[ استفسار ] كيف وضعي بالجامعه

[جنوبيه رزه]

جاوبوني لو سمحتم يامشرفين انا اختبرت المستوى السابع وقفلو علي النضام علشان ماسددت مبلغ والحين هاذا الترم الثالثه ولسه مسكرين واناماسددت الترم الجاي اكم المبلغ الي علي واخش ع الترم الثامن ايش وضعي عادي ولا ليكون فصلوني او شي ردو تكفون

[فهد السويلمي]

أرسلي ايميل للجامعه أو أتصلي على رقم الجامعه وأن شاء الله أنهم يفيدونك


انا صار لي موقف مشابه لحالتك هذي وبقولها لك يمكن اقدر افيدك بشيء ،

قبل أربع سنوات سجلت مواد وكل شي لكن أني ماسددت وصارت لي ظروف مرض أمي وسحبت على الجامعه سنه ونص وحتى اختبارات ما اختبرت ونزلت نتايجي كل مواد راسب فيهم

وطول هالفتره سنه ونص يطالبوني أسدد المبلغ تقريباً 2500 وانا ساحب عليهم حتى ماسويت ايقاف ولا ارسلت لهم اعتذار ماسويت شي نهائياً سحبت عالجامعه

والحمدلله بعد ماتشافت أمي رجعت ابي اكمل دراسه وحصلتهم وقتها يطالبوني بالفلوس ( ورحت ارسلت ايميل للفريدان ) وشرحت فيه الوضع اللي صار لي والظروف الي صارت معي ..

وبعدها الحمدلله دخلت موقع الجامعه حصلت مكتوب لي ( تم سداد المبلغ كامل + حالة الطالب فعال + شالوا عني كل المواد الي ماختبرتها وأحذفوا الرسوب عني )

أنتي جربي ارسلي ايميل للفريدان وأشرحي وضعك فيه وكلمي الجامعه وأن شاء الله تحصلين حل لمشكلتك

وان شاء الله احد من الاخوان يكون عنده حل ويفيدك بعد .. وبالتوفيق لك

[وين القاك]

السلام عليكم ورحمة الله وبركاتة

عندي مشكلة عويصة بأختصار انا لم اسدد رسوم الترم السابق والحالي وما أقدر ادخل موقع الجامعة الخدمات الطلابية (البلاك بورد او الافتراضي) طبعا من بداية الترم وماقدرت احل الواجبات او المناقشات او المحاضرات وعند دخولي لموقع الجامعة تفتح معاية صفحة الشؤون المالية ومكتوب نأسف لإقاف الخدمة عنك وذلك لعدم سدادك للرسوم الدرسية.... حاولت اقدم اعتذار عن الترم الحالي لكن ما تطلع ايقونة تقديم الاعتذار على طول على صفحة الشؤون المالية ايش الحل وهل استطيع دخول الاختبارات واذا ما دخلت اعتبر غياب طبعا مالي نيه ادخل الواجبات والمناقشات والمحاضرات صفر.

[sandersawa88]

الحل النهائي والاكيد .. الوصول للجامعه او شخص مو لازم انت / ي المهم يشرح المشكلة او سبب ما .. والجامعه تقدر وتتساعد باذن الله وما يقصرون وهذا ما حصل معي في اكثر من موضوع

[sandersawa88]

اعيد واكرر لازم الشخص يوصل الجامعة ويروح لادارة الشؤون الاكاديميه