ملتقى طلاب وطالبات جامعة الملك فيصل,جامعة الدمام - استفسار عام ألحقوني يا أخواني أبي فزعتكم تكفون

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 8 (https://vb.ckfu.org/f419)

- - [ استفسار ] ألحقوني يا أخواني أبي فزعتكم تكفون (https://vb.ckfu.org/t545638.html)

loody911

2014- 1- 15 10:43 PM

ألحقوني يا أخواني أبي فزعتكم تكفون

السلام عليكم ورحمة الله وبركاته

أخواني في الله , أنا قدر الله علي وما نزلت مهارات الإتصال في نفس المستوى اللي المفروض أنزلها فيه

الزبدة الآن المادة نشبت لي أنا آخر مستوى الثامن إن شاء الله والمادة تتعارض مع مادة موضوعات خاصة في الإدارة وإلا باقي المواد تمام هل من المعقول إني أدرس ترم خامس زيادة عشان مادة من ساعة واحدة وربي قهر وغبنة والخوف لو ما ينزلونها ترم صيفي يعني ما أتخرج عشان مادة وحدة من ساعى وحدة وأقعد إلى السنة الجاية يا جماعة والله ما يصير أدري غلطتي أنا من البداية بس شسوي طاح الفأس بالرأس وهالحين شوركم شنهو؟ ولا أخاف بعد ما يضموني لحفل التخرج هالترم ولا أعتبر من المتوقع تخرجهم

فوشيه مبرقعة

2014- 1- 15 10:55 PM

رد: ألحقوني يا أخواني أبي فزعتكم تكفون

يحق لك مايقرب ال٤ ساعات على ال ١٨ ساعة المطلوبه

loody911

2014- 1- 15 11:06 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة فوشيه مبرقعة (المشاركة 10345595)

يحق لك مايقرب ال٤ ساعات على ال ١٨ ساعة المطلوبه

عارف الله يرضى لي عليك لكن المشكله ان مهارات الاتصال تتعارض مع مواضيع خاصه في الاداره يعني ما اقدر اخذهم بنفس الترم اختبارهم في نفس الوقت ونفس اليوم ونفس الفتره يعني راح اخذ ترم تاسع زايد عشان هالماده الي من ساعه وحده وادرسها لحالها اعتقد حتى مرتبة الشرف بتروح علي عشان هالساعه

B A N D R

2014- 1- 15 11:16 PM

رد: ألحقوني يا أخواني أبي فزعتكم تكفون

عزيزي انا سمعت ان الجدول راح يتغير و إن شاء الله تستفيد من التعارض

الشي الثاني حاول ترسل للعميد يمكن يخلي اختبار احد المادتين فتره أولى

بالتوفيق

loody911

2014- 1- 15 11:20 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة b a n d r (المشاركة 10345670)

الله يجبر بخاطرك , بس للاسف هذا الجدول الجديد للفصل الثاني توه نازل في الخدمات الطلابيه للاسف شلون اراسل العميد ايميل او تويتر او شنو الوسيلة بالضبط

B A N D R

2014- 1- 15 11:26 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة loody911 (المشاركة 10345688)

عميد القبول والتسجيل
الدكتور/ محمد بن عبد الوهاب الفريدان
الهاتف: 5801762 (03)
تحويلة داخلية : 1220
بريد إلكتروني : malfredan@kfu.edu.sa

وهذا تويتر للفريدان والشعيبي

وهذا حساب الاستاذ احمد الشعيبي بتوتر @rrr898

وهذا حساب العميد د.عبدالله الفريدان @alfraidan

loody911

2014- 1- 15 11:51 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة b a n d r (المشاركة 10345713)

رحم الله والديك جعلك تنجح

loody911

2014- 1- 16 12:25 AM

رد: ألحقوني يا أخواني أبي فزعتكم تكفون

ما في احد عنده زي مشكلتي يا اخواني

سيدة الأسئلهـ

2014- 1- 16 01:02 AM

رد: ألحقوني يا أخواني أبي فزعتكم تكفون

.

^

إذا فعلا ماتغير الجدول فحالتك خاصة ولازم يسوون لك استثناء ك خريج ..

في حالة زي هذي يفترض تختبر المادتين بنفس الوقت

يعني تخلص من المادة الأولى وتختبر الماد الثانية وراها وبحدود الساعتين فقط :s

أدري صعبة بس ترى كذا يسووا بالانتظام للي يصير لهم تعارض ..

تخلص المادة الأولى وتروح ركض لقاعة المادة الثانية ><

وممكن تخلي الجامعة تتواصل مع مدير مركزك عشان يساعدك يزودونك وقت ويتعاملون معك تعامل خاص..

تواصل مع الفريدان بخصوص مشكلتك ع تويتر يرد بسرعة واقترح عليهم هالحل ..

وإن شاء الله تنحل مشكلتك ..موفق

Memo bnt nasser

2014- 1- 16 01:09 AM

رد: ألحقوني يا أخواني أبي فزعتكم تكفون

الله يسهل امرك وانشالله تلقى حل

loody911

2014- 1- 16 01:37 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة سيدة الأسئلهـ (المشاركة 10346090)

الله يرحم والديك شورك طيب فعلا نفس ما سمعت الانتظام كذا يسوون تواصل ع التويتر مع احمد الشعيبي قال ارسل ايميل للدكتور عااااااااجل وارسلت وان شاء الله يرد شكرا اختي سيدة الاسئلة

loody911

2014- 1- 16 01:38 AM

رد: ألحقوني يا أخواني أبي فزعتكم تكفون

memo_sss شكرا دعوتك هذي والله تكفيني شكرا من الاعماق جعلك تنجحين انتي بعد

غصن الوقت

2014- 1- 16 03:20 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة سيدة الأسئلهـ (المشاركة 10346090)

برافو عليك سيده هذا اللي كنت بقوله ومامعاك الا كذا اخوي وربي ييسر لك امرك يارب وتصير معجزه

زهرة شتاء!

2014- 1- 16 04:11 AM

رد: ألحقوني يا أخواني أبي فزعتكم تكفون

عليكم السلام ورحمة الله

طلع فيه احد مثلي كنت احسب بس انا لحالي :sm1:

شفت الجدول من شوي وضاق صدري طلع عندي تعارض بين بحوث الاعمال واخلاقيات الاعمال
ومدري شسوي غير اهون على نفسي اقول اكيد بيغيرون الجدول مو معقول بيخلونه كذا

FaHoOoDe

2014- 1- 16 04:45 AM

رد: ألحقوني يا أخواني أبي فزعتكم تكفون

مع احترامي هذي ماده تتاجل ؟؟؟؟

FaHoOoDe

2014- 1- 16 04:47 AM

رد: ألحقوني يا أخواني أبي فزعتكم تكفون

الي يقول تختبر بنفس الوقت النظام مايقبل يقولها هناك تعارض ماراح يسمح لها التسجيل بالبنر

lio45

2014- 1- 16 07:26 AM

رد: ألحقوني يا أخواني أبي فزعتكم تكفون

انا اتمني كل شخص يفصل جدوله علي كيفه يدخل ويقرا معاناتك علشان يتعظ
كم نصحت وتكلمت بهالموضوع ولاكن لاحياة لمن تنادي
والله مرت علي اختبارات يكون باليوم مادتين وتكرر هالشي يمكن 4 مرات ولاغيرت الجدول مشيت زي ماهو علشان لو صارت لخبطه يكون الغلط ع الجامعه ولي حجه

ماقول غير الله يعينك ويفرجها اعتقد بحالتك هذي راح تضطر تتاخر فصل

موفق

absentstar

2014- 1- 16 07:37 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة B A N D R (المشاركة 10345713)

.ايميل الفريدان ... اخبره ما في M في بدايته كما تراه بالاسفل !!

afridan@kfu.edu.sa

ابو الفهد

2014- 1- 16 07:48 AM

رد: ألحقوني يا أخواني أبي فزعتكم تكفون

السلام عليكم

كان الله في عونك اذا ماغيرو الجدول

لأني صاير معي نفس المشكلة في الفصل هذا

ورحت للجامعة في الاحساء وكلمت العميد بس مافي حل الى

تتأخر ترم انا اخرت ترم عشان مهارات اتصال لا وازيدك من الشعر بيت انا

ماخذها بالجامعة المفتوحة لكن راسل الشعيبي يمكن يغيرون الفترة

والله ييسر امرك ولا يصير لك الي صارلي

old	2014- 1- 16 08:08 AM

رد: ألحقوني يا أخواني أبي فزعتكم تكفون

انا نفس مشكلتك .. مدري كيف طلعت لنا هالمادة .. لازم نراسل العميد على وجه السرعة .

عبد حسين

2014- 1- 16 11:25 AM

رد: ألحقوني يا أخواني أبي فزعتكم تكفون

انا بعد عندي نفس المشكله

مادة نقود وبنوك / و نظرية المنظمات

خبر سيء

AL-ANZI

2014- 1- 16 11:28 AM

رد: ألحقوني يا أخواني أبي فزعتكم تكفون

حاول تاخذها بالصيفي اذا نزلوها

¶ المستحيل ¶

2014- 1- 16 11:47 AM

رد: ألحقوني يا أخواني أبي فزعتكم تكفون

الله يكون بعونك يالغالي ..

راسلهم وحاول تقترح انك تروح وتختبر عندهم ..
لو كلف الأمر ..

فيه شباب أعرفهم الله يهديهم ..
يأخذ ماده من مستوى ثالث وينزل
ماده من مستوى سابع ..
ليش وش السبب ..!؟
يقول أبي جدول اختباراتي مريح ..!

المشكلة لما أوضح له وانصحه باحتمالية التعارض ..
يكون رده باقي كذا سمسار ويمديني اضبط جدولي بكيفي ..!

لكل شخص ظروف ..
لكن الخطه ثم الخطه ثم الخطه لا تستهين فيها ...

الله يوفقك ويسهل عليك يارب ..
وإذا ضاقت عليك مره ولا فيه فايده ..
حاول تقسم السمستر الأخير ..
كل سمستر من ٣ إلى ٤ مواد ..
وتكون الأولوية للمواد اللي متأخر فيها ..
توزع جهودك .. وتركيز أكبر ..

لا تضغط نفسك بترم واحد ٧ مواد
وترم كامل عشان مهارات الاتصال ..!

مجرد رأي فكر فيه
في حاله عدم مقدرتك على التخرج بالسمستر القادم

loody911

2014- 1- 16 11:58 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة غصن الوقت (المشاركة 10346462)

برافو عليك سيده هذا اللي كنت بقوله ومامعاك الا كذا اخوي وربي ييسر لك امرك يارب وتصير معجزه

الله يسمع منك راسلنا الدكتور وبننتظر رده
الله يجزاك خير

lio45

2014- 1- 16 12:08 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة ¶ المستحيل ¶ (المشاركة 10347482)

فيه شباب أعرفهم الله يهديهم ..
يأخذ ماده من مستوى ثالث وينزل
ماده من مستوى سابع ..
ليش وش السبب ..!؟
يقول أبي جدول اختباراتي مريح ..!

المشكلة لما أوضح له وانصحه باحتمالية التعارض ..
يكون رده باقي كذا سمسار ويمديني اضبط جدولي بكيفي ..!

لكل شخص ظروف ..
لكن الخطه ثم الخطه ثم الخطه لا تستهين فيها ...

صح لسانك هذا كلام العقل لاكن للاسف مو كل الناس تفهم وتستوعب النصيحه

loody911

2014- 1- 16 12:09 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة ¶ المستحيل ¶ (المشاركة 10347482)

اب

هلابك والله رايك سديد فعلا في حال لا سمح الله وما انحلت المشكله وتاكدت ان ما راح ينزلون بالصيف مهارات اتصال راح اقسم المواد ع الترمين الجايين فكره سديده بارك الله فيك

loody911

2014- 1- 16 12:12 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة زهرة شتاء! (المشاركة 10346531)

عليكم السلام والرحمة الله يكون بعوننا من جد والله اني انهميت راسلي الدكتور زيي وشوفي وش ردة

loody911

2014- 1- 16 12:14 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة fahooode (المشاركة 10346577)

مع احترامي هذي ماده تتاجل ؟؟؟؟

والله العظيم مدري شلون اجلتها بدون سبب ناسيها سقطت سهوا والا انا ماشي ع الخطه هي الماده الوحيده الشاطحه والحمدلله ع كل حال ادري ما يقبل النظام عشان كذا راسلت الدكتور وانتظر رده الانتظام زي ما قالوا الاخوال عادي عندهم ورقه من الدكتور ويختبر المادتين ياخد بريك بينهم ربع ساعه بالكثير

loody911

2014- 1- 16 12:16 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة lio45 (المشاركة 10346809)

لا يا شيخ فال الله ولا فالك ان شاء الله القى لها حل والله مدري شلون سحبت عليها هالماده النشبة بدون سبب والا ماشي ع الخطه زي الحلاوه بس قدر الله وما شاء فعل

loody911

2014- 1- 16 12:18 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة absentstar (المشاركة 10346829)

.ايميل الفريدان ... اخبره ما في m في بدايته كما تراه بالاسفل !!

afridan@kfu.edu.sa

لا هنت وانا اخوك راسلته وبشوف من هنا الى بكره في الليل ان كان ما رد الله يعنني انقز له الاحد ان كان مداوم بعد

loody911

2014- 1- 16 12:22 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة ابو الفهد (المشاركة 10346851)

عليكم السلام يا رجال انت وش وتقول من جدك نفسي مشكلتي ورحت للعميد وما في حل عز الله رحنا فيها
اللهم لا حول ولا قوة الا بالله هذي والله الورطه ياخي مستعد اختبر مادتين في نفس الوقت ولمدة ساعتين عادي انا اوقع لهم واكتب تعهد ع نفسي وش بلاهم ذولا الله المستعان لا بروح له والله واتفاهم معه ياخي يسروا ولا تعسروا كان تمشي مشها يالفريدان وان كان ما تقدر دفها وادفها معك بس خلصنا

loody911

2014- 1- 16 12:23 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة old (المشاركة 10346890)

انا نفس مشكلتك .. مدري كيف طلعت لنا هالمادة .. لازم نراسل العميد على وجه السرعة .

أي والله تكفى وانا خوك ورد لي تكفى اذا رد عليك

loody911

2014- 1- 16 12:25 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة عبد حسين (المشاركة 10347417)

انا بعد عندي نفس المشكله

مادة نقود وبنوك / و نظرية المنظمات

خبر سيء

بعد انت ههههههههه اللي يهونها علي اني موب انا الحالي اللي فاهي يااااااكثر المفهين كان الله بعوننا يبي لنا نأسس اول نادي للفاهين المفهين بالجامعه

عبد حسين

2014- 1- 16 01:13 PM

رد: ألحقوني يا أخواني أبي فزعتكم تكفون

انا رسلت الى الدكتور محمد الفريدان
و رد عليي بسرعه

وقال لي هدا الموضوع ليس لنا علاقه فيه ... هذا الموضوع مع عميد الكلية والرجاء التواصل معهم لحل مشكلتك.

malfredan@kfu.edu.sa

هدا الايميل الصحيح حق الدكتور محمد الفريدان ب m

واذا في احد يعطينا ايميل عميد الكلية نكون له من الشاكرين

KFU STUDENT

2014- 1- 16 04:03 PM

رد: ألحقوني يا أخواني أبي فزعتكم تكفون

الله يسهل امرك والجميع

نُـوْوتْ

2014- 1- 17 04:11 AM

رد: ألحقوني يا أخواني أبي فزعتكم تكفون

أنا بعد ناشبة لي مهارات الإتصال ولازم أخذها السمستر هذا أو بتوهق مثلك .. الله يكون بعونك

لازم تحاول بالجامعة إما تكون صيفي أو يراعونك وتختبرهم بنفس اليوم .. طمنا وش صار معك

loody911

2014- 1- 17 10:28 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة عبد حسين (المشاركة 10347772)

راسلت الدكتور عبدالله عبدالوهاب الفريدان رئيس قسم اللغة الانقليزيه وعميد التعليم عن بعد قال لي بالحرف الواحد للاسف لا نستطيع تغيير موعد الاختبار سألته عن الترم الصيفي قال لم يقر بعد

loody911

2014- 1- 17 10:30 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة نُـوْوتْ (المشاركة 10351421)

والله وانا اخوك حاولت مع الفريدان قال ما نقدر نغير موعد الاختبار وما بعد نقرر الترم الصيفي ما ادري وش السواة والظاهر اني ان شاء الله يوم الاحد بصبحهم في الحسا لعل وعسى بس يوافقون اختبرهم مع بعض مهارات الاتصال بسيطه ما يحتاج لها وقت طويل الله يكون بالعون

old	2014- 1- 17 11:31 AM

رد: ألحقوني يا أخواني أبي فزعتكم تكفون

"للاسف اخي الكريم لايمكن التغيير "

هذا رد عميد التعليم عن بعد .. وش الحل يا جماعة ؟

أبو تركي الرياض

2014- 1- 17 01:46 PM

رد: ألحقوني يا أخواني أبي فزعتكم تكفون

أتمنى أن يكون الجدول ثابت لجميع المستويات وأن لا يكون هناك تغيير
لكي لا يحصل لخبطه أو تعارض .

zdaal5

2014- 1- 17 02:53 PM

رد: ألحقوني يا أخواني أبي فزعتكم تكفون

اخوي ما إلك الإ تبعث تويتر للفريدان بمشكلتك الحين وتقترح عليه انه يغيروا يوم اختبار مادة الإتصالات من اليوم الخامس (السبت) إلى اليوم السادس (الأحد) الفترة الأولى حتى ما تتعارض مع المستويات الأخرى . وحتى لو كان عندك مادتين ورا بعض ما في مشكلة لان مهارات الإتصالات مادة حليوة وسهلة ، وحرام تسجل فصل كامل ويتأخر التخرج بسبب مادة واحدة

zdaal5

2014- 1- 17 03:19 PM

رد: ألحقوني يا أخواني أبي فزعتكم تكفون

أنا آسف أخوي قصدي تغيير وقت الإختبار من اليوم الرابع الفترة الثانية لليوم الخامس الفترة الأولى حتى ما تتعارض مع وقت اختبار باقي المستويات

زهرة شتاء!

2014- 1- 17 03:22 PM

رد: ألحقوني يا أخواني أبي فزعتكم تكفون

رسلت للفريدان والشعيبي وللحين محد رد علي .. !!!!
انا قلت مشكلتي لاستاذ اعرفه بجامعه سعود ..
قالي الطالب اللي بيتخرج يحق له يقدم استثناء ويختبر الماده بنفس ترم التخرج بس لازم يقدم من بدري
والنتيجه اللي انا اشوفها مع هالجامعه من البدايه رافضه ..
حسبي الله ونعم الوكيل ولاحول ولاقوة الا بالله

zdaal5

2014- 1- 17 09:15 PM

رد: ألحقوني يا أخواني أبي فزعتكم تكفون

يبدو ان الفريدان والشعيبي ما بيدهم شي يعني ما يقدرو يحلوا او يربطوا ، لازم التواصل يكون مع عميد الكلية نفسه لانه حرام يتأخر التخرج بسبب مادة واحدة كنه عقاب للطالب

511	2014- 1- 17 10:42 PM

رد: ألحقوني يا أخواني أبي فزعتكم تكفون

الله يكون بعونك مالك غير عميد الجامعة راح له واشرح له اون شاء الله يساعدك

هذا الي خايف منه الله يستر من القادم

cod33cod

2014- 1- 18 02:52 AM

رد: ألحقوني يا أخواني أبي فزعتكم تكفون

للاسف انا عندي تعارض في اليوم الاول بين قضايا ثقافية معاصرة و المادة ثقيلة الدم رياضيات ٢ و ارسلت للعميد طلب تغيير يوم احدهم او تغيير الفترة و رد انه غير ممكن تسجيل مادتين متعارضتين الله يعين ادرس ترم اضافي و الصراحة ان الجامعة اخطئت بتأخير نزول خطتنا الدراسية و ضعنا

loody911

2014- 1- 18 08:59 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة zdaal5 (المشاركة 10352371)

مقترح جميل وغدا جميل وانا غدا باذن الله رايح للحسا بقابله وجها لوجه وبقدم له هالمقترح اذا فعلا زي ما قلتي اذا صار اختبار مهارات الاتصال اليوم الخامس ما تتعارض مع باقي المستويات يضيق صدري اذا فتحت الجدول بعتمد ع الله ثم كلامك

loody911

2014- 1- 18 09:01 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة زهرة شتاء! (المشاركة 10352382)

نفس كلامك قال لي دكتور في جامعتنا بس بشوف بكره شنو بيقول لي عسى الله ان يسخره لنا

loody911

2014- 1- 18 09:03 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة zdaal5 (المشاركة 10353122)

الشكوى لله ونا اخوك لكن لعل في الامر خير

loody911

2014- 1- 18 09:06 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة cod33cod (المشاركة 10354069)

والله يا اختي كلامه صحيح فنيا طبيعي نظام البانر ما يقبل اتوماتيكيا لكن من اوجد النظام ووضعه هم يعني اكيد فنيا يقدرون يسجلون ويحذفون ويفتحون شعب هذا دور مسجل الجامعه

loody911

2014- 1- 18 09:07 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة 511 (المشاركة 10353371)

الله يكون بعونك مالك غير عميد الجامعة راح له واشرح له اون شاء الله يساعدك

هذا الي خايف منه الله يستر من القادم

الله يجزاك خير ويرحم والديك بكره ان شاء الله ما راح اخلي باب والا واطقه والله يكتب اللي فيه الخير

loody911

2014- 1- 18 09:46 AM

رد: ألحقوني يا أخواني أبي فزعتكم تكفون

فعلا يا اخواني مقترح الاخت zdaal5 بخصوص تغيير وقت اختبار مادة مهارات الاتصال الى اليوم الخامس الفترة الاولى مقترح جدا جميل بحيث ما تتعارض مع أي مادة في جميع المستويات ابدا بتاتا البته اللي متضرر من هالماده بليز بليز بليز يسوي موضوع جديد ويحاول يجمع الاصوات بسرعه عشان انا بكره ان شاء الله رايح للعميد والله تعبت نفسيا مالي خلق انزل أي موضوع او اتابع شيء فزعتكم

Maistro

2014- 1- 18 11:14 AM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة loody911 (المشاركة 10354677)

ربي يفرج همك اخوي ويكون بعونك ..
ولكن احب اختصر لك علشان ما تتعب عمرك ، صديقي تخصص انجليزي حصلت معه نفس التعارض في مادتين بنفس اليوم ونفس الفترة ، وكلممم وحاول ولكن بدون فايدة ، وهو الان بينتظر الفصل الجاي علشان ياخذ المادة ويتخرج .
انا اااسف ما ابي احطمك او اكسر مجاديفك ، ولكن ابيك تهونها على نفسك تهوون باذن الله.
وتعيش الواقع وتحاول ولكن بدون ما تكون ردت الفعل عليك قووية لو ما تمت الموافقة على طلبك.

رغمم ان جامعة الامام ترعى مثل هذه الظروف وجعلت طالب يختبر اربع ساعات متواصله على طاوله وحده لمادتين لانه خريج.

وربي يوفق الجميع ، وتقبلوا تحياتي

Du3a2.4114

2014- 1- 18 12:08 PM

رد: ألحقوني يا أخواني أبي فزعتكم تكفون

اذا ما رضو يغيرون لاتاجل مهارات الاتصال اجل موضوعات خاصه لان يمكن يحطونها صيفي بما انها مستوى ثامن
الله ييسر امرك ويكتب لك التخرج مع دفعتك

سععد	2014- 1- 18 01:15 PM

رد: ألحقوني يا أخواني أبي فزعتكم تكفون

الله يكون في عونك اذا لا سمح الله مالقيت حل اقسم موادك الحاليه وخلها مع الماده اشا ن تشد حيلك وتاخخذ ممتاز
والخيره فيما اختاره الله

زهرة شتاء!

2014- 1- 18 06:55 PM

رد: ألحقوني يا أخواني أبي فزعتكم تكفون

ارسلت لمحمد الفريدان وقالي كلمي العميد !

الحين يقصد مين العميد هل هو عبدالله الفريدان حق التعليم عن بعد .. ولا عميد كليه ادارة الاعمال ؟؟

loody911

2014- 1- 18 07:45 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة زهرة شتاء! (المشاركة 10356044)

يقصد بالعميد اللي هو الدكتور عبدالله عبدالوهاب الفريدان عميد التعلم الالكتروني والتعليم عن بعد
afridan@kfu.edu.sa
@alfraidan تويتر

loody911

2014- 1- 18 07:46 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة سععد (المشاركة 10355063)

والله ما ادري جالس اقلبها يمين ويسار عسى الله يكتب اللي فيه الخير الله لا يهينك مشكور يا خوي

loody911

2014- 1- 18 07:47 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة du3a2.4114 (المشاركة 10354911)

ما ادري والله يا اختي لان الصيف اللي راح ما نزلوا ولا ماده من مواد التخصص

loody911

2014- 1- 18 07:49 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة maistro (المشاركة 10354813)

الله يجزاك خير ويرحم والديك لا انا عندي امل ان موضوعي بينحل ان شاء الله واذا ما تم لا سمح الله فقدر الله وما شاء الله فعل لعلها خيره لا هنت ع كل حال ع هالكلام الجميل

زهرة شتاء!

2014- 1- 18 08:56 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة loody911 (المشاركة 10356197)

رسلت للفريدان وقالي لايمكن تسجيل مواد متعارضه
حتى ماكلف على نفسه يتناقش بالموضوع

الظاهر مافيه حل غير اني اقدم خطاب لمدير الجامعه

راهي الحس

2014- 1- 19 01:43 AM

رد: ألحقوني يا أخواني أبي فزعتكم تكفون

الله يكون في عونك وييسر أمرك.

أنا أجلت مادة نظم المعلومات الأدارية من مستوى ٣ وناوي أخذها هالترم لاني خريج

ولقيتها بنفس يوم أخلاقيات الأعمال بس الحمدلله طلعت تختلف بالفترة .

لعينيك أمي

2014- 1- 19 12:05 PM

رد: ألحقوني يا أخواني أبي فزعتكم تكفون

الله يسهل امرك
تواصل مع العميد وان شاء الله
يساعدونك
موفق

لعينيك أمي

2014- 1- 19 12:07 PM

رد: ألحقوني يا أخواني أبي فزعتكم تكفون

يووو شلون كذا اجل هذا رد
من العميد
برايي حاول ولاتيأس وان شاء الله
مابيضيع لك تعب
دعواتي لك

loody911

2014- 1- 19 05:04 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة زهرة شتاء! (المشاركة 10356413)

اليوم كنت بمكتبه انتظري مني الليله موضوع جديد بخصوص رده والخطوه القادمه اللي بتحذها باذن الله

زهرة شتاء!

2014- 1- 19 08:25 PM

رد: ألحقوني يا أخواني أبي فزعتكم تكفون

اقتباس:

المشاركة الأصلية كتبت بواسطة loody911 (المشاركة 10360652)

اليوم كنت بمكتبه انتظري مني الليله موضوع جديد بخصوص رده والخطوه القادمه اللي بتحذها باذن الله

تفائلت بردك .. ان شاءالله خير يارب
وانا منتظرتك

old	2014- 1- 21 12:07 PM

رد: ألحقوني يا أخواني أبي فزعتكم تكفون

عسى الله يعوض تعبنا .. انا مضطر بعد رفض الجامعة ان اقسم المواد على فصلين وعلها خيرة .

old	2014- 1- 27 10:53 PM

رد: ألحقوني يا أخواني أبي فزعتكم تكفون

ربما تفرج عما قريب ، دعواتكم

http://f.cl.ly/items/3Q432o252b1m222...8E.45%20PM.png

All times are GMT +3. الوقت الآن حسب توقيت السعودية: 03:44 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه