|
لكل مجتهد نصيب وكل عام وانتم بخير
احنا اليوم لنا في اخر يوم من الاختبارات
وكان عندنا فرصه لفهم المادة بمراجعة شرح الدكتور اللي اتعبنا معاه اللي مدري وش يبي وكذلك اشكر الاخ عسكري طموح في ملخصه اجتهد اكثر من اللازم وكتب شي جميل الغريب في هذا ا لمنتدى الكل كتب وشرح وسوى سوايا بالمادة ادلى بدلوه ولكن بطريقته وشرحه 99% اخطاء بالحلول او غيرها علما احصل نفس السوال وعليه مليون اجابه مدري وش اخذ وش اخلي.... مابي اوضح لكم اكثر من كذا وبعض الاعضاء اذ شاف شي مشي حالك وكويس نوعا ما غير العنوان وكتبه باسمه المشاركة وثبتها المفترض يكون فيه ملخص او ملخصين مع حلول الاسئلة فقط بشكل سليم مو مخبص مثل بعضهم جاب كل شي مابقى حاجة صح انه كويس الاخ اللي حط ملخصاته او الاسئله مافكر او راعى ان الدكتور جديد علينا بالمادة المفترض ماكثر سبق ونبهت على هالشي وجاء احد المشرفين وحقد علي وكرهني كره لدرجة ان أي مشاركه او شي لي مباشره يقفله او يحذفه اقوله من الحين كلها كم ترم وتارك المنتدى لك اشبع فيه وتمدد ونم فيه حرية الرأي توصلك للحقيقة الله يعين بس اذا لك تعليق لا تدرعم علي اكتب رائيك وكن وسطي بالنقاش اتمنى الاترام القادمة مانكرر نفس الغلط خصوصا بعض الاعضاء ارجوكم ارجوكم ارجوووكم كفايه ارحمونا عارف انكم تبون المساعدة بس مساعدتك احيانا تهدورنا الله يسامحك اكرمنا بمتابعتك او تكتب اضافه بسيط وكل عام وانتم بخير بمناسبة السنة الميلادية ونهاية الاختبارات محبكم بدر بن خالد |
رد: لكل مجتهد نصيب وكل عام وانتم بخير
تفاءل بالخير . ووسع صدرك . والكل اجتهد بطريقته وهدفهم كلهم المساعده وحنا هنا اسره وحده
وماجمعنا فصل دراسي جمعنا المنتدى اللي هو فصلنا الكبير . تحياتي للجميع اخوان واخوات كلكم على راسي وفالنا التوفيق .وكل ترم وانتم بخير . |
رد: لكل مجتهد نصيب وكل عام وانتم بخير
ياضايق الصدر بالله وسع الخاطر :)
ماعاد الا هالمادة والله يسهلها يارب |
رد: لكل مجتهد نصيب وكل عام وانتم بخير
والله اني مثلك وبطب بالاختبار على فهمي جات زين ماجات ناخذها السمستر الجاي
|
رد: لكل مجتهد نصيب وكل عام وانتم بخير
alkhalid خايفين لاتاخذ جو هم مع البنات ههههههههه والله أنك صادق انا نفس المشكلة من كثر الموجود في المنتدى ماقدر أجمع والمشكله أكثره خطا
|
رد: لكل مجتهد نصيب وكل عام وانتم بخير
اللي يبي يضحك يقرا كلامك بس :)
اهم شيء بدر بن خالد فخامة الاسم تكفي :) |
رد: لكل مجتهد نصيب وكل عام وانتم بخير
ياخي انت اكثر شخص متذمر في المنتدى
ع العموم الكمال ل الله المهم النيه انا ع ثقه تامه ان مافي احد داخل المنتدى ومشارك فيه بملخصاته او اسئلته الا نيته صافيه ويبي الخير اما اذ هو خلبطك هذي مشكلتك انت رجل في الجامعه افتح موادك شف الي لك والي ماهو لك في ناس للحين تدرس ولا تعرف اسم دكتور الماده اجتهد وخذ السمين واترك الغث دانا القحطاني :cool: |
رد: لكل مجتهد نصيب وكل عام وانتم بخير
تفاءل بالخير وان شالله بتتسهل اليوم اخر يوم ان شالله خلينا نخلص ع خير
|
رد: لكل مجتهد نصيب وكل عام وانتم بخير
توكل على الله وكل شي
يهون الي يتذمر كثير ترا يصعب كل شي بحياته فالكم التوفيق |
رد: لكل مجتهد نصيب وكل عام وانتم بخير
يارجال هونها وتهون ولا تكدر عمرك على شي ما يسوى ترى الدنيا ما تستاهل أحد يزعل عليها وهي أقصاها اختبارات .. لا راحت ولا جات إن ما نجحت هالمره تنجح المره الجايه وكل مطرود ملحوق ~ :16.jpg: الله يوفقك وييسر لك كل أمورك، والجميع يارب :icon1: ... DaNa_F ههههه قاعده في بيت الناس وتهاوشينهم :hahahahahah: يابنت تجملي عندهم ترى حنا ضيوف وأخرتنا بنرجع لبيتنا الله يخليك استرينا معهم :verycute: |
رد: لكل مجتهد نصيب وكل عام وانتم بخير
اذا حبيت تنصح اختار الوقت المناسب للنصيحه .
حالياً حنا في اختبارات |
رد: لكل مجتهد نصيب وكل عام وانتم بخير
اللي عنده كلام ويشوف انه يحسن ويطور من مستوى المشاركات والمنتدى حياه الله
ومن يدخل للاستهبال واستخفاف الدم ترا مستغنين عن خدماته والانتقاد ليس موجه الى شخص بعينه والافضل عدم توجيه الكلام لي ورايك عني احتفظه لنفسك ماطلبت منك تقيمني او تقيم وقت اختياري بالمشاركة ... وافيدك كل اللي بيني وبينك شاشه وكيبورد..... (.................) وبما انني نبهت من الاعوام السابقة نجد من البعض .. كثره الملفات وتثبيت المشاركات الغير مفيده ولمن تكلمت بالواقع المر ناس زعلت من الحقيقة لكن لا حياة لمن تنادي يااخ واخت الاكاديمي الهدف من مشاركتي هذي هو الظهور بمظهر لائق وهو رفع مستوى الطرح والنقاش فيما بيننا و بما انكم اكاديميين ارجو عدم الخروج عن صلب الموضوع للاستفادة بما نكتبه ليس للملاسنه والاتهامات و تقيم الاشخاص ارتق باسلوبك واتمنى للجميع التوفيق في مادة وموعدنا بعد الاختبار |
رد: لكل مجتهد نصيب وكل عام وانتم بخير
اقول ذاكر ازين لك شكلك منفس من المذاكره:007: ومتشتت وكلام اخوي سعود صحيح اختر الوقت المناسب قد يكون الاختبار سهل وانت تقتل التفائل
|
رد: لكل مجتهد نصيب وكل عام وانتم بخير
ههههههههههههههههههههههه
ضحكتني موعدنا بعد الاختبار ناويها هواش ي بدر الله يوفقك ويوفق الجميع |
رد: لكل مجتهد نصيب وكل عام وانتم بخير
تبي الحق اخوي ابو نواف لكن فيه ناس تدور الشر وفيه قروبات في المنتدى اذا رد واحد منهم تلاقيهم كلهم يردون بنفس الاسلوب مابي هواش لكن ابي الناس ما تشير اصابع الاتهام لي او استهبال ماعجبك كلامي مو شرط ترد ياخينا ماطلبت منك المشاركة وعارفين وش اقصد ومن اقصد وموعدنا بعد الاختبار |
رد: لكل مجتهد نصيب وكل عام وانتم بخير
يالربع لا يضيع الووقت كل مافهمتوا شي . كل ماحليتو اكثـ(يعني جبتو درجة النجاح)ــر
اعرف طلاسم مافهمتو زي الماده طلاسم مطلسمه بالتوفيق للجمييييييييييييييع للتوضيح بالنيابه عن الزملاء والزميلات ترى هدفنا واحدددد مقصدهم الفائده لنا والله يعطيهم على قد نياتهم ونعجز عن شكرهم |
رد: لكل مجتهد نصيب وكل عام وانتم بخير
شوف اخوي مع انه كلامك قاسي وفي وقت ابدا مو مناسب ولكن انا اتفق معاك من ناحيه انه البعض يجي من باب النيه الطيبه ويضع أسئله او كويز او غيره ويكون فيه معلومه خطاء هذا شي لازم من ادارة المنتدى تشوف لنا حل فيه.. وفي الاخير نصيحه من اخ حاول مادقق على كل شي.. ;) تحياتي |
رد: لكل مجتهد نصيب وكل عام وانتم بخير
ادعو الله بالتيسير والاخوات والاخوان نشكرهم على تعبهم وبالتوفيق للجميع
|
رد: لكل مجتهد نصيب وكل عام وانتم بخير
الي يسمعك الحين وانت تنتقد يقول هذا مافيه ماده الا ينزل لها ملخص
يارجال اذا كنت كسول وتنتقد النناس الي تجتهد هاذي مصيبه .. طيب ياليت من الترم الجاي تبدا تسوي ملخصات لنا وراح نعتمد عليها بدل مانت جالس تنتقد بالي يسوون ملخصات او مثل ماتقول يحاولون |
رد: لكل مجتهد نصيب وكل عام وانتم بخير
المعذرة اخوي انتبه بكلامك
ماني من النوع يلي يحقد وقفل المواضيع اقفل يلي ماله داعي والباقي بعد كل اختبار حتى مواضيعي اغلقها وين الحقد بالموضوع وكل سمستر تجلس تحطب بجهود الاعضاء يلي تعبو وسهروا عشان يطلعوا بملخصات زينه ومحد معصوم من الخطأ واخر شيء لو انك فعلا تبي اشياء تصير على مزاجك تبرع واشتغل من بداية الترم فيهم اذا مو عاجبك شغل احد المعذرة يغلق |
| All times are GMT +3. الوقت الآن حسب توقيت السعودية: 05:08 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام