ابي فزعتكم تكفوووووووون
 

ابي فزعتكم تكفون انا قدمت عذر عن ذا الترم قلتوا لي انهم يردون بحدود يومين وهم ماردوا للحين قالوا لي بنات انهم يمكن مايردون بعد انا خايفه اقعد كذا معلقه مادري وش وضعي دخلت على الاسئله المتكرره بحثت عن كلمة الاعتذار كاتبين-----( بعد فترة انتهاء الاعتذار لايمكن تقديم طلب الاعتذار وعلى الطالب مواصلة الدراسه الا اذا كان فيه مانع من دخول الاختبارات في تلك الحاله يمكن للطالب المتغيب بعذر عن ادا الاختبار النهائي تقديم العذر بايقونه التغيب بعذر )----- بس انا لقيت ايقونه الاعتذار عن الترم الحالي مفتوحه وقدمت اعتذار وللحين ماجاء لي الرد تكفون فهموني وش وضعي اللحين انا يعني صدق اللي قالوا البنات ماراح يردون وانه خلاص اقبلوا عذري ولا لازم يردون اخاف مايردون او يرفضون الاعتذار والأنظمة تسكر ماحليت شي ولا بديت بشي

رد: ابي فزعتكم تكفوووووووون
 

الحين تفتحي اذنك للبنات ليش ؟
انتي سالتي ورديت عليك
ودام الايقونة مفتوحة يعني طلبك وصل لهم ..
وقلت لك اكتبي بايقونة الاسئلة المتكررة مو تقرأي ..
والافضل اخذي ايميلات العمادة وراسليهم حتى تطمني
وقولي لهم انا قدمت هل راح يقبل عذري او لا؟
حتى اضبط وضعي للاختبارات ..

خليك واضحة بطلبك لاتطوليها معاهم ..


‎عميد جامعة التعليم عن بُعد / د. عبدالله الفريدان
afridan@kfu.edu.sa‏

‎سكرتير العميد ورئيس قسم الخدمات الطلابيه الأستاذ أحمد الشعيبي
amshuaibi@kfu.edu.sa

‎الرقم المجاني للجامعه من يوم الأحد وحتى يوم الخميس
‎من الساعه الثامنه والنصف صباحا وحتى الرابعه عصرا
8003030308

رد: ابي فزعتكم تكفوووووووون
 

طيب يعطيك العافيه أكيد بخاف وأسئل مدري وش وضعي

رد: ابي فزعتكم تكفوووووووون
 

ترى من اشوف كلمة تكفووووووون تصيبني خرعه
الحين انتي خرعتيني الليلة كيف انام :24_asmilies-com:

حبيبتي انتي تواصلي مع العمادة دام انك قدمتي ع طلب اعتذار
والله يقدم اللي فيه الصالح لك
وعسى ان تكرهوا شيئاً وهو خير لكم ..

رد: ابي فزعتكم تكفوووووووون
 

ان شاءالله ياقلبي بكرا اكلمهم الله يجزاك خير دايم تفزعين لي ودائم تردين على الكل الله يسعدك على قد ماسعدتينا وأكثر يارب