|
تم وضع المحتوى + الملخص لكل ماده في مكتبة الاجيال
يسعد جميع اوقاتكم بكل خير تم وضع جميع الملخصات + محتوى المواد الموجوده في البلاك بوورد + مجموعه من اختبر نفسك اللي وضعوها الاخوان هنا في المنتدى في مكتبة الاجيال الموجوده في مخطط 91 حي بدر طبعاً المواد هي إدارة المعرفه + الادارة الاستراتيجيه +القانون التجاري + النظم المتكامله + فقه السيره + مبادئ الادارة العامه + مبادئ التوريد طبعاً الملخصات اغلبها إلى المحاضره العاشره .. وراح احط في المكتبة باقي المحاضرات متى ما توفرت بالمنتدى اتمنى التوفيق للجميع وارجو منكم دعوه بظهر الغيب لكل من ساهم في عمل هذه الملخصات والاسئله ولاتنسوني من دعائكم فكل دعوه بظهر الغيب لك مثلها بأذن الله ربي يوفق الجميع |
رد: تم وضع المحتوى + الملخص لكل ماده في مكتبة الاجيال
يعطيك العافية ..... والله يوفقك هذي بالدمام ؟ |
رد: تم وضع المحتوى + الملخص لكل ماده في مكتبة الاجيال
يعطييك العافيه وإن شاءالله يستفيدون منها اهل الشرقيه .. :16: |
رد: تم وضع المحتوى + الملخص لكل ماده في مكتبة الاجيال
اقتباس:
اي نعم بالدمام بحي بدر اللي هو مخطط 91 سابقاً اقتباس:
|
رد: تم وضع المحتوى + الملخص لكل ماده في مكتبة الاجيال
ما ادله بشوف احد يدله عندنا :12:
يعطيك العافيه ما قصرتي :21: |
رد: تم وضع المحتوى + الملخص لكل ماده في مكتبة الاجيال
يعطيك العافيهه
وربي يوفقك ويسهل عليك الاختبارات ويسهل علي :27: ويسهل علي كل الموجودين يارب وتكون اسالتنا سهل ومريحةة للاعصاب مثل المطر اللي نزل علينا :1::16: |
رد: تم وضع المحتوى + الملخص لكل ماده في مكتبة الاجيال
الله يجعله في ميزان يارب
ويفتح لك ابواب العلم والنجاح حبيت اسال هي المحتوى والملخصات كامله ميه الميه وبالذات فقه السيره هل نعتمد على الملخص الي وضعتيه ولا في شي ثاني |
رد: تم وضع المحتوى + الملخص لكل ماده في مكتبة الاجيال
اقتباس:
اقتباس:
اقتباس:
بالنسبه للمحتوى والملخص مافي شي كامل الا التوريد والباقي مثل مانزلت بالبلاك والمنتدى يعني مثلا عندك ادارة المعرفه + الاستراتيجيه + فقه السيره كلهم من 1-10 القانون التجاري + النظم المتكامله من 1-9 الاداره العامه لسى مافي ملخص والمحتوى من 1-7 انا اليوم ان شاء الله برجع اشيك ع البلاك وبحط بالمكتبه الاشياء الجديده اللي نزلت بالتوفيق للجميع يارب:16: |
رد: تم وضع المحتوى + الملخص لكل ماده في مكتبة الاجيال
الله يعطيك العافيه
طيب فقه السيره هل وضعتي تلخيص غزلان بالمكتبه ولا بس المحتوى وياليت بعد تحطين الاوراق المطلوبه من الكتاب للفقه |
رد: تم وضع المحتوى + الملخص لكل ماده في مكتبة الاجيال
الله يعطيك العافيه
طيب بخصوص فقه السيره هل وضعتي ملخص الاخت غزلان ولا بس المحتوى وياليت تضعين بعد الاوراق المهمه من الكتاب الي حملتها غزلان ومشكوره وماقصرتي |
رد: تم وضع المحتوى + الملخص لكل ماده في مكتبة الاجيال
اقتباس:
للشكر تأثير مذهل في حياة معظم المبدعين، فالامتنان والشكر للآخرين هو أسهل الطرق للنجاح وبالتالي لايسعني الا ان اشكرك شكرا يليق بك........:3: |
رد: تم وضع المحتوى + الملخص لكل ماده في مكتبة الاجيال
اقتباس:
وانا الحين بكتب بالتفصيل وش الاشياء اللي حطيتها بالمكتبه اقتباس:
|
رد: تم وضع المحتوى + الملخص لكل ماده في مكتبة الاجيال
بسم الله
بالنسبه للمحتوى اللي نازل بالبلاك بورد فأنا حطيت بالمكتبه ادارة المعرفه : من 1-14 الاستراتيجيه : من 1-14 القانون التجاري : من 1-9 النظم المتكامله : من 1-11 فقه السيره : من 1-14 ( ناقص 6 ) الادارة العامه : من 1-7 التوريد : من 1-14 _____________________________ بالنسبه للملخصات واسئلة اختبر نفسك ان وجدت ادارة المعرفه : من 1-10 ملخص b13 + اختبر نفسك من 1-10 + من 1-10 ملخص مريم خالد الاستراتيجيه : من 1-10 ملخص b13 + اختبر نفسك من 1-10 القانون التجاري : من 1-9 ملخص علي + من 1-9 ملخص اشواق + اختبر نفسك 1-4 ناصر النظم المتكامله : من 1-9 ملخص b13 + اسئله مراجعه من 1-3 تذكار فقه السيره : من 1-10 ( ناقص 6 ) ملخص غزلان + الاجزاء المهمه من الكتاب + نماذج اختبارات وواجبات سابقه الادارة العامه : من 1-7 ملخص مريم خالد التوريد : من 1-14 ملخص شجون + اختبر نفسك اتوقع لناصر |
رد: تم وضع المحتوى + الملخص لكل ماده في مكتبة الاجيال
شكرا لك على مجهودك الرائع واتمنى لك للجميع التوفيق والنجاح
لكن هل الملخصات مثل المحتوى عشان نعتمد عليها بالمذاكره ؟ شاكر لك تعاونك |
رد: تم وضع المحتوى + الملخص لكل ماده في مكتبة الاجيال
العفو اخوي
اي نعم نفس المحتوى بالتوفيق يارب |
رد: تم وضع المحتوى + الملخص لكل ماده في مكتبة الاجيال
يعطيك العافيه ميمو ماقصرتي
انا اخذت الملازم اليوم والله قعدت ادعيلك من قلبي الله يوفقك ويفتحها بوجههك يارب بس حبيت اقولك انه فقه السيره الملزمه كامله 14 محاضره كلها من ملخص غزلان وانتي ذكرتي انك وضعتي بالمكتبه الى 1الى 10 كيف جا الملخص كامل وبانسبه للاستراتيجيه فقط لين 10 المحاضرات ومن اعداد بندر السيف هل هذه هي الملزمه ولا انا خذت وحده ثانيه وسؤال اخير ياليت تكملين لنا بقية المحاضرات باقرب وقت لان اغلب المواد نزلت المحاضرات كلها |
رد: تم وضع المحتوى + الملخص لكل ماده في مكتبة الاجيال
عمل تُشكرين عليه ,, والله يجعله في ميزان حسناتك يارب ياكريم :1:
الله يعافيك ياميمو / ممكن ترفقين لي نماذج الاختبارات والواجبات السابقة لـ فقه السيرة :29: |
رد: تم وضع المحتوى + الملخص لكل ماده في مكتبة الاجيال
2 مرفق
اقتباس:
بالنسبه للاستراتيجيه + ادارة المعرفه فخلاص نزلهم اخوي بندر السيف كامله اللي هو (b13) وان شاء الله اليوم او بكره بالكثير تحصلينها بالمكتبه وبالنسبه لملخص غزلان فيمكن من قسم ثاني مودي الملخص للمكتبه وابشري انا اول باول اودي للمكتبه الناقص الف شكر لك ياقلبي:16: اقتباس:
|
رد: تم وضع المحتوى + الملخص لكل ماده في مكتبة الاجيال
شكرا ميمو الله يجزاك خير
|
رد: تم وضع المحتوى + الملخص لكل ماده في مكتبة الاجيال
تم وضع باقي الملخصات بالمكتبه
حيث اصبح التوريد كامل شجون الاستراتيجيه كامل b13 ادارة المعرفه كامل ملخصين (مريم خالد + b13 ) فقه السيره كامل ملخصين (غزلان + عبدالله العنزي ) مدري وش احسن بس شفته قلت بحطه للي يبي وطبعاً الملخصين بدون محاضره 6 القانون التجاري من 1-11 علي النظم المتكامله من 1-9 b13 الاداره العامه من 1-7 مريم خالد واذا نزل شي جديد راح احطه ع طول ان شاء الله وبالتوفيق يارب للجميع :16: |
رد: تم وضع المحتوى + الملخص لكل ماده في مكتبة الاجيال
تم اكمال ما تبقى من الملخصات والمحتوى
والان جميعها في المكتبه ما عدا اخر ثلاث محاضرات من مادة القانون التجاري والباقي كله متوفر هناك ربي يوفق الجميع:16: |
رد: تم وضع المحتوى + الملخص لكل ماده في مكتبة الاجيال
تم اكتمال وضع جميع الملخصات والمحتوى في المكتبه
بالتوفيق يارب :16: |
رد: تم وضع المحتوى + الملخص لكل ماده في مكتبة الاجيال
الادراه العامه والقانون اكتملو الله يعافيك
بالنسبه للتوريد هل المحتوى كامل نعتمد عليه لان الدكتور يعيد ويزيد في المحاضرات المباشره ان المنهج والمحتوى طويل والي شريته مو طويل كثير لذالك شكيت انه في شي ناقص ارجو افادتي اختي |
رد: تم وضع المحتوى + الملخص لكل ماده في مكتبة الاجيال
اي اختي ملخص الاداره العامه لاختي مريم خالد كامل من 1-14
وملخص القانون لاخوي علي كامل من 1-14 بالنسبه للتوريد فاللي موجود هو لاختي شجون وكامل من 1-14 ومو عارفه اذا فيه تغيير ياليت تعلميني لاني ماشفت احد قال شي عنه وربي يوفقك اختي |
رد: تم وضع المحتوى + الملخص لكل ماده في مكتبة الاجيال
الله يجزاك خير
|
رد: تم وضع المحتوى + الملخص لكل ماده في مكتبة الاجيال
الله يعطيك العافيه وربي عمل كبير
هل المكتبه موجوده في شارع السوق والا وين |
رد: تم وضع المحتوى + الملخص لكل ماده في مكتبة الاجيال
اخوي مشعل المكتبه في الدمام مخطط 91 حي بدر
بالتوفيق يارب |
رد: تم وضع المحتوى + الملخص لكل ماده في مكتبة الاجيال
كعادتها اختنا الكريمة ميمو
لاتتوانا ابداً في تقديم المساعدة لكل من يحتاجها ونعلم جميعاً كم هو متعب متابعة مثل هذا الأمر كل ترم وهي تؤمن لنا الملخصات بمتابعة مستمرة مع المكتبة وكان الترم الماضي خير دليل في متابعة احدى المواد وتوفير ملخص لها حتى ليلة ماقبل الإمتحان وارهقت كثيرا بذلك العمل ولا يسعنا جميعاً الا ان نقدم لها جزيل الشكر والعرفان وندعو لها بالتوفيق في حياتها العلمية والعملية وبخصوص موقع مكتبة الأجيال فهي بحي بدر 91 شارع الخوارزمي دعواتي بالتوفيق لنا جميعاً |
رد: تم وضع المحتوى + الملخص لكل ماده في مكتبة الاجيال
تسلم ربي يسعدك واللي اسويه ماهو الا جزء بسيط جداً من اللي يسوونه باقي الاخوان والاخوات هنا في المنتدى
ربي يسعدهم ويوفقهم ويسعدك اخوي ويوفقك .. الف شكر لك ولطيب كلماتك لك خالص شكري وتقديري :16: |
رد: تم وضع المحتوى + الملخص لكل ماده في مكتبة الاجيال
ياميمو ياحبيبتي تعالي هينا عندي استفسار لو سمحتي
ادري عذبتك معي بس اتحمليني شوي بالنسبه للفقه السيره انتي وضعتي بالمكتبه ملزمه تحتوي ع ملخص لاخت غزلان بس المحتوى ماوجدته من ظمن الملزمه هل انتي وضعتيه بالمكتبه ولا لااا فقط ملخص غزلان |
رد: تم وضع المحتوى + الملخص لكل ماده في مكتبة الاجيال
المحتوى << تقصدين اللي نازل بالبلاك بورد ؟؟
انا حطيته بالمكتبه بس ترى مارح يفيدك بشي لانه رؤس اقلام وحطيت كمان ملخص غزلان 1-14 كامل بالمحاضره 6 + اهم الصفحات بالكتاب من عمل الاخت غزلان + ملخص عبدالله العنزي ( ابو عشوان ) وترى ماعرف اي الملخصين افضل بس انا شفتهم بالمنتدى وحبيت اوفرها بالمكتبه وكل واحد ياخذ اللي يحب اتمنى اني فهمت سؤالك زين .. وخذي راحتك اي شي تحبين تسألين عنه ابشري لايردك الا الكيبورد :16: |
رد: تم وضع المحتوى + الملخص لكل ماده في مكتبة الاجيال
الأخت ميمو السلاااااام عليكم
أنا أخذت جميع الملخصات من المكتبه من الشيخ مجدي وياهو يدعو لك من قلب .... تستحقي هذا الدعاء ولكن لم اجد ملخص وأسئلة مادة إدارة الأعمال الإلكترونية لأني لم اسجلها العام هل من الممكن توفيرها مع خالص الشكر ؟ |
رد: تم وضع المحتوى + الملخص لكل ماده في مكتبة الاجيال
لم ابدء الدراسة حتى الآن مع العلم ان لدي 7 مواد لهذا الترم
هل انا في ازمة وقت هل انا في ورطة وقت ... حلوه ورطه اكثر تأثير ارامكو ما خلو لي مجال دوام من الصبح الى المغرب واحياناً الى العشاء لا عاده الله من فيروس شكله بينتقل فينا * |
رد: تم وضع المحتوى + الملخص لكل ماده في مكتبة الاجيال
اهلين اخوي نيو ستايل ربي يوفقك ويوفقه وله ولك بالمثل يارب
بالنسبه لملخص واسئلة مادة إدارة الأعمال الإلكترونية اذا نفس دكتورنا فابشر راح احطه بالمكتبه بس عطني اسم دكتوركم وابشر ربي يوفقك ويسهل امرك ويبارك لك بوقتك يارب |
رد: تم وضع المحتوى + الملخص لكل ماده في مكتبة الاجيال
انتظرتك اخوي ولا رديت علي
المهم انا رحت لمستوى خامس وحصلت الطلاب منزلين نفس ملخص العام فتأكدت ان دكتوركم نفس العام ماتغير وتم توفير الملخص + المصطلحات + اسئلة الاختبار في المكتبه بالتوفيق يارب |
رد: تم وضع المحتوى + الملخص لكل ماده في مكتبة الاجيال
لو تنزل كروكي للموقع ........... طابعتي في الوكالة :44:
فاحتمال لو قريبة اخدهم وخلاص .. |
رد: تم وضع المحتوى + الملخص لكل ماده في مكتبة الاجيال
للاسف ماعرف اوصف بس بحاول
تعرفين الشارع التجاري اللي يفصل بين مخطط 71 ومخطط 91 ؟؟ روحي له في هناك اشاره بيكون عند الاشاره ع يدك اليسار دهانات الجزيره وقدامك ع الزاويه اليمين فيتامين المهم خذي من عند هالاشاره يسار بيجيك ع اليمين تي شوز والضاحيه 4 المكتبه بتكون ع الشارع المقابل يعني لازم تروحين اخر الشارع وترجعين اتمنى اني قدرت افيدك :39: |
رد: تم وضع المحتوى + الملخص لكل ماده في مكتبة الاجيال
هلا بك اخت ميمو
الله يكتب اجرك ووفقك دنيا وآخره والكرم ماهو غريب على اهل الكرم عذراً لعدم الرد في حينه كما تعلمي اليوم الخميس والجو كان اكثر من رااااااائع :37: والمخيمات حان وقتها ونسيت ادارة الاعمال وقلبتها ادارة مخيمات تمنيت ان فيه ماده عن الكشتات كان اضمن فيها a ولكن رجعت بالليل وشفت المذكرات والملخصات والاوراق قلت والله ما مع الإختبارات راحة انمسحت الخيمه والمشب من راسي الى اجل غير مسمى ولكن الي يريحنا ان الرمل الي عندنا والطعوس ماراح تتغير والله من شين الطبيعه ما فيه شي معنا بالطلعة الا ودخله رمل نفضت ملابسي بالحوش اظطر العامل انه يغسل الحوش بالهوز والسيارة خليت عمال العمارة الي جنب البيت يكنسون الرمل ويستخدموه في التلييس كلموا قلابي الرمل حقهم وقالوا له لاتجيب رمل اليوم عندنا كفايه السكر اتفقنا مع شركة نمل كبيره عشان يفصلوه من الرمل وقالو نبي غراف صغير عشان نوزع الكمية على شركات مسانده السباك كلمته يجي بكره يسلك البانيو تسكر من الرمل بعد السباحه الخيمه شفت مالها داعي لان داخل الخيمه وبرى الخيمه زي بعض رمل الواحد يخرج يجيب حطب ويدخل معاه كيس رمل وربع ساعه ماعاد نشوف الفرشه واذا شبينا النار داخلها ماعاد شفنا بعض من العجاج ونحس بدوخه واذا فتحناها تحولت النار الى رماد من زين الرياح تذكرت رياح الخماسين وكأنها مالقت طريق بالارض الا من داخل الخيمه واذا خرجنا افترشنا الطين وتقعرنا فيه ونطالع في السماء لان بالبر عندنا مافيه الا الرمل او السماء انسي سالفة عشب او خضار او غدير او اشجار او جبال او هضاب او قطو حتى قطو مافيه وقالوا ايش ؟؟ قالوا خيمنا بالبر :26: قولوا الحمد لله على السلامه |
رد: تم وضع المحتوى + الملخص لكل ماده في مكتبة الاجيال
اقتباس:
مع ان المكتبة مقابل بيتنا الا اني من وصفك ضيعتها ههههههه انتبهي توصفي لأحد مقر الاختبارات !!! راح ينتهي الترم وهو ما حصل المقر ترى امزح ولا الوصف دقيق فاخر . واتوقع انه موجود على الخرائط بالجوال اكتبي بالبحث مجدي ويطلع لك الموقع على طول تأكدي ان معاك مويه بالسياره واذا قربتي من الرياض اتصلي لاتنسي دعاء السفر في حفظ الله:44: |
رد: تم وضع المحتوى + الملخص لكل ماده في مكتبة الاجيال
يالهي شهالوصف هههه يعطيك العافية
انا مااعرف اسماء المخططات .. قولي لي اسم شارع عام ومعروف أو مركز تجاري او مول او شيء خلاص غضيت نظر بحاول اطبعهم كالعادة :40: |
رد: تم وضع المحتوى + الملخص لكل ماده في مكتبة الاجيال
اقتباس:
لاستلام الملخصات من مكتبة الاصمعي بشارع الضغط العالي ولنبدء الوصف من تلك المكتبة مكتبة الاصمعي على يمينك بشارع الضغط العالي ...استمري بنفس الطريق خذي اول مدخل على اليسار بدون اشارة واتجهي غرباً الى الشارع التجاري ولا تتوقفي الا عند الاشارة وسيكون على يمينك قصر الفيتامين توقفي هنا واستمتعي بكأس من اجود انواع العصيرات الطبيعية بالشرقية تجاوزي الاشارة واستمري بنفس الطريق غرباً وباقل سرعة ممكنه استمري وانتي تشربي العصير ولا تنشغلي بجمال شارع الخوارزمي وانظري يسارا للشارع المقابل وستري مكتبة الاجيال الحديثة . استمري حتى تصلي الى محلات تي شوز وبالمقابل يمكنك الرجوع بنفس الشارع وعودي باتجاه قصر الفيتامين حتي تجدي المكتبة على يمينك ..قفي هنا وادخلي وسيكون في الاستقبال الشيخ جلال بنغالي كاشيير اذا ابتسم مات ... استغفر الله فيه درام على يسارك يمكنك ان ترمي فيه كوب العصير. اسئليه عن الشيخ مجدي مصري .. كلهم شيوخ الله يكتب اجرهم طبعاً مجدي بالدور الثاني ولكن قبل ان تصعدي الدرج تأكدي من خلو الطريق من اي سيارة قادمه لأن الطريق الى الدور الثاني لايتسع لاكثر من شخص الآن بحمد الله وصلتي الدور الثاني خذي يمين وستجدي نافذتين واحدة للرجال والاخرى اكيد انها ليست للرجال ولكن لا تستبعدي ان يكون بها رجل يطبع اوراق لامراءة ابنته او اخته او ... ويحق له ذلك لانها لو حضرت ستقف بنفس المكان الباقي ما يحتاج اقول لك ولكن نصيحة ولا احد يدري !!! قولي لمجدي انا من طرف الأخت ميمو راح يترك كل الزبائن والكمبيوتر ويوقف مثل الالف وراح تحسي ان صاحب المكتبه هو الذي يكلمه ولستي انتي من يكلمه ...ويعطيك كل الملخصات بدون ان تذكري له المواد لاتنسي كمان وانتي راجعه من المكتبة تمري محل العصيرات فيتامين وتاخذي للبيت لأني متأكد انك راح ترجعي اذا تذكرتي بنص الطريق لا تفكري ان ميمو لها اي علاقة بقصر الفيتامين !!! هو مش لها بالضبط بالظبط ولكن ولكن ولكن ولك ول والسلام عليكم ورحمة الله هذي نتيجة طلعة اليوم شكل العجاج اثر براسي شوي ما اشوف بأس ... |
رد: تم وضع المحتوى + الملخص لكل ماده في مكتبة الاجيال
>> ميته ضحك
الله يصلحك اخوي نيو ستايل واختي زهره والله كان ودي اساعدك بس وصفي ع قدي ماعرف اوصف :39: |
رد: تم وضع المحتوى + الملخص لكل ماده في مكتبة الاجيال
الله يحزاكي خيراً كثيراً
|
رد: تم وضع المحتوى + الملخص لكل ماده في مكتبة الاجيال
اجمعين يارب :16:
|
رد: تم وضع المحتوى + الملخص لكل ماده في مكتبة الاجيال
شباب مع ذا الوصف حسيت اني وصلت الغربية :(
هي المكتبة تصير وين بالضبط قريب لعند مكتبة المتنبي أو وين ؟ لحد يقول مخطط وحركات اعطوني معلم واضح في المكان مشكورين ما تقصروا |
رد: تم وضع المحتوى + الملخص لكل ماده في مكتبة الاجيال
اقتباس:
الأخت آية جمال اذا اردتي معلم واااااضح فما فيه الا برج خليفة ... ما اتوقع فيه اوضح من كذا من هناك تخلي البرج على يسارك بإتجاه الجنوب طريق الشيخ زايد وتمشي على طووووووووووول والباقي سهل ... اكيد الحين مالك عذر !!!! وللتأكد اتصلي برقم المكتبة 038226565 رحلة سعيده إن شاء الله :36: |
| All times are GMT +3. الوقت الآن حسب توقيت السعودية: 09:52 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام