[ النظام الأفتراضي ] : تم تفعيل النظام الافتراضي

[شذا الروح]

المشاركة الأصلية كتبت بواسطة مــيــم

السلام عليكم ورحمة الله وبركاته

جايتكم من مستوى 2 عندي مشكله و ياريت تحلونها لي ..

لما ادخل ع المحاضرات (مشاهدة المحاضره المسجله ) يطلع لي صفحه مكتوب فيها *اتصالك ليس خاصا وغير آمن * عندكم ولا بس عندي هالمشكله؟؟

نفس المشكله سارت معي ونفس حل الاخوان طبقته وضبطت

[شذا الروح]

المشاركة الأصلية كتبت بواسطة des_fahod

فعلا المحاضرات نزلت التمهيدية و الاولى
لكن اتذكر من السمستر الاولى والشباب ينصحون انو لا تنزلها الحين
انتظر شوي اسبوعين على اساس اذا نزلتها الحين ممكن ماتنحسب لك درجتها
وترجع تنزلها بعدين عشان تنحسب.. لان يقولون بالعادة يصير مشاكل في السستم والانظمة في بداية الدراسة
عموما انا نزلتهم كلهم عشان اطلع عليهم واشوف وش تتكلم عنه المواد
وبعد ماتنزل الخارطة الاكاديمية بقبل الاختبارات برجع اشيك عليهم اذا ما انحسبت لي ارجع انزلها من جديد

الله يوفق الجميع

مو مشكله بالنسبه للدرجات نرجع نعيد التحميل بعد فتره ولابد بنراجع الخارطه لزياده التأكيد لكن نفتح المحاضرات الحين لغرض المذاكره عشان لا تتراكم المحاضرات اخر الترم ونتوهق ......... بالتوفيق

[صالح أبو عايض]

المشاركة الأصلية كتبت بواسطة des_fahod

الملخصات والملازم اللي تنزل هنا في المنتدى هي نفس المحتوى اللي ينزل مع كل محاضرة
لكن الفرق ان المحتوى اللي ينزل مع كل محاضرة يكون تنسيقة كبير جدا والخط كبير وياخذ كمية ورق كبيرة وماهو مرتب.. لانه صالح فقط للعرض على الشاشة مو لطباعة.. ولا مُرفق فييه شرح الدكتور وبالاضافة انه ينزل متاخر وعلى دفعات..
لكن الملخصات اللي يسوونها الاخوان هنا.. تكون مُرتبه ومنسقة تنسيق جميل بحيث تكون صالحة لطباعة + انها تكون شاملة لشرح الدكتور او اهم ماقال الدكتور بالمحاضر + ان الملخص ينزل دفعة وحدة.. وبكذا تقدر تطبعه من بدري وتطلع عليه بشكل سريع ومتى ماتحب وما تنتظر الجامعة..
انا عن نفسي افضل اطبع الملخص كامل ومن بدري وانتظر فقط المحاضرات تنزل عشان اتابع المحاضرة والملخص قدامي
واذا حبيت اسجل شي على الملخص من كلام الدكتور او اخطط على الاشياء المهمه فقط..

انا معك ياخوي في كل ماقلته لكن لاحظت فيه اختلاف في بعض المواد وبعض الدروس وايضا طريقته جميله الاهم ان الشخص يتابع المحاضرات والمحتوى او الملخص قدامه
انا عني اسوي طريقتين اما اطبع كذا شريحه في نفس الصفحه وبكذا يصغر الخط والتنسيق ويقل الورق او اني انسخ الشرايح واحطها في الوورد وانسقها بنفسي سوا بالحجم او اللون الي ابغاه


وانا كلامي قصدت فيه كل شخص يجي قبل الاختبار ويبحث عن الملخصات والملازم وبكذا بيعاني ومابيكون يمديه يتابع المحاضرات ولا بيعرف الفرق في المنهج لان بعض الدروس يختلف فيها المنهج او انه يعتمد فقط على الملازم والملخصات الموجوده هنا

[صالح أبو عايض]

المشاركة الأصلية كتبت بواسطة شذا الروح

مو مشكله بالنسبه للدرجات نرجع نعيد التحميل بعد فتره ولابد بنراجع الخارطه لزياده التأكيد لكن نفتح المحاضرات الحين لغرض المذاكره عشان لا تتراكم المحاضرات اخر الترم ونتوهق ......... بالتوفيق

كلام جميل

[ابن عياد]

ياجماعه ما اشتغل معي النظام

[des_FaHoD]

المشاركة الأصلية كتبت بواسطة صالح أبو عايض

انا معك ياخوي في كل ماقلته لكن لاحظت فيه اختلاف في بعض المواد وبعض الدروس وايضا طريقته جميله الاهم ان الشخص يتابع المحاضرات والمحتوى او الملخص قدامه
انا عني اسوي طريقتين اما اطبع كذا شريحه في نفس الصفحه وبكذا يصغر الخط والتنسيق ويقل الورق او اني انسخ الشرايح واحطها في الوورد وانسقها بنفسي سوا بالحجم او اللون الي ابغاه


وانا كلامي قصدت فيه كل شخص يجي قبل الاختبار ويبحث عن الملخصات والملازم وبكذا بيعاني ومابيكون يمديه يتابع المحاضرات ولا بيعرف الفرق في المنهج لان بعض الدروس يختلف فيها المنهج او انه يعتمد فقط على الملازم والملخصات الموجوده هنا

اتذكر اني حاولت انسق محتوى الاقتصاد الجزئي بنفسي
بصراحة ياخذ وقت طوييييل
خصوصا اذا بغيت يكون التنسيق متناسق مع بعض
وفيه مادة ثانيه ناسي اسمها سويت نفس فكرتك اني اطبع شريحتين مع بعض في صفحة وحدة.. فكرة كويسه بس طبعا يكون ناقصها شرح الدكتور اللي متوفر في الملخصات
لكن بنسبة للملخص الله يجزاهم خير منسق وجاهز مع شرح الدكتور
بس برينت وريح نفسك

بنسبة للاختلاف عن نفسي الى الحين ما واجهت اي اختلافات بصراحة بين الملخصات اللي نزلتها واعتمدتها وبين المحتوى.. مجرد اختلافات بسيييطه جدا ما تاثر

اما بنسبة للشخص اللي يجي قبل الاختبارات باسبوع ويدور ملخصات.. فِهذا تعب نفسه ع الفاضي وضيع فلوسه ع الفاضي وهم اكثر ناس يجون بعد كل اختبار يسب ويلعن ويبي يرفع تظلم