ملتقى طلاب وطالبات جامعة الملك فيصل,جامعة الدمام - مذاكرة جماعية كيف راح تكون طريقتك في المذاكرة ::: هالترم

صفحة 4 من 5

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 7 (https://vb.ckfu.org/f389)

- - [ مذاكرة جماعية ] : كيف راح تكون طريقتك في المذاكرة ::: هالترم (https://vb.ckfu.org/t697474.html)

ديرتي دار الشيم

2015- 8- 30 03:48 PM

رد: كيف راح تكون طريقتك في المذاكرة ::: هالترم

السلام عليكم ورحمة الله

انا طريقتي اخوي هولمز كالتالي :

اذاكر كل 3 محاضرات مع بعض لكل ماده بعد ما احضرها مع الدكتور وبعدها الماده اللي بعدها لحد ما اخلص المواد كلها

وبعدين اذاكر الثلاث محاضرات اللي بعدها بعد ما اشوف المحاضرات مع الدكتور ... بس هالمره ما ابدأ المراجعه من المحاضره رقم 4 ابدأ من المحاضره رقم واحد, وبكذا اكون مريت على المحاضرات 1 و 2و 3 للمره الثانيه

واكمل المحاضرات 4 و 5 و 6

وهكذا, طبعا الطريقه هذي متعبه جدا, بس كل هالتعب بيروح لا شفت السكور شيت حقك

وهو stright A يعني كله ِA+

ديرتي دار الشيم

2015- 8- 30 03:54 PM

رد: كيف راح تكون طريقتك في المذاكرة ::: هالترم

طبعا اذا سويت طريقتي

كل الاسئله اللي بتجيك بالاختبار "خل نقول" 95% منها بتكون عندك تصور عن الاجابه قبل تقرأ الخيارات

انا موظف و أب لاربعة اولاد والحمد لله معدلي فوق الـ 4.5 من فضل الله

فلا تقول العمل والبيت والابصر ايش ومدرك ايش

قول يا رب

وشوف الخالق كيف بيسهلها لك

تراه ارحم بأحدكم من ابيه وأمه جل في علاه

هولمز

2015- 8- 31 02:51 AM

رد: كيف راح تكون طريقتك في المذاكرة ::: هالترم

اقتباس:

المشاركة الأصلية كتبت بواسطة وقتي (المشاركة 12619993)

موضوع جميل اخ هولمز وجاء بوقته عشان كذا زاد جمالالي اسلوبي الخاص الي تعودت عليه من سنين طويله '
وهو اني اقراء وقدامي ورقه وبيدي قلم وأكتب بطريقه سريعه جدا وبصوت خافت
طبعا لازم اكون وحدي عشان لا يفكرون هل البيت انب مستخف ههه
.. هذا اذا كان في وقت للمذاكره وبديت من بدري
فاجمع حاسة النظر والقراءه بالأضافه الى الكتابه
فتزيد نسبة الأستيعاب عندي بلا شك
اذا في شخص يدرس معي ' استفيد اكثر وتثبت المعلومه اسرع
بطريقة التلقين والاستراجع وفيها متعه بنسبه لي اكبر
وتقضي ع حالة الملل والسرحان والنعاس الي تجيني في الغالب اول مافتح الكتاب .
عندما ابداء متأخر افضل قرأت كل ماده على حده
من الأولى الى المحاضره الثامنه قبل الأنتقال الى الماده
الأخرى لأفعل معها نفس الشي ثم انتقل للجزء الثاني من كل ماده وحتى المحاضره 14
وهذا اسلوبي الذي اعتدت اليه في الأونه الأخيره'
المهم جدا هو الرجوع الى اسألة الأعوام السابقه والكوزات
لكل محاضره والاستفاده وتبادل المعلومات والأراء مع الاخوه ولاخوات هنا
له أثر كبير في تصحيح بعض المفاهيم وتثبيت المعلومات '
نرجو للجميع ترم دراسي حافل بالعطاء والأنجاز والتوفيق والتفوق
وتمنياتي للجميع بالخير والسداد في الوقت المحدد لاحد ينسى هههههه

ومرورك أجمل أخوي وقتي .. وطريقتك جدا رائعة

والله يبارك لنا ويبارك لك في وقتك

هولمز

2015- 8- 31 02:52 AM

رد: كيف راح تكون طريقتك في المذاكرة ::: هالترم

اقتباس:

المشاركة الأصلية كتبت بواسطة هنادي خالد (المشاركة 12637104)

وعليكم السلام ورحمة الله وبركاته موضوعك جدا مفيد ومهم للكل
تم تنبيه الدفعة وبينضاف للفهرس عشان يستفيدون منه الكل

وانا طريقتي مشكله كل ترم شي هع على حسب المزاج

وتقريبا اغلب المشاركات اننا زيهم

كلك ذوق يامشرفتنا المتألقة

هولمز

2015- 8- 31 02:59 AM

رد: كيف راح تكون طريقتك في المذاكرة ::: هالترم

اقتباس:

المشاركة الأصلية كتبت بواسطة ديرتي دار الشيم (المشاركة 12641191)

جميل

يعني لما ترجع للمحاضرة السابعة تبدأ من المحاضرات 1 2 3 للمرة الثالثة و 4 5 6 للمرة الثانية

:21:

اقتباس:

المشاركة الأصلية كتبت بواسطة ديرتي دار الشيم (المشاركة 12641202)

ونعم بالله ... ماشاء الله تبارك الله وأنا خوك

... والله يديم عليك سعت البال

.R.Z.H

2015- 8- 31 03:33 AM

رد: كيف راح تكون طريقتك في المذاكرة ::: هالترم

والنعم بكل الاخوان والاخوات وطرقكم صحيحه انا بعد كل محاضره اقراءه وافهمها بعدين احدد المهم والجزئيه اللي ركز فيها الدكتور وبعد كل محاضرتين او ثلاث اسوي مراجعه سريعه وبعدها بساعه او اكثر اسوي الكويزات اللي نزلوها الاخوان والاخوات واشوف الجزئيه اللي لخبطت فيها واسجلها بدفتر خارجي ان هالجزئيه يبيلها تركير وعلى هالطريقه اللين المحاضره السابعه وبعدها اسوي مراجعه من البدايه الين الجزء اللي وصلت له ونفس الطريقه ارجع للكويزات والله الميسر للخير والبركه مع اني انشغل واقوم بالوالد الله يرفع عنه ويرحمه برحمته

المنادي

2015- 8- 31 08:56 AM

رد: كيف راح تكون طريقتك في المذاكرة ::: هالترم

بخصوص طريقه المذاكرة اذا الدكتور لم لم لم يتغير كوننا الان بمستوى سابع واشوف ماحد تغير ابتدي بالعكس بالمذاكرة أفتح بالاول الاسئلة السابقه واشوف طريقتها كيف بالاسئله واعمل نفسها بالكتابة بجانب الصفحه واعرف كيف طريقه الاختبار وتصير الاسئله اللي راح تجي سهلة واركز على الجزئيات اللي ماذكرها بالاختبارات واذا خلصت اعمل تدريب بالكويزات لكل 3 محاضرات وكذا الى ان انهي المقرر أما سالفه استماع المحاضرات مافيه أمل أسمعها لآنه من جد تأخذ وقت غير طبيعي والله مافيه وقت اشوف الفيديو الا اذا كنت غير فاهم شيء مثل المسائل الحسابيه مع أني اشوف حتى اغلب المسائل مشروحه عن طريق أخواننا واخواتنا

وبالتوفيق لكم

(مشعلي)

2015- 8- 31 09:34 AM

رد: كيف راح تكون طريقتك في المذاكرة ::: هالترم

يا هلا ابو عبدالله وشكراً على الموضوع التواصلي الجميل

تحفيز مبكر ورائع من ابا عبدالله

اولاً بشر كيف عبودي ربي يسعدك به ويخليه لكم

ثانياً اقول لك الناس ختمت مواد مستوى ثامن وانت جالس تقول كيف طريقة مذاكرتكم
:064: ما فتحت ولا ماده

نرجع للموضوع

طريقتي بالمذاكره وعادة ماتكون متأخره شويات استمع للمحاضره ثم ارجع الملخص اقراءه وبعدها ارجع لاسئلة السمسترات السابقه واطلع على اسلوب الدكتور بالاسئله واحاول اجواب دون الرجوع للملخص

دعواتكم نبدأ بدري شويات واتمنى التوفيق للجميع

Velvet Eyes

2015- 8- 31 05:16 PM

رد: كيف راح تكون طريقتك في المذاكرة ::: هالترم

انا طريقتي مختلفة شوي عن الاخوان والاخوات

اول ما ابدا اجمع الأسئلة وأجوبتها وأبدأ اناقش الاجوبة مع نفسي واذا مسألة اشوف كيف انحلت المسألة

وبعد ما اخلص اسئلة نموذجين او اكثر لنفس الدكتور ابدا افتح افضل ملخص واركز الاسئلة على الجزئيات اللي جت فيها .. وهذي مراجعة ثانية .. واقرا الاجزاء اللي ما جت منها اسئلة مجرد قراءة سريعة..

وبهالطريقة يبين معاي الدكتور وين يحب يركز في أي فصول .. واي الفصول اللي يطنشها بالاسئلة .. وكيف طريقة اسئلة الدكتور .. وغيره ..

هي طريقة جميلة وتختصر الوقت ولكن ما تخلو من مغامرة ..

MR H	2015- 8- 31 09:30 PM

رد: كيف راح تكون طريقتك في المذاكرة ::: هالترم

السلام عليكم ورحمة الله وبركاته

مثل كل تيرم ، قبل الأختبارات بأسبوعين او ثلاثة وماشية ولله الحمد

All times are GMT +3. الوقت الآن حسب توقيت السعودية: 01:58 AM.

صفحة 4 من 5

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه