المشاركة الأصلية كتبت بواسطة حـــــلا الورد

يسعد مساآكـ ,,




* موقف في أيام الأختبار :
في اختبار التعاقد والتفاوض ,, جلست على مقعد في أخر الفصل ,, كالعادة , و الاسئله لسا ما توزعت , وبدأت أعبي البيانات على ورقة الاجابه وبعد ما خلصت بشوي توزعت الاسئلة لين جا دوري ,,,,, قالت لي المراقبه : أنتظري اجيب لك نموذج من الفصل الثاني ,, قلت لها :أوكي ,
وأنتظر ,
وأنتظر ,
وأنتظر ,
كل ما أسأل المراقبه الموجوده في الفصل تقول شوي وبتجي ,,
لين مرت نص ساعه على بداية الاختبار ,,
إلا تجيني مراقبه ثانية تقول لي : نعتذر منك النموذج المطابق للورقة الاجابه الي عندك خلص ! تفضلي ورقة اجابه ثانيه !


مـــــــــــــا أوصف لكم الشعور وقتها ,,


قلت لها : اذا تسمحي لي حأحل الاسئله أول شي بعدين أعبي البيانات ,,
سكتت شوي على أساس بتعترض ,, بعدين وافقت .. وحل ي معلمـ ..< هههههه صارت روايه


* بالنسبه للفائدة :
أكيد الحمد لله إستفدت جدا خصوصا بالمواد الي تتعلق بالإدارة والمالية ,, رغم اني ما كنت مقتنعه بالتخصص من البداية لكن مع الدراسه حبيته والحمد لله حاليا الوضع تمام


أشكركـ اخوي وهم على هالمبادرة
حنفتقد مثل كذا مبادرات ,,
و الله يبشرنا جميعا بأعلى الدرجات يارب العالمين ,


تحياتي

المشاركة الأصلية كتبت بواسطة فايز الناجم

تحية للجميعتدرون وش اكره شي بالإختبارات كتابة معلوماتي بالنموذج وخاصه انا اقر انا هذا المعلومات صحيحه..........
صرت اكتبها زي وصفت دكتور ما ادري انا وش كاتب ولا فيه احد يقدر يقراهاااا

المشاركة الأصلية كتبت بواسطة karom

اكثر شي عانيت منه ان اسمي طويل 😂😂
اجلس بالتظليل ساعه
بس بالاترام الاخيرهرمن زود الخبره صرت اظلل الحروف بالعكس 🙈

المشاركة الأصلية كتبت بواسطة amona33

أنا بنسبه اني اكمل دراستي كان حلم
ومع الزواج و البيت كنت جالسه أيامي تمضي وعمري يمشي وانا ما حققت شيء
فكره اني اكمل تعليمي و حابه تخصص الاداره اعمال
و الحمدالله بفضل من الله ومنه وكرمه علي كملت واصرار مني
اصعب اختباراتي كنت في فتره النفاس في طفلي الثاني
وكنت ناسيه جدا موضوع الاختبارات كاني في غيبوبه
وفجأة صحيت منها كان عندي 6 مقررات ولا عارفه من وين ابتداء من وين انتهي
كنت فتره صعبه بنسبه لي بس عدت بحمل مقرر من اصل 6
اجمل شعور ان الانسان يكون عنده هدف وطموح ويحققه مهما كانت الصعوبات الي يمر فيها .

المشاركة الأصلية كتبت بواسطة gnoony

يسعد صباحكم ياحلوين
اول شي انا ماكن ميولي هذا التخصص من الأول بس الظروف ونظره اهلي للمجال (الطب) خلتني اتوقف عن التفكير بذا التخصص وبعدها عندت وقلت مابي ادرس بعد فتره دخلت انتساب وكان في تخصصات وكلها نهايتها مدرسه وكذا وانا اكره شي اسمه تدريس المهم اخترت اداره مو حب بتخصص بس لانه مجاله واسع موتدريس




اول سمستر كنت ضايعه كثير ماعرف النظام ولا اعرف ايش اسوي شوي صرت اتعلم وبصدفه اذكر شخص نسيت نكه بالتوتير كان قالي عن الملتقى هذا وماكنت احسبه منتدى بعد ههههههه جلست أقول وش هالملتقى بالله حق الجامعه لين بحثت وعرفت وسجلت هنا اول سمستر كنت كثير اتابع وقليل أشارك أمم ماكنت اعرف نظام الملتقى ذا ولاشي المهم تعرفت ع مجموعه بنات تواصلنا كان مسن >طلع غبار واتفقنا نلتقي بأول يوم وتبادلنا الأرقام كان اول لقاء غيرر جمعه وكذا ونعرف عن بعض وجينا بدري وصرنا كذا كل اختبارات من البنات الي عرفتهم لحن اقرب وحده لي ولين الحين باقي معي من اول سمستر لاخر سمستر الله يوفقها يارب وتتخرج , اول وحده عرفتها هنا اشواق وجنون الحياه بعد ماقصرو معنا بأول سمستر عرفونا ع شغلات كثير
حبيت الملتقى كثير لدرجه ادمنته وكل وقتي فيه هذيك الفتره بس مع الظروف ابتعدت عنه اممم الغريب اني مااعرفتكم بالمستويات الأولى هههههه وينكم ؟!

المشاركة الأصلية كتبت بواسطة gnoony

في بدايات السمسترات الأولى كان معنا مجموعه الله يذكرهم بالخير من بنات وشباب وكان لهم مجهود معنا ولاقصرو بشي منهم بعيد النظره , بحر العطاء , هيفاء , عاشق حرف m ,جنون الحياه ,بوسي كات , اشواااق وكثثير يمكن ذاكرتي ماتسفعني بنكاتهم لاكن أقول لهم شكرا من كل قلبي لكل شي سوه لنا من تعليم وشروحات وخطط ومعلومات ...


بعد الفتره ذي طبعا افترقت عن مجموعتي الأولى ومابقى معي منهم الا لحن تعرفت ع مجموعه بنات جديده هالمجموعه ولا وحده منهم بنفس منطقتي لاكن كانو مجموعه ولا أروع ربي يسعدهم كااننا خوات مايبخلون بشي من معلومه ولامشوره وكنا مع بعض بكل شي بسراء والضراء بالفرح والحزن في منهم شافو بعض ومنهم لا كنا نخطط انه نلتقي بعد التخرج ومادري الله راح يكتب لنا او لا بس أي لافيوو دفعتي الجميله من بينهم هيفاء hope امجاد تناهيد وكثير ماعرف نكاتهم هنا الله يسعدهم ويوفقهم يارب والف مبروك للي تخرجو والي باقي اسال الله ان يوفقهم

المشاركة الأصلية كتبت بواسطة قلم طموح

امممم انا كنت قبل ما ادخل دي الجامعه دارسه بكالريوس لغه عربية من جامعه طيبه ومتخرجه بتقدير جيد جدا بس لاني ماكنت حابه التخصص ولا حابه التدريس قمت افتش عن نفسي دخلت دبلوم عالي تربيه خاصه قسم تخلف عقلي درست ترم واحد بس ماقدرت اكمل فيه تعبت نفسيا وتركته..واللي درسو معايا عينتهم الجامعه معيدات في قسم تربية خاصه ..وجلست فتره في البيت افتش عن ميولي وبعدها سجلت دورة سكرتاريا واعمال مكتبيه ثلاث اشهر وكان فيها كم درس محاسبه وكم درس دراسه جدوى وادارة مشاريع ولقيت نفسي هناااا حتى اللي تعطينا الدورة كانت دكتورة من قسم ادارة الاعمال في جامعه عبدالعزيز ..وقالت لي بالحرف الواحد انتي مكانك هناااا وشخصيتك في دا المجال..واستغربت كيف دخلت لغه عربيه..المهم بعد ماخلصت الدوره بشهرين بدأت تطلع اخبار عن نظام التعليم عن بعد وبدأت اقرا واتفحص واشاور نفسي انو اعيد دراستي الجامعيه مره تانيه ...وهنا كانت المشكله ((ضرب من الجنون انه الشخص يخلص بكالريوس ويعيده)) وبدأ اول ترم من النظام دا وانا مترقبه وضعه في البلد ..الترم التاني اخدت قرار اني اسجل ..كلمت زوجي ورفض في البدايه ..كيف تعيدي دراستك ابحثي عن ماجستيير وطبعا اهلي كمان نفس الرأي ..
حااولت اقنعه الى نهايه اول سنه في دا النظام ..وافق مشكووورا خصوصا ان الموضوع فيه رسوم وهو ماهو ملزم فيها لانه شي زايد وعندي شهاده ..
ثالث ترم من دا النظام كنت من الملتحقين ولله الحمد ..وقررت ما اقول لاي احد اني ادرس عشان ما احد يحطمني وينتقدني ..وبدأت اتعلم بسرعه وكل شي كان جنووني وكان عندي شغف كبير وتحدي لاني كنت قسم ادبي وما اعرف افك الخط في الرياضياات وعندي اطفال ..والحمدلله تجاوزت كل شي بفضل الله ثم بالاجتهاد والاصرار وخلصت المستوى الاول بمعدل 4.75
هنا انا امنت بنفسي و زوجي وثق بقدراتي وقام يشجعني ..والحمدلله كل ترم احصل على الامتياز في كل المواد..
مستوى رابع اجلته لان كان موعد ولادتي يوافق الاختبارات النهائيه..وكملت بعدها معاكم لان دفعتي سبقتني ..
والحمدلله الان انا جدااا سعيدة بقراري المجنون وجدا فخوره بنفسي وجدا سعيدة بمعدلي ان شاء الله راح يفتحلي ابواب كثيرة ..
وجدا سعيدة بهذا الملتقى اللي ماننسى فضله جميعا..

طبعا ماعرفت طالبات من مدينتي لان مركزنا واحد وصغير واجي على وقت الاختبار تماما وزوجي ينتظرني على الباب اول ما اخلص اطلع فورا فما كان فيه فرصه للتعرف ابدا ..بس اعتقد العدد كان جدا قليل لادارة الاعمال افتكر اول مستويات كانو مايتجاوزو خمسه والباقي اداب..
عذرا على الاطاله ..بس احس لسى باقي كلام