|
رد: انطباع عام لطلبة الدفعة الماسية عن مستوى سابع للترم الأول عام 1438
بالنسبه لي أخذت هالترم ماده نظريه منظمات الماده حفظ×حفظ يبغالها تبدأ من بدري دكتورها عيسى حيرش الله يعينكم عليه لازم تدققون على كل كلمه بالمحتوى لأن الدكتوور متعمق بزياده ....ربي يوفقكم وييسر أمركم ..
|
رد: انطباع عام لطلبة الدفعة الماسية عن مستوى سابع للترم الأول عام 1438
هذا الترم
سهل و لله الحمد كان اعتمادي بعد الله على تبويب ام جهاد و كويزات الورشة الله يسعدهم و كان تقديمي حلو جدا خذت جميع المواد الا النظريات و ارى هذا الترم فرصة لرفع المعدل و الله يوفق الجميع |
رد: انطباع عام لطلبة الدفعة الماسية عن مستوى سابع للترم الأول عام 1438
يعطيك العافية فاطمة على الموضوع
بالنسبة لي حصلت لي ظروف في السابق وتأخرت مستوى والحين جالسه أحاول اكون مع دفعتي قدر الامكان اخذت معكم فقط بحوث الأعمال المادة متداخله وتحتاج تركيز ومتابعة من البداية والاختبار كان جدا جميل وواضح اما الادارةالاستراتيجية اخذتها السمستر الماضي و من تجربتي المادة جدا جميلة وتحتاج تركيز من مستوى ثامن كنت معهم في إدارة المشاريع جمييييييله المادة والاختبار اجمل وتحتاج تركيز لان كله تعداد ومراحل واخذت القضايا وبالنسبة للقضايا بليييييز لا تسمعون كلام الدكتور. ذاكروا المحتوى انا كان عندي ظرف قاهر ( حريق ) بسم الله عليكم وذاكرت المحتوى قراءة وركزت عالاسئلة وانكبت ولأول مرة تحدث معي ولماده ماكنت شايله هنها ابدا وقدر الله وما شاء فعل بالنسبة للتعاقد مادة جميلة وممتعة ومحتوى قليل تابعت مع الدكتور المحاضرات فصارت اسهل وانصحكم تسمعون المحاضرات الاختبار ما اعتبره شقلبة اسئلة اكثر من انها ملغمة وانا نفس فجر احس اجاباتي صحيحة وانتظر النتائج بالتوفيق لكم دفعتي وللأسف راح اتأخر عنكم في التخرج لاني آخذ مواد قليلة بحكم ظروفي أحب استمتع بالدراسة واعطيها حقها فما ابغى ( اخسف المعدل) والماستر ينتظرنا>:sm12:>> شورانا العلم نور :love080: |
رد: انطباع عام لطلبة الدفعة الماسية عن مستوى سابع للترم الأول عام 1438
اقتباس:
الف سلامة عليك حبيبتي ماتشوفي شر يارب ربي يبعد عنكم كل مكروه .. الاستراتيجية حلوة لكن حيرش خربها بطريقته بالاسئلة ان شاءالله موفقة حبيبتي :004: |
رد: انطباع عام لطلبة الدفعة الماسية عن مستوى سابع للترم الأول عام 1438
جميع المواد جميله مع ملخصات الاخت ام جهاااد
اما نظرية المنظمات ماجلتها للترم الجاي |
رد: انطباع عام لطلبة الدفعة الماسية عن مستوى سابع للترم الأول عام 1438
اقتباس:
اقتبس ردها نفس الرأي لكن موادي كانت 6 وهي / ادارة استراتيجية + بحوث الاعمال + ادارة اعمال صغيرة + ادارة التغيير + المحاسبة الإدارية إدارة جودة من المستوى 8 وأضيف الدكتور حيرش الادارة الاستراتيجية يحتاج للمزيد من التركيز ! خصوصا أول ترم يمسك المادة معنا موفقين يارب ~ |
رد: انطباع عام لطلبة الدفعة الماسية عن مستوى سابع للترم الأول عام 1438
ما حضرت نظرية المنظمات غايب
وما سجلت بحوث الاعمال و ادارة التغيير للاسف باتاخر عنكم دفعتي الماسيه تمنياتي لكم بالتوفيق |
رد: انطباع عام لطلبة الدفعة الماسية عن مستوى سابع للترم الأول عام 1438
وعليكم السلام ورحمه الله وبركاتهانا بنظرى المذاكره بدرى وتركيز بدرى راح تسهل عليك جميع المواد
|
رد: انطباع عام لطلبة الدفعة الماسية عن مستوى سابع للترم الأول عام 1438
يعطيكم العافيه
بالنسبه لي ادارة اعمال صغيره ماذاكرتها قبل الاختببار ولما جيت اذاكرها ورطت توقعتها سسهله بس لقيت والله انها والدكتور دقيق الله يجزاه خير بالنسبه لنظرية المنظمات ماخذتها وان شاء الله اركز فيها بناء على نصايحكم الله لايضيع لنا تعب ويجعل الختام مسك ويكتب لنا التخرج على خير |
رد: انطباع عام لطلبة الدفعة الماسية عن مستوى سابع للترم الأول عام 1438
هالمستوي برعاية حريش كل ماتلفتنا لقيناه :16.jpg:
مع اني ما أخذت ولا ماده معاه غير عمليات وكانت كويسه رغم انه غير كثير يحب يتفلسف هالدكتور يعنني مايبي يكرر :smile: المهم نرجع لمواد سابع اخذت منها ثلاث مواد وسبق اخذت استراتيجيه مع بلالي وكانت كويسه الحمدلله بحوث أعمال جدا الاسئلة جميلة واضحه اسئلته ومباشره لا لف ولادوران وكل اللي قاله بالمباشر جاء ولا يحور بالاسئله ولا شئ كان الاختبار جدا جدا جميل ماقصر الدكتور :004::004: محاسبة إدارية الدكتور جدا متعاون واسئلته جميله اغلبها مكرره انصحكم بالمحتوي وبعدها امسكو العملى من ملف ام جهاد حتى الارقام جابها لنا نفسها كنت خايفه من الوقت لكن الحمدلله ماتعمق واسئلة العملى مباشرة ومو طويلة كفانا الوقت حل ومراجعه وزياده بعد الله يجزاه خير اتوقع اسئلة دفعتنا اسهل شئ :sm5::004::004: إدارة التغيير سملالي كالعاده ينكب دفعتنا على كل الدفعات كرر واسئلته كانت واضحه إلا عندنا حور فيها مدرى ايش فيه علينا :sm1::sm1: رغم عندنا له اتوقع 7 نموذج لكن جاب اسئلة جديده المهم لاتصدقونه اذا قال اي كلمه اعوام عليكم بالمحتوى وبعدين التبويب كرر لنا بس جاب اسئله جديده وبعضها حور فيها وتفنن عن نفسي الحمدلله مسكت المحتوى واشوف الاختبار كان حلو بس يبيله تركيز بالاجابات اخذت مادتين من ثاني وماده من ثامن .. إنجليزي لعب فينا لعب وغير طريقة اسئلته اللي لغته ميح ومايعترف بالانجليزي انصحه يحاول طول الاجازه يقرا انجليزي او كلمات او اي شئ المهم يقوي لغته شويه اسئلته كانت غريبه يجيب الجواب واحنا نختار السؤال وهالطريقة متعبه مدرى ليه قرر هالسنه يغير طريقته وكل اللي قاله بالمباشر ماجاب منه شئ وغير طريقته 180 درجه عن الترمين اللي درسهم ما اعرف ليه بعضهم تكون مادتهم تافهه واضحه وغصب يعقدونها ويدورن طرق تعقد الطلاب أخلاق رائعه الماده ودكتورها اروع متعاون جدا جدا وخفف المنهج كثير عن اللي قبل واسئلته واضحه وجميله وكل اللي قاله بالمباشر مهم لقيناه بالاختبار الله يجزاه خير ساعدنا كثير ربي يسعده :004::004: إدارة جوده عفانه هالدكتور فعلا اللي يقولون عنه يهمه الطالب متعاون رغم ان مادته دسمه لكن ساعدنا كثير وطريقة اسئلته تبين الجواب الصحيح ماكرر كثير وجاب اسئله جديده لكن واضحه الله يسعده يارب ويكثر من امثاله :004::004: وانصحكم أول بـ أول مستوى سابع متعب انه ورى بعض وبعض المواد معقده لكن اغلب الدكاتره متعاونين وحاولو تذاكرون المحتوي بعدين التبويب وبالتوفيق للجميع يارب :004::004: |
| All times are GMT +3. الوقت الآن حسب توقيت السعودية: 02:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام