|
وش الموضوووووع ياجامعة يافيصل
السلام عليكم ورحمة الله وبركاته
وش يعني عشان قربنا نتخرج حستو ام المخ حقنا هو باقي فيه شي اصلا . يالله يكفينا نربي عيالنا ونعيش حياتنا حنا مين قال لنا ندخل الجامعة . كان حمدنا ربنا على شهادة الثانوية العامة وحسن سيره وسلوك وش باقي نبي بس .... المشكلة بني آدم طماع دايم يحب يرتقي للأعلى بس وين اللي يفهم !!! وبعدين اسئلة هالعام زي منتو شايفين مستقصدينا يبونا نحمل كم وحدة مافيها كلام هذا شي منتهين منه . بس وش تتوقعون المقصد عشان فلوس يعني ممكن ليش لا عشان يسوووون اهمية للجامعة مدري وش الموووووضوع!!! بس انا اللي فاهمه لو حملت كل هالمواد هالترم راح انزلها الترم الجاي بكل روح رياضية ومتخرجين متخرجين ماباقي الا ترم وماراح يعكر جوي لا دليم ولاغيره وآخيرا الجامعة صعبة قووووية لكن مو على الدفعة النارية ....................... |
رد: وش الموضوووووع ياجامعة يافيصل
لا انشاءالله ماراح تحمل اي ماده تفائل بالخير والله يوفق الجميع
|
رد: وش الموضوووووع ياجامعة يافيصل
الله يوفقك
اتمنى لك حياه سعيده امور طيبه |
رد: وش الموضوووووع ياجامعة يافيصل
مساء الخير ........هذا ثالث اختبار واضح جدا اللف والدوران فى الاسئله وفى الاجابات .....فى الدول المتقدمه يقيم الدكتور وتقيم اسئلته من ناحية الصعوبه والاختيارا فى الاجابات ...واذا كان فيها لف ودوران يتم انهاء عقده مع الجامعه ......لكن واضح العكس هنا تماما
|
رد: وش الموضوووووع ياجامعة يافيصل
ههههههههههههههههههههه حلوه صعبه قويه لحنتها واانا اقراها
|
رد: وش الموضوووووع ياجامعة يافيصل
وانا اخوك الشرهه موب على الدكاتره الشرهه على اللي جابهم وتعاقد معهم
وخلاهم يمسكون بزمام الامور لمثل هالمواد اللي المواد أكبر منهم لكن دليم كنه يقول اتحداك تجاوب وإذا جاوبت قالك شطوووووور شغل صبياني للأسف .. فيه دكاترة أمثال زهران وحنفي وغيرهم شرحهم ممتاز وواضح وحتى لو غيروا الأسئلة تقدر تفهم من السؤال وش المطلوب مهوب مثل هالعـله يشتت ذهنك ويحوسك .. الله يعين بس |
رد: وش الموضوووووع ياجامعة يافيصل
البكالوريسيه صعبة قوية والبكالرويسيه صعبة قوية :41jg::41jg::41jg::41jg::41jg: |
رد: وش الموضوووووع ياجامعة يافيصل
قليل من التفاؤل
لم نخسر الجنة لا شي يستحق أن نتذمر من اجله الحمد لله على كل حال |
رد: وش الموضوووووع ياجامعة يافيصل
سياسة التطفيش بدأوها الترم الماضي
والترم هذا طبقوها بعنف هي محاولة لاستعراض العضلات من الدكاتره وبالنالسبه لادراة الجامعه ما يهمهم (شبعانين) ويعرفون ان الطلاب بيسجلون بالالاف كل ترم يعني الله يعدي الترمين الاخيره لنا على خير بس!!!!!! |
رد: وش الموضوووووع ياجامعة يافيصل
موضوع محبط جديد .. أذكر رب ورح ذاكر اللي باقي لك
|
| All times are GMT +3. الوقت الآن حسب توقيت السعودية: 08:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام