|
رد: انطباعكم عن إختبار المحاسبة الإدارية للفصل الأول من عام 1440
اللي يقولون سهل ماشاءالله وش طريقة المذاكره او انتم متفوقين علينا ذهنياً او في طرق ثاني غير نظاميه :icon9:
لأني مذاكره وحافظه كل شي بس ماحليت كيف نقدر نرفع تظلم فيه ايقونه(ملاحظة الطلبه حول الاختبار) بالموقع بخدمات شؤون الاختبار هل تفيد اذا كتبنا ملاحظاتنا او لا واذا فادت وش ممكن يسوون؟ |
رد: انطباعكم عن إختبار المحاسبة الإدارية للفصل الأول من عام ١٤٤٠
اقتباس:
الله يقويك ويجب على كل طالب ارسال برقية لوزير التعليم لكي يصل لهم ما يفعهله الصاعدي من مهزلة |
رد: انطباعكم عن إختبار المحاسبة الإدارية للفصل الأول من عام ١٤٤٠
اول مرة يمر علي اختبار بهذي الصعوبة بالتعقيد واللف والدوران اللي اقل شي 3ساعات عشان تقدر تحلها ،،
الله يرزقنا من حيث لانحتسب |
رد: انطباعكم عن إختبار المحاسبة الإدارية للفصل الأول من عام 1440
اقتباس:
فعلا م شاء الله وش طريقة المذاكرة افيدونا يمكن احنا اغبياء و احنا م ندري :007: اذا الاغلبيه اجمعوا انه صعب و معقد على اي اساس تقولون سهل ؟؟! :hhheeeart4: |
رد: انطباعكم عن إختبار المحاسبة الإدارية للفصل الأول من عام 1440
اول شيء مادة زي المحاسبة يبغالها متابعه المحاضرات من اول الترم
ثاني شي حاول تذاكرها قبل اسبوعين من الاختبار عالاقل وتفهم مسائلها اللي بالمحاضره قبل الحفظ قبل الااختبار بيومين حاول تجزئ المذاكره على يومين . اول يوم 7 محاضرات ( ذاكرها من اول وجديد وافهم المسائل وتدرب عليها ) ثاني يوم الباقي من المحاضرات وضروري ضروري ضروري يوم الاختبار تقرا باستيعاب وفهم وبشكل سسريع الملخص عشام وقت الاختباو تكون المعلومات حاضره وقريبه حكاية اذاكر من شغل دماغك لحاله ومن التبويب لحاله ومن المحاضرات المباشرة لحال ماتكفي ،، هذي خذها تدريب على فهمك فقط والتبويب ضروري تفهم طريقة الدكتور بطرح الاسئلة هل ياخذ من بين السطور او رؤوس اقلام و الاجابات بحطها قريبه من بعض ولا بعيد و تقدر تعتمد على مذاكرتك حسب طريقة طرح الاسئلة و للي ماعندهم وقت و موظفين خذ ساعه من بداية الترم كل يوم تذاكر فيها عشان مايتجمع عليك كل شي اخر الترم وتقول ماعندي وقت هذي طريقتي مع كل المواد والحمدلله من اول مستوى ودرجاتي a - a+ الا مادة مبادئ الادارة و الاقتصاد الكلي مافاد معاها وبالتوفيق لنا كلنا ، |
رد: انطباعكم عن إختبار المحاسبة الإدارية للفصل الأول من عام 1440
اقتباس:
لكن مو الكل يقدر يسوي هالشيء واغلبنا موظفين وعندنا دوامات وحوسه وعيال واشغال يعني زين منا اذا دخلنا حلينا الواجبات والمناقشات ... الخ المفترض من دكاترة الجامعه يقدرون الوضع ويعرفون ان الناس مستويات ف الفهم والاستيعاب وحتى التفرغ ولا اعطي اعذار للطلاب بدون المعلمين ،، لكن الحق يقال ان الجزء الاكبر من المسئولية والتفهم يكون من طرف المعلمين خصوصا ان احنا نعتبر من اواخر الدفعات ف الجامعه وعلى وشك التخرج باذن الله فكرة ان يعاملنا معاملة المنتظمين او يحاول يجرب قدراته السحرية على حسابنا م تصلح كل اللي اقدر اقوله ،، وش يكون شعور المعلم وابناءه لما يدخلون ويقرون دعوة لابوهم او دعوة على ابوهم كثيييييييييييييييييييييييييير تفرق الله يوفقنا واياكم ويرزقنا النجاح والتفوق ^_^ |
رد: انطباعكم عن إختبار المحاسبة الإدارية للفصل الأول من عام ١٤٤٠
تبون الجد
والشيء المضحك انا في القاعه ولما بداء الا متحان اشوف ناس يضللون في ورقه الاجابه هههههههههههه حسيت انهم دوافير صراحه ولا مر نص الوقت الا وسلمو اوراقهم ع طول هههههه عرفت ساعتها انهم يجاوبون عشوائي فقط حتى حاسبه ما جابو :) والباقيين جلسنا هواش مع المراقبين عشان ما يسحبون الاوراق بسبب انتهاء الوقت |
رد: انطباعكم عن إختبار المحاسبة الإدارية للفصل الأول من عام ١٤٤٠
السلام عليكم كيف حالكم ان شاء الله بخير اسف للازعاج ولكن حبيت المشاركه اول مره اشارك في ردي في الانطباع ولكن حبيت اقول ان الماده هي بالفعل سهله بالفهم ولكن الدكتور غير الامور يعني تحس ان هذه مو هي مادة المحاسبة الاداريه كانها ماده اخرى انا مثلكم مذاكر جيدا و انا كنت اذاكره كل اسبوع وحتى وقت دوامي اخذ الماده حتى وقت الفراغ اذاكرها ولكن تفاجئت بالاختبارات كانها ماده اخرى يعني والطباعه لم تكن بالمستوى الذي يجعلك تجاوب يعني تجد الطباعه سيئه جدا ولكن الله كريم ونعدي فيها لاني انا ايضا تعبت فيها ولكن حاليا نتوقف في التفكير فيها ونركز بالاختبار القادم والله يوفقنا ويوفقكم جميعا اسفه للازعاج لا اله الا الله محمد رسول الله |
رد: انطباعكم عن إختبار المحاسبة الإدارية للفصل الأول من عام 1440
أصعب اختبار باقي منصدمه منه:Cry111:
|
رد: انطباعكم عن إختبار المحاسبة الإدارية للفصل الأول من عام ١٤٤٠
السلام عليكم
غير الطباعة السيئة وضيق الوفت الدكتور جاب جهده في وضع الاسئلة الله يهديه مع اني خريج كلية قبل عشر سنوات تخصص محاسبة لاكن ما قد شفت زي هالتعقيد في وضع الاسئلة يعني السؤال معطياته كثيره وقبض مقدم ومبالغ آجلة ومطلوب الحل شي محدد الحل متعب ويبي له تركيز اكثر من مره احل واغير ومع الاسف ان اغلب الاجابات تقريبا صحيحه يعني تضرب او تقسم او تجمع او تطرح بتلاقي الارقام كلها موجوده في الجواب بتحتار وش الاصح هالترم اغلبه تحدي لاكن ما نقول الا حسبي الله ونعم الوكيل ونطلب من الله سبحانه التوفيق للجميع ونعدي هالمواد |
| All times are GMT +3. الوقت الآن حسب توقيت السعودية: 01:04 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه