ملتقى طلاب وطالبات جامعة الملك فيصل,جامعة الدمام - المناقشات الاسبوعية جدول الاختبارات الجديد ، استمرار وجود مادتي ( مبادئ الادارة العامة + النظم المتكامله للمؤسسات ) في يومين متتتالية !!

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 6 (https://vb.ckfu.org/f364)

- - [ المناقشات ] : جدول الاختبارات الجديد ، استمرار وجود مادتي ( مبادئ الادارة العامة + النظم المتكامله للمؤسسات ) في يومين متتتالية !! (https://vb.ckfu.org/t545694.html)

Adel F

2014- 1- 16 02:14 AM

جدول الاختبارات الجديد ، استمرار وجود مادتي ( مبادئ الادارة العامة + النظم المتكامله للمؤسسات ) في يومين متتتالية !!

سلام عليكم ، يسعد صباحكم ..

بعد نزول جدول الاختبارات الجديد ..

استمرت المشكلة اللي عانو منها طلبة المستوى السادس سابقاً ، بوجود مبادئ الادارة العامة في اليوم 4 .. ومادة النظم المتكامله للمؤسسات في اليوم 5 ..

المادتين في مستوى واحد ، ومن الظلم وجود اختبارين متتالية ..
يوجد 13 يوم للاختبارات ، بالإمكان توزيع مواد المستوى بشكل مريح .. هي في النهاية 5 مواد فقط ؟

لذلك ، أتمنى من الجميع مراسلة الدكتور عبدالله .. والمطالبة بابعاد أحد المادتين في يوم مستقل لـ تخفيف الضغط علينا ..

..*

l a v e n d e r

2014- 1- 16 05:35 AM

رد: جدول الاختبارات الجديد ، استمرار وجود مادتي ( مبادئ الادارة العامة + النظم المتكامله للمؤسسات ) في يومين متتتالية !!

تم تنبيه دفعتنا بالمستوى الخامس ،،،

الجدول للامانه كامل يحتاج تغيير ،،،

اي مادتين ورى بعض في اي مستوى مالها اي معنى لوجود ١٣ يوم ،،،

اين التخطيط اين الوضوح ؟؟

مو على اساس شفنا التأكيد العنيف انة رح يتغير كل فصل ؟!!!

صبر جميل والله المستعان ،،،

fullah3

2014- 1- 16 05:50 AM

شكرا اخوي عادل على الموضوع وشكرا بوسي كات على التنبيه

فعلا لازم نطالب انه يكون اختبار مبادئ الادارة العامة اليوم الثالث اللي يوافق يوم الخميس :

اولا - لأنه ما فيه اختبارات لادارة الاعمال
ثانيا - بعده يوم الجمعة بكذا نستفيد يومين بين الادارة والنظم

وسبق طالبت في الموضوع التالي

http://www.ckfu.org/vb/t543684.html

نسيم الصبا

2014- 1- 16 05:56 AM

اقتباس:

المشاركة الأصلية كتبت بواسطة بوسي كات (المشاركة 10346612)

ي اني انقهرت قهر امس

شعارنا مع هالجامعه بيكون والكاظمين الغيض

بالنسبة للمواد الي ورى بعض ضاقت الايام فيهم ؟!

لاتخطيط ولا اهتمام ولا تقدير ،،،،

غمووض ،،،

الواحد موعارف وش يرتب هالمستوى بس ولا كل المستويات ويكون على نور ،،

ما نقول الا يالله الفرج ولاحول ولاقوة الا بالله ،،،

#ايش رايكم نطالب بتعديل الجدول بحيث يكون في أيام راحة بين كل مادة والثانية أقلها يوم واحد،للمستوى السادس والمستوى السابع ..
لأن المستوى السادس الإدارة العامة وبعدها النظم المتكاملة يبغالها يومين عالأقل لكثافة معلوماتها..
والمستوى السابع أدهى وأمر، الأسبوع الأول مادتين ورا بعض، والأسبوع الثاني كمان مادتين ورا بعض..

#الحين عندنا فرصة تقريباً 10 أيام قبل يبدأ التسجيل، نقدر نسوي خطاب مرتب ونتفق مع مستوى سابع والكل يرسله..
#فترة الإختبارات تقريباً 19 يوم ، من الظلم يحشروا موادنا كذا، يقدروا يخلوا أيام راحة في المستويين السادس والسابع بدون تعارض..
#هالفترة فرصتنا وإحتمال يوافقوا، تتذكروا في المستوى الرابع سوينا نفس الحركة عشان التسويق والأساليب وعدلوا لنا الجدول..
#بعد تسجيل المواد مستحيل يعدلوا فيه شي،بس الحين احتمال كبير ياخذوا بملاحظات الطلاب خصوصاً وأنهم نزلوه قبل بداية التسجيل بفترة...

ايش رايكم؟؟؟

نسيم الصبا

2014- 1- 16 05:58 AM

^^^^^
كتبت ردي السابق قبل أشوف هالموضوع..
أتوقع معظمنا متفقين على ضرورة تعديل الجدول..

متحدين نقف...متفرقين نسقط:tongue:

l a v e n d e r

2014- 1- 16 06:07 AM

شوفي بالله عليكـ ٨

تعاقد وجودة ..

جدول يفقتد للمنطق ..

http://im34.gulfup.com/BPVOn.jpg

اداري طموح

2014- 1- 16 06:16 AM

بصراحة في تغيير واضح بالجداول خاصة بالمستويات 6 و 7 و 8 وللاسف كان عندي احساس قبل لا ينزل الجدول انهم بيعدلون الوضع السابق الى الافضل لكن اتضح العكس !!
مانبي نطالب بأيام فيها راحة كثير على حساب غيرنا .. نبي اقل شي يخلون يوم راحه بين المادتين زي وضع الادارة العامة والنظم.

نسيم الصبا

2014- 1- 16 06:28 AM

اقتباس:

المشاركة الأصلية كتبت بواسطة بوسي كات (المشاركة 10346694)

شوفي بالله عليكـ 8

تعاقد وجودة ..

جدول يفقتد للمنطق ..

http://im34.gulfup.com/bpvon.jpg

اللي مسوي الجدول ماأتوقع عنده أي معلومة عن المواد..
اذا فرضاً حبكت وبيحطوا مادتين ورا بعض يحطوا مادة صعبة وبعدها سهلة..أو مادتين سهلين..

اقتباس:

المشاركة الأصلية كتبت بواسطة اداري طموح (المشاركة 10346706)

بصراحة في تغيير واضح بالجدوال خاصة بالمستويات 6 و 7 و 8 وللاسف كان عندي احساس قبل لا ينزل الجدول انهم بيعدلون الوضع السابق الى الافضل لكن اتضح العكس !!
مانبي نطالب بأيام فيها راحة كثير على حساب غيرنا .. نبي اقل شي يخلون يوم راحه بين المادتين زي وضع الادارة العامة والنظم.

حتى أنا توقعت يكون الجدول رائع بما أنهم تأخروا في إنزاله...
للأسف ماغيروا الا الألوان..
مافي مشكلة،يزودوا أيام الأختبارات ..على حساب التقويم نبدأ اختباراتنا يوم 7
وعدد الأيام 13 يوم فقط...
المدارس تبدأ اختبارات يوم 26 يعني بنخلص قبلهم ب 6 أيام،الترم الأول كانت آخر مادة أختبارناها
واليوم اللي بعده بدأت المدارس،يعني مافي مشكلة لو يزودوا لنا الأيام ونخلص قبل المدارس بيوم..
في حلول ،مالهم عذر..

ولد الشرقيه2

2014- 1- 16 07:02 AM

الله يعين بس

اللي حط الجدول شكله ماعنده اي معلومه عن المواد وش الظلم هذا

المحترمه

2014- 1- 16 07:17 AM

وعليكم السلام ورحمة الله وبركاته

حياك الله يا عادل ..
والله درسنا التخطيط من ضمن وظائف الإداره بس
للأسف ما شفناه مطبق بجامعتنا الحبيبه ..
نتمنى أنهم يعدِلون عن هالجدول ويتم تعديله
القهر ما فكرنا من أسبوع أننا نطالبهم عشمونا
خير بهالأسبوع وآخرتها نفس الجدول بس يالله
نحاول ونقول الله يسخر الفريدان لنا إن شاءالله ..

شكرآ لك عادل وشكرآ بوسي على التنبيه
بالتوفيق

أبوالحسن الشريف

2014- 1- 16 07:19 AM

صبر جميل والله المستعان
الجدول منحاس فوق تحت من السادس للثامن
في السادس مبادئ ادارة ونظم مؤسسات ورى بعض
في السابع بحوث الاعمال وادارة صغيرة & نظرية منظمات و ادارة التغيير ورى بعض
في الثامن تعاقد وتفاوض و ادارة جودة ورى بعض
الوضع يحتاج مطالبة حاله حال تغيير مسمى التخصص

l a v e n d e r

2014- 1- 16 07:45 AM

اقتباس:

المشاركة الأصلية كتبت بواسطة نسيم الصبا (المشاركة 10346726)

اللي مسوي الجدول ماأتوقع عنده أي معلومة عن المواد..
اذا فرضاً حبكت وبيحطوا مادتين ورا بعض يحطوا مادة صعبة وبعدها سهلة..أو مادتين سهلين..

حتى أنا توقعت يكون الجدول رائع بما أنهم تأخروا في إنزاله...
للأسف ماغيروا الا الألوان..
مافي مشكلة،يزودوا أيام الأختبارات ..على حساب التقويم نبدأ اختباراتنا يوم 7
وعدد الأيام 13 يوم فقط...
المدارس تبدأ اختبارات يوم 26 يعني بنخلص قبلهم ب 6 أيام،الترم الأول كانت آخر مادة أختبارناها
واليوم اللي بعده بدأت المدارس،يعني مافي مشكلة لو يزودوا لنا الأيام ونخلص قبل المدارس بيوم..
في حلول ،مالهم عذر..

بالضبط

اقتباس:

المشاركة الأصلية كتبت بواسطة المحترمه (المشاركة 10346792)

وعليكم السلام ورحمة الله وبركاته

حياك الله يا عادل ..
والله درسنا التخطيط من ضمن وظائف الإداره بس
للأسف ما شفناه مطبق بجامعتنا الحبيبه ..
نتمنى أنهم يعدِلون عن هالجدول ويتم تعديله
القهر ما فكرنا من أسبوع أننا نطالبهم عشمونا
خير بهالأسبوع وآخرتها نفس الجدول بس يالله
نحاول ونقول الله يسخر الفريدان لنا إن شاءالله ..

شكرآ لك عادل وشكرآ بوسي على التنبيه
بالتوفيق

مو هذا الي يقهركـ ..
تدرسين شي والواقع شي عاشر مو ثاني حتى ..

اقتباس:

المشاركة الأصلية كتبت بواسطة أبوالحسن الشريف (المشاركة 10346797)

صبر جميل والله المستعان
الجدول منحاس فوق تحت من السادس للثامن
في السادس مبادئ ادارة ونظم مؤسسات ورى بعض
في السابع بحوث الاعمال وادارة صغيرة & نظرية منظمات و ادارة التغيير ورى بعض
في الثامن تعاقد وتفاوض و ادارة جودة ورى بعض
الوضع يحتاج مطالبة حاله حال تغيير مسمى التخصص

معاكم ..
وين بوفهد 1 :53:

عذبB الكلام

2014- 1- 16 08:33 AM

الله يعطيك العافيه علي الموضوع
تم مراسله / الدكتور الفريدان عن طريق التويتر
انشاء الله يتجاوب معنا ويعدل الجدول

سعودي إيتيكيت

2014- 1- 16 09:38 AM

عذب الكلام الله يعطيك ألف عافية ياغالي

إن شاء الله تكتب هكذا

تابع ووافينا بالجديد في حال رد الدكتور الفريدان عليك

سلمت يداك وطاب مسعاك ياعزيزي.

AbduLlatif

2014- 1- 16 09:43 AM

اخيراً نزل هالجدول .. على اية حال انا تعودت على الجامعة تمشي على نظام ان الشي الحلو ما يكمل لازم شوي يتعبونا وله ما يحسون انهم شغالين بجهد .. الله يستر بس و انا معكم و نخلص على خير بس و انا معكم اذا بتقدمون اعتراض

vip-1

2014- 1- 16 09:45 AM

حساب الدكتور عبدالله على التويتر

alfraidan@

كل واحد يكتب له عن تقديم اختبار مبادى الادارة العامة لليوم الثالث

انا كتبت الصيغه هذي
============
د عبدالله نرجوا نحن مستوى سادس ادارة اعمال تقديم مقرر مبادى الاداره العامة لليوم الثالث بسبب وجود اختبار النظم بعده

ملآمح

2014- 1- 16 10:02 AM

كمان مستوى سابع يومي الإثنين والثلاثاء في الإسبوعين
فيهم مواد متتاليه !!

ليش يعني هالتنظيم !!

ممكن تكون ماده يوم أحد والثانيه ثلاثاء !!!!

مساهر

2014- 1- 16 10:13 AM

الاسبوع الاول ولا ماده تخص مستوى سادس

فاضيييييييييييييييييييييييييييي

ملآمح

2014- 1- 16 10:21 AM

لاحظت من الجداول القديمه عندي انها نفس الجدول الجديد
يفرق فقط أيام تغيير الويكند من خميس وجمعه إلى جمعه وسبت

لذلك بعض المواد كانت غير متتاليه
وأصبحت متتاليه
والعكس !!!!

ملآمح

2014- 1- 16 10:24 AM

اقتباس:

المشاركة الأصلية كتبت بواسطة مساهر (المشاركة 10347198)

الاسبوع الاول ولا ماده تخص مستوى سادس

فاضيييييييييييييييييييييييييييي

جدولكم جميل

يعيب عليه فقط تتابع مادتين
وعسى ان تقبل الإداره التغيير ووضع أحد المادتين في الإسبوع الأول

بالتوفيق لكم ولنا

ملآمح

2014- 1- 16 10:31 AM

اقتباس:

المشاركة الأصلية كتبت بواسطة أبوالحسن الشريف (المشاركة 10346797)

ياليت

التغيير طال الأيام فقط ( أيام الويكند )
أما الجدول بقى مثل ماهو من فترات سابقه
المواد الغير متتاليه أصبحت متتاليه بسبب أختلاف أيام الويكند

مثلاً مستوى 7 .. كان جدوله مادتين غير متتابعتين
بحوث الخميس - الأعمال الصغيره السبت
الجمعه كان فاصل

الآن : بحوث الإثنين - الأعمال الصغيره الثلاثاء

نفس ترتيب الجدول بس حددوا متى تبدأ الإختبارات ومتى تنتهي
وأضافوا المواد مثل ماكانت

طالبةانتساب

2014- 1- 16 02:17 PM

الله لايضيق علينآ.. يعني كل هالايآم ويحشرون الواحد مادتين وراء بعض .. برسل للفريدان والكل يرسل فضلا لا آمرا عسى يتعدل الجدول
شكرآ آخوي على الموضوع..

noofi

2014- 1- 16 02:29 PM

وبعدين يعني خمس مواد و13 يوم افضل تخلونا خمس ايام على قد مواد وش سالفة الجامعهةة مع ادارة الاعمال

ترانيم الوفـا

2014- 1- 16 02:30 PM

يعطيكم العافيه ،، فعلاً نطالب ايام راحه المواد دسمه وتحتاج وقت
وعلى اساس انو رح يتغير ماشوف حصل تغيير :"(

صبر جميل والله المستعان

AL RABIE

2014- 1- 16 03:09 PM

شكرا الاخ عادل على طرحك هذا الموضوع الهام ... شكرا بوسي على التنبيه ..

انا مع التغيير .. يجب ان يكون هناك يوما فاصلا بين مبادىء الادارة العامه والنظم المتكامله للمؤسسات

في كل ترم ارجع واقول هذا اللي يوضع الجدول او اللجينة اللي توضع الجدول فيهم خلل فني بعقولهم ..

معقوله 13 يوم اختبار و 5 مواد ( حاشرين مادتين ورا بعض ومادتين مو اي مادتين دسمات وثقال )
حسبي الله ونعم الوكيل
الان برسل للفريدان على التويتر ..

AL RABIE

2014- 1- 16 03:24 PM

تمت مراسلة الفريدان بتقديم مبادىء الادارة العامه لليوم الثالث نظرا لوجود النظم المتكامله للمؤسسات باليوم التالي مباشرة ..

ابوإلياس

2014- 1- 16 04:41 PM

ماهو عنوان البريد(((د/الفريدان......:000:......والصيغه اللي اتفقتوا
عليها........علشان نشارك جدا متضررين من
هالجدول الحوسه.........على وعسى انشا الله يصيرشي
ايجابي......وموفقين انشاالله:icon9:

علي ظافر

2014- 1- 16 06:35 PM

جدول من المستوى 6و7و8 مواد وراء بعض مدري ليش كذا مع ان فيه وقت كافي 13يوم مدة امتحانات

عبدالعزيز123

2014- 1- 16 08:17 PM

الله يعطيكم العافية

الجدول ان شاء الله يبي يعدلونه

نصيحة

خلوا الفريدان

وراسلوا الدكتور عبدالرحمن العنقري وكيل الجامعة للدراسات والتطوير وخدمة المجتمع

واذكروا له هالنقاط

عدم ثبات الجدول وتغييره

تضارب بعض المواد

عدم وجود راحة بين بعض المواد

ركزوا على هالنقاط فقط لانها مصلحة عامة للطلاب , اما الامور الشخصية والدراسية عند الفريدان

الدكتور متعاون الله يجزاه خير

سبق ان راسلته ووعد خير

alenkry@ تويتر د . عبدالرحمن العنقري

أموونه

2014- 1- 16 09:23 PM

الي يقهر الثلاث الأيام الأولئ ما فيها شي لـــــيــــــه لـــــيــــــه

Ameerh..~

2014- 1- 16 11:05 PM

يقدرو يغيرو بالجدول من غير مايزودو ايام لان كل مستوى ان كثر 7 مواد يقدروا يوزعونها بين 13 يوم بالراحه

يبغالها تكنيك من عندهم وتضبط ان شاء الله

العناوشوالعنا

2014- 1- 16 11:58 PM

السلام عليكم ياشباب لازم الجامعة تفهم اننا طلاب ندرس عن بعد كيف الجدول يكون كذا تحس انه جدول طلاب ابتدائي ورى بعض الاختبارات و خسرانين لو خلوها متفرقة ولا هذي برضو من خطط الرسوب المخطط له من قبل الجامعة ارجو ان الجامعة توضح لنا سبب وجود الاختبارات ورى بعض وش الاسباب والمرئيات نحن طلبة تعليم عن بعد ارجو نوقف كلنا يد وحده من اجل التغيير مع اطيب تحياتي

العناوشوالعنا

2014- 1- 17 12:06 AM

ياجماعة الخير دول طاحت باسباب التغيير اذا ماتغير الجدول لاتسجلو مواد وخلوهم يلمو فلوس من الهواء ماحنا خسرانين شي ماسكين وظايف وخالصين اخل ترم واتخرج بمعدل صح ولا يضغطني بالمواد واتخرج بتقدير مقبول

vip-1

2014- 1- 17 02:39 AM

اقتباس:

المشاركة الأصلية كتبت بواسطة العناوشوالعنا (المشاركة 10350712)

واذا ما تعدل الجدول
وليه اضيع فصل علشان مشكله مثل هذي

ممكن نحذف وحده من المادتين وناخذ بدالها الادارة الاستراتيجيه من المستوى السابع
او نتكاتف ونكلم الفريدان على حسابه على التويتر

حساب الدكتور عبدالله على التويتر

alfraidan@

كل واحد يكتب له عن تقديم اختبار مبادى الادارة العامة لليوم الثالث

انا كتبت الصيغه هذي
============
د عبدالله نرجوا نحن مستوى سادس ادارة اعمال تقديم مقرر مبادى الاداره العامة لليوم الثالث بسبب وجود اختبار النظم بعده

نُـوْوتْ

2014- 1- 17 03:40 AM

مستوى سابع عندنا بالأسبوع الأول مادتين ورا بعض .. وبالأسبوع الثاني مادتين ورا بعض بعد

شعاع الأمل

2014- 1- 17 07:09 PM

تم الارسال للفريدان عن طريق التويتر واذا مااستجاب للمطالبه راح اضطر اخذ ماده من مستوى سابع او ثامن

فارس740

2014- 1- 18 01:11 AM

قهـر بمستوى سادس اكلنها واخذنا مادتين ورى بعض ...

والان بمستوى سابع يوجد اربع مواد ورى بعض ... وش الترتيب والتنسيق السيء جدآ من الجامعة ..؟

نسيم الصبا

2014- 1- 18 01:39 AM

شوفوا هنا

http://www.ckfu.org/vb/t546192.html

l a v e n d e r

2014- 1- 18 08:51 AM

هالرابط مهم للكل ،،،

http://www.ckfu.org/vb/t546192.html

l a v e n d e r

2014- 1- 18 08:52 AM

اقتباس:

المشاركة الأصلية كتبت بواسطة نسيم الصبا (المشاركة 10353914)

شوفوا هنا

http://www.ckfu.org/vb/t546192.html

ههههههههههههههههـ

ما انتبهت داخلة من جوال عالسريع ،،،

تم التنبيه عالرابط

ربي يكتب لنا الخير

امونه 22

2014- 1- 19 04:34 PM

لجدول مرررره صعب علينا بالمادتين

ابوحاتم000

2014- 1- 20 01:22 AM

عادي وش المشكلة اذا كانت يومين ورى بعض اختبرناها و الامور كانت طيبة ولا فيه مشاكل
المشكلة الحقيقية في عقلية الدكتور محمد الجيزاوي مدرس المادة يعني لو خلوا كل مادة بشهر لحاله او ورى بعض ما راح تفرق لأن الانسان مريض او حاقد .. الله يكفيكم شره

New LiFe

2014- 1- 20 11:34 AM

وش ذا الحوسه

Az~OoO~Zz

2014- 1- 20 01:09 PM

السلام عليكم .. يا اخوان
اولا مبروك انتقالنا للمستوى السادس و راح الكثير .. والي انا اشوفة بدل مانندب حظنا ونقول الجدول شين والي فيه فيه... ليه ما احنا نزين جدولنا على الي احنا نبيه ...

مثلاً الحين باقيلنا ثلاث مستويات (السادس و السابع و الثامن) ولا فيه متطلب لأي مادة يعني نتنقل بين هالمستويات ونظبط لنا جدول على كيفنا و نصوت عليه مع الأخذ بالأعتبار المستويات القادمة....

ايش قلتوا...

أبو رفعه

2014- 1- 20 04:17 PM

محمد الجيزاوي هذا وش قصته؟؟
وش اسم الماده اللي يدرسها واسئلته ليش كثير اعترضو عليها ..؟؟

im Diamond

2014- 1- 20 11:43 PM

عجزت ارتب صراحه جدول مرهق والسابع يجب الجلطه بس وانا اشوفه حسيت بصداع

مادتين ورى بعض ارهااااااق والتاجيل صعب جدااا والمشكله لافي ترم صيفي الواحد يعتمد عليه ولا شي

ابوسعود الروقي

2014- 1- 21 12:11 PM

المادتين ذولي مانعرف وش وضعهم الصراحه

وكان ناوي اخذ الرياضيات 2 هالترم عشان جدولها جاي اول شي

بس ذي خربت الشغله كلها

الله يعين وتزين ان شاءالله

All times are GMT +3. الوقت الآن حسب توقيت السعودية: 07:17 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه