس ضغط نفسي حيل وحاشر نفسي مع تركيز وهدوء وبأذن الله درجه كامله

مادة ( ادارة العمليات الالكترونيه ) هالماده غثيثه حيل ومعلومات كثيره ومتشابهه حيل حيل وبصراحه رفعت ضغطي هالماده لكن ضغطت حالي فيها 3 ايام والحمدلله a

مادة ( النقود والبنوك ) هالماده بعد فيها معلومات كثيره وتتكلم عن الفلوس والبنوك وبصراحـه انا استمتعت فيها لان عرفت معلومات كثيره فيها ماكنت اعرفها

مادة ( الاعمال الدوليه ) هالماده ما اخذتها وكنت خايف منها ، وحسب ماسمعت وشفت أنها هي الاصعب وفي ناس تقول حلوه لكن مادري عنها والله

فهد السويلمي 2016- 5- 11 07:55 AM

رد: نصيحـه ( جايكم من المستوى الخامس ) مهم جداً للجميع
 
اقتباس:

المشاركة الأصلية كتبت بواسطة jojeta (المشاركة 1057202831)
ياشيخ الله يوووووووووووووووفقك من جد هذا الصح

انا استغربت من البعض يسجل مواده وهو مو شايف جدول الاختبارات

وايضا استغرب من الي ع قولتك يجون ليله الاختبار يدرسون واذا ماعجبهم الاختبار يسبون ويلعنون ويعترضون

المفروض يعمل خطه والي يقولون ماعندنا وقت وعندنا عيال ونشتغل انا اقولكم ان الترم 4 شهور سو لكم خطه عشان تريحون راسكم

ولاتقولون باقي ع الاختبار كثير ولاحقين ماتدرون وش الظروف الي بتجيكم ذاكرو اول باول حلو مثلا 3 محاضرات بالاسبوع من بدايه الترم مايجي نهايه الترم الا كل شي زي المراجعه

وبالنسبه للي يعانون مثلي بالمواد النظريه لما احفظ يجيني تشتت بالمعلومات
ومانفع معي الا الطريقه الشكليه بالالوان يعني حتى لو كنت ناسيه الاجابه اتذكر لونها وشكلها هههه وتطلع صح

فاللي عندهم مشكله بالهشي يسون الطريقه هذه الخرائط الذهنيه للمواد النظريه

والنتايج يوم 8/17
بتطبيق الجامعه ...
الله يووووووفق الجميع انتو بس تفائلو ربي مايضيع تعب احد

عنـدي لكم ملخصات يحبها قلبك ، وبحملها وبحطها ب ملف لكم الترم الجاي وبأذن الله بتتركون سالفة التلوين والخطوط مع هالملخص

لأنه مفصل الاشياء لحال ومقسم على كيف كيفكم ، ووقت الاختبار ماغير تتذكرين وتحلين لأنه مجزأ

حلم شاعر 1 2016- 5- 11 09:07 AM

رد: نصيحـه ( جايكم من المستوى الخامس ) مهم جداً للجميع
 
أخي فهد أشكرك على نصحك و وفقك الله .

نسيم المحبه 2016- 5- 11 09:45 AM

رد: نصيحـه ( جايكم من المستوى الخامس ) مهم جداً للجميع
 
الله يعطيك الف الف عافية

معلومات ممتازة وقيمة والف شكر لك

أبو فهد المالكي 2016- 5- 11 10:13 AM

رد: نصيحـه ( جايكم من المستوى الخامس ) مهم جداً للجميع
 
الله يعطيك العافيه أخوي فهد وما قصرت على هالمعلومات وألف شكر لك .

نوفييي 2016- 5- 11 01:01 PM

رد: نصيحـه ( جايكم من المستوى الخامس ) مهم جداً للجميع
 
يعطيك العافيه صحيح الفقه انا اخذتها بالثالث يعني عندي 5 مواد فقط وماراح ازيد ع الخطه الاساسيه لاني تعبت هالترم سبع مواد واحس فيهم صعوبه مره خصوصاً كثرة المعلومات في الموارد وكثرة القوانين في الماليه والتحليل الاحصائي الله يستر ويعديهم كان معدلي 4.وعليها بس بينحسف هالترم متاكده ضغوطات مذاكره غير طبيعيه

فنونة 2016- 5- 11 01:08 PM

رد: نصيحـه ( جايكم من المستوى الخامس ) مهم جداً للجميع
 
جزاك الله خيرا على النصايح
والله يعيننا انا مرة مااحب احفظ :(
بالتوفيق للجميييع

مستعينة بربي 2016- 5- 11 01:14 PM

رد: نصيحـه ( جايكم من المستوى الخامس ) مهم جداً للجميع
 
جزاك الله خيرا

jojeta 2016- 5- 11 03:21 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك خيرررر

زرينة12 2016- 5- 11 04:02 PM

رد: نصيحـه ( جايكم من المستوى الخامس ) مهم جداً للجميع
 
الله يعطيكم العافية ويجزاكم خير عز الله ما قصرتو معنا
الله يحقق مبتغاكم ويكتب لكم الي فيه الخير:d5:.

يعني نستعد المستوى خامس جلد في جلد :41jg:
بإذن الله تتسهل وشكرا مرة اخرى :34:

um lamees 2016- 5- 11 05:32 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك الجنه ..

salh2000 2016- 5- 11 07:22 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير ويوفقك وعقبال التخرج

قوستاقو 2016- 5- 11 07:34 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير ويحقق مبتغاك

وفعلا انا اخذت الفقه بمستوى ثالث وكانت ممتعه ماكنت احفظ اصلن

اخذتها مثل قصصه قريتها قرايه وكنت مستمتع فيها

واداره العمليات اخذتها ب م / رابع وكانت جيده الاسئله بس تحتاج تركيز

شكرا ع المعلومات وربي يوفقك

omryan 2016- 5- 11 07:43 PM

رد: نصيحـه ( جايكم من المستوى الخامس ) مهم جداً للجميع
 
يالله يعطيك العافية
هذه النصائح القيمة وفالك +a
وفعلا مستوى رابع صععععب والله يجيب النتايج ع خير ونعديها يااارب

خطوة بخطوة 2016- 5- 11 08:14 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير على النصيحه الطيبه

ضي النصر 2016- 5- 11 08:32 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير

jetaime 2016- 5- 11 08:49 PM

رد: نصيحـه ( جايكم من المستوى الخامس ) مهم جداً للجميع
 
يعطيك العافيه

نغم حياتي 2016- 5- 11 09:23 PM

رد: نصيحـه ( جايكم من المستوى الخامس ) مهم جداً للجميع
 
يعطيكم الف عافيه ماقصدتوو ع المعلومات المفيدة اللي بالمستوي الخامس
الله يستر من مستوى الرابع ان شاءالله نعديه ع خير <<<

sose11 2016- 5- 11 09:48 PM

رد: نصيحـه ( جايكم من المستوى الخامس ) مهم جداً للجميع
 
يعطيك العافيه نصايحك جت بوقتها الله يجزاك كل خير

حلمي الجامعة 2016- 5- 11 09:59 PM

رد: نصيحـه ( جايكم من المستوى الخامس ) مهم جداً للجميع
 
اولاً: نشكرك ع النصح حيث انها ابلغ واشمل من النصحية ف اللغة
ثانياً: نعم قابلت واحد من مستوى الثامن قالي بالحرف اصعب ترم هو الرابع
غيرها حط رجال اسهل من السهل وفيه متعه وهذا دليل صدقك
ثالثاً: اتمنا لي ولك وللجميع هنا التوفيق والنجاح ونيل الشهادات العليا
وفقك الله وشرح الله صدرك ويسر امرك

Mshaell 2016- 5- 12 01:31 AM

رد: نصيحـه ( جايكم من المستوى الخامس ) مهم جداً للجميع
 
جزاك الله خير على النصيحه :106:

Ali-Ahmed 2016- 5- 12 03:42 AM

رد: نصيحـه ( جايكم من المستوى الخامس ) مهم جداً للجميع
 
أفضل مقرر خذيته من المستوى الأول إلى المستوى السادس

هو

" مُقرر فقة السيرة "

يتكلم عن الرسول صلى الله عليه وسلم وكيف عانى في نقل الرسالة

ولماذا اختار الحبشة ليذهبوا اصحابه اليها ولم يختار أي بلد آخر

لآن ملك الحبشة في ذلك الوقت كان ملك عادل ولا يُظلم عنده احد

وكيف كفار قريش ذهبوا بالهدايا إلى ملك الحبشة "رشوة"

مقابل تسليم اصحاب الرسول صلى الله عليه وسلم

مُقرر مُمتع بشكل غير طبيعي

واللي مايجيب بهذا المُقرر a+ ضيع فرصة كبيرة

بالتوفيق للجميع :)
.
.
.

فهد السويلمي 2016- 5- 12 05:52 PM

رد: نصيحـه ( جايكم من المستوى الخامس ) مهم جداً للجميع
 
الله يعافيكم ي أخوان وأي سؤال عن المستوى الخامس انا موجود

abo_nawaf 2016- 5- 13 12:38 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك خير فعلا مواد مستوى خامس اجممل من الرابع بكثثثثير

اللي ماخذ اساليب كميه ياخذها الترم الجاي مع ادارة العمليات لانها متشابهه هذي نصيحتي انا

زرينة12 2016- 5- 13 02:41 PM

رد: نصيحـه ( جايكم من المستوى الخامس ) مهم جداً للجميع
 
بالعكس مستوى الرابع حسيته كان سهل
بس التسويق العله الله لا يوريني وجهها
و الله يستر من مستوى خامس كل موادها حفظ بحفظ
الله كريم

يوسف العضيله1 2016- 5- 14 07:53 AM

رد: نصيحـه ( جايكم من المستوى الخامس ) مهم جداً للجميع
 
اقتباس:

المشاركة الأصلية كتبت بواسطة فهد السويلمي (المشاركة 1057202483)
السلام عليكم ورحمة الله وبركاتـه

أخباركم يامستوى 4 وكيف الاختبارات معكم ان شاء الله تكون كويسه ( لأني اعرف مستواكم الرابع ازفت مواد مرت علي )

المهم انا جايكم من المستوى الخامس وبأذن الله رايح لـ المستوى السادس وشايل بيدي البشت والسيف ( من الابداع الي سويته ب اختبارات المستوى الخامس )

أخواني بطول عليكم شوي بس صدقوني كلكم بتستفيدون حتى الي معدله نازل بيتحمس اكثر واكثر

انا الترم الماضي لما كنت بالمستوى الرابع كانت الاختبار ( نص ونص ) يعني مجموع درجاتي كانت جيدجداً ومواد كانت مثل الزفت بالنسبه لي لأنها كانت الاصعب بالنسبه لي مقارنه بالاترام الماضيه الاول والثاني والثالث

والحمدلله عدينا من مستوى رابع على خير ورحت مستوى الخامس واخذت نصايح من الدفعه الي سبقتني وهذي النصايح ( كانت بفضل الله ثم بفضل الدفعه الي قبلي هي سبب تفوقي بـ مستوى الخامس )

بالبدايه قبل اسجل مواد مستوى خامس ولما اخذت النصايح من الدفعه الي قبلي "قررت بيني وبين نفسي أن المستوى الجاي (الخامس) أني ارفع معدلي لـ 4 وعليها وكنت مصمم على هالشي وجمعت نصايح وقريت تجارب الدفعه الي قبلي وقلبت بمواضيعهم لين شبعت

وجاء عاد تسجيل مواد المستوى الخامس عباره عن 6 مواد ( انا كنت ماشي عالخطه وقررت اني ما امشي عالخطه بحيث اني اضبط جدول الاختبار واخلي بين كل اختبار واختبار اقل شي يومين ) عشان يكون عندي وقت وعشان اضمن اجيب درجه عاليه بكل المواد وعشان كذا حذفت ماده وحده مانزلتها والي هي *الاعمال الدوليه* والسبب لان الدفعه الي قبلي قالو انها هي الاصعب وبنفس الوقت عشان جدولي مايكون زحمه اختبارات

وعلى فكره انا من الناس الي طول الترم ما افتح الموقع لدرجة اني انسى اسماء المواد الي علي وقبل يتقفل المشاركات ب اسبوع اخلصهم وحتى ما اتابعهم ولا عمري تابعتهم وبديت مذاكره قبل الاختبارات ب فتره قصيره 3 ايام لكن شديت على نفسي.

وكنت مصمم وحاط ببالي أني اجيب معدل عالي بالترم الخامس مهما كانت صعوبة الاسئلة او المواد لأني بصراحه زعلت من نتيجتي من الترم الرابع وكانت عندي مادة جبت فيها d وقلت خلاص المستوى الخامس بدخله غير وبغير طريقتي بالمذاكره واشد حيلي وتكون هذي بدايتي من جديد.

بديت اختباراتنا وأول ماده كانت متوسطه ومع مذاكرتي 3 ايام لها مع هدوء وتركيز طلعت من الاختبار وانا ضامن a

جت الماده الثانيه وكانت سهله بصراحه ( ماده دينيه وتتكلم عن سيرة الرسول وكانت ممتعه ممتعه لدرجه وانت تدرسها تقول يارب الملخص يكون طويل عشان ما اخلص وفعلاً تمنيت الملخص يكون طويل من جمالها واختبرتها وطلعت وانا ضامن +a

وجت الماده الثالثه والرابعه والخامس وكلهم طلعت من الاختبار وانا ضامن a وياربي لك الحمد خلصت الحين المستوى الخامس وانا كل المواد a بأذن الله بعد ماكنت اطلع واقول يمكن اجيب c ويمكنb تغيرت مع المستوى الخامس

ادري والله طولت عليكم

لكن الي بوصله لكم يـ أخواني لكل واحد كان معدله نازل او متوسط هذي فرصتكم بالمستوى الخامس والله مواده حلوه لكن تبي هدوء وتركيز

ومواد مستوى الخامس تعتمد على ( الحفظ الحفظ الحفظ ) في كم ماده بصراحـه مو صعبات لكن فيهم كميات معلومات كبيره حييييل لدرجه ان الواحد ينغث بالمذاكره وتتلخبط عليهم المذاكره لكن شدو حيلكم فرصه لكم

ولا تسمعون للي يقولون مستوى صعب او ان المواد صعبه ( هذولا مايذاكرون ويجي ليلة الاختبار يدور ملخص صفحتين واذا طلع من الاختبار قام يدعي على استاذ الماده ويلعن )

حتى بـ الانطباعات لما كنت اطلع من الاختبار احصل دفعتي كاتبين صعب صعب ( وانا بالنسبه لي اسهل من السهل حتى كنت اقول بنفسي هذولا شكلهم مختبرين اختبار غير اختباري )


وشكراً لكم ادري والله طولت عليكم لكن شفت في كم واحد منكم منزل موضوع بقسمنا ويستفسر وحبيت اوصل لكم هالكلام الي ادري انه طويل والله هههههههه

ملاحظه ( مواد مستوى 5 كلها اخذتها ب استثناء مادة *الاعمال الدولية* لان الدفعه الي قبلي قالوا فيها شوي غموض وقلت ب اجلها لبعدين )

فمان الكريم وبالتوفيق لكم ، والله يسهل عليكم ويكتب لكم التوفيق بكل خطوه تخطونها




بيض الله وجهك على المعلومات وماقصرت والله يوفقك يارب ونستفيد منك بالاترام الجايه والله ونخوك هالمستوى ازفت مستوى مر علي مع ان معدلي كويس بس هالمستوى طرح كل الطموح اللي عندي لكن بعد كلامك راح ابداء من جديد ان شاء الله والمستوى الجاي ان شاء الله ببداء من اول الترم

شكرا والله يعطيك العافيه ويوفقك يارب

متفائلة بالله 2016- 5- 14 04:24 PM

رد: نصيحـه ( جايكم من المستوى الخامس ) مهم جداً للجميع
 
الله يجزاك عنا كل خير على الافاده

حآآلمة 2016- 5- 14 06:06 PM

رد: نصيحـه ( جايكم من المستوى الخامس ) مهم جداً للجميع
 
شكراا على الإفادة بارك الله فيك

haymah11 2016- 5- 15 12:28 AM

رد: نصيحـه ( جايكم من المستوى الخامس ) مهم جداً للجميع
 
الله يعطيك العافيه ويوفقك يارب

هذا الكلام اللي يرفع المعنويات ويشجع مو كلام بعض الاعضاء المحبطين الله يهديهم

بالنسبه لي اخذت مادة فقه السيره وكانت من اروع واجمل المواد سهله وجميله وعلى قولتك اللي مايجيب فيها a+ ماعنده سالفه


اللهه يوفقنا وياك ياخوي
والف شكر


فهد السويلمي 2016- 5- 17 09:53 AM

رد: نصيحـه ( جايكم من المستوى الخامس ) مهم جداً للجميع
 
شكراً لكم وبالتوفيق

وردة جورية 2016- 5- 17 12:18 PM

رد: نصيحـه ( جايكم من المستوى الخامس ) مهم جداً للجميع
 
طيب اخوي نبي نشوف الملخصات الي قلت لنا عليها في بدايه الموضوع

المنصور بالله 2016- 5- 18 01:11 PM

رد: نصيحـه ( جايكم من المستوى الخامس ) مهم جداً للجميع
 
الله يخارجنا من مستوى ارابع

iSara__91 2016- 5- 18 04:58 PM

رد: نصيحـه ( جايكم من المستوى الخامس ) مهم جداً للجميع
 
طيب انا اخذت الفقه من الترم الثالث والحمدلله جبت فيها a+
ايش احط بدالها .. و بدال الاعمال الدولية لان خفت منها شكلي بأجلها؟؟

حسين صالح علي ا 2016- 5- 21 08:46 PM

رد: نصيحـه ( جايكم من المستوى الخامس ) مهم جداً للجميع
 
الله يعطيك العافيهه عاد السمستر اللي راح مش ولابد لازم ارفعه الترم ذا

وبالتوفيق للجميع ي رب

فهد السويلمي 2016- 5- 22 11:12 PM

رد: نصيحـه ( جايكم من المستوى الخامس ) مهم جداً للجميع
 
بالتوفيق لكم جميعاً وابشركم نتايجي اليوم نزلت للمستوى الخامس زي اللوز

الحمدلله جبت 4,73 المعدل الفصلي وابشركم الي يشد حيله الترم الجاي بيجيب اعلى من هالمعدل

ب اختصار الترم الجاي الي ينزل معدله الفصلي عن ٤،٥ اعتبره مُقصر وبعيد عن المذاكره

وشكراً لكم

majood99 2016- 12- 6 05:05 PM

رد: نصيحـه ( جايكم من المستوى الخامس ) مهم جداً للجميع
 
السلام عليكم ..
""عنـدي لكم ملخصات يحبها قلبك ، وبحملها وبحطها ب ملف لكم الترم الجاي وبأذن الله بتتركون سالفة التلوين والخطوط مع هالملخص

لأنه مفصل الاشياء لحال ومقسم على كيف كيفكم ، ووقت الاختبار ماغير تتذكرين"" (الله يعافيك نبي هالملخصات اللي تقول عليها ) وشكرا..


All times are GMT +3. الوقت الآن حسب توقيت السعودية: 12:36 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه